This document is an excerpt from the EUR-Lex website
Document 31999D0303
1999/303/EC: Commission Decision of 12 April 1999 on a common technical regulation for connection to the analogue public switched telephone networks (PSTNs) of terminal equipment supporting the voice telephony justified case service in which network addressing, if provided, is by means of dual tone multi-frequency (DTMF) signalling (notified under document number C(1999) 874) (Text with EEA relevance)
Id-Deċiżjoni tal-Kummissjoni tat-12 ta' April 1999 dwar regolament tekniku komuni għal konnessjoni ma' networks ta' komunikazzjoni pubbliċi bit-telefonija analoga u bis-swiċċ (PSTNs) ta' tagħmir terminali li jappoġġa s-servizz ta' każi ġustifikati bit-telefonija bil-vuċi li fih is-sistema ta' indirizzar tan-networks, jekk provduta, tkun permezz tas-sinjalazzjoni b'ton doppju fuq frekwenza moltiplika (DTMF) (notifikat fid-dokument numru C(1999) 874) (Test b'rilevanza għaż-ŻEE)
Id-Deċiżjoni tal-Kummissjoni tat-12 ta' April 1999 dwar regolament tekniku komuni għal konnessjoni ma' networks ta' komunikazzjoni pubbliċi bit-telefonija analoga u bis-swiċċ (PSTNs) ta' tagħmir terminali li jappoġġa s-servizz ta' każi ġustifikati bit-telefonija bil-vuċi li fih is-sistema ta' indirizzar tan-networks, jekk provduta, tkun permezz tas-sinjalazzjoni b'ton doppju fuq frekwenza moltiplika (DTMF) (notifikat fid-dokument numru C(1999) 874) (Test b'rilevanza għaż-ŻEE)
ĠU L 118, 6.5.1999, p. 55–59
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 118 , 06/05/1999 P. 0055 - 0059
Id-Deċiżjoni tal-Kummissjoni tat-12 ta' April 1999 dwar regolament tekniku komuni għal konnessjoni ma' networks ta' komunikazzjoni pubbliċi bit-telefonija analoga u bis-swiċċ (PSTNs) ta' tagħmir terminali li jappoġġa s-servizz ta' każi ġustifikati bit-telefonija bil-vuċi li fih is-sistema ta' indirizzar tan-networks, jekk provduta, tkun permezz tas-sinjalazzjoni b'ton doppju fuq frekwenza moltiplika (DTMF) (notifikat fid-dokument numru C(1999) 874) (Test b'rilevanza għaż-ŻEE) (1999/303/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva 98/13/KE tal-Parlament Ewropew u tal-Kunsill tat-12 ta' Frar 1998 li għandha x'taqsam mat-tagħmir terminali ta' telekomunikazzjonijiet u tagħmir ta' stazzjon terrestri tas-satellita, inkluż ir-rikonoxximent reċiproku tal-konformità tagħhom [1], u partikolarment l-Artikolu 7(2), it-tieni inċiż tiegħu, (1) Billi d-Deċiżjoni tal-Kunsill 98/482/KE ta' l-20 ta' Lulju 1998 dwar regolament tekniku komuni għal konnessjoni ma' networks ta' komunikazzjoni pubbliċi bit-telefonija analoga u bis-swiċċ (PSTNs) ta' tagħmir terminali li jappoġġa s-servizz ta' każi ġustifkati bit-telefonija bil-vuċi li fih is-sistema ta' indirizzar tan-networks, jekk provduta, tkun permezz tas-sinjalazzjoni b'ton doppju fuq frekwenza moltiplika (DTMF) [2] li jeskludi t-tagħmir terminali li jappoġġa s-servizz ta' każi ġustifikati bit-telefonija bil-vuċi; (2) Billi l-Kummissjoni identifikat illi t-tagħmir terminali li jappoġġa s-servizz ta' każi ġustifikati bit-telefonija bil-vuċi għandu jiġi kopert b'regolament tekniku komuni; u identifikat id-dikjarazzjoni għall-qasam ta' l-applikazzjoni assoċjat miegħu; (3) Billi l-iżvilupp tekniku ta' l-istandard armonizzat korrispondenti huwa avvanzat biżżejjed biex jiġi magħruf illli l-kontenut tiegħu jiddiferixxi marġinalment biss minn dak ta' l-istandard armonizzat imsemmi fid-Deċiżjoni tal-Kunsill 98/482/KE; billi huwa għalhekk xieraq li jiġi adottat l-istandard armonizzat, minbarra xi ħwejjeġ żgħar, biex jipprovdi bażi għall-ħtiġijiet ta' konnessjoni ta' kull kwalità ta' terminali li jappoġġa s-servizz ta' każi ġustifikati bit-telefonija bil-vuċi; billi dan jista' jiġi miksub permezz ta' din id-Direttiva tal-Kummissjoni li hija kumplimentarja għad-Deċiżjoni 98/482/KE; billi din għad ikollha effett illi l-istess standard armonizzat jiġi użat għall-ħtiġijiet tal-konnessjoni tal-kwalitajiet kollha tat-terminali mgħaqqda mal-PSTN; billi din l-applikazzjoni tal-ħtiġijiet essenzjali b'dixxerniment, filwaqt li jitqiesu l-istat tas-sengħa u l-benefiċċji ekonomiċi, hija prevista fl-introduzzjoni tad-Direttiva 98/13/KE; (4) Billi l-iżvilupp tekniku tan-networks tal-komunikazzjoni nazzjonali bit-telefonija pubblika mexa' bla waqfien matul il-kors tas-Seklu XX, u li billi dawn l-iżviluppi kienu għall-ewwel magħmula indipendentement, għad hemm differenzi tekniċi importanti bejn in-networks tal-komunikazzjoni; (5) Billi jeżistu differenzi tekniċi fil-PSTNs varji, u l-iktar sinifikanti fost dawn huma deskritti fil-gwida EG/GE 201121 ta' l-Istitut Ewropew għall-Istandards fit-Telekomunikazzjonijiet (ETSI); (6) Billi din il-gwida jista' jkun fiha tagħrif siewi għall-fabbrikant; (7) Billi l-korpi notifikati għandhom għalhekk jiżguraw illi l-fabbrikanti jkunu jagħrfu dawn id-differenzi; (8) Billi għandu jkun possibbli illi tissokta l-approvazzjoni tat-tagħmir terminali skond regolament nazzjonali għal perjodu transitorju; (9) Billi l-fabbrikanti għandhom jgħaqqdu avviż mal-prodotti kollha approvati skond din id-Deċiżjoni; billi l-fabbrikanti għandhom jagħmlu dikjarazzjoni tal-kompatibilità tan-network tal-komunikazzjoni; billi l-korpi notifikati għandhom jgħarrfu lil korpi notifikati oħra bid-dikjarazzjonijiet tal-kompatibilità tan-network tal-komunikazzjoni kull meta tiġi konċessa approvazzjoni skond din id-Deċiżjoni; (10) Billi t-tagħmir li jidħol fil-qaam ta' l-applikazzjoni ta' din id-Deċiżjoni li kien ġie approvat skond ir-regolamenti nazzjonali qabel it-tmiem tal-perjodu transitorju jista' jissokta jinħareġ fis-suq nazzjonali u jiġi attwat; (11) Billi r-regolament komuni tekniku pprovdut f'din id-Deċiżjoni huwa b'mod konformi ma' l-opinjoni ta' l-ACTE, ADOTTAT DIN ID-DEĊIŻJONI: L-Artikolu 1 1. Din id-Deċiżjoni għandha tapplika għat-tagħmir terminali li jkun maħsub li jiġi mgħaqqad ma' PSTN u li jidħol fl-istandard armonizzat riferit fl-Artikolu 2(1) tad-Deċiżjoni tal-Kummissjoni 98/576/KE [3]. 2. Din id-Deċiżjoni tistabbilixxi regolament tekniku komuni li jkopri l-ħtiġijiet tal-konnessjoni għat-tagħmir terminali PSTN analogu riferit fil-paragrafu 1, fejn il-mod li bih tindirizza n-network tal-komunikazzjoni, jekk tkun provduta, huwa permezz tad-DTMF. Din id-Deċiżjoni ma tkoprix il-ħtiġijiet li għandhom x'jaqsmu max-xogħol ta' bejn xulxin tat-tagħmir terminali permezz ta' network ta' komunikazzjoni pubblika, speċifikat fl-Artikolu 5(g) tad-Direttiva 98/13/KE. L-Artikolu 2 1. Ir-regolament komuni tekniku għandu jinkludi l-istandard armonizzat imħejji mill-korp rilevanti ta' l-istandardizzazzjoni li jimplimenta safejn u sakemm ikunu applikabbli l-ħtiġijiet essenzjali riferiti fl-Artikolu 5(d) u (f) tad-Direttiva 98/13/KEE. Ir-riferenza għall-istandard hija dikjarata fl-Anness I. 2. Ir-regolament tekniku komuni jippermetti lit-terminali: (a) li jiġi eżaminat f'firxa iktar żgħira ta' kondizzjonijiet ta' kurrenti stipulati fil-punt 1 ta' l-Anness IV; (b) li ma humiex maħsuba li jiġu mgħaqqda ma' xi PSTN li jissupplixxi kurrent ċirkulari ta' inqas minn 18 mA, li jiġi eżaminat f'medda iżgħar ta' kondizzjonijiet ta' kurrenti preskritti fil-punt 2 ta' l-Anness IV. 3. It-tagħmir terminali kopert bl-Artikolu 1(2) ta' din id-Deċiżjoni għandu jikkonforma mar-regolament komuni tekniku riferit fil-paragrafi 1 u 2, għandu jilħaq il-ħtiġijiet essenzjali riferiti fl-Artikolu 5(a) u (b) tad-Direttiva 98/13/KEE, u għandu jilħaq il-ħtiġijiet ta' kull Direttiva oħra applikabbli, partikolarment id-Direttivi tal-Kunsill 73/23/KEE [4] u 89/336/KEE [5]. L-Artikolu 3 1. Il-korpi notifikati intiżi biex iwettqu l-proċedura riferita fl-Artikolu 10 tad-Direttiva 98/13/KEE għandhom, rigward it-tagħmir terminali kopert bl-Artikolu 1(2) ta' din id-Deċiżjoni, jużaw jew jiżguraw l-użu tal-partijiet applikabbli ta' l-istandard armonizzat riferit fl-Artikolu 2(1). 2. Il-korpi notifikati għandhom jiżguraw illi: (a) il-fabbrikanti jew applikanti oħra għall-approvazzjoni ikunu jafu n-noti ta' pariri li jinsabu fil-gwida EG 201121 ta' l-ETSI inkluża kull emenda li hemm fiha; u (b) il-fabbrikanti jkunu jafu illi għandhom iwaħħlu avviż fl-għamla mogħtija fl-Anness II fuq il-prodotti kollha approvati skond din id-Deċiżjoni; u (ċ) il-manufatturi jagħmlu dikjarazzjonijiet tal-kompatibbilità man-networks tal-komunikazzjoni fl-għamla indikata fl-Anness III. 3. Il-korpi notifikati għandhom jgħarrfu lill-korpi notifikati l-oħra dwar id-dikjarazzjonijiet tal-kompatibilità tan-network tal-komunikazzjoni meta tiġi konċessa approvazzjoni skond din id-Deċiżjoni. L-Artikolu 4 1. B'seħħ minn 15-il xahar wara n-notifika ta' din id-Deċiżjoni, ir-regolamenti nazzjonali ta' approvazzjoni għat-tip li jkopru t-tagħmir fil-qasam ta' l-applikazzjoni ta'l-istandard armonizzat riferit fl-Artikolu 2(1) ma għandhomx japplikaw iktar. 2. It-tagħmir terminali, approvat skond ir-regolamenti nazzjonali ta' approvazzjoni għat-tip jista' jkompli jinħareġ fis-suq u jintuża. L-Artikolu 5 Dan id-Deċiżjoni hija indirizzata lill-Istati Membri. Magħmula fi Brussel, fit-12 ta' April 1999. Għall-Kummissjoni Martin Bangemann Membru tal-Kummissjoni [1] ĠU L 74, tat-12.3.1998, p. 1. [2] ĠU L 216, ta' l-4.8.1998, p. 8. [3] ĠU L 278, tal-15.10.1998, p. 40. [4] ĠU L 77, tas-26.3.1973, p. 29. [5] ĠU L 139, tat-23.5.1989, p. 19. -------------------------------------------------- L-ANNESS I B'riferenza għall-istandard armonizzat applikabbli L-istandard armonizzat riferit fl-Artikolu 2 ta' din id-Deċiżjoni huwa: Ħtiġijiet ta' konnessjoni għall-approvazzjoni fl-Ewropa kollha għall-konnessjoni ta' networks tal-komunikazzjoni pubbliċi bit-telefonija analoga u bis-swiċċ (PSTNs) ta' TE (għajr it-TE li tappoġġja s-servizz tat-telefonija bil-vuċi) li l-mod ta' indirizz tan-network tal-komunikazzjoni, jekk provdut, huwa permezz tas-sinjalazzjoni b'ton doppju bi frekwenza moltiplika (DTMF) ETSI L-Istitut Ewropew għall-Istandards tat-Telekomunikazzjonijiet Is-Segretarjat ta' ETSI TBR 21 — Jannar 1998 (għajr id-daħla u l-limitazzjoni ta' l-iskop tat-tagħmir terminali li ma jappoġġax is-servizz tal-każi ġustifikati ta' telefonija bil-vuċi) Tagħrif addizzjonali L-Istitut Ewropew għall-Istandards tat-Telekomunikazzjonijiet huwa rikonoxxut skond id-Direttiva tal-Kunsill 98/34/KEE [1]. L-istandard armonizzat riferit hawn fuq ġie prodott skond mandat maħruġ b'mod konformi mal-proċeduri rilevanti fid-Direttiva tal-Kunsill 98/34/KE. It-test sħiħ ta' l-istandard armonizzat li hemm riferenza għalih iktar 'il fuq jista' jinkiseb mingħand: European Telecommunications Standards Institute 650, route des Lucioles F-0692 Sophia Antipolis Cedex | jew | European Commission, DGXIII/A/2 — (BU 31, 1/7) Rue de la Loi/Wetstraat 200 B-1049 Brussels | jew minn kull organizzazzjoni oħra responsabbli li tagħmel disponibbli l-istandards ta' l-ETSI, li tiegħu tinstab lista fuq l-Internet bl-indirizz www.ispo.cec.be. [1] ĠU L 204, tal-21.7.1998, p. 37. -------------------------------------------------- L-ANNESS II It-test ta' l-avviż li l-fabbrikanti għandhom jgħaqqdu mal-prodotti approvati skond din id-Deċiżjoni "It-tagħmir ġie approvat skond id-Deċiżjoni tal-Kummissjoni 1999/303/KE għat-tgħaqqid fl-Ewropa kollha man-network ta' komunikazzjoni pubblika bit-telefonija bis-swiċċ (PSTN). Madankollu, minħabba d-differenzi bejn il-PSTNs varji provduti fil-pajjiżi differenti, l-approvazzjoni fiha nnifisha ma tagħtix assigurazzjoni inkondizzjonata ta' suċċess f'kull punt terminali tan-network tal-komunikazzjoni PSTN. Fil-każ ta' problemi, għandek għall-ewwel tikkuntattja lill-fornitur tiegħek tat-tagħmir." Nota: Il-fabbrikant għandu jiżgura illi l-bejjiegħ u l-utent tat-tagħmir jiġu mgħarrfa sewwa bit-tagħrif ta' hawn fuq permezz tal-pakkeġġi u/jew manwali għall-utenti (jew għamliet oħra ta' struzzjonijiet għall-utenti). -------------------------------------------------- L-ANNESS III Id-dikjarazzjoni tal-kompatibbilità tan-network tal-komunkazzjoni li trid issir mill-fabbrikant lill-korp notifikat u lill-bejjiegħ Din id-dikjarazzjoni trid tindika n-networks tal-komunikazzjoni li bihom it-tagħmir ikun disinjat biex jaħdem u kull network notifikata ta' komunikazzjoni li fiha t-tagħmir tista' tintlaqat minn diffikultajiet fit-tħaddim ta' bejniethom. Id-dikjarazzjoni tal-kompatibbilità tan-network tal-komunikazzjoni li trid issir mill-fabbrikant għall-utent Din id-dikjarazzjoni trid tindika n-networks tal-komunikazzjoni li bihom it-tagħmir ikun disinjat biex jaħdem u kull network notifikata ta' komunikazzjoni li biha t-tagħmir jista' jintlaqat minn diffikultajiet fit-tħaddim ta' bejniethom. Il-fabbrikant għandu wkoll jassoċja dikjarazzjoni li tagħmilha ċara fejn il-kompatibbilità tan-network tal-komunikazzjoni tkun tiddependi skond kif jiġu ssettjati s-swiċċijiet fiżikament u bis-software. Il-fabbrikant għandu wkoll jagħti parir lill-utent biex jikkuntattja lill-bejjiegħ jekk ikun jixtieq li juża t-tagħmir fuq network oħra tal-komunikazzjoni. -------------------------------------------------- L-ANNESS IV 1. Il-kondizzjonijiet tal-firxa tal-kurrent L-illaxkar li ġej japplika għall-ħtiġijiet ta' l-istandard riferit fl-Anness I fil-klawsoli 4.6.2, 4.7 (inkużi s-subklawsoli kollha applikabbli) u 4.8 (inklużi s-subklawsoli kollha applikabbli). Ir-reżistenza ta' 3200 Ω għandha tiġi mibdula b'resistenza ta' 2800 Ω. 2. Il-firxa tal-kondizzjonijiet tal-kurrent lit-tagħmir terminali mhux maħsub li jiġi mgħaqqad ma' kull PSTN li jissupplixxi kurrent ċirkulari ta' inqas minn 18 mA L-illaxkar li ġej japplika għall-ħtiġijiet ta' l-istandard riferit fl-Anness I fil-klawsoli 4.6.2, 4.7 (inklużi s-subklawsoli kollha applikabbli) u 4.8 (inklużi s-subklawsoli kollha applikabbli). Għat-tagħmir terminali dikjarat mill-fabbrikant biex jintuża biss fuq linji li jipprovdu kurrent ċirkulari ta' 18 mA jew iktar, ir-reżistenza ta' 2800 Ω għandha tiġi mibdula b'reżistenza ta' 2300 Ω. --------------------------------------------------