EUR-Lex Access to European Union law
This document is an excerpt from the EUR-Lex website
Document 32001L0009
Commission Directive 2001/9/EC of 12 February 2001 adapting to technical progress Council Directive 96/96/EC on the approximation of the laws of the Member States relating to roadworthiness tests for motor vehicles and their trailers (Text with EEA relevance)
Id-Direttiva tal-Kummissjoni 2001/9/KE tat-12 ta' Frar 2001 li tadatta għall-progress tekniku d-Direttiva tal-Kunsill 96/96/KE dwar l-approssimazzjoni tal-liġijiet ta' l-Istati Membri rigward it-testijiet relatati ma' kemm il-vetturi bil-mutur u l-karrijiet tagħhom ikunu tajbin għat-triqTest b'relevanza għaż-ŻEE.
Id-Direttiva tal-Kummissjoni 2001/9/KE tat-12 ta' Frar 2001 li tadatta għall-progress tekniku d-Direttiva tal-Kunsill 96/96/KE dwar l-approssimazzjoni tal-liġijiet ta' l-Istati Membri rigward it-testijiet relatati ma' kemm il-vetturi bil-mutur u l-karrijiet tagħhom ikunu tajbin għat-triqTest b'relevanza għaż-ŻEE.
ĠU L 48, 17.2.2001, p. 18–19
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 25/06/2009
Official Journal L 048 , 17/02/2001 P. 0018 - 0019
Id-Direttiva tal-Kummissjoni 2001/9/KE tat-12 ta' Frar 2001 li tadatta għall-progress tekniku d-Direttiva tal-Kunsill 96/96/KE dwar l-approssimazzjoni tal-liġijiet ta' l-Istati Membri rigward it-testijiet relatati ma' kemm il-vetturi bil-mutur u l-karrijiet tagħhom ikunu tajbin għat-triq (Test b'relevanza għaż-ŻEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 96/96/KE ta' l-20 ta' Diċembru 1996 dwar l-approssimazzjoni tal-liġijiet ta' l-Istati Membri relatati mat-testijiet dwar kemm il-vetturi bil-mutur u l-karrijiet tagħhom ikunu tajbin għat-triq [1], kif emendata bid-Direttiva tal-Kummissjoni 1999/52/ KE [2], u b'mod partikolari l-Artikolu 8 tagħha, Billi: (1) Il-programmi dwar iż-żejt tal-karozzi, li kienu nbdew fl-1992 biex jipprovdu l-pedament ta' l-analiżi għall-iffissar tan-normi ta' l-emissjoni mill-vetturi u l-kwalità tal-karburanti għas-sena 2000 u warajha biex jinkisbu livelli għall-kwalità ta' l-arja b'attenzjoni partikolari biex jitnaqqsu l-emissjonijiet tat-trasport fit-triq, identifikaw in-normi tal-manutenzjoni tal-vetturi bil-mutur bħala fattur prinċipali ta' l-effett tat-traffiku fuq il-kwalità ta' l-arja. (2) Id-Direttiva 96/96/ KE tispeċifika t-testijiet li għandhom isiru fl-ispezzjonijiet ta' kull tant żmien biex jiġi vverifikat jekk l-emissjonijiet minn vetturi mmexxija kemm bil-petrol kif ukoll bid-diżil ikunux għadhom fil-limiti aċċettabbli. (3) Il-kontenut tal-karbonju monossidu ta' l-emissjonijiet ta' egżost tal-vetturi li jaħdmu bil-petrol mgħammra b'ċerti sistemi ta' emissjoni ta' egżost wara t-trattament (tan-norma Euro 1) jeħtieġ li jiġi ttestjat kemm b'veloċitajiet tal-magna baxxi kif ukoll għolja. (4) Id-Direttiva 98/69/KE tal-Parlament Ewropew u tal-Kunsill tat-13 ta' Ottubru 1998 relatata mal-miżuri li għandhom jittieħdu kontra t-tniġġis ta' l-arja minn emissjonijiet minn vetturi bil-mutur u li temenda d-Direttiva tal-Kunsill 70/220/KEE [3] teħtieġ l-introduzzjoni, mis-sena 2000, ta' sistema ta' dijanjosi abbord (OBD) fil-każ tal-karozzi li jaħdmu bil-petrol u l-vetturi kummerċjali ħfief biex jiġi immonitorjat il-funzjonament tas-sistema tal-kontroll ta' l-emissjoni waqt l-użu tal-vettura. Bl-istess mod, is-sistemi OBD ikunu meħtieġa għall-vetturi ġodda diżil mill-2003. (5) L-iżvilupp tad-OBDs li jkunu kapaċi li jimmonitorjaw u jirrekordjaw id-difetti fil-vettura waqt li din tkun qiegħda taħdem għandu jnaqqas il-marġini bejn il-kundizzjonijiet tat-test u kif attwalment ikun l-operat fil-futur. (6) Din id-Direttiva telimina l-ħtieġa li l-vetturi li jaħdmu bil-petrol jiġu ttestjati waqt li l-veloċità tal-magna tkun baxxa biex b'hekk titnaqqas il-komplessità tat-test, iżda tiżdied l-eżattezza permezz ta' l-immonitorjar tal-funzjonament tas-sistema OBD tal-vettura. (7) Il-miżuri previsti f'din id-Direttiva huma skond l-opinjoni tal-kumitat favur l-addattazzjoni għall-progress tekniku tad-Direttiva dwar it-testijiet relatati ma' kemm il-vetturi bil-mutur u l-karrijiet tagħhom ikunu tajbin għat-triq kif stabbilit bl-Artikolu 8 tad-Direttiva 96/96/ KE, ADOTTAT DIN ID-DIRETTIVA: L-Artikolu 1 Id-Direttiva 96/96/ KE qiegħda tiġi emendata kif imniżżel fl-Anness li jinsab ma' din id-Direttiva. L-Artikolu 2 L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa għall-konformità ma' din id-Direttiva mill-inqas sena wara d-dħul fis-seħħ tad-Direttiva. Dawn għandhom jinfurmaw minnufih lill-Kummissjoni dwar dan. Fejn l-Istati Membri jadottaw dawn id-dispożizzjonijiet, għandu jkun fihom referenza għal din id-Direttiva jew għandhom ikunu akkumpanjati b'dik ir-referenza fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir dik ir-referenza. L-Istati Membri għandhom jikkomunikaw lill-Kummissjoni t-testi tad-dispożizzjonijiet prinċipali tal-liġi nazzjonali li jadottaw fil-qasam irregolat minn din id-Direttiva. L-Artikolu 3 Din id-Direttiva għandha tidħol fis-seħħ fl-20 jum li jiġi wara dak li fih tiġi ppubblikata fil-Ġurnal Uffiċjali tal-Komunitajiet Ewropej. L-Artikolu 4 Din id-Direttiva hija indirizzata lill-Istati Membri. Magħmula fi Brussel, fit-12 ta' Frar 2001. Għall-Kummissjoni Loyola De Palacio Viċi-President [1] ĠU L 46, tas-17.2.1997, p. 1. [2] ĠU L 142, tal-5.6.1999, p. 26. [3] ĠU L 350, tat-28.12.1998, p. 1. -------------------------------------------------- L-ANNESS Il-Punt 8.2.1(b)(4) ta' l-Anness II mad-Direttiva 96/96/KE qiegħed jinbidel b'dan li ġej: "4. L-emissjonijiet mill-pajp ta' l-egżost - il-valuri limitattivi (a) Il-kejl tal-veloċità tal-magna meta mhix qed tiġi misjuqa: Il-kontenut massimu permissibbli tal-kontenut ta' CO fil-gassijiet ta' l-emissjoni ta' egżost huwa dak iddikjarat mill-manifatturier tal-vettura. Fejn dan it-tagħrif ma jkunx disponibbli, il-kontenut massimu tal-CO m'għandux jeċċedi l-0,5 % vol. (b) Il-kejl tal-veloċità tal-magna għolja meta mhix qed tiġi misjuqa, din il-veloċità tal-magna għandha tkun ta' l-anqas 2000 2000 revs/min.: Il-kontenut massimu permissibbli ta' CO fil-gassijiet ta' l-emissjoni ta' egżost huwa dak iddikjarat mill-manifatturier tal-vettura f'veloċità tal-magna għolja waqt li ma tkunx qed tiġi misjuqa. Fejn dan it-tagħrif ma jkunx disponibbli, il-kontenut massimu tal-CO m'għandux jeċċedi l-0,3 % vol. Il-proporzjon bejn l-arja/il-karburanti, Lambda għandu jkun = 1 ± 3 % jew skond l-ispeċifikazzjonijiet tal-manifatturier. (ċ) Fil-każ tal-vetturi mgħammra b'sistemi ta' dijanjosi abbord skond id-Direttiva 98/69/KE, l-Istati Membri jistgħu bħala alternattiva għat-test speċifikat fil-partita (a) jistabilixxu l-funzjonament korrett tas-sistema ta' l-emissjoni permezz tal-qari addattat tal-mekkaniżmu DA u u permezz ta' l-iċċekkjar simultanju tal-funzjonament tajjeb tas-sistema OBD." --------------------------------------------------