This document is an excerpt from the EUR-Lex website
Document 32001D0584
2001/584/EC: Council Decision of 18 June 2001 on the conclusion of the Agreement between the European Community and Romania concerning the participation of Romania in the European Environment Agency and the European environment information and observation network
Id-Deċiżjoni tal-Kunsill tat-18 ta' Ġunju 2001 dwar il-konklużjoni tal-Ftehim bejn il-Komunità Ewropea u r-Rumanija li jikkonċerna l-parteċipazzjoni tar-Rumanija fl-Aġenzija Ewropea dwar l-Ambjent u fin-network Europew dwar l-informazzjoni u osservazzjoni dwar l-Ambjent
Id-Deċiżjoni tal-Kunsill tat-18 ta' Ġunju 2001 dwar il-konklużjoni tal-Ftehim bejn il-Komunità Ewropea u r-Rumanija li jikkonċerna l-parteċipazzjoni tar-Rumanija fl-Aġenzija Ewropea dwar l-Ambjent u fin-network Europew dwar l-informazzjoni u osservazzjoni dwar l-Ambjent
ĠU L 213, 7.8.2001, p. 20–20
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
In force
ELI: http://data.europa.eu/eli/dec/2001/584/oj
Official Journal L 213 , 07/08/2001 P. 0020 - 0020
Id-Deċiżjoni tal-Kunsill tat-18 ta' Ġunju 2001 dwar il-konklużjoni tal-Ftehim bejn il-Komunità Ewropea u r-Rumanija li jikkonċerna l-parteċipazzjoni tar-Rumanija fl-Aġenzija Ewropea dwar l-Ambjent u fin-network Europew dwar l-informazzjoni u osservazzjoni dwar l-Ambjent (2001/584/KE) IL-KUNSILL TA' L-UNJONI EWROPEA, Wara li kkunsidra t-Trattat li jistabilixxi il-Komunità Ewropea, u b' mod partikolari l-Artikolu 175(1), flimkien ma' l-ewwel sentenza ta' l-ewwel subparagrafu ta' l-Artikolu 300(2) u l-ewwel supparagrafu ta' l-Artikolu 300(3) tiegħu, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Billi: (1) L-Aġenzija Ewropea dwar l-Ambjent u n-network Ewropew għall-informazzjoni u osservazzjoni kienu stabbiliti bir-Regolament (KEE) Nru 1210/90 [3]. (2) Il-Kunsill Ewropew tal-Lussemburgu (Diċembru 1997) għamel il-parteċipazzjoni fil-programmi u l-aġenziji tal-Komunità mod kif tiġi stradata l-istrateġija pre-adesjonali għall-pajjiżi ta' l-Ewropa Ċentrali u tal-Lvant. Fil-każ ta' l-aġenziji, il-konklużjonijiet tal-Kunsill Ewropew jistipolaw illi "l-aġenziji tal-Komunità li fihom jstgħu japparteċipaw pajjiżi applikanti għandhom jiġu deċiżi każ każ". (3) Il-Kunsill Ewropew ta' Helsinki (Diċembru 1999) irriafferma n-natura inklusiva tal-proċess ta' adesjoni, li issa jikkomprendi 13-il pajjiz kandidat f'qafas wieħed bil-pajjiżi kandidati jipparteċipaw indaqs fil-proċess ta' adesjoni. (4) Il-Kunsill, fl-14 ta' Frar 2000, awtorizza lill-Kummissjoni biex tiftaħ negozjati dwar il-parteċipazzjoni fl-Aġenzija Ewropea dwar l-Ambjent tal-pajjiżi applikanti għall-adesjoni. Il-Kummissjoni ffirmat l-Att Finali tan-negozjati fid- 9 ta' Ottubru 2000. (5) Il-Ftehim kif imsemmi f'din id-Deċizjoni għandu jiġi approvat, IDDEĊIEDA DAN LI ĠEJ: Artikolu 1 Il-Ftehim bejn il-Komunità Ewropea u r-Rumanija li jikkonċerna l-parteċipazzjoni tar-Rumanija fl-Aġenzija Ewropea dwar l-Ambjent u n-network Ewropew dwar l-informazzjoni u l-osservazzjoni hu approvat f'isem il-Komunità. It-test tal-Ftehim u spjegat bħala l-Anness ma' din id- Deċiżjoni. Artikolu 2 Il-President tal-Kunsill hu awtorizzat jiddeposita n-notifika maħsuba fl-Artikolu 18 tal-Ftehim. Artikolu 3 Din id-Deċizjoni għandha tiġi pubblikata fil-Ġurnal Uffiċjali tal-Komunitajiet Ewropej. Magħmula fil-Lussemburgu, fit-8 ta' Ġunju 2001. F'isem il-Kunsill Il-President M. Winberg [1] ĠU C 120 E, 24.04.01, p. 227. [2] Opinjoni mogħtija fil- 31.5.2001 (għadha ma ġietx ippublikata fil-Ġurnal Uffiċjali). [3] ĠU L 120, 11.05.90, p. 1. Ir-Regolament kif l-aħħar emendat mir-Regolament (KE) Nru 933/1999 (ĠU L 117, 05.05.99, p. 1). --------------------------------------------------