32002D0734

Id-Deċiżjoni tal-Kummissjoni

tat-30 ta' Mejju 2002

dwar l-ispeċifikazzjoni teknika għal interoperabilità fir-rigward tas-sub-sistema tat-tħaddim tas-sistema ferrovjarja trans-Ewropea ta' veloċità għolja, imsemmija fl-Artiklu 6(1) tad-Direttiva tal-Kunsill 96/48/KE

(notifikata bid-dokument numru C(2002) 1951)

(Test b'relevanza għaż-ŻEE)

(2002/734/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 96/48/KE tat-23 ta' Lulju 1996 dwar l-interoperabilità tar-rettikolat ta' ferroviji trans-Ewropew b'veloċità għolja [1], u partikolarment l-Artiklu 6(1) tagħha,

Billi:

(1) Skond l-Artiklu 2(ċ) tad-Direttiva 96/48/KE, is-sistema ferrovjarja trans-Ewropea b'veloċità għolja , hija sud-diviża f'sub-sistemi strutturali jew funzjonali. Dawn is-sub-sistemi huma deskritti fl-Anness II tad-Direttiva.

(2) Skond l-Artiklu 5(1) tad-Direttiva, kull waħda mis-sub-sistemi għandha tkun koperta mill-ispeċifikazzjoni teknika għal interoperabilità (TSI)

(3) Skond l-Artikolu 6(1) tad-Direttiva, abbozzi tat-TSI għandhom ikunu mfassla mill-korp rappreżentattiv konġunt.

(4) Il-Kumitat stabbilit skond l-Artikolu 21 tad-Direttiva 96/48/KE ħatar lill-Assoċjazzjoni Ewropea ta' l-Interoperabbilità tal-Ferroviji (AEIF) bħala l-korp rappreżentattiv konġunt bi qbil ma' l-Artikolu 2(h) tad-Direttiva.

(5) L-AEIF ingħatat il-mandat li tħejji abozz ta' TSI għas-sub-sistema tat-tħaddim bi qbil ma l-Artikolu 6(1) tad-Direttiva. Dan il-mandat kien stabbilit b'konformità mal-proċedura stabbilita fl-Artikolu 21(2) tad-Direttiva.

(6) L-AEIF fasslet l-abbozz tat-TSI, flimkien ma' rapport introduttorju li fih analiżi tal-kost u l-benefiċċju kif previst fl-Artiklu 6(3) tad-Direttiva.

(7) L-abbozz tat-TSI ġie eżaminat mir-rappreżentanti ta‘ l-Istati Membri, fil-kwadru tal-Kumitat stabbilit bid-Direttiva, fid-dawl tar-rapport introduttorju.

(8) It-TSI, li huwa s-suġġett ta' din id-Deċiżjoni, ma jimponix l-użu ta' teknoloġiji speċifiċi jew ta' soluzzjonijiet tekniċi apparti minn meta dan ikun strettament meħtieġ għall-interoperabilità tar-rettikolat ta' ferroviji trans-Ewropew b'veloċità għolja.

(9) It-TSI, li huwa s-suġġett ta' din id-Deċiżjoni, huwa bbażat fuq l-aħjar għerf ta' l-esperti li jkun disponibbli meta jkun qiegħed jitħejja l-abbozz korrispondenti. L-iżviluppi fit-teknoloġija jew fil-ħtiġiet socjali jistgħu jwasslu għall-ħtieġa li dan it-TSI ikun emendat jew issupplementat. Meta xieraq, proċedura ta' re-eżaminazzjoni jew aġġornament għandha tkun mibdija skond l-Artiklu 6(2) tad-Direttiva 96/48/KE.

(10) F'xi każi, it-TSI, li huwa s-suġġett ta' din id-Deċiżjoni, jippermetti għażla bejn soluzzjonijiet differenti, u b'hekk jagħmilha possibbli li jiġu applikati soluzzjonijiet interoperabbli definittivi jew transitorji li huma kompatibbli mas-sitwazzjoni eżistenti. Ukoll,, id-Direttiva 96/49/KE tipprevedi għal disposizzjonijiet implimentattivi speċjali f'ċerti każi speċifiċi. Barra minn dan, fil-każi previsti fl-Artiklu 7 tad-Direttiva, l-Istati Membri għandhom ikunu mħollija li ma japplikawx ċerti speċifikazzjonijiet tekniċi. Huwa għalhekk meħtieġ li l-Istati Membri jassiguraw li jiġu ppubblikati u aġġornati kull sena reġistru ta' l-infrastruttura u reġistru tar-rolling stock. Dawn ir-reġistri jelenkaw il-karatterstiċi ewlenin ta' l-infrastruttura u r-rolling stock (per eżempju, l-parametri bażiċi) nazzjonali u l-konkordanza tagħhom mal-karatteristiċi stabbiliti mit-TSI applikabbli. Għal dan il-għan, it-TSI, li huwa s-suġġett ta' din id-Deċiżjoni, jindika preċiżament liema informazzjoni għandha tidher fir-reġistri.

(11) L-applikazzjoni tat-TSI li huwa s-suġġett ta' din id-Deċiżjoni għandha tieħu kont ta' kriterji speċifiċi li jirrelataw mal-kompatibbilità teknika u operazzjonali bejn l-infrastrutturi u r-rolling stock li għandhom jitħaddmu u r-rettikolat li fih sejrin ikunu integrati. Dawn il-ħtiġiet ta' kompatibilità jinvolvu analiżi teknika u ekonomika komplessa li għandha ssir fuq bażi ta' każ b'każ. L-analiżi għandha tieħu kont ta':

- l-interfaces bejn is- sub-sistemi differenti msemmija fid-Direttiva 96/48/KE,

- il-kategoriji differenti ta' binarji u rolling stock referuti f'dik id-Direttiva, u

- l-ambjenti tekniċi u operazzjonali tar-rettikolat eżistenti.

(12) Id-disposizzjonijiet ta' din id-Deċiżjoni huma konformi ma l-opinjoni tal-Kumitat stabbilit bid-Direttiva 96/ 48/KE.

ADOTTAT DIN ID-DEĊIŻJONI:

Artikolu 1

It-TSI li għandu x'jaqsam mas-sub-sistema 'tat-tħaddim' tas-sistema ferrovjarja trans-Ewropea b'veloċità għolja msemmija fl-Artikolu 6(1) tad-Direttiva 96/48/KE hija hawnhekk adottata mill-Kommissjoni. It-TSI huwa elenkat fl-Anness ta' din id-Deċiżjoni.

It-TSI huwa kollu applikabbli għall-infratstruttura u r-rolling stock tas-sistema ta' ferroviji trans-Ewropea b' veloċità għolja kif definit fl-Anness I tad-Direttiva 96/48/KE, waqt li jittieħed kont tal-kondizzjonijiet li jidhru fil-Kapitlu 7 tat-TSI mehmuż.

Artikolu 2

It-TSI mehmuż għandu jidħol fis-seħħ sitt xhur wara n-notifika ta' din id-Deċiżjoni.

Artikolu 3

Din id-Deċiżjoni hija indirizzata lill-Istati Membri.

Magħmula fi Brussel, fit-30 ta' Mejju 2002.

Għall-Kummissjoni

Loyola De Palacio

Viċi President

[1] ĠU L 235, tas-17.9.1996, p. 6.

--------------------------------------------------

ANNESS

SPEĊIFIKAZZJONI TEKNIKA GĦALL-INTEROPERABILITÀ DWAR IS-SOTTO-SISTEMA TA' OPERAZZJONI

KONTENUT

1. INTRODUZZJONI

1.1. SKOP TEKNIKU

1.2. SKOP ĠEOGRAFIKU

1.3. KONTENUT TA' DAN IT-TSI

2. ID-DEFINIZZJONI TAS-SOTTO-SISTEMA U L-ISKOP TA' L-APPLIKAZZJONI

3. ĦTIĠIJIET ESSENZJALI

3.1. KONFORMITÀ MAL-ĦTIĠIJIET ESSENZJALI

3.2. ASPETTI TA' ĦTIĠIJIET ESSENZJALI

3.3. ASPETTI LI GĦANDHOM X'JAQSMU SPEĊIFIKAMENT MAS-SOTTO-SISTEMA TA' OPERAZZJONI

3.3.1. Sigurtà

3.3.2. Affidabilità u disponibilità

3.3.3. Is-saħħa

3.3.4. Il-ħarsien ambjentali

3.3.5. Kompatibilità teknika

3.4. VERIFIKA TAL-KONFORMITÀ

4. KARATTERIZZAZZJONI TAS-SOTTO-SISTEMA TA' OPERAZZJONI

4.1. PARAMETRI TAS-SOTTO-SISTEMA TA' OPERAZZJONI

4.1.1. Proċeduri biex tiġi operata sistema ġdida

4.1.2. Id-dokumentazzjoni

4.1.2.1. Id-dokumentazzjoni tas-sewwieqa

4.1.2.2. Dokumentazzjoni għal personal fuq il-vaguni

4.1.3. Kwalifiki tas-sewwieqa u personal fuq il-ferrovija ta' l-intrapriża tal-ferrovija li jkollhom dmirijiet dwar sigurtà

4.1.3.1. Kwalifiċi bażiċi, proċeduri u lingwi

4.1.3.2. Għarfien tar-rotta

4.1.3.3. Il-kwalifiki speċjali

4.1.4. Komunikazzjonijiet bejn il-personal dwar is-sigurtà

4.1.4.1. Natura u format ta' messaġġi u metodologija ta' komunikazzjonijiet dwar is-sigurtà

4.1.4.2. Il-lingwa użata bejn l-art u l-ferrovija

4.1.4.3. Il-lingwa użata bejn personal ta' fuq il-ferrovija u s-sewwieq

4.1.4.4. Il-lingwa użata bejn il-personal ta' fuq il-ferrovija u l-passiġġieri

4.1.5. Għajnuna lil sewwieqa f'każ ta' inċident jew nuqqas serju fit-tħaddim ta' ferrovija

4.1.6. Investigazzjoni jew inkjesta wara aċċident jew inċident

4.1.7. Avviż lil-maniġer tar-retikolata dwar l-istat operazzjonali tal-ferrovija

4.1.8. Xenarji u proċeduri biex ikunu ttratati inċidenti serji

4.1.9. Sewqan taħt kondizzjonijiet partikulari (ferroviji ta' prova u ferroviji bil-ħsara)

4.1.10. Monitoraġġ tas-sistema mill-aspett tas-sigurtà

4.1.10.1. Iċċekkjar għall-konformità ma' l-ispeċifikazzjonijiet

4.1.10.2. Feedback ta' l-esperjenza

4.1.11. Kwalità tal-monitoraġġ ta' l-operazzjoni

4.1.12. Servizz fuq il-ferrovija

4.1.12.1. Ekwipaġġ

4.1.12.2. Numru ta' passiġġieri fuq it-tren

4.2. KONNESSJONIJIET MAS-SOTTO-SISTEMA TA' OPERAZZJONI I

4.3. ESEKUZZJONI SPEĊIFIKATA

5. KOSTITWENTI TA' INTEROPERABILITÀ

6. VALUTAZZJONI TA' KONFORMITÀ U/JEW ADATTATI BIEX JINTUŻAW

6.1. KOSTITWENTI TA' INTEROPERABILITÀ

6.2. IS-SOTTO-SISTEMA TA' OPERAZZJONIJIET

6.2.1. Proċeduri ta' valutazzjoni u moduli applikabbli

6.2.2. Applikazzjoni ta' moduli

7. IMPLIMENTAZZJONI TA' L-OPERAZZJONI TSI

ANNESS A KOMUNIKAZZJONIJIET DWAR IS-SIGURTÀ BEJN PERSONAL INVOLUTI FIS-SOTTO-SISTEMA

1. INTRODUZZJONI

1.1. SKOP TEKNIKU

Dan it-TSI jikkonċerna s-sotto-sistema ta' "operazzjoni", li hija waħda mis-sotto-sistemi mniżżla fl-Anness II(1) għadd-Direttiva 96/48/KE.

Dan it-TSI huwa parti waħda mis-set ta' sitt TSIs, li jkopru t-tmien sotto-sistemi kollha definiti f'Direttiva. L-ispeċifikazzjonijiet dwar is-sotto-sistemi ta' "min jużahom" u "ta' l-ambjent", li huma meħtieġa biex tiġi assigurata l-interoperabilità tas-sistema ta' ferroviji li jaqsmu l-Ewropa kollha b'veloċità skond il-ħtiġijiet essenzjali, huma mniżżla fit-TSIs ikkonċernati.

Iżjed informazzjoni dwar is-sotto-sistema ta' operazzjoni hija mogħtija fil-Kapitolu 2.

1.2. SKOP ĠEOGRAFIKU

L-skop ġeografiku ta' dan it-TSI huwa tas-sistema ta' ferroviji li jaqsmu l-Ewropa kollha b'veloċità kif deskritt fl-Anness I għad-Direttiva 96148/KE.

Riferenza għandha ssir partikularment għall-binarji tar-retikolata ta' ferroviji li jaqsmu l-Ewropa deskritti fid-Deċiżjoni Nru 1692/96/KE tal-Parlament Ewropew u tal-Kunsill tat-23 ta' Lulju 1996 dwar il-linji ta' gwida tal-Komunità għall-iżvilupp tar-retikolata ta' ferroviji li jaqsmu l-Ewropa jew f'kull aġġornament għall-istess Deċiżjoni bħala riżultat tar-reviżjoni maħsuba fl-Artikolu 21 dik id-Deċiżjoni.

1.3. KONTENUT TA' DAN IT-TSI

Skond l-Artikolu 5(3) ta' u ma' l-Anness f(1)(b) tad-Direttiva 96/48/KE, dan it-TSI:

(a) jispeċifika l-ħtiġijiet essenzjali għas-sotto-sistema ta' 'operazzjoni' u l-interfaces tagħha (il-Kapitolu 3);

(b) jistabblixxi l-parametri bażiċi deskritti fl-Anness 11(3) għal dik id-Direttiva, li huma meħtieġa biex jissodisfaw il-ħtiġijiet essenzjali (il-Kapitolu 4);

(c) jistabbblixxi il-kondizzjonijiet li għandhom ikunu sodisfatti biex jiġu miksuba l-livelli speċifkati għal kull waħda mill-kategoriji tal- binarji, kif ġej (il-Kapitolu 4):

- kategorija I: binarji mibnija apposta għal veloċità kbira mgħammra għal veloċità li ġeneralment tilħaq jew tisboq 250 km fis-siegħa,

- kategorija 11: binarji mtejjba b'mod speċjali għal veloċitajiet li jaslu sa 200 km fis-siegħa,

- kategorija III: binarji mtejba b'mod speċjali li għandhom karatteristiċi speċjali li jirriżultaw minn limitazzjonijiet topografiċi, ta' fejda jewta' ppjanar, li minħabba fihom il-veloċità trid tkun adattata għal kull każ.

(d) jistabblixxi provvedimenti ta' implementazzjoni f'ċerti każi speċifiċi (il-Kapitolu 7);

(e) jiddetermina l-kostitwenti u l-interfaces li jkollhom ikunu koperti minn speċifikazzjonijiet Ewropej, fosthom livelli Ewropej, li huma meħtieġa biex tinkiseb l-interoperabilità fi ħdan is-sistema ta' ferroviji li jaqsmu l-Ewropa kollha b'veloċità waqt li jissodisfaw il-ħtiġijiet essenzjali (il-Kapitolu 5);

(f) jgħid, f'kull każ li jkun qed jiġi kkunsidrat, liema mill-moduli definiti fid-Deċiżjoni 93/465/KEE jew, fejn xieraq, liema proċeduri speċifiċi għandhom jintużaw sabiex tiġi mkejla jew il-konformità jew kemm huwa xieraq l-użu tal-kostitwenti ta' l-interoperabilità , kif ukoll verifika tal- "KE" ta'-sotto-sistemi (il-Kapitolu 6).

2. ID-DEFINIZZJONI TAS-SOTTO-SISTEMA U L-ISKOP TA' L-APPLIKAZZJONI

Is-sotto-sisterma ta' operazzjoni tas-sistema Ewropea ta' ferroviji ta' veloċità kbira jikkomprendi l-elementi kollha li jippermettu l-implimentazzjoni sħiha u l funzjonalità tas-sistema fil- wesgħa ta' operazzjonijiet tal-ferrovija, darba li l-elementi tekniċi u funzjonali tas-sotto-sistemi l-oħra jkunu definiti.

L-operazzjoni ta' sistema taqa taħt ir-regoli u regolamenti mfassla mill-maniġers tar-retikolata li għndhom ikunu implimentati mill-intrapriża tal-ferrovija.

L-għoti ta' bidu għall-operazzjoni ta' retikolata ta' ferroviji jeħtieġ impjegati kwalifikati li japplikaw il-proċeduri definiti b'mod li jaqbel mas-sistema ġenerali tas-sigurtà tar-retikolata.

Il-funzjonijiet ewlenin li ġejjin, li għandhom x'jaqsmu mas-sigurtà ta' operazzjoni għandhom jiġu magħrufa għall-implimentazzjoni operazzjonali tas-sistema:

- sewqan ta' ferrovija.

- ħaddiema ta' fuq il-ferrovija.

- immaniġġjar tat-traffiku stazzjonati fl-impjant.

Barra minn dawn hemm organizzazzjonijiet li jieħdu ħsieb tad-disinn u ta' l-aġġornar tal-proċessi, il-proċeduri u d-dokumentazzjoni meħtieġa.

Għal kull waħda minn dawn il-funzjonijiet, personal involuti għandhom ikunu identifikati u elenkati fid-dokumenti meħtieġa u l-proċeduri għandhom ikunu ppubblikati f'dokument regulatorju.

Biex tinkiseb l-interoperabilità , id-dokumentazzjoni msemmija għandha tkun adattata biex jiġu indirizzati l-ħtiġijiet waħdanin ta' l-interoperabilità, waqt li jkunu kkunsidrati l-fatturi umani essenzjali għall-applikazzjoni affidabbli u effiċjenti ta' proċeduri.

Is-soluzzjoni ideali tkun l-istandardizzazzjoni jew l-armonizzazzjoni tar-regoli ta' operazzjoni tal- ferroviji kollhafuq ir-rotot rilevanti.

Madankollu, anke jekk dan l-ideal diffiċli kellu jitwettaq, għandu mnejn attwalment itellef il-"koerenza ta' sigurtà" generali tar-retikolata u b'hekk ifixkel l-operazzjoni bla periklu ta' ferroviji oħra fuq l-istess rotot, li jkun kontra d-Direttiva.

Għalhekk, il-ħtieġa mniżżla fil-kondizzjoni essenzjali 2.7.1 tad-Direttiva biex jiġu armonizzati ir-regoli ta' l-operazzjoni tar-retikolata jistgħu japplikaw biss għall-armonizzazzjoni tad-dokukenti sabiex is-sewwieq, per eżempju, jkun jista' ir-regoli speċifiċi ta' kull maniġer tar-retikolata matul ir-rotta bla periklu u effettivament.

Għall-kuntrarju, akull proċeduri li għandhom x' jaqsmu direttament ma' l-operazzjoni ta' sistema ġdida u komuni implimena fir-retikolata interoperabbli għandhom ikunu standardizzati.

Sa fejn il-kwalifikazzjoni ta' l-istaff involuti u partikularment sewwieqa, tali kwalifikazzjoni tikkontribwixxi sostanzjalment għaż-żamma ta' livell għoli ta' sigurtà u għndu għalhekk ikun organizzat b'mod uniformi sabiex jinkiseb livell ta' sigurtà fl-infrastrutturi li fuqhom jistgħu jsiru operazzjonijiet.

U aktar, meta jkunu qed jiddgħajfu dawn il-proċeduri, hu meħtieġ li l-membri differenti ta' l-istaff jifhmu lil xulxin mingħajr eżitazzjoni ta' xejn, anke f'sitwazzjonijiet ta' emerġenza; li jġib il-ħtieġa li jiġu definiti ir-regoli li magħhom għandhom jikkonformaw f'materja ta' komunikazzjoni u, partikularment, l-użu tal-lingwi.

Is-sigurtà fl-operazzjoni teħtieġ ukoll iċċekkjar regolari tas-sistema, b'verifikazzjonijiet u feedback ta' x' qed jiġri fil-kamp ta' l-operazzjoni.

L-iskop ta' l-applikazzjoni jista' jkun definit bħala l-użu ta' rotta waħda jew iżjed minn waħda kif speċifkat fis-servizz ferrovjarju fornit, b' set speċifikat ta' magni u vaguni tal-ferrovija u membri speċifikati ta' l-istaff.

L-aspetti tas-sotto-sistema ta' operazzjoni li għandhom x'jaqsmu ma' l-interoperabilità tas-sistema Ewropea ta' ferroviji ta' veloċità kbira jistgħu jiġu miġbura flimkien taħt wieħed mit-titoli li ġejjin:

- proċeduri,

- dokumentazzjoni,

- kwalifikazzjoni ta' l-istaff,

- komunikazzjoni,

- Immonitorjar tas-sistema.

"Maniġer" tar-retikolata' tfisser il-korp msemmi fl-Artikolu 3 u l-Artikolu 7 tad-Direttiva 91/440/KEE u fl-Artikolu 1 tad-Direttiva 2001/12/KE. Ir-reallokazzjoni ta' dmirijiet lil korpi differenti minn maniġers tar-retikolata huwa possibbli taħt id-Direttiva 2001/12/KE u l-informazzjoni dwar din ir-reallokazzjoni għandha tkun imsemmija fir-rapport tar-retikolata li għandha tkun ippubblikata mill-maniġers tar-retikolata skond id-Direttiva 2001/14/KE.

3. ĦTIĠIJIET ESSENZJALI

3.1. KONFORMITÀ MAL-ĦTIĠIJIET ESSENZJALI

Skond l-Artikolu 4(1) tad-Direttiva 96/48/KE, is-sistema ta' ferroviji ta' veloċità kbira matul l-Ewropa kollha, is-sotto-sistemi u l-kostitwenti tagħhom ta' interoperabilità għandhom jissodisfaw il-ħtiġijiet essenzjali mniżżla f'termini ġenerali fl-Anness III għad-Direttiva.

3.2. ASPETTI TA' ĦTIĠIJIET ESSENZJALI

Il-ħtiġijiet essenzjali jkopru:

- is-sigurtà,

- l-affidibilità u d-disponibilità,

- is-saħħa,

- il-ħarsien ta' l-ambjent,

- kompatibilità teknika.

Skond id-Direttiva 96/48/KE, il-ħtiġijiet essenzjali jistgħu jkunu ġeneralment applikabbli għas-sistema ta' ferroviji ta' veloċità kbira matul l-Ewropa kollha jew jista' jkun speċifiku għal kull sotto-sistema u l-kostitwenti.

3.3. ASPETTI LI GĦANDHOM X'JAQSMU SPEĊIFIKAMENT MAS-SOTTO-SISTEMA TA' OPERAZZJONI

Fil-każ tas-sotto-sistema ta' operazzjoni, l-aspetti speċifiċi minbarra l-kunsiderazzjonijiet fl-Anness III għad-Direttiva, huma kif ġej.

3.3.1. SIGURTÀ

Skond L-Anness III Għad-Direttiva 96/48/KE, il-ħtiġijiet essenzjali relatati mas-saħħa li japplikaw għas-sotto-sistema ta' operazzjoni huma kif ġej:

Ħtieġa essenzjali 1.1.1:

Id-disinn, il-kostruzzjoni jew immuntar, il-manteniment u l-immonitorjar ta' komponenti ta' ħtieġa kritika għas-sigurtà, u aktar partikularment tal-komponenti involuti fil-movimenti tal-ferroviji għandhom ikunu tali li jiggarantixxu s-sigurtà fil-livell li jikkorrespondi ma' l-għanjiet stabbiliti għar-retikolata, inklużi dawk għal sitwazzjonijiet degradati speċifiċi.

Din il-ħtieġa essenzjali mhijiex rilevanti għas-sotto-sistema ta' operazzjoni.

Ħtieġa essenzjali 1.1.2:

Il-parametri involuti fil-kuntatt bejn ir-rota u l-binarju għandhom jissodisfaw il-kondizzjonijiet ta'stabilità meħtieġa sabiex jiggarantixxu l-moviment bla periklu fil-veloċità massima awtorizzata.

Din il-ħtieġa essenzjali mhijiex rilevanti għas-sotto-sistema ta' operazzjoni.

Ħtieġa essenzjali 1.1.3:

"Il-komponenti użati għandhom jifilħu kwalunkwe tensjoni normali jew eċċezzjonali li jkunu ġew speċifikati waqt il-perijodu ta' użu tagħhom. Ir-riperkussjonijiet għas-sigurtà minn kull falliment aċċidentali għandhom jkunu limitati b'mezzi xierqa".

Din il-ħtieġa essenzjali mhijiex rilevanti għas-sotto-sistema ta' operazzjoni.

Ħtieġa essenzjali 1.1.4:

"Id-disinn ta' stallazzjonijiet fissi u magni u vaguni tal-ferrovija u l-għażla tal-materjal li jintuża għandu jkun immirat lejn il-limitazzjoni tal-ħolqien, it-tferrix u l-effetti tan-nar u d-duħħan f'każ ta' xi ħruq".

Din il-ħtieġa essenzjali mhijiex rilevanti għas-sotto-sistema ta' operazzjoni.

Ħtieġa essenzjali 1.1.5:

"Kull tagħmir maħsub biex jinħadmu minn min jużahom għandhom ikunu ddisinjati b'mod li ma jnaqqasx is-sigurtà tagħhom jekk ikunu użati b'mod mistenni għalkemm mhux skond l-istruzzjonijiet mxandra".

Din il-ħtieġa essenzjali mhijiex rilevanti għas-sotto-sistema ta' operazzjoni.

Madankollu, il-ħtiġijiet li ġejjiin, li għandhom x'jaqsmu mas-sigurtà ma jikkonċernawx is-sotto-sistema ta' operazzjoni:

Ħtieġa essenzjali 2.7.1:

"Alinjament tar-regoli ta' l-operazzjoni u l-kwalifiki tas-sewwieqa u personal fuq il-ferroviji għandhom ikunu tali li jassiguraw operazzjoni internazzjonali bla periklu.

L-intervalli bejn l-operazzjonijiet u l-manteniment, it-taħriġ u l-kwalifiki tal-personal fuq manteniment u s-sistema biex tassigura s-sigurtà mwaqqfa fiċ-ċentri ta' manteniment ta' l-operaturi kkonċernati għnadhom ikunu tali li jassiguraw livell għoli ta' sigurtà"

.

L-ewwel parti ta' din il-ħtieġa essenzjali, (alinjament tar-regoli ta' operazzjoni u l-kwalifiki tal-personal), hija mħarsa mis-sotto sezzjonijiet ta' din l-ispeċifikazzjoni, kif jidhru hawn taħt, u essenzjalment għandhom x'jaqsmu ma' fatturi umani:

- l-uniformità ta' proċeduri li għandhom jkunu applikati għal sitwazzjonijiet identiċi direttament konnessi ma' l- operazzjoni ta' xi sistema ġdida: sotto-sezzjoni 4.1.1,

- id-determinazzjoni ta' l-iskop u l-armonizzazzjoni tas-sura li tingħata lid-dokumentazzjoni għas-sewwieqa:

- dwar proċeduri: sotto-sezzjoni 4.1.2.1.1,

- dwar orarji: sotto-sezzjoni 4.1.2.1.3,

- l-iżvilupp ta' "manwal ta' proċeduri" għal ħaddiema fuq il-ferrovija: sotto-sezzjoni 4.1.2.2,

- il-formalizzazzjoni u l-armonizzazzjoni tad-deskrizzjoni tal-binarji u ta' l-istallazzjonijiet fuq ir-rotta u l-formalizzazzjoni tal-proċess li bih id-dokumenti użati biex jinformaw lis-sewwieq bil-quddiem ikunu ppreparati u aġġornati u l-proċess li bih is-sewwieq ikun avżat f'ħin reali: sotto-sezzjoni 4.1.2.1.2,

- il-formalizzazzjoni tal-messaġġi dwar is-sigurtà, il-metodoloġija u l-ispeċifikazzjopni tal-lingwa li għandha tintuża għal tipi differenti ta' komunikazzjonijiet bis-smigħ fejn għandha x' taqsam is-sigurtà: is-sezzjoni 4.1.4,

- il-formalizzazzjoni tal-proċess għall-iċċekkjar tas-sistema mill-aspett tas-sigurtà: is-sezzjoni 4.1.10,

- il-formalizzazzjoni tal-proċess ta' verifika tal-kompożizzjoni ta' l-ekwipaġġ: is-sezzjoni 4.1.12.1,

- il-formalizzazzjoni tal-proċeduri li għandhom jiġu segwiti meta l-ferrovija tkun mgħobbija iż-żejjed bil-passiġġieri: is-sezzjoni 4.1.12.3.

Il-kwalifiki tas-sewwieq u tal-ekwipaġġ tal-ferrovija huma assigurati b':

- il-formalizzazzjoni u l-armonizzazzjoni ta' l-organizzazzjoni mwaqqfa biex tagħti kwalifiki lill-personal fejn għandhom x' jaqsmu l-proċeduri u l-lingwi: is-sezzjoni 4.1.3.1,

- il-formalizzazzjoni tal-proċess tat-tagħlim tar-rotta u ż-żamma tal-għerfien tar-rotta: is-sezzjoni 4.1.3.2,

- definizzjoni ta' programm għal taħriġ speċjali għal kwalifiki speċifiċi: is-sezzjoni 4.1.3.3.

Fejn jidħlu t-taħriġ u l-kwalifiki ta' personal fuq manteniment, il-kondizzjonijiet applikabbli għal personal responsabbli għall-manteniment ta' magni u vaguni tal-ferrovija huma mħarsa bi speċifkazzjoni ta' sotto-sistemi ta' magni u vaguni tal-ferrovija.

3.3.2. AFFIDABILITÀ U DISPONIBILITÀ

Ħtieġa essenzjali 1.2:

"l-Immonitorjar u ż-żamma ta' komponenti fissi jew ambulanti li huma involuti fil-movimenti ta' ferroviji għandhom ikunu organizzati, eżegwiti u kwantifikati b'tali mod li it-tħaddim tagħhom jkun miżmum taħt il-kondizzjonijiet maħsuba".

Din il-ħtieġa essenzjali mhijiex rilevanti għas-sotto-sistema ta' operazzjoni.

Ħtieġa essenzjali 2.7.2:

Il-perijodi ta' l-operazzjoni u tal-manteniment, it-taħriġ u l-kwalifiki tal-personal fuq il-manteniment u s-sistema biex tassigura s-sigurtà mwaqqfa mill-operaturi kkonċernati fiċ-ċentri ta' manteniment għandhom ikunu tali li jassiguraw livell għoli ta' affidibilità n u disponibilità tas-sistema.

Il-kondizzjonijiet applikabbli għal personal risponsabbli għall-manteniment ta' magni u vaguni tal-ferrovija huma mħarsa mill-ispeċifikazzjoni tas-sotto-sistema għal magni u vaguni tal-ferrovija.

3.3.3. IS-SAĦĦA

Ħtieġa essenzjali 1.3.1:

"Materjali li minħabba l-mod kif ikunu użati, x' aktarx jikkostitwixxu periklu għas-saħħa lil dawk li li jkollhom aċċess għalihom ma għandhomx jintużaw ġol-vaguni u fl-infrastrutturi tal-ferroviji".

Din il-ħtieġa essenzjali mhijiex rilevanti għas-sotto-sistema ta' operazzjoni.

Ħtieġa essenzjali 1.3.2:

Dawk il-materjali għandhom jintgħażlu, jiġu forniti u jintużaw b'tali mod li tiġi limitata l-emissjoni ta' dħaħen u gassijiet perikolużi, partikularment f'każ ta' nar.

Din il-ħtieġa essenzjali mhijiex rilevanti għas-sotto-sistema ta' operazzjoni.

3.3.4. IL-ĦARSIEN AMBJENTALI

Ħtieġa essenzjali 1.4.1:

Ir-riperkussjonijiet fuq l-ambjent tat-twaqqif u l-operazzjoni tas-sistema ta' ferroviji ta' veloċità kbira matul l-Ewropa għandha tkun meqjusa u kkunsidrata sew fl-stadju ta' l-iddisinjar tas-sistema skond il-provvedimenti tal-Komunità fis-seħħ.

Din il-ħtieġa essenzjali mhijiex rilevanti għas-sotto-sistema ta' operazzjoni.

Ħtieġa essenzjali 1.4.2:

Il-materjali użati fil-vaguni u fl-infrastrutturi tal-ferroviji għandhom jevitaw il-ħruġ ta' dħaħen jew gassijiet li huma ta' ħsara jew perikolużi għall-ambjent, partikularment f'każ ta' nar.

Din il-ħtieġa essenzjali mhijiex rilevanti għas-sotto-sistema ta' operazzjoni.

Ħtieġa essenzjali 1.4.3:

"Il-magni u l-vaguni tal-ferrovija u s-istemi tal-fornitura tal-enerġija għandhom ikunu ddissinjati u manifatturati b'tali mod li jkunu elettromanjetikament kompatibbli ma' l-istallazzjonijiet, it-tagħmir u l-infrastrutturi pubbliċi jew privati li jistgħu jikkawżawlhom interferenza".

Din il-ħtieġa essenzjali mhijiex rilevanti għas-sotto-sistema ta' operazzjoni.

3.3.5. KOMPATIBILITÀ TEKNIKA

Ħtieġa essenzjali 1.5:

"Il-karatteristiċi tekniċi ta' l-infrastrutturi u ta' l-istallazzjonijiet fissi għandhom ikunu kompatibbli ma' xulxin u ma'dawk tal-ferroviji li ser jintużaw fi ħdan is-sistema ta' ferroviji ta' veloċità kbira matul l-Ewropa.

Jekk ikun hemm diffikultà biex ikun hemm konformità ma' dawn il-karatteristċi f'ċerti sezzjonijiet tar-retikolata, soluzzjonijiet temporanji li jassiguraw kompatibilità fil-ġejjieni, jistgħu jiġu implimentati"

.

Din il-ħtieġa essenzjali mhijiex rilevanti għas-sotto-sistema ta' operazzjoni.

Ħtieġa essenzjali 2.7.3:

"L-alinjament tar-regoli ta' operazzjoni ta' l-infrastrutturi u l-kwalifiki ta' sewwieqa, ħaddiema fuq il-ferroviji u maniġers responsabbli għat-traffiku għandhom ikunu tali li jassiguraw effiċjenza fl-operazzjoni tas-sistema ta' ferroviji ta' veloċità kbira matul l-Ewropa".

Din il-ħtieġa essenzjali hija assiguratà permazz ta':

- l-uniformità tal-proċedura lit tkun applikata f'sitwazzjonijiet identiċi direttament konnessi mal-l-operazzjoni ta' sistema ġdida: sotto-sezzjoni 4.1.1,

- il-formalizzazzjoni ta' messaġġi dwar sigurtà , tal-metodoloġija u speċifikazzjoni tal-lingwa li għandha tintuża għal tipi differenti ta' komunikazzjonijiet bi smigħ dwar sigurtà: is-sezzjoni 4.1.4,

- il-proviżjoni ta' għajnuna lis-sewwieq f'każ ta' inċident: is-sezzjoni 4.1.5,

- l-informazzjoni lill-maniġers tat-traffiku dwar li-qagħda ta' l-operazzjoni tal-magni u vaguni tal-ferrovija: is-sezzjoni 4.1.7,

- il-formalizzazzjoni tal-proċeduri u azzjonijiet li għandhom ikunu segwiti f'' każ ta' kollass maġġur fis-sistema jew inċident: is-sezzjoni 4.1.8,

- il-formalizzazzjoni ta' konformità mas-sistema min-naħa tal-kwalità ta' operazzjoni: is-sezzjoni 4.1.11.

3.4. VERIFIKA TAL-KONFORMITÀ

Il-verifika tal-konformità tas-sotto-sistema u tal-kostitwenti tagħha mal-kondizzjonijiet essenzjali għandhom isiru skond il-kondizzjonijiet stabbiliti f'id-Direttiva 96/48/KE.

4. KARATTERIZZAZZJONI TAS-SOTTO-SISTEMA TA' OPERAZZJONI

Is-sistema ta' ferroviji ta'veloċità kbira matul l-Ewropa li għaliha tapplika din id-Direttiva 96/48/KE u li s-sotto-sistema ta' operazzjoni hija parti minnha, hija sistema integrata li il-koerenza tagħha għandha tkun verifikata partikularment mal-parametri bażiċi, l-interfaces u l-prestazzjoni, sabiex tiġi assigurata l-interoperabilità tas-sistema f'konformità mal-ħtiġijiet essenzjali.

Il-parametri bażiċi u speċifikazzjonijiet applikabbli għal kull element ta' interoperabilità , li jikkaratterizzaw is-sotto-sistema ta' operazzjoni, huma murija hawn taħt.

4.1. PARAMETRI TAS-SOTTO-SISTEMA TA' OPERAZZJONI

L-ebda wieħed mill-"parametri bażiċi" elenkati fl-Anness 11 għad-Direttiva 96/48/KE ma huma rilevanti għas-sotto-sistema ta' operazzjoni.

Il-parametri l-oħra rilevant għas-sotto-sistema huma dawn li ġejjin.

Is-sotto-sistema ta' operazzjoni għandha tilħaq il-prestazzjonijiet kollha speċifikati għal kull waħda minn dawn il-kategoriji ta'binarji tas-sistema ta' ferroviji ta' veloċità kbira matul l-Ewropa li huma rilevanti għaliha:

- binarji mibnija apposta għal veloċità kbira,

- binarji mtejba apposta għal veloċità kbira,

- binarji mtejba apposta għal veloċità kbira li għandhom karatteristiċi speċjali.

Fil-każ tas-sotto-sistema ta' operazzjoni, ċerti parametri oħrajn kif speċifikati aktar l-isfel għandhom jintlaħqu biex jiġu mħaddma ferroviji interoperabbli ta' veloċità kbira iżda mhumiex kollha speċifikament rilevanti għal veloċità kbira.

Fin-nuqqas ta' definizzjoni dwar il- ħtiġijiet għall-ferroviji kollha, mill-anqas l-elementi ta' importanza kritika għas-sigurtà kif ġejjin għandhom ikunu speċifikati.

4.1.1. PROĊEDURI BIEX TIĠI OPERATA SISTEMA ĠDIDA

Il-proċeduri li għandhom jintużaw f'sitwazzjonijiet identiċi marbuta direttament ma' l-operazzjoni ta' sistema ġdida maħsuba biex tintuża fuq ir-retikolata interoperabbli Ewropea għandha tkun unika; għal ERTMS/ETCS partikularment, għandhom jikkonformaw ma' speċifikazzjoni Ewropea li għandha tiġi stabbilita.

4.1.2. ID-DOKUMENTAZZJONI

4.1.2.1. Id-dokumentazzjoni tas-sewwieqa

4.1.2.1.1. Proċeduri

Il-proċeduri kollha meħtieġa għas-sewwieq għandhom ikunu inklużi f'dokument jew mezz kompjuterizzat imsejjaħ il-ktieb tar-regoli tas-sewwieq.

Il-ktieb tar-regoli tas-sewwieq għandu jsemmi l-kondizzjonijiet għar-rotot maħduma l-magni u l-vaguni tal-ferrovija użati fuq dawk ir-rotot skond is-sitwazzjonijiet ta' operazzjoni normali jew imxekkla li s-sewwieq jista' jiltaqa' magħhom.

Kull ktieb tar-regoli tas-sewwieq għandu jkun kompost skond it-tifsila jew forma standardizzata, kif hawn taħt:

A – Organizzazzjoni tas-servizz

B – Sigurtà personali

C – Sinjalazzjoni u kmand u kontroll

D - Il-kondizzjonijiet tal-ħdim tal- magni u vaguni tal-ferrovija

E – Sistemi ta' fuq il-ferroviji

F – Ħdim u sewqan tal-ferrovija

G - Anomaliji, inċidenti u aċċidenti

Appendiċi 1 għall-ktieb tar-regoli tas-sewwieq: Manwal ta' proċeduri ta' komunikazzjoni

Appendiċi 2 għall-ktieb tar-regoli tas-sewwieq: Ktieb tal-forom ('Livret formulaires').

Il-ktieb tar-regoli tas-sewwieq għandu jkun miktub f'lingwa ta' wieħed mill-Istati tar-retikolata interoperabbli magħżula mill-intrapriża tal-ferrovija f'konsultazzjoni mal-maniġers tar-retikolata tas-servizz li ser ikun imħaddem, ħlief għal messaġġi u forom ('formulaires') li għandhom jibqghu fil-lingwa tal-maniġers tar-retikolata (ara sotto-sezzjoni 4.1.4.1).

Il-ktieb tar-regoli tas-sewwieq għandu jkun miktub mill-intrapriża tal-ferrovija u għandu jinkludi l-informazzjoni pprovduta mill-maniġers tar-retikolata.

Il-proċess għal preparazzjoni u l-aġġornament tal-ktieb tar-regoli tas-sewwieq għandu jinkludi l-passi li ġejjin:

- il-maniġer tar-retikolata (IM) għandu jibgħat lill-intrapriża tal-ferrovija r-regoli sħaħ fil-lingwa ta' l-IM,

- l-intrapriża tal-ferrovija għandha tfassal id-dokument tal-bidu jew aġġornat fil-lingwa ta' l-IM,

- il-maniġer tar-retikolata għandu jgħarbel il-parti tad-dokument li tkun tlestiet mill-intrapriża tal-ferrovija rilevanti għal IM,

- il-maniġer tar-retikolata għandu jagħti awtorizzazzjoni biex jintużaw dawk l-elementi tad-dokument li jikkonċernaw lill-IM,

- jekk il-lingwa magħżula mill-intrapriża tal-ferrovija mhijiex il-waħda użata mill-maniġer tar-retikolata, id-dokument għandu jkun tradott minn korp kmpetenti u ikkonoxxut, magħżul mill-maniġer tar-retikolata u l-intrapriża tal-ferrovija. L-intrapriża tal-ferrovija għandha tip provdi ċertifikat ta' konformità mat-traduzzjoni. Iċ-ċertifikat ma jinkludix is-sezzjoni li jkun fiha l-messaġġi u l-forom (ara l-punt 4.1.4.1). Fuq talba, l-intrapriża tal-ferrovija u l-maniġer tar-retikolata għandhom jieħdu sehem fil-proċess tat-traduzzjoni.

4.1.2.1.2. Id-deskrizzjoni tat-tagħmir ta' fuq il-binarji u ta' ma' ġenbhom fuq binarji li fuqhom ikun sar ix-xogħol

4.1.2.1.2.1. elementi bażiċi

L-oġġetti kollha meħtieġa biex ikunu mħaddma l-magni u l-vaguni tal-ferrovija kkonċernati fuq ir-rotot disnjati għandhom ikunu mniżżla ġo dokument jew mezz kompjuterizzat imsejjaħ "il-ktieb tar-rotta'."

Il-ktieb tar-rotta għandu jinkludi mill-anqas l-informazzjoni, kif ġej:

- il-katteristiċi ġenerali ta' l-operazzjoni:

- it-tip ta' sinjalazzjoni u tal-ħdim relattiv tal-binarji (binarji doppji, ġiri ta' treni f'żewġ direzzjonijiet, eċċ.),

- it-tip tal-provvista ta' enrġija,

- it- tip ta' tagħmir ta' radju bejn l-art u l-ferroviji,

- indikazzjoni ta' telgħat u niżliet:

- kemm tkun għolja l-inklinazzjoni, tqegħid preċiż tal-wesgħat b'inklinazzjonijiet għoljin,

- id-disinn dettaljati tal-binarji:

- l-ismijiet ta' l-istazzjonijiet fuq ir-rotta u siti importanti u l-pożizzjoni tagħhom,

- il-veloċitajiet permessi għal kull binarju u għall-magni u l-vaguni tal-ferrovija ikkonċernata,

- l-ismijiet ta' l-organizzazzjoni risponsabbli għat-treġġija tat-traffiku,

- l-identifikazzjoni tal-mezzi radjofoniċi li ser jintużaw,

- id-deskrizzjoni skematika tal-firxa tal-binarji.

Il-format tal-ktieb tar-rotta għandu jitlesta bl-istess mod għar-retikolati kollha maħduma mill-ferroviji ta' kull intrapriża individwali ta' ferroviji.

Il-ktieb tar-rotta għandu jinkiteb f'lingwa ta' wieħed mill-Istati Membri tar-retikolata interoperabbli magħżula mill-intrapriża ta' ferroviji.

Il-ktieb tar-rotta għandu jinkiteb mill-intrapriża ta' ferroviji li tuża l-informazzjoni fornita mill-maniġer tar-retikolata.

Il-proċess għat-tlestija u l-aġġornament tal-ktieb tar-rotta għandu jkun definit mill-intrapriża ta' ferroviji. Il-maniġer tar-retikolata għandu jikkonferma kull element tad-dokument li għalih hija responsabbli u li huma li-kompetenzi lingwistiċi tagħha.

4.1.2.1.2.2. Elementi modifikati

Kwalunkwe elementi modifikati kemm jekk permanentement jew temporanjament għandhom ikunu avżati lill-intrapriża mill-maniġers tar-retikolata; dawn it-tibdiliet għandhom ikunu illegati flimkien mill-intrapriża tal-ferroviji f'dokument dedikat jew mezz kompjuterizzat li l-format tiegħu għandu jkun l-istess għar-retikolati kollha li fuqhom jaħdmu l-ferroviji ta' intrapriża tal-ferroviji.

Il-proċess li bih dan id-dokument jew mezz kompjuterizzat jitlesta għandu jkun definit mill-intrapriża tal-ferroviji u kkonfermat minn kull maniġer tar-retikolata għal kull element li għalih hija risponsabbli u li huma fil-kompetenzi lingwistiċi tagħha.

4.1.2.1.2.3. Informazzjoni lis-sewwieq fi żmien reali

Il-proċedura biex jiġu avvżati s-sewwieqa fi żmien reali dwar il-modifiki kollha lill-arranġamenti ta' sigurtà fuq ir-rotta għandhom ikunu definiti mill-maniġers tar-retikolata kkonċernati (il-proċess għandu jkun waħdieni fejn l-ERTMS/ETCS tkun tintuża).

4.1.2.1.3. Magni u Vaguni tal-Ferrovija

L-informazzjoni kollha dwar it-tħaddim tal-magni u l-vaguni tal-ferrovija f'sitwazzjonijiet kemm normali u mxekkla li għandha tkun magħrufa mis-sewwieq għandha tkun mġemmgħa f'dokument jew f'mezz kompjuterizzat imsejjaħ "il-ktieb tas-sewwieq tal-magni u l-vaguni tal-ferrovija".

Il-ktieb tas-sewwieq tal-magni u l-vaguni tal-ferrovija għandu jitlesta mill-intrapriża tal-ferrovija.

4.1.2.1.4. Orarji

L-informazzjoni meħtieġa għat-tħaddim normali tal-ferrovija għandha tinġabar f'dokument jew f'mezz kompjuterizzat wieħed imsejjaħ "il-karta ta' l-orarju" ("fiche train") li għandha tingħata lis-sewwieq u li għandha tinkludi mill-anqas li-materji li ġejjin:

- il-waqfiet u punti oħra li jkunu marbutin ma' ħin,

- il-wasla/tluq/ħinijiet li fihom tgħaddi ferrovija f'kull wieħed minn dawn il-punti.

Din il-karta ta' l-orarju għandha titlesta mill-intrapriża tal-ferrovija kkonċernata bħala kompilazzjoni ta' l-informazzjoni fuq il-ħinijiet fornita mill maniġer jew maniġers tar-retikolata kkonċernata.

Il-proċess li bih dan id-dokument jew mezz kompjuterizzat itlesta għandu jkun definit mill-intrapriża tal-ferroviji u kkonfermat minn kull maniġer tar-retikolata għal kull element li għalih hija risponsabbli u li huma fil-kompetenzi lingwistiċi tagħha.

4.1.2.2. Dokumentazzjoni għal personal fuq il-vaguni

Il-proċeduri kollha meħtieġa għall-personal fuq il-vaguni għandhom jinġabru f'dokument jew f'mezz kompjuterizzat msejjaħ "il-ktieb ta' l-ekwipaġġ fuq il-vaguni".

Il-ktieb ta' l-ekwipaġġ fuq il-vaguni għandu jitlesta mill-intrapriża tal-ferrovija u jinkludu l-informazzjoni fornita mill-maniġers tar-retikolata.

Il-maniġers tar-retikolata jistgħu jitolbu, dwar il-parti rilevanti għalihom, li dan id-dokument ikun imħħejji u aġġornat skond l-istess proċess bħal dak użat għall-ktieb tar-regoli tas-sewwieqa (sotto-sezzjoni 4.1.2.1.1).

Il-materji kollha meħtieġa biex jintużaw magni u vaguni tal-ferrovija li għandhom ikunu magħrufa mill-ekwipaġġ ta' fuq il-ferrovija dwar sitwazzjonijiet kemm normali u mxekkla għandhom jinġabru f'dokument jew f'mezz kompjuterizzat imsejjaħ "Il-ktieb tal-ekwipaġġ fuq il-vaguni".

Il-ktieb tal-ekwipaġġ fuq il-vaguni għandu jinkiteb mill-intrapriża tal-ferrovija.

4.1.3. KWALIFIKI TAS-SEWWIEQA U PERSONAL FUQ IL-FERROVIJA TA' L-INTRAPRIŻA TAL-FERROVIJA LI JKOLLHOM DMIRIJIET DWAR SIGURTÀ

4.1.3.1. Kwalifiċi bażiċi, proċeduri u lingwi

Għas-sewwieqa u personal fuq il-ferrovija li jkollhom dmirijiet ta' sigurtà l-intrapriża tal-ferrovija għandha tapplika il-proċess ta' kwalifika li jikkonsisti fil-fażi u elementi, kif ġej.

A. Għażla ta' personal:

- evalwazzjoni ta' l-esperjenza tal-personal u l-kwalitajiet professjonali u fiżiċi,

- evalwazzjoni tal-kompetenza tagħhom fl-uża ta' lingwa barranija/lingwi barranin fil-qasam vokazzjonali tagħhom jew dispożizzjoni tagħhom biex jitgħallmuha/ jitgħallmuhom.

B. Taħriġ vokazzjonali inizjali:

- speċifikazzjoni tal-ħtiġijiet għat-taħriġ,

- riżorsi għal programmi ta' taħriġ,

- kwalifika ta' l-għalliema.

Ċ. Ċertifikazzjoni inizjali:

- ġabra tal-kondizzjonijiet għall-program ta' ċertifikazzjoni,

- għoti ta' liċenzji lil min jiċċertifika,

- twassil taċ-ċertifikat tal-kwalifika.

D. Il-manteniment tal-livell ta' kwalifikazzjoni u personal li jimmonitorja:

- skema biex timmonitorja l-karrieri,

- skema biex timmonitorja s-saħħa.

E. Il-manteniment tal-livell ta' kwalifikazzjoni u taħrig ta' aġġornament:

- prinċipji tal-valutazzjoni tal-ħtiġijiet ta' taħriġ,

- prinċipji implimentazzjoni ta' taħriġ,

- prinċipji ta' l-evalwazzjoni ta' taħriġ.

F. Il-manteniment tal-livell ta' kwalifikazzjoni u il-manteniment taċ-ċertifikazzjoni li tkompli:

- prinċipji taċ-ċertifikazzjoni li tkompli,

- il-formalizzazzjoni tal-proċeduri taċ-ċertifikazzjoni li tkompli.

Il-proċess ta' kwalifika hija definita b'konsiderazzjoni tar-regoli li japplikaw fuq l-infrastrutturi kkonċernati. Id-dokument li jiddeskrivi d-dettal tal-proċess huwa mibgħut lil kull maniġer tar-retikolata kkonċernata.

4.1.3.2. Għarfien tar-rotta

L-intrapriża tal-ferrovija għandha tagħmel definizzjoni tal-proċess li bih jinkiseb u jinżamm għarfien tar-rotot li s-servizz jopera fuqhom, bbażat fuq ir-regoli stabbiliti mill-maniġers tar-retikolata.

4.1.3.3. Il-kwalifiki speċjali

F'ċerti każi, inkluż fir-reġistru tar-retikolata, tali mina li jkun hemm ġo fiha tagħmir partikulari, l-intrpriża tal-ferrovija għandha tfassal programm ta' taħriġ speċjali u tal-manteniment ta' l-għarfien għal personal kollha li jistgħu jiġu involuti fi proċeduri ta' sigurtà , bbażati fuq ir-regoli stabbiliti mill-maniġers tar-retikolata kkonċernati.

4.1.4. KOMUNIKAZZJONIJIET BEJN IL-PERSONAL DWAR IS-SIGURTÀ

4.1.4.1. Natura u format ta' messaġġi u metodologija ta' komunikazzjonijiet dwar is-sigurtà

Prinċipji li għandhom jiġu applikati mill-intrapriżi u l-maniġers ta'l-infrastruttura dwar:

- in-natura u l-format tal-messaġġi,

- il-metodoloġija tal-komunikazzjonijiet,

huma definiti fl-Anness A għat-TSI preżenti.

Materji operazzjonali ppreparati biex jiffaċilitaw l-applikazzjonijiet ta' dawn il-prinċipji, huma definiti f'dokumenti għall-użu minn sewwieqa u personal li jimmaniġġaw it-traffiku.

Għas-sewwieqa, hemm l-Annessi għall-ktieb tar-regoli tas-sewwieq:

- L-Anness 1: Manwal tal-proċeduri tal-komunikazzjoni,

- L-Anness 2: Ktieb ta' forom ('livret formulaires')

4.1.4.2. Il-lingwa użata bejn l-art u l-ferrovija

Il-lingwa użata għandha tkun dik użata fuq ir-retikolata kkonċernata; għandha tkun deċiża mill-maniġer tar-retikolata.

Il-livell tal-għerfien għall-iskop tas-sigurtà għandu jkun kif ġej:

- Funzjoni ta' sewqan (sewwieq)

Abilità li jibgħat u jifhem messaġġi speċifikati fl-Anness A għat-TSI preżenti.

Il-kontenut tal-messaġġi għandhom ikunu stabbiliti mill-maniġer tar-retikolata

- Funzjoni ta' l-akkompanjament tal-ferrovija ( personal ta' fuq il-ferrovija)

Abilità li jibgħat informazzjoni li tiddeskrivi l-ferrovija u l-istat operazzjonali tagħha fejn ikollu x' jaqsam il-personal u miżuri biex jiitieħdu f'sitwazzjonijiet li jinvolvu passiġġieri.

Il-kontenut ta' dawn il-messaġġi għandhom ikunu stabbiliti mill-maniġer tar-retikolata.

4.1.4.3. Il-lingwa użata bejn personal ta' fuq il-ferrovija u s-sewwieq

Il-lingwa użata għandha tkun dik użata f'waħda mit-territorji tar-retikolata interoperabbli. Għandha tkun magħżula mill-intrapriża li topera l-ferrovija.

4.1.4.4. Il-lingwa użata bejn il-personal ta' fuq il-ferrovija u l-passiġġieri

F'sitwazzjonijiet li għandhom x' jaqsmu mas-sigurtà u s-saħħa tal-passiġġieri, il-lingwa użata bejn il-personal ta' fuq il-ferrovija u l-passiġġieri għandha tkun dik użata f'waħda mit-territorji tar-retikolata interoperabbli. Għandha tkun magħżula mill-intrapriża li tħaddem il-ferrovija bi ftehim mal-maniġer tar-retikolata.

Barra minn dan, il-maniġers tar-retikolata jistgħu jistabbilixxu regoli partikulari għal każi speċifiċi (dwar vjaġġi f'mini twal, per eżempju) jew biex jikkonformaw mar-regolamenti ta' Istati Membri individwali.

4.1.5. GĦAJNUNA LIL SEWWIEQA F'KAŻ TA' INĊIDENT JEW NUQQAS SERJU FIT-TĦADDIM TA' FERROVIJA

L-intrapriża li topera l-ferrovija għandha żżomm disponibbli, fil-ħinijiet kollha li l-ferrovija tkun tinħadem, xi espert li jista' jkun ikkuntattjat direttament mis-sewwieq, f'ħin reali, f'każ ta' incident jew ta' ħsara serja fil-magni jew vaguni tal-ferrovija.

4.1.6. INVESTIGAZZJONI JEW INKJESTA WARA AĊĊIDENT JEW INĊIDENT

L-intrapriża li topera l-ferrovija għandha tispeċifika, bi ftehim mal-maniġer tar-retikolata, il-persuni li għandhom jiġu kkuntattjati.

Il-maniġer tar-retikolata, bi ftehim mal-intrapriża li topera l-ferrovija, għandu jistabbilixxi il-limiti ta' żmien biex jingħata bidu għal investigazzjoni jew inkjesta dwar aċċident jew inċident.

Sa fejn għandhom x'jaqsmu il-preservazzjoni, l-estrazzjoni u l-qari tar-reġistrazzjoni meħtieġa mir-regolamenti dwar ġrajjiet konnessi mas-sigurtà , l-intrapriża li topera l-ferrovija għandha tistabbilixxi, bi ftehim mal-maniġer tar-retikolata, xi proċedura sabiex dawn l-azzjonijiet jistgħu jittieħdu.

4.1.7. AVVIŻ LIL-MANIĠER TAR-RETIKOLATA DWAR L-ISTAT OPERAZZJONALI TAL-FERROVIJA

Xi proċedura trid tiġi definita bejn il-maniġer tar-retikolata u l-intrapriża li topera l-ferrovija, biex kull anomalija li taffettwa magni u vaguni tal-ferrovija tista' jkollha riperkussjonijiet fuq il-moviment tal-ferrovija (qabel ma titlaq u fi triqitha) ikun irrapportat lill-organizzazzjoni responsabbli għall-maniġment tat-traffiku.

4.1.8. XENARJI U PROĊEDURI BIEX IKUNU TTRATATI INĊIDENTI SERJI

Xenarji u proċeduri għandhom ikunu speċifikati mill-maniġers tar-retikolata b'koordinazzjoni mal-intrapriża li topera l-ferrovija għall-inċidenti, kif ġejjin:

- Inċident:

- salvataġġ ta' nies,

- Ħsarat ta' ferroviji:

- evakwazzjoni ta' passiġġieri,

- salvataġġ ta'ferroviji bil-ħsara.

- Ħsara fir-retikolata:

- ħtiġijiet ta' sewqan ta'ferroviji b'rotta mibdula.

L-intrapriża li topera l-ferrovija u l-maniġers tar-retikolata għandhom iqisu dawn ix-xenarji u proċeduri fil-ktieb tar-regoli u fl-ispeċifikazzjonijiet tagħhom tat-taħriġ ta' personal.

Barra minn dan, u sabiex il-maniġers tar-retikolata jkunu jistgħu jistabbilixxu bil-quddiem il-miżuri li għandhom jittieħdu skond ir-regoli u regolamenti, skond in-natura ta' l-inċidenti, l-intrapriża li topera l-ferroviji għandha tipprovdilhom, fuq it-talba tagħhom, il-lista tal-malfunzjonijiet speċifiċi ta' magni u vaguni tal-ferrovija li jista' jkollhom implikazzjonijiet sostanzjali fuq it-traffiku.

4.1.9. SEWQAN TAĦT KONDIZZJONIJIET PARTIKULARI (FERROVIJI TA' PROVA U FERROVIJI BIL-ĦSARA)

Il-kondizzjonijiet partikulari għall-ħdim ta' ferroviji – għal magni u vaguni tal-ferrovija taħt prova u l-moviment ta' vaguni u magni bil-ħsara rikoverati għandhom ikunu definiti mill-intrapriża li topera l-ferrovija u skrutinizzati għar-ratifika tal-maniġers tar-retikolata kkonċernata.

4.1.10. MONITORAĠĠ TAS-SISTEMA MILL-ASPETT TAS-SIGURTÀ

4.1.10.1. Iċċekkjar għall-konformità ma' l-ispeċifikazzjonijiet

Konformità ma' l-ispeċifikazzjonijiet ta' interoperabilità għandhom ikunu ċċekkjati, partikularment, permezz ta' verifiki.

Il-maniġers tar-retikolata għandhom:

- jesegwixxu, bħala minimu, verifiki tar-retikolata tagħhom ta' kull sena, li jkopru:

- l-implimentazzjoni ta' l-ispeċifikazzjonijiet mill-intrapriżi li joperaw il-ferroviji,

- l-effikaċja tas-sistema tal immonitorjar imwaqqaf mill-intrapriża li topera l-ferroviji,

- jinformaw lill-intrapriżi li joperaw l-ferroviji dwar issejbiet ta' dawk il-verifiki esegwiti fuq ir-retikolata tagħhom.

L-intrapriżi li joperaw il-ferroviji għandhom:

- jagħmlu, mill-inqas darba fis-sena, verifiki tas-servizz ta'velocità kbira interoperabbli li jikkoċernahom,

- jikkommunikaw is-sejbiet tal-verifiki lill-maniġers tar-retikolata kkonċernata.

4.1.10.2. Feedback ta' l-esperjenza

Il-maniġers tar-retikolata għandhom:

- iwaqqfu proċess għal feedback ta' l-informazzjoni mill-kamp ta' operazzjoni tar-riżultati operazzjonali tas-sistema ta' veloċità kbira interoperabbli,

- javżaw lill-intrapriżi li joperaw il-ferroviji kkonċernati dwar inċidenti u aċċidenti li jkunu ġraw fit-territorju tagħhom,

- jikkomunikaw lill-intrapriżi li joperaw l-ferroviji, meta wieħed mill-personal tagħhom jkun involut, l-analiżi u konklużjonijiet ta' l-investigazzjoni jew inkjesta.

L-intrapriżi li joperaw il-ferroviji għandhom:

- iwaqqfu proċess għal feedback ta' informazzjoni minn fuq is-sit dwar il-kisbiet operazzjonali tas-sistema ta' veloċità kbira interoperabbli,

- perjodikament u jekk meħtieġ jinformaw lil-maniġers tar-retikolata dwar ir-riżultati tal-feedback u oqsma fejn azzjonijiet korrettivi huma mistennija.

4.1.11. KWALITÀ TAL-MONITORAĠĠ TA' L-OPERAZZJONI

Ġrajjiet li jkunu fixklu l-operazzjonijiet sew għandhom ikunu analizzati malajr kemm jista' jkun, mil-intrapriża li topera l-ferroviji flimkien ma' l-maniġer tar-retikolata kkonċernata.

Ġrajja li tirripeti ruħha għandha tiġi mill-intrapriża li topera l-ferroviji flimkien ma' l-maniġers tar-retikolata kkonċernata .għallinqas darba fis-sena.

Dawn il-proċessi għandhom ikunu definiti mill-intrapriża li topera l-ferroviji bi ftehim ma' l-maniġers tar-retikolata.

4.1.12. SERVIZZ FUQ IL-FERROVIJA

4.1.12.1. Ekwipaġġ

L-inqas numru ta' personal fuq it-tren u l-kwalifika tagħhom għandha tkun skond ir-regoli ta' kull waħda mill-istrutturi fejn jitħaddmu dwar il-provvediment ta' nies fil-ferrovija.

Proċedura għandha titfassal mill-intrapriża li topera l-ferroviji bi ftehim ma' l-maniġers tar-retikolata biex jiġu definiti l-iċċekkjar li għandhom isiru qabel jitlaq it-tren.

4.1.12.2. Numru ta' passiġġieri fuq it-tren

Meta intrapriża li topera l-ferroviji tuża magni u vaguni tal-ferrovija ta' veloċità kbira li ma tistgħax tivvjaġġa bil-veloċità nominali tagħha minħabba li tkun mgħobbija b'ħafna passiġġieri żejda, għandha tieħu l-miżuri meħtieġa biex tassigura li normalment tagħbija żejda bħal din qatt ma tiġri.

Fil-każi eċċezzjonali fejn is-sitwazzjoni sseħħ, l-intrapriża li topera l-ferroviji għandha tavża lill-maniġer tar-retikolata dwar il-kondizzjonijiet li taħthom iċ-ċaqliq jista' jsir.

Għal ċerti każi inklużi fir-reġistru tar-retikolata, tali mina li għaliha l-maniġer tar-retikolata jkun ipprovda xenarju ta' evakwazzjoni li fiha l-passiġġieri jkollhom jimxu matul it-tren, il-maniġer tar-retikolata flimkien mal-intrapriża li topera l-ferroviji għandu jiffissa l-akbar għadd ta' passiġġieri li jitħallew fit-tren.

Barra minn dan, fil-każ appena msemmi u għall-istess raġunijiet, l-ebda valiġġa ma għandha tkun permessa fil-kurrituri jew mal-bibien.

4.2. KONNESSJONIJIET MAS-SOTTO-SISTEMA TA' OPERAZZJONI I

Xejn

4.3. ESEKUZZJONI SPEĊIFIKATA

Xejn

5. KOSTITWENTI TA' INTEROPERABILITÀ

5.1. Fit-tifsira ta' l-artikolu 2(d) tad-Direttiva 96/48/KE, kostitwenti ta'interoperabilità huma kwalunkwe komponenti elementari, grupp ta' komponenti, immuntar parzjali jew komplet ta' tagħmir inkorporat jew intiż biex ikun inkorporat f'sotto-sistema, li fuqha tiddipendi l-interoperabilità tas-sistema tal-ferrovija ta'veloċità kbira matul l-Ewropa jew direttament jew indirettament.

5.2. Il-kostitwenti ta' interoperabilità huma koperti mill-provvedimenti rilevanti tad-Direttiva 96148/KE.

5.3. Xi kostitwenti ta' interoperabilità huma indirizzati minn speċifikazzjonijiet li jistabbilixxu kondizzjonijiet ta' esekuzzjoni għalihom. Il-valutazzjoni tal-konformità tagħhom u/jew għall-użu għandu jsir bħala regola, permezz ta' kombinazzjoni tal-kostitwenti ta' interoperabilità. Disinnji jew karatteristċi desktittivi għandhom jiddependu fuqhom eċċezzjonalment biss.

Is-sotto-sistema ta' operazzjoni ma għandha l-ebda kostitwenti ta' interoperabilità.

6. VALUTAZZJONI TA' KONFORMITÀ U/JEW ADATTATI BIEX JINTUŻAW

6.1. KOSTITWENTI TA' INTEROPERABILITÀ

It-TSI ta' l-operazzjonijiet ma għandha l-ebda kostitwenti ta' interoperabilità.

6.2. IS-SOTTO-SISTEMA TA' OPERAZZJONIJIET

6.2.1. PROĊEDURI TA' VALUTAZZJONI U MODULI APPLIKABBLI

Valutazzjoni ta' konformità tal-parametri kkonċernati tinvolvi verifika ta' dawn il-punti li ġejjin għal kull parametru, fuq ir-rotta/rotot li għandhom jinħadmu fuqhom il-magni u vaguni tal-ferrovija li ser jintużaw:

- qabel ma jiddaħħlu fis-servizz: il-karatteristiċi tad-dokumenti kollha definiti, proċeduri, proċessi jew provvedimenti speċjali,

- waqt l-operazzjoni: l-implimentazzjoni u l-kontroll ta' l-elementi kollha definiti assoċjati mas-sistema tal-monitoraġġ tal-kwalità.

It-tipi ta' moduli li għandhom ikunu applikati għall-valutazzjoni tal-konformità huma kif ġejjin:

- Qabel il-bidu tas-servizz

- Għal parametri tad-disinn li jikkonċerna lil-maniġer tar-retikolata, il-modulu ta' tip A għandu jintuża.

- Għall-parametri għad-disinnji li jikkoncernaw l-intrapriża tal-ferroviji, il–modulu ta' tip A għandu jintuża flimkien mal-provvediment addizzjonali A1, kif ġej:

"korp notifikat magħżul mill-intrapriża tal-ferroviji għandhu jagħmel verifika tal-karatteristiċi tal-elementi tal-parametri tad-disinn li jikkonċernawha qabel ma jinbeda s-servizz."

Dan il-modulu huwa msemmi AE u huwa deskritt fil-punt 6.2.2.

- waqt operazzjoni

Għall-elementi tal-parametri li jirrelataw mal-kwalità tas-sistema ta' monitoraġġ, modulu ta' tip D għandu jintuża flimkien mal-provvediment D1 kif ġej:

"korp notifikat, jew istituzzjoniijiet notifikati magħżula mill-maniġers tar-retikolata u mill-intrapriżi tal-ferroviji, għandhom, kull sentejn, jassessjaw l-elementi tal-parametri li għandhom x'jaqsmu mal-proċessi tas-sistema tal-monitoraġġ tal-kwalità (l-applikazzjoni tas-sistema tal-monitoraġġ tal-kwalità , identifikata bħala SQ fit-Tabella 6.2.2) li jikkonċernaw l-intrapriża tal-ferrovija u/jew il-maniġer tar-retikolata. L-għażla tal-korp notifikat issir skond il-proċedura stabbilita mill-Istat Membru kkonċernat u minn fost il-korpi notifikati bil-kapaċitajiet essenzjali, u fi ftehim ma' l-awtorità maħtura mill-Istat Membru kkonċernat biex jinħareġ ċertifikat ta' sigurtà."

Dan il- modulu għandu jissemma bħala DE u huwa deskritt fil-punt 6.2.2.

6.2.2. APPLIKAZZJONI TA' MODULI

It-Tabella ta' hawn taħt:

- telenka l-parametri li għandhom ikunu valutati u l-elementi li għandhom ikunu verifikati għal kull parametru u tidentifika l-elementi tas-sistema tal monitoraġġ tal-kwalità li għandhom ikunu valutati (mmarkati SQ),

- tagħti referenza TSI għad-diversi parametri u tindika liema moduli għandhom jintużaw.

Din it-tabella hija l-bażi biex jiġu applikati l-moduli.

Parametri li għandhom ikunu valutati | Elementi li jiġu verifikati għal kull parametru | Referenza TSI | Moduli biex jiġu applikati |

RU | IM |

Proċedura għal operazzjoni ta' sistema ġdida | Applikazzjoni għal din is-sistema ta' istruzzjonijiet mniżżla fl-speifikazzjoni Ewropea stabbilita għas-sistema | 4.1.1. | | A |

Id-dokumentazzjoni | | | | |

Driver's rule book | Eżistenza | 4.1.2.1.1 | AE | A |

Struttura | | AE | |

Il-lingwa tat-test | | AE | |

Proċess ta' tfassil u aġġornament, fosthom l-għażla ta' korp kompetenti u kkonoxxut u ċertifikat ta' konformità tat-traduzzjoni. | | AE | |

Ktieb tar-rotta | Eżistenza | 4.1.2.1.2.1 | AE | |

Kontenut minimu | | AE | |

Mod ta' preżentazzjoni mill-intrapriża tal-ferrovija | | AE | |

Il-lingwa tat-test | | AE | |

Proċess ta' tfassil u aġġornament | | AE | A |

Dokument jew fajl kompjuterizzat ta' elementi emendati | Eżistenza | 4.1.2.1.2.2 | AE | |

Mod ta' preżentazzjoni mill-intrapriża tal-ferrovija | | AE | |

Proċess ta' tfassil u aġġornament | | AE | A |

Proċedura biex tavża lis-sewwieq f'ħin reali | Eżistenza | 4.1.2.1.2.3 | AE | A |

Ktejjeb ix-xofier | Eżistenza | 4.1.2.1.3 | AE | A |

Karta ta' l-orarju | Eżistenza | 4.1.2.1.4 | AE | |

Kontenut minimu | | AE | |

Mod ta' preżentazzjoni mill-intrapriża tal-ferrovija | | AE | |

Il-lingwa tat-test | | AE | |

Proċess ta' tfassil | | AE | A |

Ktieb tar-regoli għal personal fuq it-tren | L-eżistenza ta' dawn id-dokumenti | 4.1.2.2 | AE | |

Proċess ta' tfassil u aġġornament kif xieraq | | AE | A |

Ktieb għal personal fuq it-tren | Eżistenza | | AE | |

Kwalifiki tas-sewwieqa u tal- personal fuq it-tren | | | | |

Proċess ghall-kwalifiki ġenerali tas-sewwieqa u personal fuq it-tren | Eżistenza | 4.1.3.1 | AE | |

Struttura | | AE | |

Sottomissjoni mill-RU lil kull IM tad-dokument li jiddeskrivi l-proċessi | | AE | |

Proċess għall-akkwizizzjoni u l-manteniment ta' l-għarfien tar-rotta | Eżistenza | 4.1.3.2 | AE | A |

Proċess għat-taħriġ u għall-manteniment ta'l-għarfien għal kwalifiki speċifiċi | L-eżistenza ta' programm speċifiku | 4.1.3.3 | AE | A |

Komunikazzjonijiet ta' importanza kritika għas-sigurtà | | | | |

Elementi operazzjonali għal komunikazzjonijiet bejn l-art u l-mobile li jidhru fid-dokumenti: biex jintużaw mis-sewwieq (appendiċijiet għall-ktieb tar-regoli)manwal tal-proċeduri dwar il-komunikazzjoniktieb ta' forombiex jintużaw minn personal risponsabbli għall-maniġment tat-traffiku | Applikazzjoni tal-prinċipji mniżżla fl-Appendiċi A | 4.1.4.1 | AE | A |

Il-lingwa użata bejn il-binarji u t-tren | Definizzjoni | 4.1.4.2 | AE | |

Il-lingwa użata bejn il-personal ta' fuq it-tren u s-sewwieq | Definizzjoni | 4.1.4.3 | AE | |

Il-lingwa(i) użata(i) bejn il-personal fuq it-tren u l-passiġġieri | Definizzjoni | 4.1.4.4 | AE | A |

Miżuri biex jgħinu lis-sewwieqa | Eżistenza | 4.1.5 | AE | |

Miżuri għall-iskopijiet ta' investigazzjoni u inkjesta u biex tkun aċċessjata u moqrija data reġistrata li għandha x' taqsam mas-sigurtà | Eżistenza | 4.1.6 | AE | A |

Proċedura biex jiġi informat il-maniġer tar-retikolata dwar l-istat operazzjonali tat-tren | Eżistenza | 4.1.7 | AE | A |

Xenarji u proċeduri biex jiffaċċjaw inċidenti serji | Eżistenza | 4.1.8 | AE | A |

L-inklużjoni fil-kotba tar-regoli u fi speċifikazzjonijiet tat-taħriġ | | AE | A |

Lista ta' malfunzjonijiet | | AE | A |

Miżuri dwar il-kondizzjonijiet tal-ħdim ta' treni li jkunu għaddejjin minn testijiet u r-ritorn ta' vaguni jew magni li ma jifilħux aktar xogħol | Definizzjoni | 4.1.9 | AE | A |

Inklużjoni fil-verifika programmi | | | |

Verifika ta' sistema mill-aspett tas-sigurtà | | | | |

Proċess ta' verifika | Eżistenza | 4.1.10.1 | AE | A |

Applikazzjoni ta' proċess waqt l-Operazzjoni (SQ) | | DE | DE |

Feedback | Eżistenza | 4.1.10.2 | AE | A |

Applikazzjoni tal- process waqt l-operazzjoni (SQ) | | DE | DE |

Verifika ta' sistema mill-aspett tal-kwalità | Eżistenza | 4.1.11 | AE | A |

Applikazzjoni ta' proċess f'Operazzjoni (SQ) | | DE | DE |

Servizz fuq it-tren | | | | |

Provvedimenti li jirregolaw il-kompożizzjoni ta' l-ekwipaġġ tal-ferroviji | Definizzjoni ta' numru minimu ta' personal fuq it-tren u l-kwalifiki tagħhom | 4.1.12.1 | AE | A |

Proċedura biex tiċċekkja l-għadd ta' personal fuq it- tren qabel titlaq il-ferrovija | Eżistenza | | AE | A |

Provvedimenti dwar il-fattur ta' togħbija tat-tren | Eżistenza | 4.1.12.2 | AE | |

Iċċekkjar bħala parti tal-verifika | | | |

Provvedimenti dwar l-akbar numru ta' passiġġieri fejn ikun hemm sitwazzjonijiet ta' evakwazzjoni | Eżistenza | | AE | A |

Provvedimenti dwar il-bagalji | Eżistenza | | AE | |

(SQ) Elementi dwar is-sistema tal-monitoraġġ tal-kwalità li għandha tkun ivverifikata waqt l-operazzjoni |

L-arranġamenti għall-implimentazzjoni tal-moduli huma kif ġej.

Modulu A

Il produttur (il-maniġer tar-retikolata) għandu għall-elementi ta' parametri li jikkonċernawh:

(a) jikteb id-dokumentazzjoni għas-sistema interoperabbli in kwistjoni:

- id-dokumentazzjoni dwar il-magni u vaguni tal-ferrovija użati u r-rotta li jgħaddu minn fuqha,

- id-dokumentazzjoni dwar kull parametru: id-dokument, l-isem tal-proċess, il-proċedura jew provvedimenti speċjali,

- lista ta' speċifikazzjonijiet Ewropej li għandhom jiġu applikati,

U għandu jiġbor dan il-materjal fl-arkivju, iżommu disponibbli għall-ispezzjoni mill-awtoritajiet nazzjonali għal perijodu ta' għaxar snin;

(b) jivverifika, għal kull parametru u element ta'disinn tal-parametri indikati fil-lista ta' hawn fuq, li jikkonformaw mal-karatteristiċi definiti fit-TSI;

(ċ) jlesti dikjarazzjoni ta' konformità inkluża l-lista ta' parametri u elementi li jkollhom jiġu vverifikati (mit-tabella ta' qabel) u, għal kull wieħed minnhom, indikazzjoni ta' konformità. Din id-dikjarazzjoni għandha tkun arkivjata mad-dokumentazzjoni ta' operazzjoni.

Modulu AE

Il-produttur (l-intrapriża tal-ferrovija) għandu, għall-elementi li jikkonċernawh:

(a) jikteb id-dokumentazzjoni għas-sistema interoperabbli in kwistjoni:

- id-dokumentazzjoni dwar il-magni u vaguni tal-ferrovija użati u r-rotta li jgħaddu minn fuqha,

- id-dokumentazzjoni dwar kull parametru: id-dokument, il-kliem magħżula għall-proċess, il-proċedura jew provvedimenti speċjali,

- lista ta' speċifikazzjonijiet Ewropej li għandhom jiġu applikati, u għandu jarkivja dan il-materjal,

u għandu jiġbor dan il-materjal fl-arkivju, iżommu disponibbli għall-ispezzjoni mill-awtoritajiet nazzjonali għal perijodu ta' għaxar snin;

(b) jagħżel korp notifikat u jitlob verifika għal kull parametru u element ta' parametru ta' disinn indikata fil-lista ta' hawn fuq, li jikkonformaw mal-karatteristiċi definiti fit-TSI matul ir-rotta kollha li jkunu jaħdmu fuqha.

Il-korp notifikat għandu:

(c) jivverifika, għal kull parametru u għal kull element ta' parametru disinn indikat fil-lista ta' aktar il-fuq, li jkun hemm konformità mal-karatteristiċi definiti fit-TSI;

(d) jinnotifika lil-produttur li jkun talab il-verifiki tar-riżultati miksuba.

Il-produttur għandu:

(e) jikteb dikjarazzjoni ta' konformità inkluża lista tal-elementi tal-parametri li għandhom ikunu verifikati, meħuda mit-tabella ta' hawn fuq, u għal kull wieħed minnhom, indikazzjoni ta' konformità . Din id- dikjarazzjoni għandha tkun arkivjata mad-dokumentazzjoni ta' l-operazzjoni.

Modulu DE

Il-produtturi (l-intrapriża tal-ferrovija u l-maniġer tar-retikolata, kull wieħed għall-biċċa li tikkonċernah) għandhom:

(a) jiktbu id-dokumentazzjoni operattivi għas-sistema interoperabbli in kwistjoni:

- id-dokumentazzjoni fuq magni u vaguni tal-ferrovija użati fuq ir-rotta li fuqha ikunu qegħdin jaħdmu,

- id-dokumentazzjoni dwar ir-responsabbiltajiet u s-setgħa ta' l-organizzazzjoni, dwar is-sistema ta' monitoraġġ tal-kwalità,

- id-dokumentazzjoni dwar kull parametru li għandu x' jaqsam mas-sistema ta' monitoraġġ tal-kwalità,

- l-isem tal-proċessi,

- riżultat tal-verifiki,

- l-elementi dwar feedback,

- elementi dwar is-sistema ġenerali tal-monitoraġġ ta' kwalità.

u għandhom jarkivjaw dan il-materjal u jżommuh disponibbli għal ispezzjoni mill-awtoritajiet nazzjonali għal perijodu ta' mill-inqas għaxar snin;

(b) jagħżlu korp notifikat jew istituzzjoni notifikata kull sentejn u jitolbu li jagħmel/tagħmel valutazzjoni ta' l-elementi tal-parametri dwar is-sistema ta' monitoraġġ tal-kwalità (applikazzjoni tal-proċessi tal-monitoraġġ tal-kwalità identifikati bħala SQ fit-tabella hawn fuq) li tikkonċernahom.

Il-korp notifikat jew l-istituzzjoni notifikata:

(c) għandu jagħmel valutazzjoni tal-proċessi ta' monitoraġġ lill-produtturi (l-intrapriża tal-ferrovija u/jew il-maniġer tar-retikolata) u jagħmel rapport għal kull wieħed minnhom, partikularment jekk:

- il-produtturi ikunux implementaw il-proċessi ppjanati,

- il-produtturi jikkontrollawx il-proċessi;

(d) jagħti ir-riżultat ta' din il-valutazzjoni u r-rapport relatat lil-produtturi li jkunu talbu ir-rapport.

Il-produtturi ((l-intrapriża tal-ferrovija u l-maniġer tar-retikolata , kull wieħed għal biċċa li tikkonċernah):

(e) għandhom jistabbilixxu dikjarazzjoni ta' konformità li tindika r-iżultati ta' din il-valutazzjoni u tar-rapport relatat u jżommu din id-dikjarazzjoni mad-dokumentazzjoni operativa.

7. IMPLIMENTAZZJONI TA' L-OPERAZZJONI TSI

L-operazzjoni tas-servizz tal-ferrovija fuq il-parti rilevanti tas-sistema ta' ferroviji ta'veloċità kbira matul l-Ewropa għandha tikkonforma ma' l-Operazzjoni TSI:

- meta infrastruttura interoperabbli ġdida jew imtejba tibda titħaddem skond l-Artikolu 14 tad-Direttiva 96/48/KE,

- jew, meta servizz ġdid li jaqsam il-fruntieri jibda jitħaddem,

- jew, fil-każ tar-retikolata eżistenti msemmiha fil-punt 1.2 tat-TSI preżenti, pass pass, u, jekk possibbli, sal-2005.

Madankollu, fil-każ tar-retikolata eżistenti, ferroviji li qed jitħaddmu u ma humiex soġġetti għad-Direttiva 96/48/KE, ir-regoli ta' operazzjoni li jirriżultaw mill-applikazzjoni ta'dan it-TS1 jistgħu' jiġu adattati għas-sitwazzjoni lokali bil-għan li tiġi ppreservata l-kompatibilità tas-sistema eżistenti ta' ferrovji u l-livell preżenti tagħha ta' sigurtà . Tali eċċezzjonijiet għandhom jissemmew fir-reġistru tar-retikolata.

--------------------------------------------------

ANNESS A

KOMUNIKAZZJONIJIET DWAR IS-SIGURTÀ BEJN PERSONAL INVOLUTI FIS-SOTTO-SISTEMA

NATURA U STRUTTURA TAL-MESSAĠĠI

METODOLOĠIJA TAL-KOMUNIKAZZJONI

INTRODUZZJONI

L-għan ta' dan id-dokument huwa li jistabbilixxi r-regoli għal komunikazzjonijiet dwar is-sigurtà bejn l-art u s-sistemi mobile, fiż-żewġ direzzjonijiet, applikabbli għal informazzjoni trasmessa jew skambjata dwar sitwazzjonijiet kruċjali għas-sigurtà fuq ir-retikolata inter-operabbli u partikularment biex:

- jiddefinixxi n-natura u l-istruttura tal-messaġġi dwar is-sigurtà,

- jiddefinixxi l-metodoloġija għat-trasmissjoni ta' dawn il-messaġġi bil-leħen.

Dan l-appendiċi għandu jservi bħala bażi:

- li jgħin lill-maniġer tar-retikolata jikkomponi l-messaġġi u l-kotba ta' forom (formulaires). Dawn l-elementi għandhom ikunu indirizzati lill-intrapriżi tal-ferroviji fl-istess ħin li ir-regoli u regolamenti li jistabilixxu l-limiti jinħarġu,

- għall-maniġers tar-retikolata u l-intrapriżi tal-ferroviji biex jiktbu d-dokumenti għall-operaturi (kotba ta' forom: livret formulaires), istruzzjonijiet għall-persunal risponsabbli għall-maniġment tat-traffiku u l-Appendiċi 1 għall-ktieb tar-regoli għas-sewwieq "Manwal tal-proċeduri fil-komunikazzjonijiet".

1. NATURA U STRUTTURA TAL-MESSAĠĠI DWAR IS-SIGURTÀ

1.1. NATURA

Il-messaġġi relatati mas-sigurtà għandhom ikunu definiti b'mod formali minn kull maniġer tar-retikolata erba' tipi:

- messaġġi ta'emerġenza ta' l-ogħla prijorità,

- messaġġi proċedurali,

- messaġġi addizzjonali,

- messaġġi ta' informazzjoni b'kontenut varjabbli.

Ir-regoli dwar it-trasmissjoni ta' dawn il-messaġġi huma mogħtija taħt is-sezzjoni 2 - "Metodoloġija ta' komunikazzjoni".

1.1.1. Messaġġi ta'emerġenza ta' l-ogħla prijorità

Il-messaġġi ta'emerġenza ta' l-ogħla prijorità huma maħsuba biex jagħtu istruzzjonijiet operazzjonali urgenti.

Biex ikun evitat kwalunkwe riskju li jinftiehem ħażin, il-messaġġ huwa dejjem ripetut.

Klassifikati skond il-ħtieġa, il-messaġġi ewlenija li jistgħu jintbagħtu huma indikati minn hawn il-quddiem: barra minn hekk, messaġġi ta' emergenza oħra ta' l-ogħla prijorità jistgħu, jekk ikun meħtieġ, ikunu definiti mill-maniġer tar-retikolata.

Il-messaġġi ta' emerġenza ta' l-ogħla prijorità jistgħu jkunu segwiti minn messaġġi proċedurali (ara s-sotto-sezzjoni 1.1.2).

Il-messaġġi essenzjali kollha ta' emergenza ta' l-ogħla prijorità huma indikati fl-Appendiċi 1 "Manwal ta' proċeduri ta' komunikazzjoni" għall-ktieb tar-regoli għas-sewwieqa u fid-dokumenti t għall-użu mill-personal risponsabbli għall-maniġment tat-traffiku.

1.1.1.1. Messaġġi mibgħuta mill-art jew mis-sewwieq

- Ħtieġa li jitwaqqfu il-ferroviji kollha:

+++++ TIFF +++++

Informazzjoni dwar il-lokazzjoni, jw parti minn distrett, jekk ikun meħtieġ, speċifikat fil-messaġġ.

Barra minn hekk, dan il-messaġġ għandu jkun malajr kompletat, jekk jista' jkun, bir-raġuni, il-lokazzjoni ta' l-emerġenza u l-identifikazzjoni tal-ferrovija:

+++++ TIFF +++++

- Ħtieġa li titwaqqaf ferrovija partikulari:

+++++ TIFF +++++

- Ħtieġa li r-radju ma jittrasmettix:

+++++ TIFF +++++

1.1.1.2. Messaġġi mis-sewwieq

- Il-ħtieġa li tinqata' l-enerġija tal-binarji:

+++++ TIFF +++++

Dan il-messaġġ għandu jkun malajr kompletat, jekk jista' jkun, bir-raġuni, il-lokazzjoni ta' l-emerġenza u l- identifikazzjoni tat-tren:

+++++ TIFF +++++

1.1.2. Messaġġi ta' proċedura

1.1.2.1. Natura tal-messaġġi

Messaġġi ta' proċedura huma użati biex jintbagħtu istruzzjonijiet operazzjonali dwar sitwazzjonijiet li jidħru fil-ktieb tar-regoli tas-sewwieq.

Huma jifformaw it-test tal-messaġġ stess, li jikkorrespondi ma' sitwazzjoni, u numru li jidentifika l-messaġġ.

Jekk il-messaġġ jeħtieġ li min jirċevih jirapporta lura, it-test tar-rapport ikun mogħti wkoll.

Dawn il-messaġġi jużaw sett ta' kliem stabiliti mill-maniġers tar-retikolata fil-lingwa tagħhom stess u huma ppreżentati f'sura ta' forma stampati bil-quddiem fuq karta.

1.1.2.2. Forom ta' proċedura -

Forom ta' proċedura huma l-mezz formalizzat għal messaġġi proċedurali.

L-għan tagħhom huwa li:

- jipprovdu dokument ta' ħidma komuni użat fil-ħin reali mill-personal fl-istazzjon risponsabbli għal maniġment tat-traffiku u mis-sewwieqa,

- jiffaċilitaw it-traċċabilità tal-komunikazzjonijiet.

Dawn il-forom huma identifikati b'kelma bil-kowd, li juża kelma unika jew numru uniku, li jkollu x' jaqsam mall-proċedura.

Huma mfassla minn kull maniġer tar-retikolata fil-lingwa tiegħu stess.

1.1.2.3. Ktieb ta' forom (livret formulaires)

Is-sett sħiħ tal-forom għandu jkun miġbur f'kotba (kotba ta' forom) stampati fuq karta:

- ktieb ta' forom maħsub għas-sewwieq li jiġbor il-forom kollha li jistgħu jintużaw minn maniġers ta' l-infrastrutura differenti x'imkien fuq ir-rotta li dawn jużaw. Il-ktieb ta' forom għandu jikkostitwixxi l-Appendiċi 2 għal ktieb tar-regoli għas-sewwieq,

- ktieb ta' forom maħsub għall-personal risponsabbli għall-maniġment tat-traffiku, biex jgħinhom iġibu fis-seħħ il-proċeduri kollha użati fit-territorju tagħhom.

Il-ktieb ta' forom huwa maqsum f'żewġ biċċiet.

Fl-ewwel parti hemm dawn il-materji.

- fakkar dwar l-utilizzazzjini tal-ktieb ta' forom,

- indiċi ta' forom ta' proċedura mibdija fl-istazzjon,

- indiċi ta' forom ta' proċedura mibdija mis-sewwieq,

- il-lista ta' sitwazzjonijiet li jagħmlu referenzi għal liema forom ta' proċedura għandhom jintużaw,

- vokabolarju li jagħti s-sitwazzjonijiet li għalihom kull proċedura tapplika,

- il-kowd biex ikunu ffurmati l-messaġġi (l-alfabet fonetiku, eċċetera).

Fit-tieni parti hemm il-forom ta' proċeduri stess.

Diversi forom mudelli huma nklużi fil-ktieb ta' forom u tabelli għall-paġni li għandhom jintużaw.

L-intrapriża tal-ferrovija tista' tinkludi test esplanatorju rilevanti għal kull forma u s-sitwazzjonijiet ittrattati, fil-ktieb ta' forom għas-sewwieqa.

1.1.3. Messaġġi addizzjonali

"Messaġġi addizzjonali" huma messaġġi ta' informazzjoni użati mis-sewwieq biex jinforma lill-personal risponsabbli għall-maniġment tat-traffiku, jew użat mill-personal fil-maniġment tat-traffiku biex javżaw lis-sewwieq dwar ċerti sitwazzjonijiet previdibbli li jkollhom x' jaqsmu ma' l-operazzjoni tal-ferrovija jew għall-kondizzjoni teknika tal-ferrovija jew tar-retikolata.

Il-messaġġi addizzjonali meħtieġa huma identifikati mill-maniġers tar-retikolata u huma inklużi fl-Appendiċi 1 "Manwal ta' proċeduri ta' komunikazzjoni" tal-ktieb tar-regoli għas-sewwieq u fid-dokumenti ta' istruzzjonijiet għall-użu ta' personal risponsabbli għall-maniġment tat-traffiku.

1.1.4. Messaġġi ta' informazzjoni b'fattur varjabbli, kontenut

Dawn il-messaġġi għandhom jintużaw, f'xi sitwazzjonijiet, mis-sewwieq biex javża lill-personal risponsabbli għall-maniġment tat-traffiku fuq l-art dwar ċirkustanzi li huma ta' natura rari u li messaġġi predeterminati m'humiex iprovduti għalih.

Biex jagħmluha eħfef biex wieħed jiddeskrivi s-sitwazzjonijiet u jqassru l-messaġġi ta' informazzjoni, messaġġ mudell, vokabolarju ta' terminolġija tal-ferroviji, disinn deskrittiv ta' magni u vaguni tal-ferrovija li jkunu qed jintużaw u dikjarazzjoni deskrittiva tat-tagħmir ta' l-infrastrutura (il-binarji, il-provvista tal-ġibda, eċċ.) għandha tinkiteb.

1.1.4.1. Mudell ta' struttura għall-messaġġi

+++++ TIFF +++++

Dawn il-messaġġi jistgħu jkunu segwiti minn talba għal istruzzjonijiet.

L-elementi tal-messaġġi huma pprovduti kemm bil-lingwa magħżula mill-intrapriża tal-ferrovija kif ukoll b'dawk tal-maniġers tar-retikolata kkonċernata.

1.1.4.2. Vokabolarju tat-terminoloġija tal-ferroviji

Vokabolarju tat-terminoloġija tal-ferroviji għandu jkun maħruġ mill-intrapriża tal-ferrovija għal kull retikolata ittraversata. Hija għandha tipprovdi lil kull terminus li jintuża regolarment fil-lingwa magħżula mill-intrapriża tal-ferroviji u f'awk tal-maniġers tar-retikolata li minn fuqhom jgħaddi x-xogħol.

Għandha tikkonsisti f'żewġ partijiet:

- lista tat-terminusijiet skond is-suġġett,

- lista tat-terminusijiet f'ordni alfabetika.

1.1.4..3. Disinnji deskrittivi tal-magni u vaguni tal-ferrovija

Id-disinn deskrittiv tal-magni u vaguni tal-ferrovija użat għandu jkun ippreparat mill-intrapriża tal-ferrovija u għandu jelenka l-ismijiet tal-komponenti diversi li jistgħu jkunu s-suġġett ta' komunikazzjoni mal-maniġers ta' l-infrastrutturi differenti kkonċernati. Għandu jipprovdi l-ismijiet komuni għat-terminusijiet standard fil-lingwa magħżula mill-intra-priża tal-ferroviji u f'dawk tal-maniġers tar-retikolata li minn fuqhom jgħaddi x-xogħol.

1.1.4.4. Rendikont deskrittiv tal-karatteristiċi tat-tagħmir tar-retikolata (il-binarji, l-enerġija għall-ġbid, eċċ.)

Ir-rendikont deskrittiv tal-karatteristiċi tat-tagħmir tar-retikolata (il-binarji, l-enerġija għall-ġbid, eċċ) fuq ir-rotta maħduma għandu jitlesta mill-intrapriża tal-ferroviji, u juri l-ismijiet tal-konponenti diversi li jistgħu jkunu s-suġġett ta' komunikazzjoni mal-maniġers ta' l-infrastruturi differenti kkonċernati. Għandu jipprovdi l-ismijiet komuni għat-terminusijiet standard fil-lingwa magħżula mill-intrapriża tal-ferroviji u f'dawk tal-maniġers tar-retikolata li minn fuqhom jgħaddi ix-xogħol.

2. METODOLOĠIJA TAL-KOMUNIKAZZJONI

2.1. ELEMENTI U REGOLI TAL-METODOLOĠIJA

2.1.1. Vokabolarju ta' termini użati fil-proċeduri

2.1.1.1. Proċedura tat-trasmissjoni tal-komunikazzjoni bil-kliem

Termini użati biex tittrasferixxi l-opportunità lin-naħa l-oħra biex titkellem:

Over

2.1.1.2. Proċedura biex jintlaqgħu messaġġi

- meta jasal messaġġ dirett

Terminu li jikkonferma li l-messaġġ wasal:

Received

Terminu użat biex il-messaġġ jiġi ripetut f'każ ta' mezz ta' komunikazzjoni batuta jew ma jkunx miftiehem

Erġa' għid (+ tkellem bil-mod)

- meta jasal messaġġ li jkun inqara lura

Terminu użat biex jiġi assigurat li messaġġ li jkun inqara lura jaqbel eżattament mal-messaġġ mibgħut:

Korrett

Jekk le:

zbaljat (+ Nerġa' ngħidu)

2.1.1.3. Proċedura biex twarrab il-komunikazzjoni

- jekk il-messaġġ spiċċa:

Out

- jekk il-waqfa tkun temporanja imma ma taqtax il-konnessjoni

Terminu użat biex iżommu n-naħa l-oħra tistenna:

Stenna

- jekk il-waqfa tkun temporanja imma l-konnessjoni ntilfet

Termin użat biex jingħad lin-naħa l-oħra li l-kommunikazzjoni wieqfa imma ser titkompla 'l quddiem

Nerġa' nsejjaħ

2.1.1.4. Proċedura biex messaġġ jiġi kkanċellat

Termin użat biex tiġi kkanċellata l-proċedura waqt li tkun għaddejja:

Ikkanċella l-proċedura …

Jekk il-messaġġ għandu mbagħad jitkompla, il-proċedura għandha tkun ripetuta mill-bidu.

2.1.2. Regoli li għandhom ikunu applikati f'każ ta' żball jew nuqqas ta' ftehim

Biex jippermettu l-korrezzjoni ta'żbalji li jista' jkun hemm waqt komunikazzjoni, ir-regoli li ġejjin għandhom ikunu applikati:

2.1.2.1. Żbalji

- żball waqt trasmissjoni

Meta żball fit-trasmissjoni jinduna bih dak li jkun qed jibgħatu, huwa stess għandu jitlob kancellament billi jibgħat il-messaġġ ta' proċedura segwenti:

Żball (+ lesti forma ġdida …)

Jew

żball + nerġa' ngħid

Imbagħad jibgħat l-ewwel messaġġ għal darba oħra

- żball waqt li l-messaġġ ikun qed jinqara lura

Meta dak li jkun qed jibgħat il-messaġġ jiduna bl-iżball waqt li l-messaġġ ikun qed jinqara lura lilu, huwa għandu jibgħat il-messaġġi segwenti ta' proċedura:

żball + nerġa' ngħid

U jerġa' jibgħat l-ewwel messaġġ għal darba oħra.

2.1.2.2. Nuqqas ta' ftehim

Jekk wieħed min-naħat ma jifhimx messaġġ huwa għandu jitlob lin-naħa l-oħra tirrepeti l-messaġġ billi juża it-test, kif ġej:

Erġa' għid (+ tkellem bil-mod)

2.1.3. Il-kelma, in-numru, il-ħin, id-distanza, il-veloċità u l-kowd li jispelli d-data

Biex jgħin jinftehmu u jiġu espressi messaġġi f'sitwazzjonijiet differenti, kull termini għandu jkun ippronunzjat bil-mod korrettement billi jiġu spelluti l-kliem u l-figuri li aktar għandhom mnejn ma jkunux miftehma. Ir-regoli segwenti ta' l-ispelling għandhom japplikaw:

2.1.3.1. Kif ikunu spelluti kliem u gruppi ta' ittri

L-alfabet fonetiku internazzjonali għandu jintuża.

A | Alpha | F | Foxtrot | K | Kilo | P | Papa | U | Uniform | Z | Zulu |

B | Bravo | G | Golf | L | Lima | Q | Quebec | V | Victor | | |

C | Charlie | H | Hotel | M | Mike | R | Romeo | W | Whisky | | |

D | Delta | I | India | N | November | S | Sierra | X | X-ray | | |

E | Echo | J | Juliet | O | Oscar | T | Tango | Y | Yankee | | |

Eżempji: punti A B = punti alpha bravo; sinjal numru KX 835 = sinjal Kilo X-Ray tmienja tlieta ħamsa.

L-intrapriża tal-ferroviji tista' żżid indikazzjonijiet oħra dwar il-pronunzja kif tħoss li jinħtieġ.

2.1.3.2. Espressjoni ta' numri

Numri għandhom jiġu mitkellma n-numru sempliċi wieħed wieħed.

0 | żero | 5 | ħamsa |

1 | wieħed | 6 | sitta |

2 | tenjn | 7 | sebgħa |

3 | tlieta | 8 | tmienja |

4 | erbgħa | 9 | disgħa |

Eżempju: ferrovija 2183 = ferrovija tnejn wieħed tmienja tlieta.

Deċimali għandhom ikunu espressi bi-kelma punt.

Eżempju: 12.50 = wieħed tnejn punt ħamsa zero.

2.1.3.3. Espressjoni tal-ħin

Il-ħin għandu jkun mogħti f'ħin lokali, f'lingwa sempliċi.

Eżempju: 10:52 hours = sigħat l-għaxra minuti tnejn u ħamsin .

Jekk jinħtieġ, il-ħin jista' jkun spellut numru numru (wieħed zero ħamsa tnejn sigħat).

2.1.3.4. Espressjoni ta' distanzi u veloċitajiet

Distanzi għandhom ikunu espressi f'kilometri u veloċitajiet f'kilometri fis-siegħa. Mili jistgħu jintużaw jekk dik hija l-unità użata fir-retikolata kkonċernata.

2.1.3.5. Espressjoni ta' dati

Id-dati għandhom ikunu espressi fil-mod tas-soltu.

Eżempju: l-10 ta' Diċembru.

2.2. STRUTTURA TA' KOMUNIKAZZJONI

It- trasmissjoni bil-leħen ta'messaġġi dwar is-sigurtà għandhom bhala prinċipju jikkonsistu f'żewġ fażi, kif ġej:

- identifikazzjoni u talba għal istruzzjonijiet,

- trasmissjoni tal-messaġġ innifsu u għeluq tat-trasmissjoni.

L-ewwel fażi tista' tiġi mqassra jew kompletament eliminata għall-messaġġi ta' l-akbar prijorità dwar is-sigurtà .

2.2.1. Regoli għall-identifikazzjoni u talbiet għal istruzzjoni

Biex jgħinu liż-żewġ partijiet jidentifikaw lil xulxin, jiddefinixxu s-sitwazzjoni operazzjonali u jittrasmetu istruzzjonjijiet proċedurali, ir-regoli għandhom japplikaw, kif ġej:

2.2.1.1. Identifikazzjoni

Kull komunikazzjoni li ma tkunx messaġġ ta' l-ogħla prijorità għas-sigurtà għandha tibda b'messaġġi ta' identifikazzjoni anke wara xi interruzzjoni waqt trasmissjoni.

Il-messaġġi li ġejjin għandhom jintużaw għal dan l-iskop mill-partijiet differenti.

- mill-personal risponsabbli għall-maniġment tat-traffiku:

+++++ TIFF +++++

- mis-sewwieq.

+++++ TIFF +++++

NB:

L-identifikazzjoni tista' tiġi segwita minn messaġġ ta' informazzjoni addizzjonali li jagħti lill-persuna risponsabbli għall-maniġment tat-traffiku biż-żejjed dettalji tas-sitwazzjoni sabiex jiddetermina preċiżament il-proċedura li s-sewwieq jista', wara, jkun mistenni li jsegwi.

2.2.1.2. Talba għall-istruzzjonijiet

Kull applikazzjoni ta' proċedura għandha tkun ippreċeduta minn talba għal istruzzjonijiet. It-termini li ġejjin għandhom jintużaw biex jintalbu struzzjonijiet:

lesti l-proċedura…

2.2.2. Regoli għal proċeduri għat-trasmissjoini ta' messaġġi

2.2.2.1. Messaġġ ta' l-ogħla prijorità dwar is-sigurtà

Minħabba n-natura tagħhom imperativa u ta' urġenza, dawn il-messaġġi:

- jistgħu jintbagħtu jew jintlaqgħu waqt li jkunu għaddejjin,

- jistgħu jħallu barrail-parti dwar l-identifikazzjoni,

- għandhom ikunu ripetuti,

- għandhom, mill-aktar fis, ikunu segwiti b'aktar informazzjoni.

2.2.2.2. Messaġġ proċedurali

Sabiex jistgħu jintbagħtu b'mod ta' min jafdahom (f'waqfa) il-messaġġi proċcedurali li jkun hemm fil-ktieb ta' forom (livret formulaires), ir-regoli li ġejjin għandhom ikunu segwiti.

2.2.2.2.1. Messaġġi biex jintbagħtu

Il-forma tista' timtela qabel ma l-messaġġ jiġi trasmess sabiex it-test kollu tal-messaġġ jista' jintbagħat f'trasmissjoni waħda.

2.2.2.2.2. Messaġġi biex jintlaqgħu

Min jirċevi l-messaġġ għandu jimla l-forma mogħtija fil-ktieb ta' forom ibbażat fuq l-informazzjoni mogħtija minn min bagħatha.

2.2.2.2.3. Qari lura

Il-messaġġi kollha predeterminati tal-ferrovija fil-ktieb ta' forom għandhom ikollhom regola li jinqraw lura. Dan il-qari lura għandu jinkludi il-messaġġ muri fl-ispazju griż fil-forom, is-sezzjoni fejn jiġi rapportata lura u kwalunkwe informazzjoni addizzjonali jew komplementari.

2.2.2.2.4. Rikonoxximent ta' qari lura korrett

Kull messaġġ ta'qari lura għandu jkun segwit minn rikonoxximent ta' konformità jew non-konformità mogħti minn min ikun bagħat il-messaġġ:

Korrett

Jew

żball + nerġa' ngħid

U jigi msewwi l-messaġġ inizjali.

2.2.2.2.5. Rikonoxximent

Kull messaġġ għandu jkun irrikonoxxut pożittivamnet jew negattivament, kif ġej:

Riċevut

Jew

negattiv, erġa' għid (+ tkellem bil-mod)

2.2.2.2.6. Traċċabilità u verifika

Numru uniku ta' identifikazzjoni jew awtorizzazzjoni għandu jakkompanja l-messaġġi kollha inizjati mill-art:

- jekk il-messaġġ jikkonċerna azzjoni li għaliha s-sewwieq jeħtieġ awtorizzazzjoni speċifika (per eżempju, jgħaddi sinjal ta' periklu, eċċ.):

+++++ TIFF +++++

- fil-każi l-oħra kollha ( per eżempju għaddej b'attenzjoni kbira, eċċ.)

+++++ TIFF +++++

2.2.2.2.7. Irraportar lura

Kull messaġġ li jikkonsisti f'talba biex 'jirraporta lura' ghandu jkun segwit minn 'rapport'.

2.2.2.3. Messaġġi Addizzjonali

Messaġġi addizzjonali

- għandhom ikunu ppreċeduti minn proċedura ta' identifikazzjoni,

- għandhom ikunu qosra u preċiżi (ristretti kull fejn jista' jkun għall-informazzjoni li għandha tkun ikkommunikata u fejn tapplika),

- għandha tinqara lura u tkun segwita minn rikonoxximent ta' qari lura korrett jew le,

- tista' tkun segwita minn talba għal istruzzjonijiet jew talba għal aktar informazzjoni.

2.2.2.4. Messaġġi ta' informazzjoni b'kontenut varjabbli mhux predeterminat

Messaġġi ta' informazzjoni b'kontenut varjabbli għandhom ikunu:

- preċeduti mill-proċedura ta' identifikazzjoni,

- ippreparati qabel jintbagħtu,

- moqrija lura u segwiti minn rikonoxximent ta' qari lura, korrett jew le.

--------------------------------------------------