This document is an excerpt from the EUR-Lex website
Document 32000D0365
2000/365/EC: Council Decision of 29 May 2000 concerning the request of the United Kingdom of Great Britain and Northern Ireland to take part in some of the provisions of the Schengen acquis
Id-Deċiżjoni tal-Kunsill tad-29 mejju 2000 dwar it-talba tar-Renju Unit tal-Gran Brittanja u Irlanda ta' Fuq biex jieħdu parti f'xi disposizzjonijiet ta' l-acquis ta' Schengen.
Id-Deċiżjoni tal-Kunsill tad-29 mejju 2000 dwar it-talba tar-Renju Unit tal-Gran Brittanja u Irlanda ta' Fuq biex jieħdu parti f'xi disposizzjonijiet ta' l-acquis ta' Schengen.
ĠU L 131, 1.6.2000, p. 43–47
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force: This act has been changed. Current consolidated version: 01/12/2014
Official Journal L 131 , 01/06/2000 P. 0043 - 0047
Id-Deċiżjoni tal-Kunsill tad-29 mejju 2000 dwar it-talba tar-Renju Unit tal-Gran Brittanja u Irlanda ta' Fuq biex jieħdu parti f'xi disposizzjonijiet ta' l-acquis ta' Schengen. (2000/365/KE) IL-KUNSILL TA' L-UNJONI EWROPEA, Wara li kkunsidra l-Artikolu 4 tal-Protokoll li jintegra l-acquis ta' Schengen fil-qafas ta' l-Unjoni Ewropea annessa mat-Trattat dwar l-Unjoni Ewropea u t-Trattat li jistabbilixxi l-Komunitajiet Ewropej, (minn issa msejjaħ "il-Protokoll ta' Schengen"), Wara li kkunsidra t-talba mill-Gvern ta' r-Renju Unit tal-Gran Brittanja u l-Irlanda ta' Fuq, bl-ittri tagħhom lil President tal-Kunsill tal-20 ta' Mejju 1999, 9 ta' Lulju 1999 u 6 ta' Ottubru 1999, biex jipparteċipaw f'ċerti disposizzjonijiet ta' l-acquis ta' Schengen, kif speċifikat f'dawn l-ittri, Wara li kkunsidra l-opinjoni ta' l-20 Lulju 1999 tal-Kummissjoni tal-Komunitajiet Ewropej dwar it-talba, Billi r-Renju Unit tal-Gran Brittanja u l-Irlanda ta' Fuq għandhom posizzjoni importanti dwar kwistjonijiet koperti b'Titolu IV ta' Tielet Parti ta' Trattat li jwaqqaf il-Komunità Ewropea, kif rikonoxxut mill-Protokoll dwar il-posizzjoni ta' r-Renju Unit u l-Irlanda u fil-Protokoll dwar l-applikazzjoni ta' ċertu aspetti ta' l-Artikolu 14 ta' t-Trattat li jwaqqaf il-Komunità Ewropeja għar-Renju Unit u l-Irlanda, annessi bit-Trattat dwar l-Unjoni Ewropea u t-Trattat li jwaqqaf il-Komunità Ewropea; Billi l-acquis ta' Schengen kien maħsub u jopera bħala ensemble koerenti li jrid ikun pjenament aċċettat u applikat mill-Istati kollha li jappoġġjaw il-prinċipju ta' l-abolizzjoni ta' spezzjonar ta' persuni fil-fruntieri komuni; Billi l-Protokoll ta' Schengen jipprovdi għal possibilità li, minħabba din il-posizzjoni speċjali tar-Renju Unit tal-Gran Brittanja u l-Irlanda ta' Fuq, dan jipparteċipa f'xi disposizzjonijiet ta' l-acquis ta' Schengen; Billi r-Renju Unit jassumi l-obbligi ta' Stat Membru li jinqalgħu mill-Artikoli ta' l-Konvenzjoni ta' Schengen tal-1990 imniżżla f'din id-Deċiżjoni; Billi wara li kkunsidraw il-posizzjoni speċjali ta' r-Renju Unit hawn fuq imsemmija, b'din id-Deċiżjoni fid-disposizzjonijiet tal-fruntieri tal-Konvenzjoni ta' Schengen ta' 1990, la r-Renju Unit u lanqas it-territorji msemmija fl-Artikolu 5 ma jipparteċipaw; Billi tieħu in konsiderazzjoni kwsitjonijiet serji indirizzati b'L-Artikoli 26 u 27 tal-Konvenzjoni ta' Schengen ta' 1990, ir-Renju Unit u Ġibiltà japplikaw dawn l-Artikoli; Billi r-Renju Unit talab biex jipparteċipa fl-ensemble tad-disposizzjonijiet ta' l-acquis ta' Schengen dwar it-twaqqif u operazzjoni tas-Sistema ta' Informazzjoni ta' Schengen (minn hawn ’il quddiem imsejħa "SIS"), barra dwar id-disposizzjonijiet dwar twissijiet imsemmija fl-Artikolu 96 tal-Konvenzjoni ta' Schengen ta' 1990 u disposizzjonijiet oħra dwar dawk it-twissijiet; Billi hija l-opinjoni tal-Kunsill li kwalunkwe parteċipazzjoni parzjali mir-Renju Unit fl-acquis ta' Schengen trid tirrispetta il-koerenza ta' suġġetti li jikkostitiwxxu l-ensemble ta' dan l-acquis; Billi l-Kunsill għalhekk jirrikonoxxi d-dritt tar-Renju Unit li jagħmel, skond l-Artikolu 4 tal-Protokoll ta' Schengen, talba għal parteċipazzjoni parzjali, u tinnota fl-istess ħin li huwa neċessarju tikkunsidra l-impatt ta' din il-parteċipazzjoni tar-Renju Unit fid-disposizzjonijiet dwar it-twaqqif u tħaddim tas-SIS dwar l-interpretazzjoni ta' d-disposizzjonijiet l-oħra relevanti ta' l-acquis ta' Schengen u dwar implikazzjonijiet finanzjarji; Billi l-Kumitat imħallat, mwaqqaf skond l-Artikolu 3 tal-Ftehim konkluż mill-Kunsill ta' l-Unjoni Ewropea u r-Repubblika ta' l-Islanda u r-Renju ta' n-Norveġja dwar l-assoċjazzjoni ta' din ta' l-aħħar dwar l-implimentazzjoni, applikazzjoni u żvilupp ta' l-acquis ta' Schengen [1], kien infurmat dwar il-preparazzjoni ta' din id-Deċiżjoni skond l-Artikolu 5 ta' dak il-Ftehim, IDDEĊIEDA DAN LI ĠEJ: Artikolu 1 Ir-Renju Unit tal-Gran Brittanja u l-Irlanda ta' Fuq jipparteċipaw f'dawn id-disposizzjonijiet ta' l-acquis ta' Schengen: (a) Fil-każ tad-disposizzjonijiet tal-Konvenzjoni ta' Schengen li jimplimentaw il-Ftehim ta' 14 Ġunju 1985, l-Att Finali tagħha u Stqarrijiet Konġunti: (i) l-Artikoli 26 u 27; L-Artikoli 39 u 40; L-Artikoli 42 u 43 sakemm għandhom x’jaqsmu m’ l-Artikolu 40; L-Artikolu 44; L-Artikoli 46 u 47, barra mill-Artikolu 47(2)(ċ); L-Artikoli 48 sa 51; L-Artikoli 52 u 53; L-Artikoli 54 sa 58; L-Artikolu 59; L-Artikoli 61 sa 66; L-Artikoli 67 sa 69; L-Artikoli 71 sa 73; L-Artikoli 75 u 76; L-Artikoli 126 sa 130 sakemm għandhom x'jaqsmu mad-disposizzjonijiet li fihom ir-Renju Unit jipparteċipa permezz ta' dan is-subparagrafu; Dikjarazzjoni 3 għall-Att Finali dwar l-Artikolu 71(2); (ii) dawn id-disposizzjonijiet li ġejjin dwar is-Sistema ta' Informazzjoni ta' Schengen sakemm m'għandhomx x’jaqsmu m’ l-Artikolu 96: L-Artikolu 92; L-Artikoli 93 sa 95; L-Artikoli 97 sa 100; L-Artikolu 101, barra l-paragrafu 2 tiegħu; L-Artikoli 102 sa 108; L-Artikoli 109 sa 111, dwar data personali reġistrata fil-parti nazzjonali tas-SIS tar-Renju Unit; L-Artikoli 112 u 113; L-Artikolu 114, dwar data personali reġistrata fil-parti nazzjonali tas-SIS tar-Renju Unit; L-Artikoli 115 sa 118; (iii) disposizzjonijiet oħra dwar is-Sistema ta' Informazzjoni ta' Schengen: L-Artikolu 119; (b) dwar id-disposizzjonijiet tal-Ftehim ta' Sħubija għal Konvenzjoni tal-1990 li jimplimentaw il-Ftehim ta' Schengen tal-14 Ġunju 1985, l-Att Finali tagħhom u Dikjarazzjonijiet Komuni: (i) il-Ftehim iffirmat fis-27 ta' Novembru 1990 dwar sħubija tar-Repubblika Taljana: l-Artikoli 2 u 4 u Dikjarazzjoni Komuni dwar l-Artikoli 2 u 3 sakemm għandu x’jaqsam ma’ l-Artikolu 2; (ii) il-Ftehim iffirmat fil-25 ta' Ġunju 1991 dwar sħubija tar-Renju ta' Spanja: l-Artikoli 2 u 4 u l-Att Finali, III Parti, Dikjarazzjoni 2; (iii) il-Ftehim iffirmat fil-25 ta' Ġunju 1991 dwar sħubija tar-Repubblika Portugiża: l-Artikoli 2, 4, 5 u 6; (iv) il-Ftehim iffirmat fis-6 ta' Novembru 1992 dwar sħubija tar-Repubblika Griega: l-Artikoli 2, 3, 4 u 5 u l-Att Finali, III Parti, Dikjarazzjoni 2; (v) il-Ftehim iffirmat fit-28 ta' April 1995 dwar sħubija tar-Repubblika ta' l-Awstrija: l-Artikoli 2 u 4; (vi) il-Ftehim iffirmat fid-19 ta' Diċembru 1996 dwar Sħubija tar-Renju tad-Danimarka: l-Artikoli 2, 4 u 6 u l-Att Finali, III Parti, Dikjarazzjoni 3; (vii) il-Ftehim iffirmat fid-19 ta' Diċembru 1996 dwar sħubija tar-Repubblika tal-Finlandja: l-Artikoli 2, 4 u 5 u l-Att Finali, II Parti, Dikjarazzjoni Konġunta 3; (viii) il-Ftehim iffirmat fid-19 ta' Diċembru 1996 dwar sħubija tar-Renju ta' l-Isvezja: l-Artikoli 2, 4 u 5 u l-Att Finali, II Parti, Dikjarazzjoni Konġunta 3; (ċ) dwar id-disposizzjonijiet ta' dawn id-Deċiżjonijiet tal-Kumitat Eżekuttiv stabbilit bil-Konvenzjoni tal-1990 li timplimenta il-Ftehim ta' Schengen tal-14 ta' Ġunju 1985 sakemm għandhom x'jaqsmu mad-disposizzjonijiet li fihom jipparteċipa r-Renju Unit permezz ta' subparagrafu (a) hawn fuq: (i) SCH/Com-ex (93) 14 (ittejjeb il-koperazzjoni prattika bejn awtoritajiet ġudizzjarji li jikkombattu traffikar ta' droga); SCH/Com-ex (94) 28 rev (ċertifikat ipprovdut fl-Artikolu 75 għal Trasport ta' drogi u/jew sustanzi psikotropiċi); SCH/Com-ex (98) 26 def (twaqqif ta' "Schengen implementing Convention Standing Committee"), soġġett għal arranġament intern li jispeċifika l-modalitajiet ta' parteċipazzjoni ta' esperti tar-Renju Unit f'missjonijiet li jsiru taħt l-awspiċi tal-"Council Working Party" relevanti; SCH/Com-ex (98) 51 rev 3 (koperazzjoni trans-konfini tal-pulizija fil-qasam ta' prevenzjoni u skoperta meta mitluba); SCH/Com-ex (98) 52 (manwal dwar koperazzjoni trans-konfini tal-pulizija); SCH/Com-ex (99) 1 rev 2 (sitwazzjoni ta' droga); SCH/Com-ex (99) 6 (Telekomunikazzjoni); SCH/Com-ex (99) 8 rev 2 (ħlas lil informaturi); SCH/Com-ex (99) 11 rev 2 (ftehim dwar koperazzjoni fi proċeduri għal offiżi tat-traffiku fit-triq); SCH/Com-ex (99) 18 (titjib ta' koperazzjoni tal-pulizija fil-prevenzjoni u skoperta ta' reati); (ii) SCH/Com-ex (97) 2 rev 2 (għotja ta' xogħol b'appalt għal studju preliminari ta' SIS II); SCH/Com-ex (97) 18 (kontribuzzjonijiet min-Norveġja u l-Islanda għal spejjeż operazzjonali ta' C.SIS); SCH/Com-ex (97) 24 (futur tas-SIS); SCH/Com-ex (97) 35 (Regolamenti Finanzjarji C.SIS); SCH/Com-ex (98) 11 (C.SIS ma’ konnessjonijiet tal-15/18); SCH/Com-ex (99) 5 (Manwal SIRENE); (d) dwar id-disposizzjonijiet ta' dawn id-Dikjarazzjonijiet tal-Kumitat Eżekuttiv imwaqqaf bil-Konvenzjoni tal-1990 li timplimenta l-Ftehim ta' Schengen ta' l-14 ta' Ġunju 1985 sakemm għandhom x'jaqsmu mad-disposizzjonijiet li fihom jipparteċipa r-Renju Unit permezz ta' subparagrafu (a) fuq: (i) SCH/Com-ex (96) decl 6 rev 2 (dikjarazzjoni dwar estradizzjoni). (ii) SCH/Com-ex (97) decl 13 rev 2 (ħtif ta' minuri); SCH/Com-ex (99) decl 2 rev (struttura ta' SIS). Artikolu 2 1. L-uffiċjali msemmija fid-disposizzjoni ta' l-Artikolu 40(4) tal-Konvenzjoni tal-1990 dwar ir-Renju Unit ikunu uffiċjali minn forzi tal-pulizija u uffiċjali ta' Dwana u Sisa tal-Maestà tagħha. 2. L-awtorità msemmija fid-disposizzjonijiet tal-Artikolu 40(5) tal-Konvenzjoni tal-1990 dwar ir-Renju Unit se jkun is-Servizz Nazzjonali ta' l-Intelliġenza Kriminali. Artikolu 3 Il-Ministeru kompetenti msemmi fid-disposizzjoni ta' l-Artikolu 65(2) tal-Konvenzjoni tal-1990 se jkun il-"Home Office" rigward l-Ingilterra, Wales u l-Irlanda ta' Fuq u l-Eżekuttiv Skoċċiż dwar l-Iskozja. Artikolu 4 Id-delegazzjoni fl-Awtorità Konġunta ta' Superviżjoni, imwaqqfa taħt l-Artikolu 115 tal-Konvenzjoni tal-1990, li jirrappreżentaw l-awtorità nazzjonali ta' superviżjoni tar-Renju Unit ma jkunux intitolati jieħdu parti fil-proċeduri ta' votazzjoni fl-awtorità konġunta ta' superviżjoni dwar kwistjonijiet dwar l-applikazzjoni tad-disposizzjonijiet ta' l-acquis ta' Schengen, li fihom ma jipparteċipax ir-Renju Unit. Artikolu 5 1. Ir-Renju Unit se jinforma bil-miktub lil President tal-Kunsill liema mid-disposizzjonijiet imsemmija fl-Artikolu 1 jixtieq japplika għaċ-"Channel Islands" u l-"Isle of Man". Deċiżjoni dwar din it-talba tittieħed mill-Kunsill li jaġixxi b'unanimità tal-Membri tiegħu msemmija fl-Artikolu 1 tal-Protokoll ta' Schengen u r-rappreżentant tal-Gvern tar-Renju Unit. 2. Dawn id-disposizzjonijiet ta' l-Artikolu 1 għandhom jgħoddu għal Ġibiltà: (a) Dwar id-disposizzjonijiet tal-Konvenzjoni ta' Schengen li timplimenta l-Ftehim ta' l-14 ta' Ġunju 1985, l-Att Finali tagħha u Stqarrijiet konġunti: Artikoli 26 u 27; L-Artikolu 39; L-Artikolu 44 sakemm m'għandux x’jaqsam ma’ l-insegwiment u s-sorveljanza trans-konfini; L-Artikoli 46 u 47, barra għal 47(2)(ċ); L-Artikoli 48 sa 51; L-Artikoli 52 u 53; L-Artikoli 54 sa 58; L-Artikolu 59; L-Artikoli 61 sa 63; L-Artikoli 65 sa 66; L-Artikoli 67 sa 69; L-Artikoli 71 sa 73; L-Artikoli 75 u 76; L-Artikoli 126 sa 130 sakemm għandhom x'jaqsmu mad-disposizzjonijiet li fihom ir-Renju Unit jipparteċipa permezz ta' dan is-subparagrafu; Dikjarazzjoni 3 għall-Att Finali dwar l-Artikolu 71(2); (b) Dwar id-disposizzjonijiet tal-Ftehim ta' sħubija għal Konvenzjoni tal-1990 li timplimenta il-Ftehim ta' Schengen tal-14 ta' Ġunju 1985, l-Att Finali tagħhom u Dikjarazzjonijiet Komuni: (i) il-Ftehim iffirmat fis-27 ta' Novembru 1990 dwar sħubija tar-Repubblika Taljana: l-Artikolu 4; (ii) il-Ftehim iffirmat fil-25 ta' Ġunju 1991 dwar sħubija tar-Renju ta' Spanja: Artikou 4 u Att Finali, III Parti, Dikjarazzjoni 2. (iii) il-Ftehim iffirmat fil-25 ta' Ġunju 1991 dwar sħubija tar-Repubblika Portugiża: l-Artikoli 4, 5 u 6. (iv) il-Ftehim iffirmat fis-6 ta' Novembru 1992 dwar sħubija tar-Repubblika Griega: l-Artikoli 3, 4 u 5 u Att Finali, III Parti, Dikjarazzjoni 2. (v) il-Ftehim iffirmat fit-28 ta' April 1995 dwar sħubija tar-Repubblika ta' l-Awstrija: l-Artikolu 4. (vi) il-Ftehim iffirmat fid-19 ta' Diċembru 1996 dwar Sħubija tar-Renju tad-Danimarka: l-Artikoli 4 u 6 tal-Att Finali, II Part, Dikjarazzjoni Konġunta 3. (vii) il-Ftehim iffirmat fid-19 ta' Diċembru 1996 dwar sħubija tar-Repubblika tal-Fillandja: l-Artikoli 4 u 5 u Att Finali, II Parti, Dikjarazzjoni Konġunta 3. (viii) il-Ftehim iffirmat fid-19 ta' Diċembru 1996 dwar sħubija tar-Renju ta' l-Isvezja: l-Artikoli 4 u 5 u Att Finali, II Parti, Dikjarazzjoni Konġunta 3. (ċ) Sakemm għandhom x'jaqsmu d-disposizzjonijiet tad-Deċiżjonijiet tal-Kumitat Eżekuttiv imwaqqaf bil-Konvenzjoni tal-1990 li timplimenta l-Ftehim ta' Schengen ta' 14 ta' Ġunju 1985: SCH/Com-ex (93) 14 (ittejjeb koperazzjoni prattika bejn awtoritajiet ġudizzjarji li jikkombattu traffikar ta' droga); SCH/Com-ex (94) 28 rev (ċertifikat ipprovdut fl-Artikolu 75 għal Trasport ta' drogi u/jew sustanzi psikotropiċi); SCH/Com-ex (98) 51 rev 3 (koperazzjoni trans-konfini tal-pulizija fil-qasam ta' prevenzjoni u skoperta meta mitluba); SCH/Com-ex (98) 52 (manwal dwar koperazzjoni trans-konfini tal-pulizija); SCH/Com-ex (99) 1 rev 2 (sitwazzjoni ta' droga); SCH/Com-ex (99) 6 (Telekomunikazzjoni); SCH/Com-ex (99) 8 rev 2 (ħlas lil informaturi); SCH/Com-ex (99) 11 rev 2 (ftehim dwar koperazzjoni fi proċeduri għal offiżi tat-traffiku fit-triq); SCH/Com-ex (99) 18 (titjib ta' koperazzjoni tal-pulizija fil-prevenzjoni u skoperta ta' reati); (d) Sakemm għandhom x'jaqsmu d-disposizzjonijiet ta' din id-Dikjarazzjoni tal-Kumitat Eżekuttiv imwaqqaf bil-Konvenzjoni tal-1990 li jimplimenta l-Ftehim ta' Schengen tal-14 ta' Ġunju 1985: SCH/Com-ex (96) decl 6 rev 2 (dikjarazzjoni dwar estradizzjoni). 3. l-Artikolu 8(3) jgħodd għat-territorji msemmija f'paragrafi 1 u 2 hawn fuq. Artikolu 6 1. Mingħajr preġudizzju għall-Artikolu 8(3), id-disposizzjonijiet imsemmija fl-Artikolu 1 jidħlu fis-seħħ, bejn ir-Renju Unit u l-istati Membri u Stati oħra li dwarhom dawn id-disposizzjonijiet diġà ddaħlu fis-seħħ meta l-kondizzjonijiet ta' qabel għal implimentazzjoni ta' dawk id-disposizzjonijiet kienu osservati f'dawn l-Istati Membri kollha u Stati oħra, b'deċiżjoni li tittieħed mill-Kunsill. Il-Kunsill jista’ jiddeċiedi li jistabbilixxi dati differenti għad-dħul fis-seħħ ta' disposizzjonijiet differenti skond it-tema. 2. Qabel ma d-disposizzjonijiet imsemmija fl-Artikolu 1 jidħlu fis-seħħ skond paragrafu 1, il-Kunsill jiddeċiedi dwar l-arranġamenti legali dettaljati u tekniċi, inkluż disposizzjonijiet dwar protezzjoni ta' "data", dwar il-parteċipazzjoni tar-Renju Unit fid-disposizzjonijiet imsemmija f'paragrafi (a)(ii) u (iii), (ċ)(ii) u (d)(ii) ta' l-Artikolu 1. 3. Paragrafu 1 għandu jgħodd mutatis mutandis għad-dħul fis-seħħ ta' disposizzjonijiet imsemmija fl-Artikolu 5 dwar it-territorji konċernati. 4. Kwalunkwe deċiżjoni taħt paragrafi 1, 2 u 3 tittieħed mill-Kunsill, li jaġixxi b'unanimità tal-Membri tiegħu msemmija fl-Artikolu 1 tal-Protokoll ta' Schengen u r-rappreżentant tal-Gvern tar-Renju Unit. 5. Id-disposizzjonijiet ta' l-Artikolu 75 tal-Konvenzjoni tal-1990 li timplimenta l-Ftehim ta' Schengen tal-14 ta' Ġunju 1985 u ta' Deċiżjoni tal-Kumitat Eżekuttiv SCH/Com-ex (94) 28 rev (ċertifikat ipprovdut fl-Artikolu 75 għal trasport ta' drogi u/jew sustanzi psikotropiċi) jkunu direttament applikabli fir-Renju Unit. Artikolu 7 1. Ir-Renju Unit jkun marbut b: (a) Deċiżjoni tal-Kunsill (1999/323/CE) tat-3 ta' Mejju 1999 fuq it-twaqqif ta' regolament finanzjarju li jirregola aspetti bilanċarji tat-tmexxija mis-Segretarjat-Ġenerali tal-Kunsill, ta' kuntratti li saru f'ismu, in rappreżentanza ta' ċertu Stati Membri, dwar l-installazzjoni u xogħol ta' "Help Desk Server" tal-"Management Unit" u ta' "Sirene Network Phase" II [2], u xi emendi sussegwenti għalihom. (b) Deċiżjoni tal-Kunsill (2000/265/CE) tas-27 Marzu 2000 fuq it-twaqqif ta' regolament finanzjarju li jirregola aspetti bilanċarji tat-tmexxija mid-Deputat Segretarju Ġenerali tal-Kunsill, ta' kuntratti li saru f'ismu, in rappreżentanza ta' ċertu Stati Membri, dwar l-installazzjoni u funzjonament ta' l-infrastruttura ta' komunikazzjoni, għal ambjent ta' Schengen, "Sisnet" [3]. 2. Ir-Renju Unit għandu jħallas l-ispejjeż kollha involuti fil-kisba teknika tal-parteċipazzjoni parzjali tagħha fl-operazzjoni ta' SIS. Artikolu 8 1. Din id-Deċiżjoni għandha tidħol fis-seħħ fil-ġurnata wara li tkun ippubblikata fil-Ġurnal Uffiċjali tal-Komunitajiet Ewropej. 2. Mid-data ta' adozzjoni ta' din id-Deċiżjoni, ir-Renju Unit tal-Gran Brittanja u l-Irlanda ta' Fuq ikunu meqjusa revokabilment li nnotifikaw il-President tal-Kunsill taħt l-Artikolu 5 tal-Protokoll ta' Schengen li tixtieq tipparteċipa fil-proposti kollha u inizjattivi li jsaħħu l-acquis ta' Schengen imsemmi fl-Artikolu 1. Din il-parteċipazzjoni tkopri t-territorji msemmija fl-Artikolu 5(1) u (2) rispettivament, sakemm il-proposti u inizjattivi jsaħħu d-disposizzjonijiet ta' l-acquis ta' Schengen li miegħu jintrabtu dawk it-territorji. 3. Miżuri li jsaħħu l-acquis ta' Schengen imsemmija fl-Artikolu 1, li kienu adottati qabel l-adozzjoni ta' deċiżjoni tal-Kunsill imsemmija fl-Artikolu 6 jidħol fis-seħħ fir-Renju Unit fid-data jew dati li fihom il-Kunsill jiddeċiedi taħt l-Artikolu 6 li jdaħħal fis-seħħ l-acquis imsemmi fl-Artikolu 1 għar-Renju Unit kemm-il darba l-miżura stess tipprovdi għal data aktar tard. Magħmul fi Brussel, fid-29 ta' Jannar 2000. Għal Kunsill Il-President A. Costa [1] ĠU L 176, ta' l-10.7.1999, pġ. 36. [2] ĠU L 123, tat-13.5.1999, pġ. 51. [3] ĠU L 85, tas-6.4.2000, pġ. 12. --------------------------------------------------