This document is an excerpt from the EUR-Lex website
Document 32002D0620
2002/620/EC: Decision of the European Parliament, the Council, the Commission, the Court of Justice, the Court of Auditors, the Economic and Social Committee, the Committee of the Regions and the European Ombudsman of 25 July 2002 establishing a European Communities Personnel Selection Office - Declaration by the Bureau of the European Parliament
Id-Deċiżjoni tal-Parlament Ewropew, tal-Kunsill, tal-Kummissjoni, tal-Qorti tal-Ġustizzja, tal-Qorti ta' l-Awdituri, tal-Kumitat Ekonomiku u Soċjali, tal-Kumitat u tar-Reġjuni u ta' l-Ombudsman Ewropew tal-25 ta' Lulju 2002 li tistabbilixxi Uffiċċju għas-Selezzjoni tal-Persunal tal-Komunitajiet Ewropej
Id-Deċiżjoni tal-Parlament Ewropew, tal-Kunsill, tal-Kummissjoni, tal-Qorti tal-Ġustizzja, tal-Qorti ta' l-Awdituri, tal-Kumitat Ekonomiku u Soċjali, tal-Kumitat u tar-Reġjuni u ta' l-Ombudsman Ewropew tal-25 ta' Lulju 2002 li tistabbilixxi Uffiċċju għas-Selezzjoni tal-Persunal tal-Komunitajiet Ewropej
ĠU L 197, 26.7.2002, p. 53–55
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 197 , 26/07/2002 P. 0053 - 0055
Id-Deċiżjoni tal-Parlament Ewropew, tal-Kunsill, tal-Kummissjoni, tal-Qorti tal-Ġustizzja, tal-Qorti ta' l-Awdituri, tal-Kmitat Ekonomiku u Soċjali, tal-Kumitat u tar-Reġjuni u ta' l-Ombudsman Ewropew tal-25 ta' Lulju 2002 li tistabbilixxi Uffiċċju għas-Selezzjoni tal-Persunal tal-Komunitajiet Ewropej (2002/620/KE) Il-PARLAMENT EWROPEW, IL-KUNSILL TA' L-UNJONI EWROPEA, IL-KUMMISSJONI EWROPEA, IL-QORTI TAL-ĠUSTIZZJA, IL-QORTI TA' L-AWDITURI, IL-KUMITAT EKONOMIKU U SOĊJALI, IL-KUMITAT TAR-REĠJUNI U L-OMBUDSMAN EWROPEW, Wara li kkunsidraw ir-Regolamenti tal-Persunal għall-uffiċjali tal-Komunitajiet Ewropej u l-Kondizzjonijiet ta' l-impieg applikabbli għall-aġenti l-oħra tal-Komunitajiet Ewropej, kif stabbiliti mir-Regolament tal-Kunsill (KEE, Euratom, KEFA) Nru 259/68 [1], kif emendat l-aħħar mir-Regolament (KE, KEFA, Euratom) Nru. 490/2002 [2],u b'mod partikolari t-tielet paragrafu ta' l-Artikolu 2 tar-Regolamenti tal-Persunal imsemmija, Wara li kkunsidraw l-opinjoni tal-Kumitat tar-Regolamenti tal-Persunal, Billi: (1) Fl-interess li jagħmlu użu effiċjenti u ekonomiku tar-rizorsi, korp interistituzzjonali komuni għandu jkun inkarigat li jagħzel uffiċjali u aġenti oħra biex iservu 'l Komunitajiet Ewropej. (2) Il-korp interistituzzjonali hekk stabbilit għandu jkollu l-kompitu li jfassal listi ta' riservi minn fost kandidati f'kompetizzjonijiet miftuħa skond il-ħtiġijiet indikati minn kull istituzzjoni u konformi mar-Regolamenti tal-Persunal, bid-deċiżjonijiet li jinħatru kandidati li jirnexxu jittieħdu minn kull awtorità ta' ħatra. (3) Fuq l-istess kondizzjonijiet, il-korp interistituzzjonali għandu jkun jista' jgħin lill-istituzzjonijiet, korpi, uffiċċji u aġenziji stabbiliti minn jew skond it-Trattati, fil-kompetizzjonijiet interni tagħhom u l-għażla ta' aġenti oħra, IDDEĊIDEW KIF ĠEJ: Artikolu 1 Stabbiliment Qiegħed ikun hawnhekk stabbilit Uffiċċju għas-Selezzjoni tal-Persunal tal-Komunitajiet Ewropej (minn hawn 'il quddiem imsejjaħ "l-Uffiċċju"). Artikolu 2 Poteri 1. L-Uffiċċju għandu jeserċita s-setgħa ta' l-għażla mogħti lilu taħt l-ewwel paragrafu ta' l-Artikolu 30 tar-Regolamenti tal-Persunal u taħt l-Anness III tagħhom meta l-awtoritajiet tal-ħatra ta' l-istituzzjonijiet jiffirmaw din id-deċiżjoni. F'każijiet eċċezzjonali biss u bil-kunsens ta' l-Uffiċċju, l-istituzzjonijiet jistgħu jorganizzaw kompetizzjonijiet miftuħa tagħhom stess biex jilħqu ħtiġijiet speċifiċi għal persunal speċjalizzati ħafna. 2. Fejn il-poteri msemmija fil-paragrafu 1 jingħataw lill-awtorità tal-ħatra ta' korp, uffiċċju jew aġenzija stabbiliti minn jew skond it-Trattati, l-Uffiċċju jista' jeżerċita dawn il-poteri fuq talba ta' dawn ta' l-aħħar. 3. Id-deċiżjonijiet biex jinħatru kandidati li jirnexxu għandhom jittieħdu mill-awtoritajiet tal-ħatra tal-Parlament Ewropew, tal-Kunsill, tal-Kummissjoni, tal-Qorti tal-Ġustizzja, tal-Qorti ta' l-Awdituri, tal-Kumitat Ekonomiku u Soċjali, tal-Kumitat tar-Reġjuni u ta' l-Ombudsman Ewropew u minn kull korp, uffiċċju jew aġenzija stabbilita minn jew skond it-Trattati li jkunu ddelegaw il-poteri tagħhom lil jew talbu s-servizzi ta' l-Uffiċċju. Artikolu 3 Dmirijiet 1. B'rispons għat-talbiet magħmula lilu mill-awtoritajiet tal-ħatra msemmijja fl-Artikolu 2, l-Uffiċċju għandu jfassal listi ta' riserva minn fost kandidati f'kompetizzjonijiet miftuħa kif imsemmi fl-ewwel paragrafu ta' l-Artikolu 30 tar-Regolamenti tal-Persunal u skond l-Anness III tagħhom. 2. L-Uffiċċju jista' jgħin lill-istituzzjonijiet, korpi, uffiċċji u aġenziji stabbiliti minn jew skond it-Trattati f'kompetizzjonijiet interni u fl-għażla ta' aġenti oħrajn. Artikolu 4 Talbiet, ilmenti u appelli Skond l-Artikolu 91a tar-Regolamenti tal-Persunal, talbiet u ilmenti li huma marbuta ma' l-eżerċitazzjoni tal-poteri mogħtija fl-Artikolu 2(1) u (2) ta' din id-Deċiżjoni għandhom jiġu ppreżentati lill-Uffiċċju. Kull appell f'dawn l-oqsma għandu jitressaq kontra l-Kummissjoni. Artikolu 5 Implimentazzjoni Is-Segretarji Ġenerali tal-Parlament Ewropew, il-Kunsill u l-Kummissjoni, ir-Reġistratur tal-Qorti tal-Ġustizzja, is-Segretarji Ġenerali tal-Qorti ta' l-Awdituri, il-Kumitat Ekonomiku u Soċjali u l-Kumitat tar-Reġjuni u r-rappreżentat ta' l-Ombudsman Ewropew għandhom bi qbil reċiproku jieħdu l-mizuri meħtieġa biex jimplimentaw din id-Deċiżjoni. Artikolu 6 Data Effettiva Din id-Deċiżjoni għandha tidħol fis-seħħ fil-jum tal-pubblikazzjoni tagħha tal-Ġurnal Uffiċjali tal-Komunitajiet Ewropej. Għall-Parlament Ewropew Il-President Patrick Cox Għall-Kunsill Il-President Jaume Matas i Palou Għall-Kummissjoni Romano Prodi Il-President Għall-Qorti tal-Ġustizzja Il-President Gil Carlos Rodriguez Iglesias Għall-Qorti ta' l-Awdituri Il-President Juan Manuel Fabra Vallés Għall-Kumitat Ekonomiku u Soċjali Il-President G Frerichs Għall-Kumitat tar-Reġjuni Il-President Sir Albert Bore L-Ombudsman Ewropew Jacob Söderman [1] ĠU L 56, ta' l-4.3.1968, p. 1. [2] ĠU L 77, 20.03.2002, p. 1. --------------------------------------------------