32003R2206

Ir-Regolament tal-Kummissjoni (KE) Nru 2206/2003

tas-17 ta’ Diċembru 2003

li jissupplimenta l-Anness għar-Regolament (KE) Nru 2400/96 dwar id-dħul ta’ ċertu ismijiet fir-"Reġistru ta’ denominazzjoni ta’ oriġini protetta u indikazzjonijiet ġeografiċi"

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunitajiet Ewropej,

Wara li kkunsidrat Regolament tal-Kunsill (KEE) Nru 2081/92 ta’ l-14 ta’ Lulju 1992 dwar il-protezzjoni ta’ l-identifikazzjoni u denominazzjonijiet ta’ l-oriġini għall-prodotti agrikoli u l-oġġetti ta’ l-ikel [1], kif emendat l-aħħar bir-Regolament (KE) Nru 806/2003 [2], u b’mod partikolari l-Artikolu 6(3) u (4) tiegħu,

billi:

(1) Bi qbil ma’ l-Artikolu 5 tar-Regolament (KEE) Nru 2081/92, il-Ġermanja bagħtet lil Kummissjoni applikazzjonijiet għar-reġistrazzjoni ta’ l-ismijiet "Thüringer Leberwurst", "Thüringer Rotwurst" and "Thüringer Rostbratwurst" bħala indikazzjonijiet ġeografiċi.

(2) Bi qbil ma’ l-Artikolu 6(1) ta’ dak ir-Regolament, l-applikazzjoni instabet konformi mal-ħtiġijiet stabbiliti fih u b’mod partikolari li għandha l-informazzjoni mitluba fl-Artikolu 4 tiegħu.

(3) Dikjarazzjoni waħda għal objezzjoni, li tista’ tintlaqa’ taħt l-Artikolu 7 tar-Regolament (KEE) Nru 2081/92 wasal għand il-Kummissjoni għall-ismijiet mogħtija fl-Anness għal dan wara l-pubblikazzjoni tiegħu fil-Ġurnal Uffiċjali tal-Komunitajiet Ewopej skond l-Artikolu 6(2) ta’ dak ir-Regolament [3], imma li wara ġie mħassar.

(4) L-ismijiet għalhekk għandhom jiddaħħlu fir "Reġistru ta’ denominazzjoni protetta ta’ oriġini u indikazzjonijiet ġeografiċi protetti" u għalhekk ikunu protetti fil-Komunità kollha bħala indikazzjonijiet ġeografiċi protetti.

(5) L-Anness għal dan ir-Regolament huwa żieda għall-Anness għar-Regolament tal-Kummissjoni (KE) Nru 2400/96 [4], kif emendat l-aħħar bir-Regolament (KE) Nru 2054/2003 [5],

ADOTTAT DAN IR-REGOLAMENT:

Artikolu 1

L-ismijiet fl-Anness ma’ dan huma miżjuda ma’ l-Anness għar-Regolament (KE) Nru 2400/96 u mdaħħla bħala indikazzjonijiet ġeografiċi protetti (IĠP) fir-"Reġistru ta’ denominazzjonijiet protetti ta’ oriġini u indikazzjonijiet ġeografiċi protetti" previsti fl-Artikolu 6(3) tar-Regolament (KEE) Nru 2081/92.

Artikolu 2

Dan ir-Regolament għandu jidħol fis-seħħ fl-20 jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea..

Dan ir-Regolament għandu jorbot fl-intier tiegħu tiegħu u jkun japplika direttament fl-Istati Membri kollha.

Magħmul fi Brussel, fis-17 ta’ Diċembru 2003.

Ghall-Kummissjoni

Franz Fischler

Membru tal-Kummissjoni

[1] ĠU L 208, 24.7.1992, p. 1.

[2] ĠU L 122, 16.5.2003, p. 1.

[3] ĠU C 114, tal-15.5.2002, p. 10 (Thüringer Leberwurst);ĠU C 114, tal-15.5.2002, p. 12 (Thüringer Rotwurst);ĠU C 114, tal-15.5.2002, p. 14 (Thüringer Rostbratwurst).

[4] ĠU L 327, tat-18.12.1996, p. 11.

[5] ĠU L 305, tat-22.11.2003, p. 5.

--------------------------------------------------

L-ANNESS

PRODOTTI MNIŻŻLA FL-ANNESS I GĦAT-TRATTAT TAL-KE MAĦSUBA GĦALL-KONSUM UMAN.

Prodotti bbażati fuq il-laħam

IL-ĠERMANJA

Thüringer Leberwurst (IĠP)

Thüringer Rotwurst (IĠP)

Thüringer Rostbratwurst (IĠP)

--------------------------------------------------