32002R0077

Ir-Regolament tal-Kummissjoni (KE) Nru 77/2002

ta’ l-17 ta’ Jannar 2002

li jemenda l-Annessi I u III tar-Regolament tal-Kunsill (KEE) Nru 2377/90 li jistabilixxi proċedura Komunitarja għat-twaqqif ta’ limiti massimi ta’ fdal ta’ prodotti mediċinali veterinarji fi prodotti ta’ l-ikel li joriġinaw mill-annimali

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunitajiet Ewropej,

Wara i kkunsidrat ir-Regolament tal-Kummissjoni (KEE) Nru 2377/90 tas-26 ta’ Ġunju 2001 li jistabilixxi proċedura Komunitarja għat-twaqqif ta’ limiti massimi ta’ fdal ta’ prodotti mediċinali veterinarji fi prodotti ta’ l-ikel li joriġinaw mill-annimali [1], kif emendat l-aħħar mir-Regolament tal-Kummissjoni (KE) Nru 2162/1999 [2], u b’ mod partikolari l-Artikoli 6, 7 u 8 ta’ dan,

billi:

(1) B’ mod konformi mar-Regolament (KEE) Nru 2377/90, limiti massimi ta’ fdal iridu jiġu stabbiliti progressivament għas-sostanzi kollha li huma attivi farmakoloġikament li jintużaw fil-Komunità fi prodotti mediċinali veterinarji maħsuba biex jingħataw lill-annimali li jipproduċu l-ikel;

(2) Billi limiti massimi ta’ fdal għandhom jiġu stabbiliti biss wara li ssir eżaminazzjoni fi ħdan il-Kumitat għal-Prodotti Mediċinali Veterinarji ta’ l-informazzjoni relevanti kollha dwar is-sigurtà ta’ fdalijiet tas-sostanza konċernata għall-konsumatur ta’ prodotti ta’ l-ikel ta’ oriġini mill-annimali u l-impatt ta’ residwi fuq l-iproċessar industrijali ta’ prodotti ta’ l-ikel.

(3) Billi, waqt li jkunu qegħdin jiġu stabbiliti l-limiti ta’ fdal ta’ prodotti veterinarji mediċinali fi prodotti ta’ l-ikel li jorġinaw mill-annimali, huwa meħtieġ li jiġu speċifikati l-ispeċji ta’ annimali li fihom jistgħu jkunu presenti xi fdalijiet, il-livelli li jistgħu jkunu presenti f’kull waħda mit-tessuti tal-laħam relevanti miksuba mill-annimal trattat (tessut ‘target’) u n- natura tal-fdal li huwa relevanti għas-sorveljanza tal-fdalijiet (fdal ‘marker’)

(4) Għall-kontroll ta’ fdalijiet, kif stipulat fil-leġislazzjoni Komuinitarja xierqa, il-limiti massimi ta’ fdal għandhom normalment jiġu stabbiliti għat-tessuti ‘target’ ta’ fwied jew kliewi. Madanakollu, il-fwied u l-kliewi huma spiss imneħħija mill-karkassi li jkunu qegħdin jiċċaqalqu fil-kummerċ internazzjonali, u l-limiti massimi ta’ fdal, għandhom għalhekk dejjem jiġu stabbiliti fir-rigward ta’ tessuti ta’ muskolu jew ta’ xaħam;

(5) Billi, fil-kas ta’ prodotti veterinarji mediċinali intenzjonati biex jintużaw fuq agħsafar li jbidu, annimali li jagħtu l-ħalib jew naħal ta’ l-għasel, iridu jiġu stabbiliti limiti massimi t’a fdal għall-bajd, ħalib u għasel.

(6) Billi l-acetylisovaleryltylosin u l-methylprednisolone għandhom jiddaħħlu fl-Anness I tar-Regolament (KEE) Nru 2377/90.

(7) Billi, sabiex jilħqu jitlestew l-istudji xjentifiċi, it-tul ta’ żmien ta’ validità tal-limiti ta’ fdal massimi provviżjonali preċedentement definiti fl-Anness III tar-Regolament (KEE) Nru 2377/90 għandu jiġi estiż għas-sipermetrin.

(8) Billi għandu jitħalla perjodu adegwat qabel id- dħul fis-seħħ ta’ dan ir-Regolament sabiex l-Istati membri jkunu jistgħu jagħmlu xi aġġustamenti li jistgħu jkunu meħtieġa għall-awtorizzazzjonijiet biex jitpoġġew il-prodotti veterinarji mediċinali konċernati fuq is-suq li ngħataw b’ mod konformi mad- Direttiva tal-Kunsill 81/851/KEE [3], kif emendat l-aħħar mid- Direttiva 2000/37/KEE [4], sabiex jiġu kunsidrati d- dispożizzjonijiet ta’ dan ir-Regolament;

(9) billi l-miżuri mniżżla f’dan ir-Regolament huma skond l-opinjoni tal-Kumitat Permanenti dwar Prodotti Veterinarji Mediċinali,

ADOTTAT IR-REGOLAMENT LI ĠEJ:

L-Artikolu 1

L-Annessi I u III tar-Regolament (KEE) Nru 2377/90 qegħdin jiġu emendati kif jidher fl-Anness ta’ dan.

L-Artikolu 2

Dan ir-Regolament għandu jidħol fis-seħħ fit-tielet jum wara li jiġi pubblikat fil-Ġurnal Uffiċjali tal-Komunitajiet Ewropej.

Għandu japplika mis-60 jum wara l-pubblikazzjoni tiegħu.

Dan ir-Regolament għandu jorbot fil-kumplessità tiegħu u japplika direttament fl-Istati Membri kollha.

Magħmul fi Brussel, fis-17 ta’ Jannar 2002.

Għall-Kummissjoni

Erkki Liikanen

Membru tal-Kummissjoni

[1] ĠU L 224, tat-18.8.1990, p. 1.

[2] ĠU L 291, tat-8.11.2001, p. 9.

[3] ĠU L 317, tas-6.11.1981, p.1

[4] ĠU L 139, ta’ l-10.6.2000, p. 25.

--------------------------------------------------

L-ANNESS

A. L-Anness I tar-Regolament (KEE) Nru 2377/90 huwa emendat kif ġej:

1. Aġenti anti- infezzjoni

1.2. Antibiotiċi

1.2.4. Makrolidi

"Sostanza farmakoloġikament. | Fdal "marker" | Speċji ta' annimali | LMF | Tessuti "target" | Provvedimenti oħrajn |

Acetylisovaleryltylosin | Total ta'acetylisovaleryltylosin u 3-O-acetyltylosin | tal-ħnieżer | 50 lg/kg | Muskolu | |

50 lg/kg | Ġilda u xaħam | |

50 lg/kg | Fwied | |

50 lg/kg | Kliewi" | |

5. Kortikoidi

5.1. Glukokortikojdi

"Sostanza farmakoloġikament. | Fdal "marker" | Speċji ta' annimali | LMF | Tessuti 'target' | Provvedimenti oħrajn |

Methylprednisolone | Methylprednisolone | Bovini | 10 lg/kg 10 lg/kg 10 lg/kg 10 lg/kg | Muskolu Xaħam Fwied Kliewi | Ma jistgħux jintużaw fuq annimali li jipproduċu l-ħalib għall-konsum uman" |

B. L-Anness III tar-Regolament (KEE) Nru 2377/90 huwa emendat kif ġej:

2. Aġenti antaparasitiċi

2.2. Aġenti li jaħdmu kontra l-ektoparasiti

2.2.3. Piretrojdi

"Sostanza farmakoloġikament. | Fdal "marker" | Speċji ta' annimali | LMF | Tessuti "target" | Provvedimenti oħrajn |

Sipermetrin | Sipermetrin (total ta' isomeri) | Salmonide | 50 lg/kg | Muskolu u ġilda fi proporzjonijietnaturali | LMF provviżjonali jiskadu fl- 1.7.2003" |

--------------------------------------------------