This document is an excerpt from the EUR-Lex website
Document 32003R1871
Commission Regulation (EC) No 1871/2003 of 23 October 2003 amending Annex I to Council Regulation (EEC) No 2658/87 on the tariff and statistical nomenclature and on the Common Customs Tariff
Ir-Regolament tal-Kummissjoni (KE) Nru 1871/2003 tat-23 ta' Ottubru 2003 li jemenda l-Anness I li jinsab mar-Regolament tal-Kunsill (KEE) Nru 2658/87 dwar in-nomenklatura tat-tariffa u ta' l-istatistika u dwar it-Tariffa Doganali Komuni
Ir-Regolament tal-Kummissjoni (KE) Nru 1871/2003 tat-23 ta' Ottubru 2003 li jemenda l-Anness I li jinsab mar-Regolament tal-Kunsill (KEE) Nru 2658/87 dwar in-nomenklatura tat-tariffa u ta' l-istatistika u dwar it-Tariffa Doganali Komuni
ĠU L 275, 25.10.2003, p. 5–6
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 31/12/2004; Impliċitament imħassar minn 32004R1810
Official Journal L 275 , 25/10/2003 P. 0005 - 0006
Ir-Regolament tal-Kummissjoni (KE) Nru 1871/2003 tat-23 ta' Ottubru 2003 li jemenda l-Anness I li jinsab mar-Regolament tal-Kunsill (KEE) Nru 2658/87 dwar in-nomenklatura tat-tariffa u ta' l-istatistika u dwar it-Tariffa Doganali Komuni IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u ta' l-istatistika u dwar it-Tariffa Doganali Komuni [1], kif l-aħħar emendat bir-Regolament tal-Kummissjoni (KE) Nru 2176/2002 [2], u b'mod partikolari l-Artikolu 9(1)(a) tiegħu, Billi: (1) R-Regolament (KEE) Nru 2658/87 jistabbilixxi nomenklatura ta' oġġetti, hawnhekk iżjed 'il quddiem imsejjħa "Nomenklatura Magħquda". In-Nomenklatura Magħquda hija riprodotta fl-Anness I li jinsab mar-Regolament (KEE) Nru 2658/87. (2) Ir-Regolament tal-Kummissjoni (KE) Nru 535/94 tad-9 ta' Marzu 1994 li jemenda l-Anness I li jinsab mar-Regolament tal-Kunsill (KEE) Nru 2658/87 dwar it-tariffa u n-nomenklatura statistika u dwar it-Tariffa Doganali Komuni (TDK) [3] daħħal in-nota addizzjonali 8 għall-Kapitolu 2 tan-Nomenklatura Magħquda, bil-ħsieb li jiċċara l-klassifikazzjoni ta' laħam immellaħ u interjuri ta' l-annimali li jittiekel li jaqa' taħt l-intestatura 0210 ("laħam u skart tal-laħam li jittiekel, immellaħ, fis-salmura, imnixxef jew iffumigat; dqiq li jittiekel u kappuljat tal-laħam jew interjuri ta' l-annimali"). Din in-nota kienet enumerata mill-ġdid fl-1995 bħala nota addizzjonali 7. (3) Il-klassifikazzjoni fil-Kapitolu 2 tan-Nomenklatura Magħquda tiddependi essenzalment fuq il-proċess użat biex tiġi żgurata l-priservazzjoni għat-tul ta' prodott partikolari. In-nota ta' spjegazzjoni tas-Sistema Ġenerali Armonizzata għall-Kapitolu 2 tiddeskrivi l-istruttura ta' dak il-Kapitolu. Il-Kapitolu 2 ikopri laħam mhux imsajjar u interjuri ta' l-annimali li ikunu friski jew imkessħa jew ikunu għaddew minn xi wieħed mill-proċessi varji meħtieġa għall-priservazzjoni gaħt-tul, jiġifieri, laħam mhux imsajjar u interjuri ta' l-annimali li ikunu ffriżati jew immellħa, fis-salmura, imnixxfa jew iffumigati. (4) Skond l-imsemmija nota ta' spjegazzjoni, il-laħam frisk jibqa' klassifikat bħala tali ukoll jekk ukun ġie ppakkat bil-melħ bħala aġent temporanju ta' priservazzjoni matul it-trasport. Dan ir-raġunament japplika ugwalment għall-laħal iffriżat, mod ieħor laħam li jkun ġie miżjud bil-melħ jitqies bħala laħam immellaħ ta' l-intestatura 0210. Għall-finijiet ta' l-ntestatura 0210, l-imluħa għandha tkun suffiċjenti li tiżgura priservazzjoni għat-tul għall-finijiet oħra minbarra trasport. F'dan ir-rigward, għandu jiġi nnotat li l-proċessi l-oħra elenkati fl-intestatura 0210, jiġifieri, fis-salmura, tnixxif u iffumigar, huma intiżi biex jiżguraw priservazzjoni għat-tul pjuttost milli biex jaġixxu bħala mezz temporanju ta' priservazzjoni għat-trasport. (5) Jihder xieraq li jiġi ċċarat u konfermat aktar li l-imluħa, skond it-tifsira ta' l-intestatura 0210, hija proċess użat biex jiżgura priservazzjoni għat-tul. (6) In-nota addizzjonali 7 għall-Kapitolu 2 tan-Nomenklatura Magħquda mehmuża bħala l-Anness I li jinsab mar-Regolament (KEE) Nru 2658/87 għandha għalhekk tiġi hekk emendata. (7) Il-Kumitat tal-Kodiċi Doganali ma tax opinjoni fil-limitu taż-żmien preskritt mill-President tiegħu, ADOTTAT DAN IR-REGOLAMENT: Artikolu 1 In-nota addizzjonali 7 għall-Kapitolu 2 tan-Nomenklatura Magħquda mehmuża ma' l-Anness I li jinsab mar-Regolament (KEE) Nru 2658/87 hija sostitwita b'dan li ġej: ""Għall-finijiet ta' l-Intestatura 0210, l-espressjonijiet "laħam u interjuri ta' l-annimali li jittieklu, immellħa, fis-salmura" ifissru laħam u interjuri ta' l-annimali li jittieklu imxappa sew u b'mod omoġenju bil-melħ fil-partijiet kollha u li ikollhom kontenut totali ta' melħ ta' mhux anqas minn 1,2 % skond il-piż, kemm-il darba tkun l-imluħa li tiżgura il-priservazzjoni għat-tul."" Artikolu 2 Dan ir-Regolament għandu jidħol fis-seħħ fl-20 jum mill-pubblikazzjoni tiegħu fil-Ġurnal Uffiċjali ta' l-Unjoni Ewropea. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-23 ta' Ottubru 2003. Ghall-Kummissjoni Frederik Bolkestein Membru tal-Kummissjoni [1] ĠU L 256, 07.09.87, p. 1. [2] ĠU L 331, 07.12.02, p. 3. [3] ĠU L 68, 11.03.94, p. 15. --------------------------------------------------