This document is an excerpt from the EUR-Lex website
Document 32004D0761
2004/761/EC: Commission Decision of 26 October 2004 laying down detailed rules for the application of Council Directive 93/24/EEC as regards the statistical surveys on cattle population and production (notified under document number C(2004) 4091)Text with EEA relevance
Id-Deċiżjoni tal-Kummissjoni tal- 26 ta' Ottubru 2004 li tistabbilixxi dispożizzjonijiet ta' applikazzjoni tad-Direttiva 93/24/KEE tal-Kunsill fir-rigward ta' l-istħarriġ statistiku fuq il-bhejjem u l-produzzjoni tas-settur tal-bovini (innotifikata fid-dokument bin-numru C(2004) 4091) Test b'relevanza għaż-ŻEE.
Id-Deċiżjoni tal-Kummissjoni tal- 26 ta' Ottubru 2004 li tistabbilixxi dispożizzjonijiet ta' applikazzjoni tad-Direttiva 93/24/KEE tal-Kunsill fir-rigward ta' l-istħarriġ statistiku fuq il-bhejjem u l-produzzjoni tas-settur tal-bovini (innotifikata fid-dokument bin-numru C(2004) 4091) Test b'relevanza għaż-ŻEE.
ĠU L 337, 13.11.2004, p. 64–69
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 267M, 12.10.2005, p. 296–301
(MT)
In force: This act has been changed. Current consolidated version: 01/01/2007
12.10.2005 |
MT |
Il-Ġurnal Uffiċjali ta’ l-Unjoni Ewropea |
296 |
ID-DEĊIŻJONI TAL-KUMMISSJONI
tal-26 ta' Ottubru 2004
li tistabbilixxi dispożizzjonijiet ta' applikazzjoni tad-Direttiva 93/24/KEE tal-Kunsill fir-rigward ta' l-istħarriġ statistiku fuq il-bhejjem u l-produzzjoni tas-settur tal-bovini
(innotifikata fid-dokument bin-numru C(2004) 4091)
(Test b'rilevanza għaż-ŻEE)
(2004/761/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 93/24/KEE tal-Kunsill ta' l-1 ta' Ġunju 1993 dwar l-istħarriġ statistiku li għandu jitwettaq fil-qasam tal-produzzjoni tal-bovini (1), u b'mod speċjali l-paragrafi 2 u 3 ta' l-Artikolu 1 tagħha, il-paragrafu 2 ta' l-Artikolu 2 tagħha, il-paragrafu 2 ta' l-Artikolu 3 tagħha, l-Artikolu 6 tagħha, il-paragrafi 1 u 2 ta' l-Artikolu 8 tagħha, il-paragrafu 3 ta' l-Artikolu 10 tagħha, u l-paragrafu 2 ta' l-Artikolu 12 tagħha,
Billi:
(1) |
Id-Deċiżjoni 94/433/KE tal-Kummissjoni tat-30 ta' Mejju 1994 li tistabbilixxi dispożizzjonijiet ta' applikazzjoni tad-Direttiva 93/24/KEE tal-Kunsill fir-rigward ta' l-istħarriġ statistiku fuq il-bhejjem u l-produzzjoni tas-settur tal-bovini (2) ġiet modifikata diversi drabi. |
(2) |
Għall-eżekuzzjoni ta' l-istħarriġ maħsub fid-Direttiva 93/24/KEE, hemm il-bżonn ta' definizzjonijiet preċiżi. Għalhekk, jaqbel li jiġi stabbilit liema rziezet se jidħlu fil-qasam mistħarreġ. Barra minn hekk, jaqbel li jiġu definiti b'mod preċiż il-kategoriji differenti għat-tqassim tar-riżultati ta' l-istħarriġ kif ukoll il-kategoriji skond il-kobor tal-mandriet u s-subdiviżjonijiet territorjali li fuq il-bażi tagħhom l-Istati Membri jiġbru r-riżultati ta' l-istħarriġ statistiku li jwettqu b'intervalli regolari. Sabiex jiġu stabbiliti l-istatistiċi tal-qtil tal-bhejjem jaqbel li tkun disponibbli definizzjoni unika tal-piż tal-karkassa. |
(3) |
Skond id-Direttiva 93/24/KEE, l-Istati Membri jistgħu, fuq talba tagħhom, ikunu awtorizzati biex iwettqu l-istħarriġ tax-xhur ta' Mejju/Ġunju jew Novembru/Diċembru f'reġjuni magħżula bil-kondizzjoni li dan l-istħarriġ jittratta dwar mill-inqas 70 % tal-mandriet bovini. L-Istati Membri li l-mandriet bovini tagħhom jirrappreżentaw biss persentaġġ baxx tat-total tal-mandriet tal-bhejjem tal-Komunità jistgħu, fuq talba tagħhom, ikunu awtorizzati biex jirrifjutaw totalment l-istħarriġ ta' Mejju/Ġunju jew Novembru/Diċembru jew li jipproċedu għat-tqassim reġjonali għar-riżultati definittivi ta' l-istħarriġ ta' Mejju/Ġunju. Fl-aħħar l-Istati Membri jistgħu, fuq talba tagħhom, ikunu awtorizzati biex jipproċedu għat-tqassim stipulat skond il-kategoriji tal-kobor tal-mandriet għar-riżultati ta' l-istħarriġ ta' Mejju/Ġunju. |
(4) |
Iddaħħlu talbiet relattivi għall-possibilitajiet differenti ta' deroga mill-Istati Membri. |
(5) |
Minħabba l-adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja, hemm bżonn li jsir ċertu addattar tekniku u li jinfirxu ċerti derogi għal dawn l-Istati Membri ġodda. |
(6) |
Ir-Regolament (KE) Nru 1059/2003 tal-Parlament Ewropew u tal-Kunsill (3) jistabbilixxi nomenklatura komuni ta' l-unitajiet territorjali statistiċi (NUTS) għall-Istati Membri; għalhekk, jaqbel li l-livelli reġjonali definiti fil-passat jiġu sostitwiti bin-nomenklatura l-ġdida NUTS. |
(7) |
B'hekk, jaqbel li d-Deċiżjoni 94/433/KE tkun revokata |
(8) |
Din id-Deċiżjoni taqbel ma' l-opinjoni tal-Kumitat Permanenti ta' l-Istatistika Agrikola, |
ADOTTAT DIN ID-DEĊIŻJONI:
Artikolu 1
1. Razzett, fis-sens tal-paragrafu 2 ta' l-Artikolu 2 tad-Direttiva 93/24/KEE, hu unità tekniko-ekonomika taħt tmexxija unika u li tipproduċi prodotti agrikoli.
2. L-istħarriġ maħsub fil-paragrafu 1 ta' l-Artikolu 1 tad-Direttiva 93/24/KEE jittratta dwar:
a) |
l-irziezet li l-uċuħ tagħhom huma ta' ettaru jew iktar; |
b) |
l-irziezet li l-uċuħ tagħhom huma ta' inqas minn ettaru, jekk jipproduċu f'ċertu qies għall-bejgħ jew jekk l-unità ta' produzzjoni tagħhom taqbeż ċerti limiti fiżiċi. |
3. L-Istati Membri li jixtiequ jużaw limitu ieħor għall-istħarriġ tagħhom jintrabtu li jistabbilixxu dan il-limitu b'tali mod li jiġu esklużi biss l-iżgħar irziezet li l-kontribuzzjoni tagħhom fil-marġini totali standard — fis-sens tad-Deċiżjoni 85/377/KEE tal-Kummissjoni (4)— ta' l-Istat Membru konċernat hi globalment ta' l-iżjed 1 %.
Artikolu 2
Id-definizzjonijiet tal-kategoriji tal-bovini maħsuba fil-paragrafu 1 ta' l-Artikolu 3, fil-paragrafu 2 ta' l-Artikolu 10, u fil-paragrafu 2 ta' l-Artikolu 12 tad-Direttiva 93/24/KEE jidhru fl-Anness I ta' din id-Deċiżjoni.
Artikolu 3
Għas-subdiviżjonijiet territorjali maħsuba fil-paragrafu 1 ta' l-Artikolu 6 tad-Direttiva 93/24/KEE, l-Istati Membri jsegwu l-livell tan-nomenklatura komuni ta' l-unitajiet territorjali statistiċi (NUTS) definit fl-Anness II ta' din id-Deċiżjoni. Huma eżentati milli jistabbilixxu riżultati għar-reġjuni li l-mandriet bovini tagħhom jammontaw għal inqas minn 1 % tat-total tal-mandriet tal-bovini fin-nazzjon.
Artikolu 4
Il-kategoriji tal-kobor tal-mandriet maħsuba fil-paragrafu 1 ta' l-Artikolu 8 tad-Direttiva 93/24/KEE jidhru fl-Anness III ta' din id-Deċiżjoni.
Artikolu 5
Il-piż tal-karkassa maħsub fil-paragrafu 1 ta' l-Artikolu 10 tad-Direttiva 93/24/KEE hu l-piż tal-friża tal-karkassa ta' annimal imbiċċer wara li jitqaxxar, li jiġi żvinat, li jitneħħew l-imsaren u l-organi ġenitali ta' fuq barra, it-tarf tad-dirgħajn fix-xikel, ir-ras, id-denb, il-kliewi u l-grass tal-kliewi kif ukoll il-bżieżel.
Artikolu 6
1. Il-lista ta' l-Istati Membri awtorizzati biex iwettqu l-istħarriġ tax-xhur ta' Mejju/Ġunju jew Novembru/Diċembru f'reġjuni magħżula, taħt riserva li dan l-istħarriġ jittratta dwar mill-inqas 70 % tal-mandriet tal-bovini, tidher fl-Anness IV punt a) ta' din id-Deċiżjoni.
2. Il-lista ta' l-Istati Membri awtorizzati biex iwettqu biss l-istħarriġ ta' Novembru/Diċembru tidher fl-Anness IV punt b) ta' din id-Deċiżjoni.
3. Il-lista ta' l-Istati Membri awtorizzati biex jipproċedu għat-tqassim reġjonali għar-riżultati definittivi ta' l-istħarriġ ta' Mejju/Ġunju tidher fl-Anness IV punt ċ) ta' din id-Deċiżjoni.
4. Il-lista ta' l-Istati Membri awtorizzati biex jipproċedu għat-tqassim stipulat skond il-kategorija tal-kobor tal-mandriet għar-riżultati ta' l-istħarriġ ta' Mejju/Ġunju tidher fl-Anness IV punt d) ta' din id-Deċiżjoni.
Artikolu 7
Id-Deċiżjoni 94/433/KE hi revokata.
Ir-referenzi magħmula għad-Deċiżjoni revokata għandhom jitqiesu daqs li kieku kienu magħmula għal din id-Deċiżjoni.
Artikolu 8
Din id-Deċiżjoni hi indirizzata lill-Istati Membri.
Magħmula fi Brussell, 26 ta' Ottubru 2004.
Mill-Kummissjoni
Joaquin ALMUNIA
Membru tal-Kummissjoni
(1) ĠU L 149 tal-21.6.1993, p. 5. Direttiva modifikata l-aħħar bir-Regolament (KE) nru 1882/2003 tal-Parlament Ewropew u tal-Kunsill (ĠU L 284 tal-31.10.2003, p. 1).
(2) ĠU L 179 tat-13.7.1994, p. 27. Deċiżjoni modifikata l-aħħar bid-Deċiżjoni 1999/547/KE tal-Kummissjoni (ĠU L 209 tas-7.8.1999, p. 33).
(3) ĠU L 154 tal-21.6.2003, p. 1.
(4) ĠU L 220 tas-17.8.1985, p. 1. Deċiżjoni modifikata l-aħħar bid-Deċiżjoni 2003/369/KE tal-Kummissjoni (ĠU L 127 tat-23.5.2003, p. 48).
ANNESS I
DEFINIZZJONI TAL-KATEGORIJI
|
Paragrafu 1 ta' l-Artikolu 3 tad-Direttiva 93/24/KEE |
Paragrafu 2 ta' l-Artikolu 10, u paragrafu 2 ta' l-Artikolu 12 tad-Direttiva 93/24/KEE |
||
Vitelli |
A.a) Bovini ta' inqas minn sena maħsuba biex jinqatlu bħala vitelli. Id-definizzjoni ta' vitelli tidher taħt A fil-kolonna li ġejja |
|
||
Gniedes |
|
|
||
Barrin ħosien |
|
|
||
Baqar gniżżi |
C.b) ba) Bovini nisa ta' sentejn u iżjed li għad ma għandhomx għeġiela |
|
||
Baqar għall-qatla |
C.b) ba) 1) Baqar imrobbija għall-produzzjoni tal-laħam |
|
||
Baqar oħra |
C.b) ba) 2) Baqar imrobbija għar-riproduzzjoni u maħsuba biex jissostitwixxu il-baqar tal-ħalib jew oħrajn |
|
||
Baqar |
C.b) bb) Bovini nisa li diġà kellhom l-għeġiela (inklużi, jekk ikun il-każ, dawk li għandhom inqas minn sentejn) |
|
||
Baqar tal-ħalib |
C.b) bb) 1) Baqar li huma miżmuma esklużivament jew prinċipalment għall-produzzjoni tal-ħalib maħsub għall-konsum uman u/jew għat-trasformazzjoni fi prodotti tal-ħalib, inklużi l-baqar għall-qatla (kemm jekk ikunu msemmnin jew le bejn l-aħħar darba li jkunu taw il-ħalib u l-qatla) |
|
||
Baqar oħra |
C.b) bb) 2) Baqar oħra barra l-baqar tal-ħalib inklużi, jekk ikun il-każ, il-baqar tax-xogħol |
|
ANNESS II
SUBDIVIZJONIJIET TERRITORJALI
Il-Belġju |
NUTS 2 |
Ir-Repubblika Ċeka |
NUTS 2 |
Id-Danimarka |
— |
Il-Ġermanja |
NUTS 1 |
L-Estonja |
NUTS 2 |
Il-Greċja |
NUTS 2 |
Spanja |
NUTS 2 |
Franza |
NUTS 2 |
L-Irlanda |
NUTS 2 |
L-Italja |
NUTS 2 |
Ċipru |
— |
Il-Latvja |
NUTS 3 |
Il-Litwanja |
NUTS 2 |
Il-Lussemburgu |
— |
L-Ungerija |
NUTS 2 |
Malta |
NUTS 3 |
L-Olanda |
NUTS 2 |
L-Awstrija |
NUTS 2 |
Il-Polonja |
NUTS 2 |
Il-Portugall |
NUTS 2 |
L-Islovenja |
NUTS 2 |
L-Islovakkja |
NUTS 2 |
Il-Finlandja |
NUTS 2 |
L-Iżvezja |
NUTS 2 |
Ir-Renju-Unit |
NUTS 1 |
ANNESS III
Kategoriji tal-kobor tal-mandriet tal-bovini miżmuma
Kategoriji |
Numru ta' bovini/Proprjetarju |
Numru tal-Propjetarji |
Numru tal-Bhejjem |
Numru ta' baqar tal-ħalib/Proprjetarju |
Numru tal-Propjetarji |
Numru tal-Bhejjem |
Numru ta' baqar oħra/Proprjetarju |
Numru tal-Propjetarji |
Nurmu tal-Bhejjem |
I |
1 - 2 (1) |
|
|
1 - 2 (1) |
|
|
1 - 2 (1) |
|
|
II |
3 - 9 (1) |
|
|
3 - 9 (1) |
|
|
3 - 9 (1) |
|
|
III |
1 - 9 |
|
|
1 - 9 |
|
|
1 - 9 |
|
|
IV |
10 - 19 |
|
|
10 - 19 |
|
|
10 - 19 |
|
|
V |
20 - 29 |
|
|
20 - 29 |
|
|
20 - 29 |
|
|
VI |
30 - 49 |
|
|
30 - 49 |
|
|
30 - 49 |
|
|
VII |
50 - 99 |
|
|
50 - 99 |
|
|
50 - 99 |
|
|
VIII |
100 - (2) |
|
|
100 - (2) |
|
|
100 - (2) |
|
|
IX |
100 - 199 (3) |
|
|
100 - 199 (4) |
|
|
100 - 199 (4) |
|
|
X |
200 - 299 (3) |
|
|
200 - 299 (4) |
|
|
200 - 299 (4) |
|
|
XI |
300 - 499 (3) |
|
|
300 - (4) |
|
|
300 - (4) |
|
|
XII |
500 - (3) |
|
|
|
|
|
|
|
|
|
Total |
|
|
Total |
|
|
Total |
|
|
(1) Tqassim fakultattiv għal BE, CZ, DK, NL, SE, SK.
(2) Tqassim fakultattiv għal MT.
(3) Tqassim fakultattiv għal CZ, GR, LT, LU, PL, PT, SE, SI, SK.
(4) Tqassim fakultattiv għal CZ, GR, FR, LT, LU, PL, PT, SE, SI, SK.
ANNESS IV
a) Stati Membri awtorizzati biex iwettqu l-istħarriġ tax-xhur ta' Mejju/Ġunju jew Novembru/Diċembru f'reġjuni magħżula, taħt riserva li dan l-istħarriġ jittratta dwar mill-inqas 70 % tal-mandriet bovini.
|
Franza |
|
L-Italja |
b) Stati Membri awtorizzati biex iwettqu biss l-istħarriġ ta' Novembru/Diċembru
|
Il-Portugall |
|
Il-Greċja |
|
Ċipru |
|
L-Estonja |
|
L-Ungerija |
|
Il-Latvja |
|
Il-Litwanja |
|
Malta |
|
L-Islovakkja |
|
L-Islovenja |
c) Stati Membri awtorizzati biex jipproċedu għat-tqassim reġjonali għar-riżultati definittivi ta' l-istħarriġ ta' Mejju/Ġunju
|
Il-Belġju |
|
Il-Ġermanja |
|
L-Olanda |
|
L-Isvezja |
d) Stati Membri awtorizzati biex jipproċedu għat-tqassim stipulat skond il-kategorija tal-kobor tal-mandriet għar-riżultati ta' l-istħarriġ ta' Mejju/Ġunju
|
Il-Belġju |
|
Id-Danimarka |
|
Il-Ġermanja |
|
L-Olanda |
|
Il-Polonja |
|
L-Isvezja |