This document is an excerpt from the EUR-Lex website
Document 31999D0454
1999/454/EC: Commission Decision of 22 June 1999 on the procedure for attesting the conformity of construction products pursuant to Article 20(2) of Council Directive 89/106/EEC as regards fire stopping, fire sealing and fire protective products (notified under document number C(1999) 1481) (Text with EEA relevance)
Id-Deċiżjoni tal-Kummissjoni tat-22 ta' Ġunju 1999 dwar il-proċedura ta' l-attestazzjoni tal-konformità ta' prodotti għall-bini skond Artikolu 20(2) tad-Direttiva tal-Kunsill 89/106/KEE fir-rigward ta' twaqqif ta' ħruq, issiġillar mill-ħruq u prodotti ta' protezzjoni kontra l-ħruq (notifikat bid-dokument numru K(1999) 1481)Test b'relevanza għaż-ŻEE.
Id-Deċiżjoni tal-Kummissjoni tat-22 ta' Ġunju 1999 dwar il-proċedura ta' l-attestazzjoni tal-konformità ta' prodotti għall-bini skond Artikolu 20(2) tad-Direttiva tal-Kunsill 89/106/KEE fir-rigward ta' twaqqif ta' ħruq, issiġillar mill-ħruq u prodotti ta' protezzjoni kontra l-ħruq (notifikat bid-dokument numru K(1999) 1481)Test b'relevanza għaż-ŻEE.
ĠU L 178, 14.7.1999, p. 52–55
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force: This act has been changed. Current consolidated version: 02/08/2001
Official Journal L 178 , 14/07/1999 P. 0052 - 0055
Id-Deċiżjoni tal-Kummissjoni tat-22 ta' Ġunju 1999 dwar il-proċedura ta' l-attestazzjoni tal-konformità ta' prodotti għall-bini skond Artikolu 20(2) tad-Direttiva tal-Kunsill 89/106/KEE fir-rigward ta' twaqqif ta' ħruq, issiġillar mill-ħruq u prodotti ta' protezzjoni kontra l-ħruq (notifikat bid-dokument numru K(1999) 1481) (Test b'relevanza għaż-ŻEE) (1999/454/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 89/106/KEE tal-21 ta' Diċembru 1988 dwar l-approssimazzjoni tal-liġijiet regolamenti u dispożizzjonijiet amministrattivi ta' l-Istati Membri li jirrelataw ma' prodotti għal kostruzzjoni [1], kif emendata bid-Direttiva 93/68/KEE [2], u b'mod partikolari Artikolu 13(4) tagħha, (1) Billi l-Kummissjoni hija meħtieġa li tagħżel, kif bejn iż-żewġ proċeduri taħt Artikolu 13(3) tad-Direttiva 89/106/KEE għall-attestazzjoni ta' konformità ta' prodott, il-"proċedura l-anqas oneruża possibbli konsistenti mas-sigurtà"; billi dan ifisser li huwa meħtieġ li tiddeċiedi jekk, għall-prodott jew grupp ta' prodotti partikolari, l-esiztena ta' sistema ta' kontroll tal-fabbrika ta' produzzjoni taħt ir-responsabbiltà tal-manifattur hija kondizzjoni meħtieġa u suffiċjenti għall-attestazzjoni ta' konformità, jew jekk, għal raġunijiet relatati mal-konformità mal-kriterji msemmija f'Artikolu 13(4), l-intervent ta' korp approvat ta' ċertifikazzjoni huwa għalhekk meħtieġ; (2) Billi Artikolu 13(4) jeħtieġ li l-proċedura hekk stabbilita għandha tkun indikata fil-mandati u fl-ispeċifikazzjonijiet tekniċi; billi, għalhekk, huwa mixtieq li jiġi definit il-kunċett ta' prodotti jew grupp ta' prodotti kif użat fil-mandati u fl-ispeċifikazzjonijiet tekniċi; (3) Billi ż-żewġ proċeduri li għalihom jipprovdi Artikolu 13(3) huma deskritti fid-dettal f'Anness III li jinsab mad-Direttiva 89/106/KEE; billi għalhekk huwa meħtieġ li jiġu speċifikati b'mod ċar il-metodi li bihom iż-żewġ proċeduri għandhom jiġu mplimentati, b'riferenza għal Anness III, għal kull prodott jew grupp ta' prodotti, minħabba li Anness III jagħti preferenza għal ċerti sistemi; (4) Billi l-proċedura riferita fil punt (a) ta' Artikolu 13(3) tikkorrispondi mas-sistemi mniżżla fl-ewwel possibiltà, mingħajr sorveljanza kontinwa, u t-tieni u t-tielet possibiltajiet tal-punt (ii) tas-sezzjoni 2 ta' Anness III, u l-proċedura riferita fil-punt (b) ta' l-Artikolu 13(3) tikkorrispondi mas-sistema mniżżla fil-punt (i) tas-sezzjoni 2 ta' Anness III, u fl-ewwel possibiltà, b'sorveljanza kontinwa, tal-punt (ii) tas-sezzjoni 2 ta' Anness III; (5) Billi l-miżuri li għalihom tipprovdi din id-Deċiżjoni jaqblu ma' l-opinjoni tal-Kumitat Permanenti dwar il-Kostruzzjoni, ADOTTAT DIN ID-DEĊIŻJONI: Artikolu 1 Il-prodotti mniżżla f'Anness I għandu jkollhom il-konformità tagħhom affermata bi proċedura li biha, b'żieda mas-sistema ta' kontroll tal-fabbrika ta' produzzjoni imħaddma mill-manifattur, korp approvat ta' ċertifikazzjoni huwa nvolut fl-istima u s-sorveljanza tal-kontroll ta' produzzjoni jew tal-prodott innifsu. Artikolu 2 Din il-proċedura għall-attestazzjoni tal-konformità kif imniżżla f'Anness II għandha tkun indikata fil-mandati għall-linji ta' gwida għall-approvazzjoni teknika Ewropea. Artikolu 3 Din id-Direttiva hija ndirizzata lill-Istati Membri. Magħmula fi Brussel, fit-22 ta' Ġunju 1999. Għall-Kummissjoni Martin Bangemann Membru tal-Kummissjoni [1] ĠU L 40, tal-11.02.1989, p. 12. [2] ĠU L 220, tat-30.08.1993, p. 1. -------------------------------------------------- ANNESS I Prodotti biex iwaqqfu l-ħruq u jissiġillaw mill-ħruq [1]: Prodotti protettivi kontra l-ħruq (inklużi passati ta' żebgħa) [2] [3]: - għall-kompartimentazzjoni kontra l-ħruq u/jew protezzjoni kontra l-ħruq jew ġiri tan-nar [1] Esklużi prodotti tal-ġipsum (eż. folji, blokki, tikħil) prodotti ta' njam minerali, blokki u komponenti rinfurzati prefabbrikati ta' AAC u LAC, tajn tal-bini, tajn għat-tikħil u l-kisi, prodotti ta' kalċjum silikate u prodotti ċelllulari tal-ħġieġ. [2] Esklużi prodotti tal-ġipsum (eż. folji, blokki, tikħil) prodotti ta' njam minerali, blokki u komponenti rinfurzati prefabbrikati ta' AAC u LAC, tajn tal-bini, tajn għat-tikħil u l-kisi, prodotti ta' kalċjum silikate u prodotti ċelllulari tal-ħġieġ. [3] Esklużi wkoll panewwijiet għall-protezzjoni kontra l-ħruq ta' ħitan u soqfa u settijiet ta' soqfa sospiżi (kif inkluż fid-Deċiżjoni tal-Kummissjoni 98/437/EC dwar irfinar intern u estern ta' ħitan u soqfa (ĠU L 194, ta' l-10.7.1998, p. 39)). -------------------------------------------------- ANNESS II AFFERMAZZJONI TA' KONFORMITÀ Nota: għal prodotti li jkollhom aktar minn użu maħsub wieħed speċifikati fil-gruppi li ġejjin, ix-xogħlijiet għall-korp approvat, miksuba mis-sistema rilevanti għall-attestazzjoni ta' konformità, huma kumulattivi. GRUPP TA' PRODOTTI: TWAQQIF TAL-ĦRUQ, ISSIĠILLAR KONTRA L-ĦRUQ U PROODTTI TA' PROTEZZJONI KONTRA IL-ĦRUQ (1/2) Sistemi ta' attestazzjoni ta' konformità Għall-prodott/i u użu/i maħsuba/a elenkati hawn taħt, EOTA hija mitluba li tispeċifika is-sistema/i li ġejja/jin għall-attestazzjoni tal-konformità fil-linja ta' gwida rilevanti għall-approvazzjoni teknika Ewropea: Sistema 1: Ara direttiva 89/106/KEE, Anness III(2)(i), mingħajr ittestjar awditjat tal-kampjuni. Prodott/i | Użu/i maħsub/a | Livell/i jew klsi/jiet (reżistenza għan-nar) | Sistema/i ta' attestazzjoni ta' konformità | Prodotti ta' twaqqif tal-ħruq u prodotti ta' issiġillar kontra l-ħruq Prodotti protettivi kontra l-ħruq(inklużi passati ta' żebgħa) | Għall-kompartimentazzjoni għal kontra l-ħruq u/jew protezzjoni kontra l-ħruq jew ġiri tan-nar | Kollha | 1 | L-ispeċifikazzjoni għas-sistema għandha tkun tali li tkun tista' tiġi implimentata ukoll meta r-rendiment ma jkunx meħtieġ li jiġi stabbilit għal ċerta karatteristika, għaliex ta' l-anqas Stat Membru wieħed ma jkollu ebda ħtieġa legali għal dik il-karatteristika (ara Artikolu 2.1 tad-Direttiva 89/106/KEE u, fejn japplika, l-punt 1.2.3 tad-Dokumenti Interpretattivi). F'dawk il-każi, il-verifika ta' dik il-karatteristika m'għandhix tkun imposta fuq il-manifattur jekk ma' jkunx jixtieq li jiddikjara r-rendiment tal-prodott f'dak ir-rigward. FAMILJA TA' PRODOTT: TWAQQIF TAN-NAR, ISSIĠILLAR TAN-NAR U PRODOTTI TA' PROTEZZJONI KONTRA N-NAR (2/2) Sistemi ta' attestazzjoni ta' konformità Għall-prodott/i u użu/i maħsub/a elenkati hawn taħt, EOTA hija mitluba li tispeċifika is-sistema li ġejja/jin ta' attestazzjoni ta' konformità fil-linja ta' gwida relevanti għall-approvazzjonijiet tekniċi Ewropej: Sistema 1: Ara CPD Anness III(2)(i), mingħajr ittestjar awditjat tal-kampjuni. Sistema 3: Ara CPD Anness III(2)(ii), it-tieni possibiltà. Sistema 4: Ara CPD Anness III(2)(ii), it-tielet possibiltà. Prodott/i | Użu/i maħsub/a | Livell/i jew klassi/jiet (reazzjoni għan-nar) | Sistema/i ta'attestazzjoni ta' konformità | Twaqqif tal-ħruq u prodotti għall-issiġillar kontra l-ħruq Prodotti għall-protezzjoni kontra l-ħruq (inklużi passati ta' żebgħa) | Għall-użi bla ħsara għar-regolamenti tal-ħruq | A, B, C | 1 | A, B, C | 3 | A, D, E, F | 4 | L-ispeċifikazzjoni għas-sistema għandha tkun tali li tkun tista' tiġi mplimentata ukoll meta r-rendiment ma jkunx meħtieġ li jiġi stabbilit għal ċert karatteristika, għaliex ta' l-anqas Stat Membru wieħed ma jkollu ebda ħtieġa legali għal dik il-karatteristika (ara Artikolu 2(1) tad-Direttiva 89/106/KEE u, fejn japplika, l-punt 1.2.3 tad-Dokumenti Interpretattivi). F'dawk il-każi, il-verifika ta' dik il-karatteristika m'għandhix tkun imposta fuq il-manifattur jekk ma' jkunx jixtieq li jiddikjara r-rendiment tal-prodott f'dak ir-rigward. --------------------------------------------------