32003R0754

Ir-Regolament tal-Kummissjoni (KEE) Nru 754/2003

fit-29 ta’ April 2003

li jemenda r-Regolament (KE) Nru 174/1999 li jipprovdi regoli dettaljati għall-applikazzjoni tar-Regolament tal-Kunsill (KEE) Nru 804/68 fir-rigward ta’liċenzi ta’ esportazzjoni u rifużjonijiet ta’ esportazzjoni fil-każ ta’ ħalib u prodotti mill-ħalib

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1255/1999 tas-17 ta’ Mejju 1999 dwar l-organizzazzjoni komuni tas-suq fil-ħalib u prodotti mill-ħalib [1], kif l-aħħar emendat bir-Regolament tal-Kummissjoni (KE) Nru 509/2002 [2], u b’mod partikolari l-Artikolu 31(3) miġjub fih,

Billi:

(1) Il-Memorandum ta’ Ftehim konkluż bejn il-Komunità Ewropea u r-Repubblika Dominikana, apporvat bid-Deċiżjoni tal-Kunsill 98/486/KE [3], jipprovdi għal kwota ta’ trab tal-ħalib esportat lejn ir-Repubblika Dominikana. Billi l-prodotti esportati taħt din il-kwota huma suġġetti għal rata mnaqqsa ta’ dazju ta’ importazzjoni bis-saħħa tal-Memorandum tal-Ftehim, u l-operaturi nvoluti jibbenefikaw minn arranġamenti speċjali li jassigurawlhom xi stabilità fil-prezz, ir-Regolament tal-Kummissjoni (KE) Nru 174/1999 [4], kif l-aħħar emendat bir-Regolament (KE) Nru 186/2003 [5], jippreskrivi rata aktar baxxa ta’ rifużjoni għal dawn il-prodotti minn dik applikabbli għall-prodotti esportati barra din il-kwota.

(2) Id-differenza dejjem tikber fil-prezz tas-suq għal trab tal-ħalib fis-swieq interni u esterni u t-tkabbir fit-talba u l-prezzijiet fir-Repubblika Dominikana jeħtieġu li r-rati ta’ rifużjoni applikabbli għal din l-iskema jiġu emendati.

(3) Ir-Regolament (KE) Nru 174/1999 għandu jiġi emendat bħala riżultat.

(4) Il-Kumitat ta’ Ġestjoni tal-Ħalib u l-Prodotti tal-Ħalib ma tagħx opinjoni fiż-żmien iffissat mill-president tiegħu,

ADOTTAT DAN IR-REGOLAMENT:

Artikolu 1

L-Artikolu 20a(8) tar-Regolament (KE) Nru 174/1999 huwa b’dan sostitwit b’dan li ġej:

"8. Ir-rata ta’ rifużjoni għall-prodotti maħsuba għall-esportazzjoni lejn ir-Repubblika Dominikana taħt il-kwota msemmija fil-paragrafu 1 għandha tkun il-perċentwali li ġejjin tar-rata ffissata mill-Kummissjoni skond l-Artikolu 31(3) tar-Regolament (KE) Nru 1255/1999 u applikabbli fl-ewwel jum tal-perjodu ta’ depositu għall-applikazzjonijiet għall-liċewnzi msemmija fil-paragrafu 7:

(a) 65 % għall-prodotti li jaqgħu fil-kodiċi NM 040210;

(b) 80 % għall-prodotti li jaqgħu fil-kodiċi NM 040221 u 040229."

Artikolu 2

Dan ir-Regolament għandu jidħol fis-seħħ fl-1 ta’ Mejju 2003.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fid-29 ta’ April 2003.

Għall-Kummissjoni

Franz Fischler

Membru tal-Kummissjoni

[1] ĠU L 160, tas-26.6.1999, p. 48.

[2] ĠU L 79, tat-22.3.2002, p. 15.

[3] ĠU L 218, tas-6.8.1998, p. 45.

[4] ĠU L 20, tas-27.1.1999, p. 8.

[5] ĠU L 27, ta’ l-1.2.2003, p. 11.

--------------------------------------------------