32002R1298

Ir-Regolament tal-Kummissjoni (KE) Nru 1298/2002

tas-17 ta’ Lulju 2002

li jemenda r-Regolament (KE) Nru 1503/96 dwar regoli dettaljati għall-applikazzjoni tar-Regolament tal-Kunsill (KE) Nru 3072/95 dwar dazji ta’ importazzjoni fuq ir-ross

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jwaqqaf il-Komunità Ewropea,

Wara li kkunsidrat ir-Regolament tal-Kunsill (KEE) Nru 3072/95 tat-22 ta’ Diċembru 1995 dwar l-organizzazzjoni komuni tas-suq fir-ross [1], kif l-aħħar emendat bir-Regolament (KE) Nru 411/2002 [2] u b’mod partikolari l-Artikolu 11(4) tiegħu,

Billi:

(1) Bis-saħħa ta’ l-Artikolu 4a(3) tar-Regolament tal-Kummissjoni (KE) Nru 1503/96 [3], kif l-aħħar emendat bir-Regolament (KE) Nru 2831/98 [4], ċertifikat ta’ awtentiċità għandu jakkumpanja l-applikazzjoni għall-liċenza ta’ l-importazzjoni għar-ross Basmati. Ċertifikat bħal dak għandu jinħareġ mill-awtorità kompetenti li għandha l-għarfien mill-Kummissjoni. L-Anness III li jinsab mar-Regolament (KE) Nru 1503/96 jipprovdi għall-lista tal-korpi kompetenti li għandhom l-għarfien mill-Kummissjoni. L-awtoritajiet tal-Pakistan infurmaw lill-Kummissjoni li l-korp kompetenti għall-ħruġ taċ-ċertifikati ta’ awtentiċità għar-ross Basmati Pakistani għandu jibidel mill-1 ta’ Awissu 2002. L-Anness III li jinsab mar-Regolament (KE) Nru 1503/96 għandu għalhekk jiġi hekk emendat.

(2) Sabiex ikunu permessi l-importazzjonijiet ta’ ross Basmati Pakistani akkumpanjati b’ċertifikat ta’ awtentiċità maħruġ sa mill-1 ta’ Awissu 2002 mill-korp kompetenti ġdid Pakistani, dan ir-Regolament għandu jkun japplika minn dik id-data.

(3) Il-miżuri li għalihom jipprovdi dan ir-Regolament huma skond l-opinjoni tal-Kumitat Amministrattiv taċ-Ċereali,

ADOTTAT DAN IR-REGOLAMENT:

L-Artikolu 1

Fl-Anness III li jinsab mar-Regolament (KE) Nru 1503/96 l-indent "– Rice Export Corporation of Pakistan Ltd, Karachi" huwa mibdul bi "– Trading Corporation of Pakistan (Pvt) Ltd".

L-Artikolu 2

Dan ir-Regolament għandu jidħol fis-seħħ fis-seba’ jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu jkun jgħodd mill-1 ta’ Awissu 2002.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-17 ta’ Lulju 2002.

Għall-Kummissjoni

Franz Fischler

Membru tal-Kummissjoni

[1] ĠU L 329, tat-30.12.1995, p. 18.

[2] ĠU L 62, tal-5.3.2002, p. 27.

[3] ĠU L 189, tat-30.7.1996, p. 71.

[4] ĠU L 351, tad-29.12.1998, p. 25.

--------------------------------------------------