This document is an excerpt from the EUR-Lex website
Document 32001R2180
Commission Regulation (EC) No 2180/2001 of 9 November 2001 concerning the classification of certain goods in the Combined Nomenclature
Ir-Regolament tal-Kummissjoni (KE) Nru 2180/2001 tad-9 ta' Novembru 2001 dwar il-klassifikazzjoni ta' ċerti oġġetti fin-Nomenklatura Magħquda
Ir-Regolament tal-Kummissjoni (KE) Nru 2180/2001 tad-9 ta' Novembru 2001 dwar il-klassifikazzjoni ta' ċerti oġġetti fin-Nomenklatura Magħquda
ĠU L 293, 10.11.2001, p. 5–7
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 293 , 10/11/2001 P. 0005 - 0007
Ir-Regolament tal-Kummissjoni (KE) Nru 2180/2001 tad-9 ta' Novembru 2001 dwar il-klassifikazzjoni ta' ċerti oġġetti fin-Nomenklatura Magħquda IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar it-tariffa u n-nomenklatura tal-istatistika u dwar it-Tariffa Doganali Komuni [1], kif l-aħħar emendat mir-Regolament tal-Kummissjoni (KE) Nru 2031/2000 [2], u b'mod partikolari l-Artikolu 9 tiegħu, Billi: (1) Sabiex tiġi żgurata l-applikazzjoni uniformi tan-Nomenklatura Magħquda annessa mar-Regolament imsemmi, huwa meħtieġ li jiġu adottati miżuri li jirrigwardaw il-klassifikazzjoni ta' l-oġġetti riferiti fl-Anness ma’ dan ir-Regolament; (2) Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli wkoll japplikaw għal xi nomenklatura oħra li hija kompletament jew parzjalment ibbażata fuqha jew li żżid xi suddiviżjoni addizzjonali magħha u li hija stabbilita minn disposizzjonijiet speċifiċi tal-Komunità, bl-intenzjoni li jiġu applikati t-tariffa u miżuri oħra li jirrigwardaw il-kummerċ ta' l-oġġetti; (3) Skond ir-regoli ġenerali msemmija, l-oġġetti deskritti fil-kolonna 1 tat-tabella mehmuża ma’ dan ir-Regolament iridu jiġu kklassifikati skond il-kodiċijiet tan-NM indikati fil-kolonna 2, skond ir-raġunijiet iddikjarati fil-kolonna 3; (4) Huwa xieraq li informazzjoni tat-tariffa li torbot maħruġa mill-awtoritajiet doganali ta' l-Istati Membri dwar il-klassifikazzjoni ta' l-oġġetti fin-Nomenklatura Magħquda u li mhumiex konformi mad-disposizzjonijiet ta' dan ir-Regolament, jistgħu jkomplu jintalbu, skond id-disposizzjonijiet ta' l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità [3], kif l-aħħar emendat bir-Regolament (KE) Nru 2700/2000 tal-Parlament Ewropew u tal-Kunsill [4], għal perjodu ta' tlett xhur mid-detentur; (5) Il-miżuri li hemm provduti f'dan ir-Regolament huma skond l-opinjoni tal-Kumitat tal-Kodiċi Doganali, ADOTTAT DAN IR-REGOLAMENT: Artikolu 1 L-oġġetti deskritti fil-kolonna 1 tat-tabella mehmuża huma kklassifikati ġewwa n-Nomenklatura Magħquda skond il-kodiċijiet tan-NM indikati fil-kolonna 2 tat-tabella msemmija. Artikolu 2 L-informazzjoni tat-tariffa li torbot maħruġa mill-awtoritajiet doganali ta' l-Istati Membri li mhihiex konformi mad-disposizzjonijiet ta' dan ir-Regolament tista’ tkompli tintalab skond id-disposizzjonijiet ta' l-Artikolu 12(6) tar-Regolament (KEE) Nru 2913/92 għal perjodu ta' tlett xhur. Artikolu 3 Dan ir-Regolament jidħol fis-seħħ fl-20 ġurnata wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fid-9 ta' Novembru 2001. Għall-Kummissjoni Frederik Bolkestein Membru tal-Kummissjoni [1] ĠU L 256, tas-7.9.1987, p. 1. [2] ĠU L 279, tat-23.10.2001, p. 1. [3] ĠU L 302, tad-19.10.1992, p. 1. [4] ĠU L 311, tat-12.12.2000, p. 17. -------------------------------------------------- ANNESS Deskrizzjoni ta' l-oġġetti | Kodiċi tan-NM | Raġunijiet | (1) | (2) | (3) | Prodott ta' tapit tad-drapp f'forma ta' kaxxa (65 % polyester u 35 % qoton), ta' qies ta' madwar 70 x 70ċm li huwa mgħammar minn fibri tal-polyester. Żewġ lasti flessibbli tal-plastik, mgħammra b'foam tal-plastik u mgħottija bid-drapp, huma provduti mat-tapit. Għandhom tul ta' madwar 1,5ċm kull waħda u jistgħu jitwaħħlu mat-trufijiet tat-tapit. L-aċċessorji li ġejjin huma provduti biex jitwaħħlu mal-lasti tal-plastik: mera magħmula mid-drapp u l-plastik,ċekċieka magħmula mill-plastik,fjura magħmula mid-drapp li fiha apparat elettroniku li jipproduċi biċċa mużika meta jingħafas.Il-prodott huwa maħsub għat-tfal sa l-età ta' 10 xhur. Ara l-istampa A | 95039037 | Il-klassifikazzjoni hija stabbilita mid-disposizzjonijiet tar-Regoli Ġenerali 1 u 6 għall-interpretazzjoni tan-Nomenklatura Magħquda, in-Nota 1(t) tat-Taqsima XI u l-kliem tal-kodiċi tan-NM 9503, 950390 u 95039037 Minħabba l-użu maħsub tiegħu u l-provvista tiegħu tal-ġugarelli, il-prodott huwa kkunsidrat bħala ġugarell tad-drapp. | Prodott f'forma ta' tapit tad-drapp, li huma mgħammar b'foam tal-plastik. It-tapit huwa magħmul minn erba’ biċċiet, li jistgħu jitwaħħlu b'modi differenti jinqaflu bil-Velcro. Tlett biċċiet tat-tapit għandhom it-twieqi, li huma pprovduti bl-aċċessorji li ġejjin: mera magħmula mill-plastik,ballun magħmul mid-drapp, li fih ċekċieka,stilla magħmula mid-drapp, li tipproduċi ħoss ta' għafis,borża tal-plastik li għandha timtela bl-ilma, li fiha ħut magħmula mill-plastik,stampi ta' l-annimali. Barra minn hekk din il-biċċa hija provduta b'figuri ta' sura tonda magħmula mid-drapp u fiha apparat elettroniku, li jipproduċi l-ħoss ta' l-annimal rilevanti.Biċċa waħda tikkonsisti minn tapit tad-drapp b'aċċessorji forma ta' disinni ġeometriċi. Dawn l-aċċessorji jitwaħħlu bil-Velcro jew lazzijiet tad-drapp mal-biċċiet tat-tapit. Il-prodott huwa maħsub għat-tfal sa l-età ta' 18-il xahar. Ara l-istampa B | 95039037 | Il-klassifikazzjoni hija stabbilita mid-disposizzjonijiet tar-Regoli Ġenerali 1 u 6 għall-interpretazzjoni tan-Nomenklatura Magħquda, in-Nota 1(t) tat-Taqsima XI u l-kliem tal-kodiċi tan-NM 9503, 950390 u 95039037 Minħabba l-użu maħsub tiegħu u l-provvista tiegħu tal-ġugarelli, il-prodott huwa kkunsidrat bħala ġugarell tad-drapp. | +++++ TIFF +++++ +++++ TIFF +++++ --------------------------------------------------