32000R0251

DEĊIŻJONI TAL-KUMMISSJONI

tas-17 ta' Marzu 2000

li tagħraf fil-prinċipju t-tkomplija tal-inkartament sottomess għal eżami dettaljat bil-ħsieb tad-dħul possibbli tar-RPA407213 (fenamidone) fl-Anness I ta' mad-Direttiva tal-Kunsill 91/414/KEE li tirrigwarda t-tpoġġija fis-suq ta' prodotti għall-protezzjoni tal-pjanti

(notifikat bin-numru tad-dokument Ċ(2000) 699)

(Test b'rilevanza għall-EEE)

(2000/251/KE)

IL-KUMMISSJONI TAL-KOMUNITAJIET EWROPEJ,

Wara li kunsidrat it-Trattat li jwaqqaf il-Komunita Ewropea,

Wara li kunsidrat id-Direttiva tal-Kunsill 91/414/KEE tal-15 ta' Lulju 1991 li tirrigwarda t-tpoġġija fis-suq ta' prodotti għall-protezzjoni tal-pjanti([1]

), kif l-aħħar emendata bid-Direttva tal-Kummissjoni 1999/80/KE([2]

), u partikolarment l-Artikolu 6(3) tagħha,

Billi:

(1) Id-Direttiva 91/414/KEE (minn issa l quddiem imsejħa "id-Direttiva") tipprovdi għall-bini ta' lista Komunitarja ta' sustanzi attivi awtorizzati sabiex jintużaw fil-prodotti għall-protezzjoni tas-saħħa tal-pjanti

(2) Rhône-Poulenc Ag., issottomettiet inkartament dwar is-sustanza attiva RPA407213 (fenamidone) lill-awtoritajiet Franċiżi fil-15 ta' Settembru 1999.

(3) L-awtoritajiet imsemmija għarrfu lill-Kummissjoni bir-riżultati ta' eżami tal-bidu tal-inkartament sabiex jiġi żgurat illi jipprovdi t-tagħrif kollu prekritt fl-Anness II u, għall-inqas prodott wieħed għall-protezzjoni tal-pjanti li fih is-sustanza attiva, fl-Anness III ta' mad-Direttuiva. Sussegwentement, b'mod konformi ma' l-Artikolu 6(2), l-applikant issottometta l-inkartament lill-Kummissjoni u lil l-Istati Membri l-oħra.

(4) L-inkartament dwar ir-RPA407213 (fenamidone) kien riferit lill-Kumitat Permanenti dwar is-Saħħa tal-Pjanti fis-17 ta' Jannar 2000.

(5) L-Artikolu 6(3) tad-Direttiva jeħtieġ konferma uffiċjali fil-livell tal-Komunità illi kull inkartament iwettaq il-ħtiġijiet dwar it-tagħrif preskritt fl-Anness II u, għall-inqas prodott wieħed għall-protezzjoni tal-pjanti li jkun fih is-sustanza attiva interessata, fl-Anness III mad-Direttiva.

(6) Din il-konforma hija meħtieġa sabiex tippermetti l-eżami dettaljat tal-inkartament u sabiex tippermetti lill-Istati Membri li jikkonċedu awtoriżżazzjoni proviżorja dwar il-prodotti għall-protezzjoni tal-pjanti li jkun fihom is-sustanza attiva interessata filwaqt li jitħarsu l-kondizzjonijiet li għandhom x'jaqsmu ma' l-istima dettaljata tas-sustanza attiva u tal-prodott għall-protezzjoni tal-pjanti fid-dawl tal-ħtiġijiet preskritti mid-Direttiva.

(7) Din id-deċiżjoni ma teskludix talba għal iktar tagħrif minn għand l-applikant fejn, matul l-eżami dettaljat, jinstab illi dan it-tagħrif huwa meħtieġ sabiex tintlaħaq deċiżjoni.

(8) L-Istati Membri u l-Kummissjoni jaqblu illi Franza trid twettaq eżami dettaljat tal-inkartament dwar ir-RPA407213 (fenamidone).

(9) Franza trid tibgħat lill-Kummissjoni rapport ta' stima li jiddikjara r-riżultati ta' l-eżami akkumpanjat b'kull rakkommandazzjoni għad-dħul jew it-tħollija barra u dwar kull kondizzjoni li għandha x'taqsam ma' dawn malajr kemm jista' jkun iżda fi żmien sena. Wara li jirċievu r-rapport, l-Istati Membri jridu jissoktaw l-eżami dettaljat fil-Kumitat Permanenti dwar is-Saħħa tal-Pjanti.

(10) Il-miżuri provduti f'din id-Deċiżjoni huma b'mod konformi ma' l-opinjoni tal-Kumitat Permanenti dwar is-Saħħa tal-Pjanti,

ADOTTAT DIN ID-DEĊIŻJONI:

Artikolu 1

L-inkartament li ġej jissodisfa fil-prinċipju l-ħtiġijiet tat-tagħrif preskritt fl-Anness II u, għall-inqas prodott wieħed għall-protezzjoni tas-saħħa tal-pjanti li fih is-sustanza attiva interessata, fl-Anness III mad-Direttia, filwaqt li jitqiesu l-użi maħsuba:

l-inkartament sottomess mir-Rhône-Poulenc Ag., lill-Kummissjoni u lill-Istati Membri bil-ħsieb li jiddaħħal l-RPA407213 (fenamidone) bħala sustanza attiva fl-Anness I mad-Direttiva 91/414/KEE u riferit lill-Kumitat Permanenti dwar is-Saħħa tal-Pjanti fis-17 ta' Jannar 2000.

Artikolu 2

Dan id-Deċiżjoni hija indirizzata lill-Istati Membri.

Magħmulha fi Brussel, fis-17 ta' Marzu 2000.

Għall-Kummissjoni

David Byrne

Membru tal-Kummissjoni

[1] ĠU L 230, tad-19.8.1991, p. 1.

[2] ĠU L 210, tal-10.8.1999, p. 13.