32001R0995

Ir-Regolament tal-Kummissjoni (KE) Nru 995/2001

tat-22 ta' Mejju 2001

li jimplimenta r-Regolament (KE) Nru 2516/2000 tal-Parlament Ewropew u tal-Kunsill li jimmodifika l-prinċipji komuni tas-sistema Ewropea tal-kontabilità nazzjonali u reġjonali fil-Komunità (ESA 95) dwar it-taxxi u l-kontribuzzjonijiet soċjali

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 2223/96 tal-25 ta' Ġunju 1996 dwar is-sistema Ewropea tal-kontabilità nazzjonali u reġjonali fil-Komunità (ESA 95) [1], kif l-aħħar emendat mir-Regolament (KE) Nru 2516/2000 tal-Parlament Ewropew u tal-Kunsill [2], u b'mod partikolari l-Artikoli 2(2) u 3(2) tagħhom,

Wara li kkunsidrat ir-Regolament (KE) Nru 2516/2000 li jimmodifika l-prinċipji komuni ta' l-ESA 95 fejn jikkonċerna t-taxxi u l-kontribuzzjonijiet soċjali, u b'mod partikolari l-Artikolu 5 tiegħu,

Filwaqt li:

(1) Ir-Regolament (KE) Nru 2223/96 dwar l-ESA 95 jikkontjeni il-qafas ta' riferenza ta' livelli, definizzjonijiet, klassifikazzjonijiet u r-regoli tal-kontabilità komuni għat-tfassil tal-kontijiet ta' l-Istati Membri għall-ħtiġijiet statistiċi tal-Komunità, sabiex jiġu miksuba riżultati paragunabbli bejn l-Istati Membri.

(2) Ir-Regolament (KE) Nru 2516/2000 jassigura l-paragunabbiltà u t-trasparenza bejn l-Istati Membri fl-irreġistrar tat-taxxi u l-kontribuzzjonijiet soċjali fl-ESA 95 għall-proċedura tad-defiċit eċċessiv. Is-self nett tal-gvern ġenerali m'għandux jinkludi l-ammonti tat-taxxi u l-kontribuzzjonijiet soċjali li x'aktarx ma jiġux miġbura.

(3) Għall-applikazzjoni tar-Regolament (KE) Nru 2516/2000 u fi żmien sitt xhur mill-adozzjoni tiegħu, il-Kummissjoni għandha tintroduċi fit-test ta' l-Anness A mar-Regolament (KE) Nru 2223/96 it-tibdiliet meħtieġa.

(4) L-Artikoli 2(2) u 3(2) tar-Regolament (KE) Nru 2223/96 jipprovdu għall-kondizzjonijiet li taħthom il-Kummissjoni tista' tadotta emendi għall-ESA 95, b'mod partikolari t-tibdiliet meħtieġa fl-Anness B mar-Regolament imsemmi hawn fuq.

(5) Il-Kumitat għall-Istatistiċi Monetarji, Finanzjarji u tal-Bilanċ tal-Pagamenti (CMFB), stabbilit mid-Deċiżjoni tal-Kunsill 91/115/KEE [3], emendat mid-Deċiżjoni 96/174/KE [4], ġie kkonsultat.

(6) Il-miżuri pprovduti f'dan ir-Regolament huma skond l-opinjoni tal-Kumitat tal-Programm Statistikali (SPC), imwaqqaf mid-Deċiżjoni tal-Kunsill 89/382/KEE, Euratom [5],

ADOTTAT DAN IR-REGOLAMENT:

Artikolu 1

L-Annessi A u B mar-Regolament (KE) Nru 2223/96 għandhom jiġu emendati skond l-Anness ma' dan ir-Regolament.

Artikolu 2

Dan ir-Regolament għandu jidħol fis-seħħ fl-20 ġurnata wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament m'għandux japplika matul il-perjodu transizzjoni li jista' jiġi mogħti lill-Istati Membri skond l-Artikolu 7(2) tar-Regolament (KE) Nru 2516/2000.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-22 ta' Mejju 2001.

Għall-Kummissjoni

Pedro Solbes Mira

Membru tal-Kummissjoni

[1] ĠU L 310, tat-30.11.1996, p. 1.

[2] ĠU L 290, tas-17.11.2000, p. 1.

[3] ĠU L 59, tas-6.3.1991, p. 19.

[4] ĠU L 51, ta' l-1.3.1996, p. 48.

[5] ĠU L 181, tat-28.6.1989, p. 47.

--------------------------------------------------

L-ANNESS

EMENDI GĦALL-ANNESS A MAR-REGOLAMENT (KE) Nru 2223/96

1.57

| Inserixxi wara "Madankollu, f'xi każijiet … li jintużaw approssimazzjonijiet." "Addizzjonali għal din il-flessibiltà fejn għandu x'jaqsam il-ħin ta' reġistrazzjoni, kien necessarju għal raġunijiet prattiċi marbuta mal-procedura eċċessiva tad-defiċit li tiġi ddefinita reġistrazzjoni partikolari tat-taxxi u l-kontribuzzjonijiet soċjali li għandhom jitħallsu lis-settur tal-gvern, sabiex is-self/tislif nett tal-gvern ġenerali (u tas-setturi ta' kontraparti) ma jinkludux ammonti tat-taxxi u kontribuzzjonijiet soċjali li x'aktarx ma jinġabrux. B'deroga għall-prinċipju ġenerali ta' reġistrazzjoni ta' operazzjonijiet, it-taxxi u l-kontribuzzjonijiet soċjali li għandhom jitħallsu lill-gvern ġenerali jistgħu jew jiġu rreġistrati nett tal-parti li x'aktarx ma tinġabarx jew, jekk din il-parti hi inkluża, għandha tiġi newtraliżżata fl-istess perjodu ta' kontabilità mit-transfer kapitali mill-gvern ġenerali għas-setturi rilevanti." |

3.48

| Inserixxi d-definizzjoni tal-prezz bażiku ta' referenza fil-punt 4.27 : "Il-prezz bażiku huwa l-prezz riċevut mill-produtturi mix-xerrej għal unità ta' oġġett jew servizz prodott bħala output inqas xi taxxa li għandha titħallas (ara l-punt 4.27) fuq dik l-unità bħala konsegwenza tal-produzzjoni jew il-bejgħ tagħha (jiġifieri taxxi fuq il-prodott), kif ukoll xi sussidji mircieva fuq dik l-unità bħala konsegwenza tal-produzzjoni jew il-bejgħ tagħha (jiġifieri s-sussidji fuq il-prodotti)." |

4.17

| Inserixxi fl-aħħar sentenza referenza għall-punt 4.27 : "Għall-ekonomija totali, il-VAT huwa ekwivalenti għad-differenza bejn it-total tal-VAT invoiced u t-total tal-VAT li għandu jitnaqqas (ara l-punt 4.27)." |

4.27

Ħassar : "It-Taxxi evidenzjati minn stimi tat-taxxi imma li qatt m'huma mħallsa per eżempju, minħabba l-falliment) huma trattati bħallikieku ġew imħallsa; hemm żewġ eventwalitajiet:(a)writing-off ta' dejn ħażin mill-gvern, li jagħraf li t-talba tiegħu ma tistax tkun miġbura; dan ir-writing-off huwa rreġistrat fil-bidliet l-oħrajn fil-kontijiet dwar il-volum ta' l-assi tal-gvern u d-debitur default;(b)il-kanċellament tad-debitu bi ftehim reciproku bejn il-gvern u d-debitur. Din il-kanċellazzjoni hija trattata bħala transfer kapitali mil-gvern lid-debitur fil-kont tal-kapital, b'estinzjoni simultanja ta' talba fil-kont finanzjarju." | Issostitwixxi b' : "It-Taxxi rreġistrati fil-kontijiet jistgħu ikunu derivati minn żewġ sorsi: ammonti evidenzjati minn stimi u dikjarazzjonijiet jew irċevuti ta' flus.(a)Jekk l-istimi u d-dikjarazzjonijiet huma użati, l-ammonti għandhom jiġu aġġustati b'koefficjent li jirrifletti l-ammonti stmati u dikjarati qatt miġbura. Bħala trattament alternattiv, transfer kapitali, għas-setturi rilevanti jista' jiġi rreġistrat ekwivalenti għall-istess aġġustament. Il-Koefficjenti għandhom jiġu stmati fuq il-bażi ta' esperjenza mgħoddija u mistennijiet kurrenti fejn għandhom x'jaqsmu ammonti stmati u dikjarati qatt miġbura. Għandhom ikunu specifiċi għal tipi differenti ta' taxxi.(b)Jekk huma użati irċevuti ta' flus, għandhom ikunu aġġustati fil-ħin sabiex il-flus huma attribwiti meta l-attività seħħet sabiex tiġġenera l-passiv tat-taxxa. Dan l-aġġustament jista' jkun ibbażat fuq id-differenza fil-ħin medju bejn l-attività u l-ircevuta tat-taxxa tal-flus." |

4.82

Ħassar : "Taxxi evidenzjati minn stimi tat-taxxi imma li qatt m'huma mħallsa (per eżempju, minħabba falliment) huma trattati daqs li kieku kienu mħallsa; hemm żewġ eventwalitajiet:(a)writing-off ta' dejn ħażin mill-gvern, li jagħraf li t-talba tiegħu ma tistax tkun miġbura; dan ir-writing-off huwa rreġistrat fil-bidliet l-oħrajn fil-kontijiet dwar il-volum ta' l-assi tal-gvern u d-debitur li ma jħallasx;(b)il-kkanċellament tad-debitu bi ftehim reciproku bejn il-gvern u d-debitur. Din il-kanċellazzjoni hija trattata bħala transfer kapitali mil-gvern lid-debitur fil-kont tal-kapital, b'estinsjoni simultaneja ta' talba fil-kont finanzjarju." | Issostitwixxi b' : "It-Taxxi rreġistrati fil-kontijiet jistgħu ikunu derivati minn żewġ sorsi: ammonti evidenzjati minn stimi u dikjarazzjonijiet jew irċevuti ta' flus.(a)Jekk l-istimi u d-dikjarazzjonijiet huma użati, l-ammonti għandhom jiġu aġġustati b'koefficjent li jirriflettu l-ammonti stmati u dikjarati qatt miġbura. Bħala trattament alternattiv, transfer kapitali, għas-setturi rilevanti jista' jiġi rreġistrat ekwivalenti għall-istess aġġustament. Il-Koefficjenti għandhom jiġu stmati fuq il-bażi ta' esperjenza mgħoddija u mistennijiet kurrenti fejn għandhom x'jaqsmu ammonti stmati u dikjarati qatt miġbura. Għandhom ikunu specifiċi għal tipi differenti ta' taxxi.(b)Jekk huma użati rċevuti ta' flus, għandhom ikunu aġġustati fil-ħin sabiex il-flus huma attribwiti meta l-attivitajiet, l-operazzjonijiet jew ġrajjiet oħrajn seħħew sabiex jiġġeneraw il-passiv tat-taxxa (jew meta l-ammont tat-taxxa kien iddeterminat, fil-każ ta' xi taxxi fuq id-dħul). Dan l-aġġustament jista' jkun ibbażat fuq id-differenza medja fil-ħin bejn l-attivitajiet, l-operazzjonijiet jew każijiet oħrajn (jew id-determinazzjoni ta' l-ammont tat-taxxa) u l-irċevuta tat-taxxa tal-flus.Meta miżmuma fis-sors minn min jimpjega, it-taxxi kurrenti fuq id-dħul, il-ġid, eċċ, għandhom jiġu inklużi fil-pagi u s-salarji anke jekk min jimpjega infatti ma għaddihomx lill-gvern ġenerali. Is-settur tal-familji mbagħad jidher li jħallas l-ammont sħiħ lis-settur tal-gvern ġenerali. L-ammonti infatti mhux imħallsa jridu jkunu newtraliżżati taħt D.995 bħala transfer kapitali mill-gvern ġenerali lis-setturi ta' min jimpjega." |

4.96

| Inserixxi fl-aħħar tal-paragrafu : "Il-Kontribuzzjonijiet soċjali li għandhom jitħallsu lis-settur tal-gvern ġenerali rreġistrati fil-kontijiet jistgħu jiġu derivati minn żewġ sorsi: ammonti evidenzjati minn stimi u dikjarazzjonijiet jew irċevuti ta' flus.(a)Jekk l-istimi u d-dikjarazzjonijiet huma użati, l-ammonti għandhom jiġu aġġustati b'koefficjent li jirrifletti l-ammonti stmati u dikjarati qatt miġbura. Bħala trattament alternattiv, transfer kapitali, għas-setturi rilevanti jista' jiġi rreġistrat ekwivalenti għall-istess aġġustament. Il-Koefficjenti għandhom jiġu stmati fuq il-bażi ta' esperjenza mgħoddija u mistennijiet kurrenti fejn għandhom x'jaqsmu ammonti stmati u dikjarati qatt miġbura. Għandhom ikunu specifiċi għal tipi differenti ta' kontribuzzjonijiet soċjali.(b)Jekk huma użati rċevuti ta' flus, għandhom ikunu aġġustati fil-ħin sabiex il-flus huma attribwiti meta l-attività seħħet sabiex tiġġenera l-passivi tal-kontribuzzjoni soċjali (jew meta hu maħluq l-passiv). Dan l-aġġustament jista' jkun ibbażat fuq id-differenza fil-ħin medju bejn l-attività (jew il-ħolqien tal-passiv) u l-ircevuta tal-flus.Meta miżmuma fis-sors minn min jimpjega, il-kontribuzzjonijiet soċjali li għandhom jitħallsu lis-settur tal-gvern ġenerali għandhom jiġu inklużi fil-pagi u s-salarji anke jekk min jimpjega infatti m'għaddihomx lill-gvern ġenerali. Is-settur tal-familji mbagħad jidher li jħallas l-ammont sħiħ lis-settur tal-gvern ġenerali. L-ammonti infatti mhux imħallsa għandhom ikunu newtraliżżati taħt D.995 bħala transfer kapitali mill-gvern ġenerali lis-setturi ta' min jimpjega." |

4.150

Ħassar il-paragrafu 4.150 : "Il-Ħin tar-reġistrazzjoni: it-taxxi kapitali huma mniżżla fil-ħin meta l-passivi tat-taxxi jitqajjmu." | Issostitwixxi b'paragrafu gdid: 4.150 : "It-Taxxi rreġistrati fil-kontijiet jistgħu ikunu derivati minn żewġ sorsi: ammonti evidenzjati minn stimi u dikjarazzjonijiet jew irċevuti ta' flus.(a)Jekk l-istimi u d-dikjarazzjonijiet huma użati, l-ammonti għandhom jiġu aġġustati b'koefficjent li jirrifletti l-ammonti stmati u dikjarati qatt miġbura. Bħala trattament alternattiv, transfer kapitali, għas-setturi rilevanti jista' jiġi rreġistrat ekwivalenti għall-istess aġġustament. Il-Koefficjenti għandhom jiġu stmati fuq il-bażi ta' esperjenza mgħoddija u mistennijiet kurrenti fejn għandhom x'jaqsmu ammonti stmati u dikjarati qatt miġbura. Għandhom ikunu speċifiċi għal tipi differenti ta' taxxi.(b)Jekk huma użati rċevuti ta' flus, għandhom ikunu aġġustati fil-ħin sabiex il-flus huma attribwiti meta l-attività seħħet sabiex tiġġenera l-passivi tat-taxxa (jew meta l-ammont tat-taxxa kien iddeterminat). Dan l-aġġustament jista' jkun ibbażat fuq id-differenza medja fil-ħin bejn l-attività (jew id-determinazzjoni ta' l-ammont tat-taxxa) u l-ircevuta tat-taxxa tal-flus." |

4.165

| Żid fl-aħħar ta' l-ewwel sentenza tal-parti (f) referenza għall-parti l-ġdida (j) : "-ħlief il-każ partikolari ta' taxxi u kontribuzzjonijiet soċjali li għandhom jitħallsu lis-settur tal-gvern ġenerali (ara 4.165 (j))." Inserixxi fl-aħħar tal-punt : "(j)Meta t-taxxi u l-kontribuzzjonijiet soċjali li għandhom jitħallsu lis-settur tal-gvern ġenerali huma rreġistrati fuq il-bażi ta' stimi u dikjarazzjonijiet, il-parti li x'aktarx ma tinġabarx għandha tiġi newtraliżżata fl-istess perjodu tal-kontijiet. Dan jista' jsir "b'transfer kapitali iehor" (D.99), fil-linja specifika D.995, bejn il-gvern ġenerali u s-setturi rilevanti. Dan il-flow D.995 għandu jiġi subdiviż skond il-kodifikazzjoni tat-taxxi u l-kontribuzzjonijiet soċjali differenti kkoncernati." |

5.129

| Inserixxi fl-aħħar tal-paragrafu : "L-ammonti tat-taxxi u l-kontribuzjonijiet soċjali li għandhom jitħallsu lill-gvern ġenerali li għandhom jiġu inklużi taht AF.79 m'għandhomx jinkludu l-parti ta' dawn it-taxxi u l-kontribuzzjonijiet soċjali li x'aktarx ma tinġabarx u li għalhekk tirrappreżenta pretensjoni tal-gvern ġenerali li m'għandha ebda valur reali." |

6.27

| Inserixxi fl-aħħar tal-punt (d) : "B'deroga mill-prinċipju ġenerali, din l-intestatura ma tinkludix taxxi u kontribuzzjonijiet soċjali li għandhom jitħallsu lil-gvern ġenerali li l-gvern ġenerali jagħraf unilateralment bħala li x'aktarx ma jiġabrux. It-taxxi u l-kontribuzzjonijiet soċjali li għandhom jitħallsu lill-gvern ġenerali u li x'aktarx ma jinġabrux huma, fl-istess perjodu tal-kontabilità li ġġenera l-passiv, newtraliżżati fil-kalkolu tas-self/it-tislif nett tas-settur tal-gvern ġenerali u tas-setturi kontraparti (ara l-punt 1.57)." |

7.61

| Inserixxi fl-aħħar tal-paragrafu : "L-ammonti tat-taxxi u l-kontribuzzjonijiet soċjali li għandhom jitħallsu lill-gvern ġenerali li għandhom jiġu inklużi taht AF.79 m'għandhomx jinkludu l-parti ta' dawn it-taxxi u l-kontribuzzjonijiet soċjali li x'aktarx ma tinġabarx u li għalhekk tirrappreżenta talba tal-gvern ġenerali li m'għandha ebda valur reali." |

9.47

Ħassar l-ewwel sentenza : "It-Taxxi u s-sussidji fuq il-prodotti huma l-ammonti dovuti għall-pagament biss meta evidenzjati minn stimi tat-taxxi, dikjarazzjonijiet, eċċ. jew l-ammonti infatti mħallsa (ara l-paragrafu 4.27)." Ħassar fil-punt (b)(2) : "dan għandu jiġi mniżżel bħala bidla oħra fl-volum ta' l-assi u l-lijabilitajiet finanzjarja, jiġifieri mhux fit-tabella tal-fornitura u l-użu" . | Issostitwixxi l-ewwel sentenza b' : "Il-metodu ta' reġistrazzjoni tat-taxxi u s-sussidji fuq il-prodotti hu definit fil-punti 4.27 u 4.40 rispettivament." |

L-Anness IV Il-Klassifikazzjonijiet u l-kontijiet

| Ġewwa l-klassifika ta' l-operazzjonijiet u flows oħrajn, wara "D.99 - Transfers kapitali oħrajn", il-lista li ġejja tal-kodiċi għandha tiżdied : "D.995Transfers kapitali mill-gvern ġenerali lis-setturi rilevanti li jirrappreżentaw it-taxxi u l-kontribuzzjonijiet soċjali stmati imma li x'aktarx ma jinġabrux.D.99521Taxxi fuq il-prodotti stmati imma li x'aktarx ma jinġabruxD.99529Taxxi oħrajn fuq il-produzzjoni stmati imma li x'aktarx ma jinġabruxD.99551Taxxi fuq id-dħul stmat imma li x'aktarx ma jinġabruxD.99559Taxxi kurrenti oħrajn stmati imma li x'aktarx ma jinġabruxD.9956111Kontribuzzjonijiet soċjali attwali ta' min jimpjega stmati imma li x'aktarx ma jinġabrux.D.9956112Kontribuzzjonijiet soċjali attwali ta' l-impjegati stmati imma li x'aktarx ma jinġabrux.D.9956113Kontribuzzjonijiet soċjali minn persuni li jaħdmu għal rashom u dawk mhux impjegati stmati imma li x'aktarx ma jinġabrux.D.99591Taxxi kapitali stmati imma li x'aktarx ma jinġabrux." |

EMENDI LILL-ANNESS B MAR-REGOLAMENT (KE) Nru 2223/96

Tabella 2: L-aggregati ewlenija tal-gvern ġenerali

| Fl-aħħar tat-tabella il-kodiċi li ġej għandu jiżdied : "D.995Transfers kapitali mill-gvern ġenerali lis-setturi rilevanti li jirrappreżentaw it-taxxi u l-kontribuzzjonijiet soċjali stmati imma li x'aktarx ma jinġabrux." |

Tabella 9: Irċevuti ddettaljati tat-taxxa skond is-settur

| Fl-aħħar tat-tabella il-flow li ġej D.995 u s-subdiviżjonijiet tiegħu, mingħajr tqassim f'sub-setturi li jirċievu, għandu jiżdied : "D.995Transfers kapitali mill-gvern ġenerali lis-setturi rilevanti li jirrappreżentaw it-taxxi u l-kontribuzzjonijiet soċjali stmati imma li x'aktarx ma jinġabruxD.99521It-taxxi fuq il-prodotti stmati imma li x'aktarx ma jinġabruxD.99529Taxxi oħrajn fuq il-produzzjoni stmati imma li x'aktarx ma jinġabruxD.99551Taxxi fuq id-dħul stmat imma li x'aktarx ma jinġabruxD.99559Taxxi kurrenti oħrajn stmati imma li x'aktarx ma jinġabruxD.9956111Il-kontribuzzjonijiet soċjali attwali ta' min jimpjega stmati imma li x'aktarx ma jinġabruxD.9956112Il-kontribuzzjonijiet soċjali attwali ta' l-impjegati stmati imma li x'aktarx ma jinġabruxD.9956113Il-kontribuzzjonijiet soċjali minn persuni li jaħdmu għal rashom u dawk mhux impjegati stmati imma li x'aktarx ma jinġabruxD.99591__NEWLINE__It-taxxi kapitali stmati imma li x'aktarx ma jinġabrux__NEWLINE__D.2 + D.5 + D.91 + D.611 - D.995__NEWLINE__L-irċevuti totali mit-taxxi u l-kontribuzzjonijiet soċjali wara t-tnaqqis ta' l-ammonti stmati imma li x'aktarx ma jinġabrux." |

--------------------------------------------------