This document is an excerpt from the EUR-Lex website
Document 31999L0057
Commission Directive 1999/57/EC of 7 June 1999 adapting to technical progress Council Directive 78/764/EEC relating to the driver's seat on wheeled agricultural or forestry tractors (Text with EEA relevance)
Id-Direttiva tal-Kummissjoni 1999/57/KE tas-7 ta' Ġunju 1999 li taddatta għall-progress tekniku d-Direttiva ta' Kunsill 78/64/KEE dwar is-sedil tas-sewwieq fuq tratturi għall-agrikoltura jew għall-forestrija bir-roti (Test b'rilevanza għaż-ŻEE)
Id-Direttiva tal-Kummissjoni 1999/57/KE tas-7 ta' Ġunju 1999 li taddatta għall-progress tekniku d-Direttiva ta' Kunsill 78/64/KEE dwar is-sedil tas-sewwieq fuq tratturi għall-agrikoltura jew għall-forestrija bir-roti (Test b'rilevanza għaż-ŻEE)
ĠU L 148, 15.6.1999, p. 35–36
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 31/12/2015; Imħassar b' 32013R0167
Official Journal L 148 , 15/06/1999 P. 0035 - 0036
Id-Direttiva tal-Kummissjoni 1999/57/KE tas-7 ta' Ġunju 1999 li taddatta għall-progress tekniku d-Direttiva ta' Kunsill 78/64/KEE dwar is-sedil tas-sewwieq fuq tratturi għall-agrikoltura jew għall-forestrija bir-roti (Test b'rilevanza għaż-ŻEE) IL-KUMMISSJONI TAL-KOMUNITÀ EWROPEA, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 74/150/KEE tal-4 ta' Marzu 1974 fuq l-approsimazzjoni tal-liġijiet ta' l-Istati Membri dwar l-approvazzjoni tat-tipi ta' tratturi għall-agrikoltura jew għall-forestrija bir-roti [1], kif l-aħħar emendata mid-Direttiva 97/54/KE tal-Parlament Ewropew u tal-Kunsill [2], u b'mod partikolari Artikolu 11 tagħha, Wara li kkunsidrat id-Direttiva tal-Kunsill 78/764/KEE tal-25 ta' Lulju 1978 fuq l-approsimazzjoni tal-liġijiet ta' l-Istati Membri dwar is-sedil tas-sewwieq fuq tratturi għall-agrikoltura jew għall-forestrija bir-roti [3], kif l-aħħar emendata mid-Direttiva 97/54/KE, u b'mod partikolari Artikoli 10 tagħha, (1) Billi, sabiex tittejjeb is-sigurtà, issa huwa neċessarju li jiġi speċifikat fid-dettall kif is-sedil tas-sewwieq għandu jitwaħħal u li ma jkunx hemm ergonomija ħażina; (2) Billi l-miżuri stipulati f'din id-Direttiva huma skond l-opinjoni tal-Kumitat tal-Addattament tad-Direttivi lil Progress Tekniku stabbilit b'Artikolu 12 tad- Direttiva 74/150/KEE, ADOTTAT DIN ID-DIRETTIVA: Artikolu 1 Il-punt 1.1.5 ta' Anness IV tad- Direttiva 78/764/KEE huwa b'dan mibdul kif ġej: "1.1.5. meta l-pożizzjoni tas-sedil huwa aġġustabbli fit-tul u vertikalment biss, l-assi lonġitudinali li jgħaddi mill-punt ta' riferenza tas-sedil irid jimxi mall-pjanċa vertikali lonġitudinali tat-trattur li jgħaddi min-nofs tar-rota tal-isteering u li mhux aktar minn 100 mm minn dik il-pjanċa;" . Artikolu 2 1. Mill-1 ta' Lulju 2000, l-Istati Membri ma jistgħux: - jirrifjutaw li jagħtu l-approvazzjoni ta' tip KEE, li joħorġu d-dokument stipulat fit-tielet inċiż ta' Artikolu 10(1) tad-Direttiva 74/150/KEE, jew li jagħti l-approvazzjoni ta' tip nazzjonali, jew - jwaqqaf id-dħul fis-servizz ta' tratturi, jekk it-tratturi involuti huma skond ir-rekwiżiti tad-Direttiva 78/764/KEE, kif emendata minn din id-Direttiva. 2. Mill-1 ta' Jannar 2001, l-Istati Membri: - ma jistgħux aktar joħorġu d-dokument stipulat fit-tielet inċiż ta' Artikolu 10(1) tad-Direttiva 74/150/KEE għal tip ta' trattur li ma jkunx skond ir-rekwiżiti tad-Direttiva 78/764/KEE, kif emendata minn din id-Direttiva, - jistgħu jirrifjutaw li jagħtu l-approvazzjoni nazzjonali ta' tip għal tip ta' trattur li ma jkunx skond ir-rekwiżiti tad-Direttiva 78/764/KEE, kif emendata minn din id-Direttiva. Artikolu 3 1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrrattivi neċessarji għall-ħarsien ta' din id-Direttiva l-aktar tard sat-30 ta' Ġunju 2000. Għandhom javżaw lill-Kummissjoni b'dan minnufih. Meta l-Istati Membri jadottaw dawk id-dispożizzjonijiet, għandhom ikollhom riferenza għal din id-Direttiva jew ikollhom magħhom din ir-referenza fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-referenza. 2. L-Istati Membri għandhom jikkommunikaw lill-Kummissjoni t-test tad-dispożizzjonijiet prinċipali tal-liġi domestika li jadottaw fis-settur kopert minn din id-Direttiva. Artikolu 4 Din id-Direttiva tidħol fis-seħħ fl-20 jum ta' wara l-pubblikazzjoni tagħha fil-Ġurnal Uffiċjali tal-Komunità Ewropea. Artikolu 5 Din id-Direttiva hija indirizzata lill-Istati Membri. Magħmula fi Brussel, is-7 ta'Ġunju 1999. Għall-Kummissjoni Martin Bangemann Membru tal-Kummissjoni [1] ĠU L 84, tat-28.3.1974, p. 10. [2] ĠU L 277, ta' l-10.10.1997, p. 24. [3] ĠU L 255, tat-18.9.1978, p. 1. --------------------------------------------------