32002R1017

Ir-Regolament tal-Kummissjoni (KE) Nru 1017/2002

tat-13 ta' Ġunju 2002

li jikkonċerna l-klassifikazzjoni ta' ċerti oġġetti fin-Nomenklatura Magħquda

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 2002 dwar it-tariffa u n-nomenklatura statistikali u dwar it-Tariffa Doganali Komuni [1], kif l-aħħar emendat bir-Regolament tal-Kummissjoni (KE) Nru 796/2000 [2], u partikolarment l-Artikolu 9 tiegħu,

Billi:

(1) Sabiex tkun assigurata l-applikazzjoni uniformi tan-Nomenklatura Magħquda annessa mar-Regolament (KEE) Nru 2658/87, huwa meħtieġ li jiġu adottati miżuri li jirrigwardaw il-klassifikazzjoni ta' l-oġġetti riferiti fl-Anness ma' dan ir-Regolament.

(2) Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli wkoll japplikaw għal xi nomenklatura oħra li hija kompletament jew parzjalment ibbażata fuqha jew li żżid xi subdiviżjoni addizzjonali magħha u li hija stabbilita minn dispożizzjonijiet speċifiċi tal-Komunità, bl-intenzjoni ta' l-applikazzjoni tat-tariffa u l-miżuri l-oħrajn li jirrigwardaw il-kummerċ ta' l-oġġetti.

(3) Permezz ta' dawk ir-regoli ġenerali, l-oġġetti deskritti fil-kolonna 1 tat-tabella mehmuża ma' dan ir-Regolament għandhom jiġu kklassifikati skond il-kodiċi(jiet) NM indikati fil-kolonna 2, bis-saħħa tar-raġunijiet iddikjarati fil-kolonna 3;

(4) Huwa xieraq li, suġġetti għall-miżuri fis-seħħ fil-Komunità dwar sistemi ta' kontroll doppju u għas-sorveljanza bil-quddiem u rettrospettiva tal-Komunità ta' prodotti tat-tessuti ma' l-importazzjoni fil-Komunità, informazzjoni tat-tariffa vinkolanti maħruġa mill-awtoritajiet doganali ta' l-Istati Membri dwar il-klassifikazzjoni ta' l-oġġetti fin-Nomenklatura Magħquda u li mhumiex konformi mad-dispożizzjonijiet ta' dan ir-Regolament, jistgħu jkomplu jiġu mitluba għal perjodu ta' 60 ġurnata mid-detentur, skond id-dispożizzjonijiet ta' l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità [3], kif l-aħħar emendat bir-Regolament (KE) Nru 2700/2000 tal-Parlament Ewropew u tal-Kunsill [4].

(5) Il-miżuri li hemm provvediment dwarhom f'dan ir-Regolament huma skond l-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

L-Artikolu 1

Fit-tabella fl-Anness, l-oġġetti deskritti fil-kolonna 1 għandhom ikunu kklassifikati, fin-Nomenklatura Magħquda, fil-kodiċi NM li jikkorrospondu kif indikati fil-kolonna 2.

L-Artikolu 2

Suġġetti għall-miżuri fis-seħħ fil-Komunità dwar is-sistemi tal-kontroll doppju u għas-sorveljanza bil-quddiem u rettrospettiva tal-Komunità ta' prodotti tat-tessuti ma' l-importazzjoni fil-Komunità, l-informazzjoni tat-tariffa vinkolanti maħruġa mill-awtoritajiet doganali ta' l-Istati Membri li ma tkunx konformi mad-dispożizzjonijiet ta' dan ir-Regolament, jistgħu jkomplu jiġu mitluba għal perjodu ta' 60 ġurnata, skond id-dispożizzjonijiet ta' l-Artikolu 12(6) tar-Regolament (KEE) Nru 2913/92.

L-Artikolu 3

Dan ir-Regolament għamndu jidħol fis-seħħ fl-20 jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-13 ta' Ġunju 2002.

Għall-Kummissjoni

Frederik Bolkestein

Membru tal-Kummissjoni

[1] ĠU L 256, tas-7.9.1987, p. 1.

[2] ĠU L 128, tal-15.5.2002, p. 8.

[3] ĠU L 302, tad-19.10.1992, p. 1.

[4] ĠU L 311, tat-12.12.2000, p. 17.

--------------------------------------------------

L-ANNESS

Deskrizzjoni | Kodiċi NM | Raġunijiet |

(1) | (2) | (3) |

1.Biċċa rqiqa għat-tindif maħduma b'non-run interlock ta' 100 % polyester ta' qies ta' madwar 21 ċm x 21 ċm. L-erba' trufijiet huma ssiġillati bis-sħana.(Biċċa tat-tindif)(Ara r-ritratt Nru 620) | 63071010 | Il-klassifikazzjoni hija stabbilita mir-Regoli Ġenerali 1 u 6 għall-interpretazzjoni tan-Nomenklatura Magħquda, in-Nota 7(ċ) tat-Taqsima XI, in-nota 1 tal-Kapitolu 63 u mill-kliem tal-kodiċi NM 6307, 630710 u 63071010. Minħabb l-fatt li t-truf huma ssiġillati bis-sħan, l-oġġett huwa kkunsidrat bħala maħdum. Ara wkoll in-Noti ta' Spjegazzjoni ta' l-HS tat-Taqsima XI, Ġenerali (II), "Oġġetti maħduma" il-punt 1. Ara wkoll in-Nota ta' Spjegazzjoni ta' l-HS ta' l-intestatura 6307, il-punt 1. |

2.Stilla minsuġa, b'ħames ponot, li fiha ħajt metaliżżat u ħajt ieħor, mimlija b'materjal sintetiku u ta' qies ta' madwar 8 ċm x 8 ċm. Hemm ħolqa biex tiddendel magħmula minn ħajta metalizzata fuq waħda mill-ponot.(Oġġett ieħor maħdum — oġġett għad-dekorazzjoni)(Ara r-ritratt Nru 623 | 63079099 | Il-klassifikazzjoni hija stabbilita bir-Regoli Ġenerali 1 u 6 għall-interpretazzjoni tan-Nomenklatura Magħquda, in-Noti 7(a) u (ċ) tat-Taqsima XI, in-Nota 1 tal-Kapitolu 63 u mill-kliem tal-kodiċi NM 6307, 630790 u 63079099. Wara li tkun ikkunsidrata d-dehra ġenerali ta' dan l-oġġett, jista' jintuża matul is-sena kollha u mhux esklussivament jew essenzjalment fil-Milied. Il-klassifikazzjoni taħt l-intestatura 9505 hija għalhekk eskluża. |

+++++ TIFF +++++

+++++ TIFF +++++

--------------------------------------------------