32002L0078

Id-Direttiva tal-Kummissjoni 2002/78/KE

ta' l-1 ta' Ottubru 2002

li tadatta għall-progress tekniku tad-Direttiva tal-Kunsill 71/320/KEE dwar l-approssimazzjoni tal-liġijiet ta' l-Istati Membri li għandhom x'jaqsmu mal-mezzi ta' l-ibbrejkjar ta' ċerti kategoriji ta' vetturi bil-mutur u l-karrijiet tagħhom

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 70/156/KEE tas-6 ta' Frar 1970 dwar l-approssimazzjoni tal-liġijiet ta' l-Istati Membri li għandhom x'jaqsmu ma' l-approvazzjoni tat-tip ta' vetturi bil-mutur u l-karrijiet tagħhom [1], kif l-aħħar emendata permezz tad-Direttiva tal-Kummissjoni 2001/116/KE [2], u b'mod partikolari l-Artikolu 13(2) tagħha,

Wara li kkunsidrat id-Direttiva tal-Kunsill 71/320/KEE tas-26 ta' Lulju 1971 dwar l-approssimazzjoni tal-liġijiet ta' l-Istati Membri li għandhom x'jaqsmu mal-mezzi ta' l-ibbrejkjar ta' ċerti kategoriji ta' vetturi bil-mutur u l-karrijiet tagħhom [3], kif l-aħħar emendata permezz tad-Direttiva tal-Kummissjoni 98/12/KE [4], u b'mod partikolari l-Artikolu 5 tagħha,

Billi:

(1) Id-Direttiva 71/320/KEE hija waħda mid-Direttivi separati tal-proċedura ta' l-approvazzjoni tat-tip tal-KE li ġiet stabbilita permezz tad-Direttiva 70/156/KEE. Konsegwentament, id-dispożizzjonijiet stabbiliti fid-Direttiva 70/156/KEE li għandhom x'jaqsmu ma' sistemi, komponenti u l-unitajiet tekniċi separati ta' vetturi japplikaw għad-Direttiva 71/320/KEE.

(2) Mhuwiex ikkunsidrat neċessarju li jiġu applikati il-ħtiġiet li jikkonċernaw l-approvazzjoni tal-assemblaġġi tal-brake linings mibdula wara l-bejgħ għal dawk l-assemblaġġi użati fl-approvazzjoni tas-sistema ta' l-ibbrejkjar, basta li tali assemblaġġi jistgħu ikunu identifikati in konformita' mal-ħtiġiet ta' din id-Direttiva.

(3) Huwa neċessarju li tkun iċċarata l-applikazzjoni tad-Direttiva 71/320/KEE għall-assemblaġġi tal-brake linings mibdula wara l-bejgħ fir-rigward ta' l-immarkar u l-imballaġġ tagħhom. Hemm bżonn li ssir differenza bejn dawk l-assemblaġġi ta' brake lining ta' tibdil li huma identiċi għat-tagħmir oriġinali pprovduti għall-vetturi speċifikati u dawk li mhumiex.

(4) Id-Direttiva 71/320/KEE għandha tiġi hekk emendata.

(5) Il-miżuri previsti f'din id-Direttiva huma inkonformita' ma' l-opinjoni tal-Kumitat għall-Addattament għall-Progress Tekniku stabbilit permezz tad-Direttiva 70/156/KEE,

ADOTTAT DIN ID-DIRETTIVA:

L-Artikolu 1

L-Annessi I, IX u XV għad-Direttiva 71/320/KEE huma emendati skond l-Anness għal din id-Direttiva.

L-Artikolu 2

B'effett mill-1 ta' Jannar ta' l-2003 l-Istati Membri m'għandhomx, għal raġunijiet li jirrigwardaw is-sistemi ta' l-ibbrejkjar ta' vettura, jipprojbixxu l-bejgħ jew id-dħul fis-servizz ta' brake linings ta' tibdil jekk il-brake linings ta' tibdil ikunu konformi mal-ħtiġiet tad-Direttiva 71/320/KEE, kif emendata permezz ta' din id-Direttiva.

L-Artikolu 3

1. B'effett mill-1 ta' Ġunju 2003 l-Istati Membri jistgħu, għal raġunijiet li jirrigwardaw is-sistemi ta' l-ibbrejkjar ta' vettura, jipprojbixxu l-bejgħ jew id-dħul fis-servizz ta' brake linings ta' tibdil jekk il-brake linings ta' tibdilma jikkonformawx mal-ħtiġiet tad-Direttiva 71/320/KEE, kif emendata permezz ta' din id-Direttiva.

2. Minkejja d-dispożizzjoni ta' paragrafu 1, għall-iskop ta' partijiet ta' tibdil, l-Istati Membri għandhom jippermettu l-bejgħ jew id-dħul fis-servizz ta' brake linings ta' tibdil maħsuba għall-immuntar fuq tipi ta' vetturi li għalihom l-approvazzjoni tat-tip ingħatat qabel id-dħul fis-seħħ tad-Direttiva 71/320/KEE, kif emendata permezz tad-Direttiva 98/12/KE, u fuq il-kondizzjoni li tali brake linings ta' tibdil ma jiksrux id-dispożizzjonijiet tal-verżjoni ta' qabel tad-Direttiva 71/320/KEE, kif emendata permezz tad-Direttiva 98/12/KE, li kienet applikabbli fiż-żmien tad-dħul fis-servizz ta' dawn il-vetturi. Fi kwalunkwe każ dawn il-brake linings m'għandhomx ikollhom l-asbestos.

L-Artikolu 4

L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji sabiex jikkonformaw ma' din id-Direttiva sa mhux iktar tard mill-31 ta' Diċembru ta' l-2002. Huma għandhom minnufih jinfurmaw lill-Kummissjoni b'dan.

Meta l-Istati Membri jadottaw dawn id-dispożizzjonijiet, għandu jkollhom referenza għal din id-Direttiva jew ikunu akkumpanjati b'tali referenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif tali referenza għandha ssir.

L-Artikolu 5

Din id-Direttiva għandha tidħol fis-seħħ fl-20 jum wara dak tal-pubblikazzjoni tagħha fil-Ġurnal Uffiċjali tal-Komunitajiet Ewropej.

L-Artikolu 6

Din id-Direttiva hija indirizzata lill-Istati Membri.

Magħmula fi Brussel, FI - I ta' Ottubru 2002.

Għall-Kummissjoni

Erkki Liikanen

Membru tal-Kummissjoni

[1] ĠU L 42, tat-23.2.1970, p. 1.

[2] ĠU L 18, tal-21.1.2002, p. 1.

[3] ĠU L 202, tas-6.9.1971, p. 37.

[4] ĠU L 81, tat-18.3.1998, p. 1.

--------------------------------------------------

L-ANNESS

L-Annessi għad-Direttiva 71/320/KEE huma emendati kif ġej:

1. Fl-Anness I, il-punt 2, il-punti segwenti 2.3 sa 2.3.4 huma miżjuda:

"2.3 Brake linings u assemblaġġi tal-brake linings

2.3.1 Assemblaġġi tal-brake linings użati sabiex jissostitwixxu l-komponenti fl-aħħar tal-ħajja tal-ħidma tagħhom għandhom jikkonformaw mal-ħtiġiet fl-Anness XV għal dawk il-kategoriji ta' vetturi speċifikati f'punt 1.1 ta' l-Anness XV.

2.3.2 Madankollu, fejn l-assemblaġġi tal-brake linings huma ta' tip kopert permezz tal-punt 1.2 ta' l-Addendum għall-Anness IX u huma intenzjonati għal muntaġġ fuq vettura/fus/brejk għal liema jirreferi d-dokument relevanti ta' approvazzjoni tat-tip, m'għandhomx bżonn li jikkonformaw ma' l-Anness XV sakemm iwettqu l-ħtiġiet f'punti 2.3.2.1 sa 2.3.2.2.

2.3.2.1 Immarkar

L-assemblaġġi tal-brake linings għandu jkollhom mill-inqas l-identifikazzjonijiet segwenti:

2.3.2.1.1. L-isem jew trade mark tal-manifattur tal-vettura u/jew komponent;

2.3.2.1.2. Għamla u numru ta' identifikazzjoni tal-parti tal-assemblaġġ tal-brake linings kif irrekordjat fl-informazzjoni msemmi f'punt 2.3.4.

2.3.2.2 Imballaġġ

L-assemblaġġi tal-brake linings għandhom ikunu imballati f'settijiet ta' fusijiet bi qbil mal-ħtiġiet li ġejjin:

2.3.2.2.1 Kull pakkett għandu jkun issiġillat u magħmul b'tali mod li juri ftuħ ta' qabel:

2.3.2.2.2. Kull pakkett għandu juri mill-inqas:

2.3.2.2.2.1. Il-kwantita' ta' assemblaġġi ta' brake linings li għandu;

2.3.2.2.2.2. L-isem jew it-trade mark tal-manifattur tal-vettura u/jew tal-komponent;

2.3.2.2.2.3. Għamla u n-numru/i ta' identifikazzjoni tal-parti tal-assemblaġġ/i tal-brake linings, kif irrekordjati fl-informazzjoni msemmija f'punt 2.3.4.

2.3.2.2.2.4. Numru/i tal-parti tas-sett ta' fus, kif irrekordjat fl-informazzjoni msemmija f'punt 2.3.4.

2.3.2.2.2.5. Informazzjoni biżżejjed għall-konsumatur sabiex jidentifika il-vetturi/fusijiet/brejkijiet għal liema l-kontenuti huma approvati.

2.3.2.2.3 Kull pakkett għandu jkollu istruzzjonijiet ta' muntaġġ b'referenza partikolari għall-partijiet anċillari u li jindikaw li l-assemblaġġi tal-brake linings għandhom ikunu sostitwiti fis-settijiet ta' fus.

2.3.2.2.3.1. L-istruzzjonijiet tal-muntaġġ jistgħu alternattivament ikunu provduti f'reċipjent trasparenti separat flimkien mal-pakkett ta' l-assemblaġġ tal-brake lining.

2.3.3. Assemblaġġi tal-brake linings provduti lill-manifatturi tal-vetturi esklussivament għall-użu matul l-assemblaġġ ta' vetturi m'għandhomx bżonn jikkonformaw mal-ħtiġiet ta' punti 2.3.2.1 u 2.3.2.2 hawn fuq imsemmija.

2.3.4. Il-manifattur tal-vettura għandu jipprovdi lis-servizz tekniku u/jew l-awtorita' ta' approvazzjoni, l-informazzjoni neċessarja f'format elettroniku li jagħmel konnessjoni bejn in-numri tal-partijiet relevanti u d-dokumentazzjoni ta' l-approvazzjoni tat-tip.

Din l-informazzjoni għandu jkollha:

- għamla/iet u tip/i ta' vettura

- għamla/iet u tip/i ta' brake linings

- numru/i tal-parti u kwantità ta' assemblaġġi ta' brake linings

- numru/i tal-parti tas-sett ta' fus

- numru ta' l-approvazzjoni tat-tip tas-sistema ta' l-ibbrejkjar tat-tip/i ta' vettura relevanti."

2. L-Anness IX, l-Appendiċi 1, huwa emendat kif ġej:

(a)

L-ewwel linja taċ-ċertifikat ta' l-approvazzjoni tat-tip tal-KE huwa sostitwit permezz tas-segwenti:

"Komunikazzjoni [1] li tikkonċerna il-"

(b) Fl-addendum għaċ-ċertifikat ta' l-approvazzjoni tat-tip tal-KE, il-punti 1.2, 1.2.1 u 1.2.2 huma sostitwiti permezz tas-segwenti:

"1.2 Brake linings

1.2.1 Brake linings ittestjati għall-preskrizzjonijiet kollha relevanti ta' l-Anness II

1.2.1.1. Għamla/iet u tip/i ta' brake linings

1.2.2. Brake linings alternattivi ttestjati fl-Anness XII

1.2.2.1. Għamla/iet u tip ta' brake linings:"

3. L-Anness XV huwa emendat kif ġej:

(a)

Il-punt 6.1 huwa sostitwit permezz tas-segwenti:

"Assemblaġġi ta' brake linings ta' tibdil li jikkonformaw ma' tip approvat skond din id-Direttiva għandhom ikunu imballati f'settijiet ta' fus."

(b) Il-punt 6.3.4 huwa sostitwit permezz tas-segwenti:

"biżżejjed għall-konsumatur li jidentifika l-vetturi/fusijiet/brejkijiet għal liema l-kontenuti huma approvati."

[1] Fuq it-talba ta' applikant(i) għall-approvazzjoni għall-Anness XV tad-Direttiva 71/320/KEE, l-informazzjoni msemmija fl-Anness IX, l-Appendiċi 3 tad-Direttiva 71/320/KEE għandha tkun ipprovduta mill-Awtorità ta' l-Approvazzjoni tat-Tip. Madankollu, din l-informazzjoni m'għandiex tkun ipprovduta għal skopijiet oħra ħlief ta' approvazzjonijiet għall-Anness XV tad-Direttiva 71/320/KEE.

--------------------------------------------------