32001D0077

Id-Deċiżjoni tal-Kunsill

tat-22 ta' Diċembru 2000

dwar l-applikazzjoni ta' prinċipji ta' ftehim kwadrudwar il-finanzjament ta' proġetti fil-qasam ta' krediti għall-esportazzjoni illi jkunu ġew appoġġjati uffiċjalment.

(2001/77/KE)

Il-Kunsill ta' l-Unjoni Ewropea,

Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 133(2) tiegħu,

Wara li kkunsidra i-proposta tal-Kummissjoni,

billi:

(1) L-Komunità hija parti għall-Arranġament dwar il-linji gwida għall-krediti ta' l-esportazzjoni illi jkunu ġew appoġġjati uffiċjalment (hawnhekk iżjed ‘il quddiem imsejjaħ l-"Arranġament") konkluż fi ħdan il-qafas ta' l-OECD;

(2) L-Arranġament huwa suġġett għad-Deċiżjoni tal-Kunsill ta' l-4 ta' April, 1978, illi kien ġie estiż permezz tad-Deċiżjoni 93/112/KEE [1] u l-aħħar emendat mid-Deċiżjoni 97/530/KE [2]; il-Parteċipanti fl-Arranġament hejjew test konsolidat illi jikkomprendi l-emendi approvati minnhom mill-aħħar reviżjoni ta' l-Arranġament, illi kien sar applikabbli mid-Deċiżjoni 93/112/KEE;

(3) Il-Parteċipanti fl-Arranġament iddeċidew illi kien hemm il-ħtieġa illi l-linji gwida ta' l-arranġament jiġu supplementati bi prinċipji illi jippermettu l-flessibilità sabiex jiġu akkomodati l-karatteristiċi speċjali ta' l-operazzjonijiet tal-finanzjament tal-proġetti.

(4) Il-Parteċipanti fl-Arranġament ma jixtiqux illi l-flessibilità iddgħajjef id-dixxiplini previsti mil-linji gwida ta' l-Arranġament illi kienu ta' suċċess kbir fil-mod kif irregolaw l-intervenzjoni tal-gvern fil-qasam tal-krediti għall-esportazzjoni;

(5) Il-Parteċipanti fl-Arranġament qablu fuq il-prinċipji l-ġodda għall-provviżjoni ta' appoġġ uffiċjali għall-operazzjonijiet tal-finanzjament tal-proġetti.

(6) Il-prinċipji l-ġodda għall-operazzjonijiet ta' finanzjament ta' proġetti għandhom jiġu mħaddma matul perjodu ta' prova ta' tliet snin;

(7) L-Arranġament ikompli japplika barra minn meta l-prinċipji l-ġodda jiddikjaraw illi hija permessa l-flessibilità għall-operazzjonijiet ta' finanzjament ta' proġetti;

(8) Il-Parteċipanti fl-Arranġament għandhom jiddeċiedu fl-aħħar tal-perjodu ta' prova jekk għandhomx ikomplu japplikaw l-prinċipji l-ġodda għall-operazzjonijiet ta' finanzjament ta' proġetti,

ADDOTTA DIN ID-DEĊIŻJONI:

Artikolu 1

Il-prinċipji illi jinstabu fil-qafas tal-ftehim illi jinsab fl-Anness għandhom igħoddu fil-Komunità.

Artikolu 2

Il-prinċipji msemmijin fl-Artikolu 1 għandhom jgħoddu għall-operazzjonijiet ta' finanzjament ta' proġetti matul perjodu ta' prova.

Artikolu 3

Din id-Deċiżjoni hija indirizzata lill-Istati Membri.

Magħmula fi Brussel, 22 Diċembru 2000.

F'isem il-Kunsill

Il-President

C. Pierret

[1] ĠU L 44, 22.02.93, p. 1.

[2] ĠU L 216, 08.08.97, p. 77.

--------------------------------------------------

L-ANNESS

PRINĊIPJI TA' FTEHIM DWAR IL-PARAMETRI FUQ IL-FINANZJAMENT TAL-PROĠETTI

1. Il-punt tal-bidu tal-Kreditu: l-ebda bidla għad-definizzjoni eżistenti illi tinsab fl-Arranġament u lanqas flessibilità fir-riwgard ta' l-interpretazzjoni.

2. Deskrizzjoni/Kriterji: Bħall-Anness A.

3. Trasparenza/Proċeduri ta' Notifika: Bħall-Anness B

4. Il-Kapitalizzazzjoni ta' l-Imgħax: il-kapitalizazzjoni ta' l-imgħax ta' qabel ma tiġi imposta l-kummissjoni soġġetta għall-proċeduri ta' notifika minn qabel; il-kapitalizazzjoni ta' l-imgħax wara illi tkun ġiet imposta l-kummissjoni mhiex permessa.

5. Perjodu ta' Prova: Reviżjoni u Monitoraġġ:

- Il-flessibilità għall-operazzjonijiet ta' finanzjament għall-proġetti matul il-perjodu ta' prova ta' tliet snin,

- wara sentejn, reviżjoni ta' l-arranġamenti flessibbli, wara liema l-Parteċipanti għandhom jikkonsidraw l-esperjenza miksuba. L-arranġamenti flessibbli għandhom jiġu skontinwati fl-aħħar tal-perjodu ta' prova jekk kemm-il darba l-Parteċipanti ma jaqblux fuq waħda minn dawn illi ġejjin:

- illi jkomplu l-perjodu ta' prova, bi kwalunkwe titjib jew bidliet illi jkunu meħtieġa, jew

- illi jissolidifikaw il-flessibilità tal-Linji Gwida, bi kwalunkwe titjib jew tibdiliet,

- Madankollu, jekk wara sentejn, mill-anqas seba' Parteċipanti jaqblu illi jkun ġustifikat, il-perjodu ta' prova għandu jitkompla għall-perjodu addizzjoni ta' sena,

- fil-każ illi Perjodu ta' Prova ma jiġix estiż, il-Parteċipanti għandhom isegwu r-regoli illi ġejjin ta' l-Arranġament għall-validità tal-krediti ta' l-esportazzjoni, u

- is-Segretarjat għandu jimmonitorja u regolarment jirrapporta dwar in-notifiki u l-użu tal-flessibilità fl-operazzjoni ta' finanzjament tal-proġetti.

6. L-ewwel Ħlas Lura, Profil tal-Ħlas Lura u t-Terminu Massimu għall-Ħlas Lura:

- Fuq il-bażi tal-merti tal-każ, l-għażla tal-flessibilità;

1. dwar iż-żmien ta' l-ewwel ħlas lura tal-prinċipal, il-profil tal-ħlas lura u u l-t-terminu massimu għall-ħlas lura jekk kemm-il darba t-tul ta' żmien medju tas-self [1] appoġġjat ma jkunx jaqbeż il-5 snin u t-3 xhur, jew

2. dwar iż-żmien ta' l-ewwel ħlas lura tal-prinċipal, il-profil tal-ħlas lura u t-terminu massimu għall-ħlas lura jekk kemm-il darba it-terminu medju tas-self sostenitur ma jaqbiżx is-7 snin u t-3 xhur, u suġġett għad-data ta' l-ewwel ħlas lura tal-prinċipal illi tkun fi żmien sentejn mill-punt tal-bidu tal-kreditu. Din l-għażla hija soġġetta għall-terminu ta' ħlas lura massimu ta' 14-il sena.

- Fir-rigward ta' l-għażliet 1 u 2, mhuwiex jiġi mistenni illi l-Parteċipanti jaqblu għal ħlas lura singolu tal-prinċipal illi jaqbeż il-25 fil-mija.

- Fir-rigward tal-"Pajjiżi ta' l-OECD bi Qligħ Għoli" (kif definit mill-Bank Dinji) skond l-Artikolu 22 ta' l-Arranġament [2], l-Għażla 1 tapplika biss jekk l-aġenziji tal-kreditu ta' esportazzjoni qegħdin jipprovdu appoġġ uffiċjali fuq il-bażi ta' kofinanzjament ma' l-istituzzjonijiet finanzjarji, huma sieħeb minoritarju u għandhom status pari passu għal mill-anqas porzjon sinjifikanti tal-ħajja tal-kreditu.

7. Premium:

- mad-dħul fis-seħħ ta' dan il-Ftehim Kwadru, il-premium illi għandu jitħallas ser ikun bażat fuq is-sistemi kurrenti mtejbin sabiex isiru konsistenti mal-kunċett tal-ħajja medja peżata kif żviluppata mill-Grupp ta' Ħidma ta' l-Esperti fuq il-Premium u kondizzjonijiet relatati

- fl-1 ta' April, 1999 il-premium illi għandu jitħallas għandu jkun konsistenti mal-Pakkett ta' Knaepen.

8. Rati ta' Interess:

- għall-perjodi ta' ħlas lura ta' u sa 12-il sena ir-reġim normali ta' CIRR għandu jgħodd, u

- għall-perjodu ta' ħlas lura illi jaqbżu t-12-il sena u sa 14-il sena, għandu jkun hemm żjieda ta' 20 punt ta' bażi fuq il-CIRR għall-muniti kollha; il-livell ta' żjieda għandha tiġi riveduta fl-aħħar tal-Perjodu ta' Prova.

9. Implimentazzjoni:

Dan il-Ftehim Kwadru għandu jidħol fis-seħħ fl-1 ta' Settembru 1998, għandu jiġi espress fil-lingwa konsistenti ma' l-Arraġament u maħruġ bħala dokument TD/KONSENSUS.

[1] Il-kunċett tal-ħajja medja tas-self huwa ibbażat fuq iż-żmien illi jiġi impjegat sabiex jiġi ritirat nofs l-ammont illi jkun ġie misluf. Dan il-kunċett huwa ibbażat biss fuq il-perjodu għall-ħlas lura tas-self u jeskludi kwalunkwe perjodu ta' ħruġ/tnaqqis.

[2] Għall-għan ta' dan il-Ftehim Kwadru dwar il-finanzjament tal-proġetti, il-Korea hija eskluża mil-lista tal-"Pajjiżi ta' l-OECD bi Qligħ Għoli" sal-31 ta' Marzu, 2002.

--------------------------------------------------

L-Anness A

Deskrizzjoni u Kriterju

1. Filwaqt illi jikkonforma kemm ma' deskrizzjoni ġenerali ta', u l-kriterji essenzali għal, l-operazzjoni ta' finanzjament ta' proġetti jistgħu, flimkien mal-proċeduri trasparenti xieraq, ikunu l-mezzi sabiex jagħlqu kwalunkwe flessibilità fl-Arranġament sabiex jiġu akkomodati l-operazzjonijiet tal-finanzjament tal-proġetti. L-għan tal-Kriterji Essenzali jkun illi jassistu deċiżjonijiet fuq jekk għandhiex tingħata flessibilità jew le lil xi każ speċifiku.

2. L-approċċ propost hawn taħt jikkompina deskrizzjoni ġenerali ta' operazzjonijiet ta' finanzjament tal-proġetti flimkien mal-Kriterji Essenzali u Indikattivi. Huwa soġġerit illi, kieku l-Parteċipanti kellhom jikkonsidraw l-każijiet illi ikkonformaw mad-deskrizzjoni ġenerali u ssodisfaw l-Kriterji Essenzajli kollha, huma setgħu allura jikkonsidraw jekk xtaqux japplikaw l-arranġament flessibbli jew le. Huwa mistenni illi l-Kriterji Essenzali ser jiġu soddisfatti; jekk xi kriterju individwali ma jiġi soddisfatt, dan in-nuqqas għandu jiġi ġustifikat. L-użu ta' din il-flessibilità tkun titlob notifika minn qabel ta' l-operazzjoni speċifika lill-Parteċipanti kollha flimkien ma' "spjegazzjoni" xierqa (ara l-punt 2 ta' l-Anness B).

Deskrizzjoni Ġenerali

Il-finanzjament ta' unità partikolari ekonomika illi fih is-sellief huwa soddisfatt illi jikkonsidra l-fluss tal-kontanti u l-qligħ ta' dik l-unità partikolari ekonomika bħala l-għajn tal-fondi illi minnha s-self ser jiġi mħallas lura u illi jikkonsidra l-assi ta' l-unità ekonomika bħala garanzija għas-self.

Kriterji Essenzali

- Il-finanzjament ta' l-operazzjoni ta' l-esportazzjoni ma' kumpannija tal-proġett indipendenti (kemm legalment kif ukoll ekonomikament), per eżempju, kumpannija b' għan speċjali, fir-rigward ta' proġetti ta' investimenti f'"art illi ma tkunx żviluppata u illi tkun qegħda tiġi żviluppata għall-użu urban" illi jiġġeneraw l-introjtu proprju tagħhom.

- id-diviżjoni tar-riskju fost is-sħab tal-proġetti, per eżempju, azzjonisti privati jew illi jifilħu għas-self, esportaturi, kredituri, min jiddeċiedi illi jidħol għas-self, inkluża ekwità adegwata.

- il-fluss tal-kontanti tal-proġetti jkun biżżejjed matul il-perjodu sħiħ tal-ħlas lura sabiex ikopri l-ispejjeż operattivi u s-servizz marbut mad-dejn għall-fondi minn barra.

- Tnaqqis prijoritarju ta' l-ispejjeż operattivi u s-servizz marbut mad-dejn mill-introjtu tal-proġett

- L-ebda garanzija sovrana tal-ħlas fir-rigward tal-proġetti (il-garanziji ta' prestazzjoni tal-gvern mhumiex inklużi, per eżempju, arranġamenti ta' teħid tad-dejn minn persuni terzi)

- Is-sigurtajiet bażati fuq il-qliegħ/assi tal-proġett, per eżempju, l-assenjazzjonijiet, ir-rahanijiet u l-kontijiet tal-qliegħ.

- L-ebda rikors, jew rikors limitat għall-finanzjaturi ta' l-azzjonisti tas-settur privat/finanzjaturi tal-proġett wara t-tlestija.

Kriterji Illustrattivi

- Introjtu illi jkun taħt il-forma ta' muniti u karti; fil-każ ta' introjtu fil-munita lokali, sigurtajiet addizzjonali jistgħu jiġu meħtieġa.

--------------------------------------------------

L-Anness B

Proċeduri ta' Notifika

1. Il-Parteċipanti huma meħtieġa illi jagħtu notifika bi pre-avviż ta' 20 jum kalendarju qabel jieħdu kwalunkwe impenn meta l-intenzjoni tkun illi tiġi permessa l-flessibilità taħt il-qafas kwadru propost.

2. Din il-proċedura tkun tissejjaħ "Eċċezzjonijiet Permessi: Notifika illi Għandha Tingħata minn Qabel bi Spjegazzjoni". Il-Parteċipant illi jkun qiegħed jinnotifika ikun mistenni illi jipprovdi t-tagħrif rekwiżit fil-Formola Standard tan-Notifika, skond l-Anness IV ma' l-Arraġament, supplimentat b'mod tali illi jagħti l-informazzjoni illi ġejja:

- deskrizzjoni aktar dettaljata tal-proġett,

- il-konferma tal-konformità mad-deskrizzjoni ġenerali u l-kriterji essenzali (inkluż kumment, jekk disponibbli, fuq il-kriterji illustrativi),

- spjegazzjoni sħiħa dwar għalfejn huma mitluba aktar termini flessibbli,

- id-data ta' l-ewwel ħlas lura tal-prinċipal fir-rigward tal-punt ta' bidu tal-kreditu, flimkien mad-dettalji ta' kif dan ikun ġie determinat,

- għall-għan tan-notifika ta' desinji antiċipati tal-fluss tal-kontanti, il-formola illi ġejja għandha tiġi użata:

Il-perjodu ta' kostruzzjoni huwa… snin, il-perjodu ta' ħlas lura huwa… snin għal żmien totali ta'… snin. Il-profil tal-ħlas lura huwa (front-ended), (back-ended), (varjabbli), (sostanzjalment egwali), ieħor, jekk jogħġbok iddeskrivi), bi… fil-mija tal-ħlas lura tal-prinċipal għandu jsir sa nofs il-perjodu ta' ħlas lura u għandu ħajja medja ta'… snin.

- l-informazzjoni dwar ir-rata ta' imgħaxx mitluba u ż-żjieda fuq il-CIRR illi għandha tiġi applikata, jekk l-għażla 2 tal-punt 6 ta' l-Anness hija magħżula,

- informazzjoni dwar iż-żjieda fil-premium, u

- spjegazzjoni dwar jekk l-imgħax ikunx ġie kapitaliżżat wara illi tkun ġiet imposta l-kummissjoni.

3. Ikun mifhum illi, minkejja illi l-Parteċipanti l-oħra jkollhom id-dritt illi jfittxu informazzjoni ulterjuri mill-Parteċipanti notifikanti dwar ir-raġuni għalfejn, u l-bażi għaliex, l-appoġġ propost, il-Parteċipant notifikanti ikun liberu illi joħroġ impenn fl-aħħar tal-perjodu ta' 20 ġurnata. Il-Parteċipant notifikanti jkun mistenni illi jwieġeb għal kwalunkwe mistoqsijiet mingħajr dewmien, filwaqt illi jirrikonoxxi r-restrizzjonijiet tal-konfidenzalità kummerċjali. Meta possibbli, l-Parteċipanti ser jipprovdi informazzjoni addizzjonali fuq il-fluss tal-kontanti tal-proġetti wara l-konklużjoni finanzjarja.

--------------------------------------------------