This document is an excerpt from the EUR-Lex website
Document 32002R1369
Commission Regulation (EC) No 1369/2002 of 26 July 2002 derogating from Article 31(10) of Council Regulation (EC) No 1255/1999 as regards proof of arrival at destination in the case of differentiated refunds and laying down detailed rules for the application of the lowest export refund rate for certain milk products
Ir-Regolament tal-Kummissjoni (KE) Nru 1369/2002 tas-26 ta’ Lulju 2002 li jidderoga mill-Artikolu 31(10) tar-Regolament tal-Kunsill (KE) Nru 1255/1999 fir-rigward tal-prova tal-wasla fid-destinazzjoni fil-każ ta’ rifużjonijiet differenzjati u li jippreskrivi regoli dettaljati għall-applikazzjoni tar-rata ta’ rifużjoni ta’ l-esportazzjoni l-aktar baxxa għal ċerti prodotti tal-ħalib
Ir-Regolament tal-Kummissjoni (KE) Nru 1369/2002 tas-26 ta’ Lulju 2002 li jidderoga mill-Artikolu 31(10) tar-Regolament tal-Kunsill (KE) Nru 1255/1999 fir-rigward tal-prova tal-wasla fid-destinazzjoni fil-każ ta’ rifużjonijiet differenzjati u li jippreskrivi regoli dettaljati għall-applikazzjoni tar-rata ta’ rifużjoni ta’ l-esportazzjoni l-aktar baxxa għal ċerti prodotti tal-ħalib
ĠU L 198, 27.7.2002, p. 37–38
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 14/02/2005; Imħassar b' 32005R0240
Official Journal L 198 , 27/07/2002 P. 0037 - 0038
Ir-Regolament tal-Kummissjoni (KE) Nru 1369/2002 tas-26 ta’ Lulju 2002 li jidderoga mill-Artikolu 31(10) tar-Regolament tal-Kunsill (KE) Nru 1255/1999 fir-rigward tal-prova tal-wasla fid-destinazzjoni fil-każ ta’ rifużjonijiet differenzjati u li jippreskrivi regoli dettaljati għall-applikazzjoni tar-rata ta’ rifużjoni ta’ l-esportazzjoni l-aktar baxxa għal ċerti prodotti tal-ħalib Il-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KE) Nru 1255/1999 tas-17 ta’ Mejju 1999 dwar l-organizzazzjoni komuni tas-suq fil-ħalib u l-prodotti tal-ħalib [1], kif l-aħħar emendat bir-Regolament tal-Kummissjoni (KE) Nru 509/2002 [2], u b’mod partikolari t-tielet inċiż ta’ l-Artikolu 31(10) u l-Artikolu 31(14) tiegħu, Billi: (1) It-tielet inċiż ta’ l-Artikolu 31(10) tar-Regolament (KE) Nru 1255/1999 jistipula li fil-każ ta’ rifużjonijiet differenzjati r-rifużjoni għandha titħallas mal-preżentazzjoni tal-prova li l-merkanzija tkun waslet fid-destinazzjoni indikata fuq il-liċenza jew destinazzjoni oħra li għaliha r-rifużjoni kienet iffissata. Eċċezzjonijiet għal dik ir-regola huma possibbli sakemm jitniżżlu kondizzjonijiet li joffru garanziji ekwivalenti. (2) Fil-każ li r-rifużjonijiet ta’ l-esportazzjoni jkunu differenzjati skond id-destinazzjoni, l-Artikolu 18(1) u (2) tar-Regolament tal-Kummissjoni (KE) Nru 800/1999 tal-15 ta’ April 1999 li jistipula regoli komuni dettaljati għall-applikazzjoni tas-sistema ta’ rifużjonijiet ta’ l-esportazzjoni fuq prodotti agrikoli [3], kif l-aħħar emendat bir-Regolament (KE) Nru 1253/2002 [4], jistipula li parti tar-rifużjoni, kalkolata bl-użu tar-rata l-aktar baxxa tar-rifużjoni, għandha titħallas fuq applikazzjoni mill-esportatur malli tingħata prova li l-merkanzija tkun ħalliet it-territorju tad-dwana tal-Komunità. (3) Taħt arranġamenti speċjali ma’ ċerti pajjiżi terzi, ir-rata ta’ rifużjoni applikabbli għall-esportazzjoni ta’ ċerti prodotti tal-ħalib lejn dawk il-pajjiżi tista’ tkun aktar baxxa, f’xi każi b’ammont kbir, mir-rifużjoni normalment applikata. Huwa wkoll possibbli li r-rifużjoni ma tistax tiġi ffissata sabiex ir-rata l-aktar baxxa tar-rifużjoni tkun ukoll ir-riżultat tan-nuqqas ta’ iffissar ta’ dik ir-rifużjoni. (4) Ir-Regolament tal-Kunsill (KE) Nru 1151/2002 tas-27 ta’ Ġunju 2002 li jistabbilixxi ċerti konċessjonijiet fil-forma ta’ tariffi ta’ kwoti tal-Komunità għal ċerti prodotti agrikoli u li jipprovdu għal aġġustament, bħala miżura awtonoma u transitorja, ta’ ċerti konċessjonijiet agrikoli li għalihom jipprovdi l-Ftehim Ewropew ma’ l-Estonja [5] jistabbilixxi konċessjonijiet fil-forma ta’ tariffi reċiproċi ta’ kwoti li jinvolvu l-abolizzjoni tar-rifużjonijiet tal-Komunità fuq ċerti prodotti tal-ħalib. Konċessjonijiet simili ġew miftehma mal-Latvja u l-Litwanja. Ir-rifużjonijiet għat-tliet Stati Baltiċi kkonċernati ġew għalhekk aboliti b’effett mill-4 ta’ Lulju 2002. (5) L-abolizzjoni tar-rifużjonijiet tinvolvi differenzazzjoni tar-rifużjonijiet ta’ ċerti prodotti tal-ħalib. Sabiex jiġi evitat li l-esportaturi jkunu meħtieġa li jagħtu prova tat-twassil fid-destinazzjoni sabiex jikkwalifikaw għal rifużjoni skond ir-Regolament (KE) Nru 1255/1999, l-awtoritajiet tal-pajjiżi li lilhom ikunu ngħataw il-konċessjonijiet, intrabtu li jassiguraw li kunsinni biss ta’ merkanzija li ma jkunux irċevew rifużjonijiet ikunu aċċettati għall-importazzjoni f’dawk il-pajjiżi. Għal dak il-għan, id-disposizzjonijiet applikabbli għall-Polonja skond l-Artikolu 20(b) tar-Regolament tal-Kummissjoni (KE) Nru 174/1999 [6], kif l-aħħar emendat bir-Regolament (KE) Nru 1368/2002 [7] ġew estiżi għall-prodotti u l-pajjiżi kkonċernati. Għandha għalhekk issir deroga mill-Artikolu 31(10) tar-Regolament (KE) Nru 1255/1999. (6) L-Artikolu 20(b) tar-Regolament tal-Kummissjoni (KE) Nru 174/1999 jobbliga lill-operaturi li jippreżentaw kopja ċertifikata tal-liċenza ta’ esportazzjoni u d-dikjarazzjoni ta’ esportazzjoni li tikkorrispondi lill-awtoritajiet kompetenti meta l-prodotti msemmija fl-Anness VIII li jinsab mar-Regolament (KE) Nru 174/1999 jiġu mportati fid-destinazzjonijiet imsemmija f’dak l-Anness. Il-liċenza ta’ esportazzjoni għandha ġġorr indikazzjonijiet speċjali li jiggarantixxu li l-prodotti kkonċernati ma jkunux irċevew rifużjoni ta’ esportazzjoni. L-awtoritajiet tal-pajjiżi terzi kkonċernati għandhom jivverifikaw il-konformità mad-disposizzjonijiet ta’ l-Artikolu 20b tar-Regolament (KE) Nru 174/1999. (7) Għandu jingħata kont ta’ dawn l-arranġamenti speċjali meta jiġu applikati ir-Regolamenti (KE) Nru 1255/1999 u (KE) Nru 800/1999 sabiex jiġi evitat li jiġu mposti fuq l-esportaturi ħlasijiet finanzjarji żejda fil-kummerċ tagħhom ma’ pajjiżi terzi. Għal dak il-għan, meta tiġi stabbilita l-aktar rata baxxa ta’ rifużjoni m’għandux jingħata kont tar-rati ffissati fuq il-kondizzjonijiet u d-destinazzjoni partikolari ikkonċernata. (8) Għal raġunijiet ta’ kjarezza, ir-Regolament tal-Kummissjoni (KE) Nru 2886/2000 tas-27 ta’ Diċembru 2000 li jidderoga mill-Artikolu 31(10) tar-Regolament tal-Kunsill (KE) Nru 1255/1999 fir-rigward tal-prova tat-twassil fid-destinazzjoni fil-każ ta’ rifużjonijiet differenzjati u l-preskrizzjoni ta’ regoli dettaljati għall-applikazzjoni tar-rata l-aktar baxxa tar-rifużjoni ta’ esportazzjoni għal ċerti prodotti tal-ħalib [8], li jistipula disposizzjonijiet simili għall-esportazzjoni ta’ ċerti prodotti lejn il-Polonja, għandu jitħassar. Id-disposizzjonijiet ta’ dak ir-Regolament għandhom ikunu inkorportati f’dan ir-Regolament. (9) Il-miżuri li għalihom jipprovdi dan ir-Regolament huma skond l-opinjoni tal-Kumitat ta’ Ġestjoni għall-Ħalib u l-Prodotti tal-Ħalib, ADOTTAT DAN IR-REGOLAMENT: L-Artikolu 1 B’deroga mit-tielet inċiż ta’ l-Artikolu 31(10) tar-Regolament (KE) Nru 1255/1999, il-prova tat-twassil fid-destinazzjoni m’għandhiex tkun meħtieġa għall-prodotti msemmija fl-Anness VIII li jinsab mar-Regolament (KE) Nru 174/1999. L-Artikolu 2 M’għandux jingħata kont tal-fatt li ebda rifużjoni ma tiġi ffissata fuq il-prodotti msemmija fl-Anness VIII li jinsab mar-Regolament (KE) Nru 174/1999 meta tiġi stabbilita l-aktar rata baxxa ta’ rifużjoni ta’ esportazzjoni skond it-tifsira ta’ l-ewwel subparagrafu ta’ l-Artikolu 18(2) tar-Regolament (KE) Nru 800/1999. L-Artikolu 3 Ir-Regolament (KE) Nru 2886/2000 huwa b’dan imħassar. L-Artikolu 4 Dan ir-Regolament jidħol fis-seħħ fil-jum li jiġi wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Għandu jkun japplika għal-liċenzi li dwarhom issir applikazzjoni mill-4 ta’ Lulju 2002. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fis-26 ta’ Lulju 2002. Għall-Kummissjoni Franz Fischler Membru tal-Kummissjoni [1] ĠU L 160, tas-26.6.1999, p. 48. [2] ĠU L 79, tat-22.3.2002, p. 15. [3] ĠU L 102, tas-17.4.1999, p. 11. [4] ĠU L 183, tat-12.7.2002, p. 12. [5] ĠU L 170, tad-29.6.2002, p. 15. [6] ĠU L 20, tas-27.1.1999, p. 8. [7] Ara paġna 33 ta’ dan il-Ġurnal Uffiċjali. [8] ĠU L 333, tad-29.12.2000, p. 79. --------------------------------------------------