This document is an excerpt from the EUR-Lex website
Document 31998L0092
Council Directive 98/92/EC of 14 December 1998 amending Directive 70/524/EEC concerning additives in feedingstuffs and Directive 95/69/EC laying down the conditions and arrangements for approving and registering certain establishments and intermediaries operating in the animal feed sector
Id-Direttiva tal-Kunsill 98/92/KE ta' l-14 ta' Diċembru 1998 li temenda d-Direttiva 70/524/KEE dwar l-adittivi fl-għalf u d-Direttiva 95/69/KE li tistipula l-kondizzjonijiet u l-arranġamenti sabiex jiġu approvati u rreġistrati ċerti stabbilimenti u intermedjarji li jaħdmu fil-qasam ta’ l-għalf ta' l-annimali
Id-Direttiva tal-Kunsill 98/92/KE ta' l-14 ta' Diċembru 1998 li temenda d-Direttiva 70/524/KEE dwar l-adittivi fl-għalf u d-Direttiva 95/69/KE li tistipula l-kondizzjonijiet u l-arranġamenti sabiex jiġu approvati u rreġistrati ċerti stabbilimenti u intermedjarji li jaħdmu fil-qasam ta’ l-għalf ta' l-annimali
ĠU L 346, 22.12.1998, p. 49–50
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 31/12/2005
Official Journal L 346 , 22/12/1998 P. 0049 - 0050
Id-Direttiva tal-Kunsill 98/92/KE ta' l-14 ta' Diċembru 1998 li temenda d-Direttiva 70/524/KEE dwar l-adittivi fl-għalf u d-Direttiva 95/69/KE li tistipula l-kondizzjonijiet u l-arranġamenti sabiex jiġu approvati u rreġistrati ċerti stabbilimenti u intermedjarji li jaħdmu fil-qasam ta’ l-għalf ta' l-annimali IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxil-Komunità Ewropea, u b'mod partikolari l-Artikolu 43 tagħha, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Wara li kkunsidra l-opinjoni tal-Kumitat Ekonomiku u Soċjal [3], Billi l-Artikolu 14 tad-Direttiva tal-Kunsill 95/69/KE [4] jiddikjara illi l-Kunsill irid jadotta l-ammont tal-piżijiet li għandhom jiġu mitluba għall-approvazzjoni ta' l-istabbilimenti u ta' l-intermedjarji tagħhom; Billi l-Artikolu 6 tad-Direttiva tal-Kunsill 70/524/KEE tat-23 ta’ Novembru 1970 dwar l-adittivi fl-għalf [5] jiddikjara illi jista' jiġi impost piż mill-Istat Membru li jkun qiegħed jaġixxi bħala rapporteur rigward l-eżami tad-dossiers li jkollhom x'jaqsmu ma' l-awtorizzazzjoni Komunitarja dwar l-adittivi għall-għalf; billi l-Kunsill għandu jistipula l-ammont ta' dan il-piż; Billi eżami tal-mod dwar kif jingħataw il-fondi għas-servizzi interessati fl-Istati Membri individwali wera illi l-iffissar ta' l-ammont tal-piżijiet fil-livell Komunitarju jkun intervent sproporzjonat li jkollu effetti kbar fuq is-sistemi eżistenti biex jiġu mposti l-piżijiet imħaddma mill-Istati Membri; billi, barra minn hekk, l-ispejjeż li ntefqu mill-Istati Membri biex jipprovdu dawn is-servizzi jvarjaw ħafna, b'mod partikolari minħabba d-differenzi kbar fil-prezz tax-xogħol; Billi, sabiex jiġi evitat it-tagħwiġ tal-kompetizzjoni, għandha madankollu ssir disposizzjoni illi l-Kunsill għandu jiddeċiedi dwar ir-regoli armonizzati għall-kalkolu tal-livell tal-piżijiet; Billi d-disposizzjonijiet rilevanti fid-Direttivi 70/524/KEE u 95/69/KE għandhom jiġu emendati kif jixraq, ADOTTA DIN ID-DIRETTIVA: L- Artikolu 1 Id-Direttiva 70/524/KEE għandha tiġi emendata kif ġej: L-Artikolu 6 (2) għandu jiġi mibdul b'dan li ġej: "2. Qabel l-1 ta' April 1999, il-Kunsill, filwaqt li jaġixxi b'maġġoranza kkwalifikata fuq proposta mill-Kummissjoni, għandu jadotta r-regoli għall-kalkolu tal-livell tal-piż li ssir referenza għalih fil-paragrafu 1." L- Artikolu 2 Id-Direttiva 95/69/KE għandha tiġi emendata kif ġej: L-Artikolu 14 għandu jiġi mibdul b'li ġej: "L- Artikolu 14 Il-Kunsill, filwaqt li jaġixxi b'maġġoranza kkwalifikata fuq proposta mill-Kummissjoni, għandu, qabel l-1 ta' April 1999, jadotta r-regoli għall-kalkolu tal-livell tal-piż li għandu jiġi impost għall-approvazzjoni ta' l-istabbilimenti u ta' l-intermedjarji tagħhom." L- Artikolu 3 1. L-Istati Membri għandhom idaħħlu fis-seħħ il-liġijiet, ir-regolamenti u d-disposizzjonijiet amministrattivi meħtieġa biex jikkonformaw ma' din id-Direttiva sal-31 ta' Marzu 1999. Għandhom jgħarrfu minnufih lill-Kummissjoni b'dan. Meta l-Istati Membri jadottaw dawn il-miżuri, għandu jkun fihom referenza għal din id-Direttiva jew għandhom ikunu akkumpanjati b'din ir-referenza fl-okkażjoni tal-pubblikazzjoni uffiċjali tagħhom. Il-metodi dwar kif issir din ir-referenza għandhom jiġu stabbiliti mill-Istati Membri. 2. L-Istati Membri għandhom jikkomunikaw lill-Kummissjoni t-test tad-disposizzjonijiet ewliena tal-liġi domestika li jadottaw fil-qasam irregolat b'din id-Direttiva. L- Artikolu 4 Din id-Direttiva għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali tal-Komunitajiet Ewropej. L- Artikolu 5 Din id-Direttiva hija indirizzata lill-Istati Membri. Magħmula fi Brussel, l-14 ta' Diċembru 1998. Għall-Kunsill Il-President W. Molterer [1] ĠU C 155, ta' l-20.5.1998, p. 29. [2] ĠU C 292, tal-21.9.1998. [3] ĠU C 284, ta' l-14.9.1998, p. 91. [4] ĠU L 332, tat-30.12.1995, p. 15. [5] ĠU L 270, ta' l-14.12.1970, p. 1. Direttiva kif l-aħħar emendata mid-Direttiva 98/19/KE (ĠU L 96, tat-28.3.1998, p. 39). --------------------------------------------------