31998L0020

Id-Direttiva tal-Kunsill 98/20/KE

tat-30 ta' Marzu 1998

li temenda d-Direttiva 92/14/KEE fuq il-limitazzjoni ta' l-operazzjoni ta' l-ajruplani koperta mill-Parti II, il-Kapitolu 2, il-Volum 1 ta' l-Anness 16 tal-Konvenzjoni dwar l-Avjazzjoni Ċivili Internazzjonali, it-tieni edizzjoni (1988)

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 84(2) tiegħu,

Wara li kkunsidra l-proposta mill-Kummissjoni [1],

Wara li kkunsidra l-opinjoni tal-Kumitat Ekonomiku u Soċjali [2],

Waqt li kien jaġixxi skond il-proċedura stabilita fl-Artikolu 189ċ tat-Trattat [3],

(1) Billi l-iskop prinċipali tad-dispożizzjonijiet taħt id-Direttiva 92/14/KEE [4] hu li jnaqqas l-operazzjoni ta' ċerti tipi ta' ajruplani subsoniċi ċivili tal-ġett;

(2) Billi d-definizzjoni ta' l-elementi prinċipali tad-Direttiva għandhom jevitaw kwalunkwe ambigwità dwar l-għan u l-iskop tad-Direttiva;

(3) Billi din id-Direttiva ma ċċaħħadx lil xi Stat Membru individwali mill-possibbiltà li jkollu rikors għad-dispożizzjonijiet relevanti tar-Regolament tal-Kunsill (KEE) Nru 2408/92 tat-23 ta' Lulju 1992 dwar l-aċċess tat-trasportaturi Komunitarji ta' l-ajru għar-rotot ta' l-ajru ġol-Komunità [5] skond it-termini tagħhom;

(4) Billi, minħabba s-sitwazzjoni storika eċċezzjonali ta' l-ajruporti li jservu l-konurbazzjoni ta' Berlin u minħabba l-viċinanza ta' l-ajruporti ta' Berlin Tegel u Berlin Tempelhof lejn iċ-ċentru tal-belt, hija ħaġa ġġustifikata li b'mod temporanju dawn iż-żewġ ajruporti jiġu eżentati mill-applikazzjoni ta' ċerti dispożizzjonijiet tad-Direttiva 92/14/KEE;

(5) Billi huwa neċessarju li tiġi rrispettata l-intenzjoni inizjali ta' l-eżenzjoni għall-ajruplani fuq ir-reġistri ta' nazzjonijiet li qed jiżviluppaw; u fejn id-dispożizzjonijiet relevanti tad-Direttiva msemmija għandhom jiġu ċċarati f'dak is-sens;

(6) U fejn l-eżenzjoni li ngħatat għal ajruplan minn nazzjon li qed jiżviluppa għandha tibbenifika biss lil dak in-nazzjon;

(7) Billi huwa neċessarju li jiġi ċċarat l-iskop ta' l-eżenzjonijiet li ngħataw fuq bażi ekonomika;

(8) Billi għandu jiġi ċċarat li Stat Membru jista' jistabbilixxi biss skeda għall-irtirar bil-mod ta' l-ajruplani li ma jkunux jikkonformaw fir-rigward ta' l-ajruplani li jkunu fuq ir-reġistru ta' dak l-Istat Membru;

(9) Billi xi Stati Membri għandhom arranġamenti ma' trasportaturi ta' pajjiżi terzi biex jippermettu li jkollhom eżenzjoni biex jiġu eliminati bil-mod l-ajruplani tal-Kapitolu 2 simili għal dik li ngħatat lit-trasportaturi Komunitarji ta' l-ajru; billi huwa xieraq li dawn l-arranġamenti ma għandhomx jiġu revokati;

(10) Billi huwa essenzjali li l-Anness tad-Direttiva 92/14/KEE jinżamm aġġornat u emendat fil-waqt; billi, għalhekk, l-emendi għandhom isiru mill-Kummissjoni assistita minn kumitat ta' natura regolatorja;

(11) Billi l-Artikolu 3 tad-Direttiva 92/14/KEE jipprovdi għal eżenzjonijiet għal ajruplani li jkunu fuq ir-reġistri ta' nazzjonijiet li qed jiżviluppaw u billi l-ajruplani hekk eżentati kienu elenkati fl-Anness ma' dik id-Direttiva;

(12) Billi huwa neċessarju li jiġi emendat l-Anness tad-Direttiva 92/14/KEE biex jiżdiedu ċerti ajruplani li jikkwalifikaw għal eżenzjoni u dawn ma kinux ġew inklużi meta dik id-Direttiva kienet ġiet adottata; billi huwa wkoll neċessarju li titħassar kull referenza għal ċerti ajruplani li tneħħew mis-servizz, inqerdu jew inkella b'xi mod ieħor ma għadhomx jikkwalifikaw aktar għall-eżenzjoni;

(13) Billi huwa essenzjali li jiġi evitat l-użu ħazin tar-reġistrazzjonijiet; billi l-Anness għal din id-Direttiva fih, għal kull ajruplan, ir-referenza għan-numru tas-serje tal-fabbrikant għall-ajruplan individwali;

(14) Billi huwa importanti li jiġi assigurat li l-ksur tal-liġi Komunitarja jiġi penalizzat taħt il-kondizzjonijiet li jagħmlu l-piena effettiva, proporzjonata u dissważiva;

(15) Billi taħt l-Att ta' l-Adeżjoni ta' l-1994 l-Awstrija għandha tikkonforma mad-dispożizzjonijiet tad-Direttiva 92/14/KEE mill-1 ta' April 2002,

ADOTTA DIN ID-DIRETTIVA:

L-Artikolu 1

L-emendi

Id-Direttiva 92/14/KEE qiegħda b'hekk tiġi emendata kif ġej:

1. il-paragrafu li ġej għandu jiżdied ma' l-Artikolu 1:

"3. Għall-finijiet ta' din id-Direttiva:

"it-trasportatur ta' l-ajru" tfisser impriża tat-trasport bl-ajru li għandha liċenzja valida biex topera;

"il-liċenzja biex topera" tfisser l-awtorizzazzjoni li tingħata lill-impriża biex titħalla titrasporta bl-ajru passiġġieri, posta u/jew il-merkanzija bi ħlas u/jew b'kiri;

"it-trasportatur ta' l-ajru Komunitarju" tfisser trasportatur ta' l-ajru b'liċenzja valida biex jopera mogħtija minn Stat Membru skond ir-Regolament tal-Kunsill (KEE) Nru 2407/92 tat-23 ta' Lulju 1992 dwar l-illiċenzjar ta' trasportaturi ta' l-ajru [6];

"it-total tal-flotta subsonika ċivili bil-ġett" tfisser it-total tal-flotta ta' l-ajruplani ċivili subsonika bil-ġett li tkun għad-disposizzjoni tat-trasportatur ta'l-ajru, jew bħala l-propjetarju jew minħabba kwalunkwe forma ta' kiri ta' mhux anqas minn sena."

2. il-paragrafu li ġej se jiżdied ma' l-Artikolu 2:

"4. Qabel id-data msemmija fil-paragrafu 2, l-operazzjoni ta' ajruplani ċivili subsoniċi bil-ġett li ma jikkonformawx mad-disposizzjonijiet tal-paragrafu 1(a) jistgħu jiġu ristretti jew esklużi fl-ajruporti ta' Berlin Tegel u Berlin Tempelhof.";

3. l-Artikolu 3(b) għandu jinbidel b'dan li ġej:

"(b) dawn l-ajruplani kienu fuq ir-reġistru tan-nazzjon li qed jiżviluppa li jidher għal dak l-ajruplan fl-Anness fis-sena tar-referenza u jkomplu jintużaw jew direttament jew taħt xi forma ta' kuntratt ta' kiri minn persuna naturali jew legali stabbilita f'dak in-nazzjon.";

4. is-subparagrafu li ġej għandu jiżdied ma' l-Artikolu 3:

"L-eżenzjoni msemmija fis-subparagrafu ta' qabel ma għandhiex tapplika fejn l-ajruplan ikun mikri lil persuna naturali jew legali stabbilita f'pajjiż ieħor minnbarra dak imsemmi għal dak l-ajruplan fl-Anness.";

5. fl-Artikolu 4, l-Artikolu 5(ċ) u (d) u l-Artikolu 6 "il-linja ta' l-ajru" għandha tinbidel u ssir "it-trasportatur ta' l-ajru";

6. L-Artikolu 7 għandu jinbidel b'dan li ġej:

"L-Artikolu 7

1. L-Istati Membri jistgħu jillimitaw il-kanċellazzjoni mir-reġistri tagħhom ta' kull referenza għal ajruplani li ma jikkonformawx man-normi tal-Kapitolu 3 fl-Anness 16 sa rata annwali ekwivalenti għal 10 % tal-flotta ċivili subsonika bil-ġett ta' trasportatur Komunitarju ta' l-ajru.

2. L-Istati Membri ma għandhomx japplikaw id-dispożizzjonijiet ta' l-Artikolu 2(1) fil-każ ta' l-ajruplani li jinżammu fuq ir-reġistru ta' Stat Membru skond il-paragrafu 1.

3. Fejn Stat Membru jkun applika eżenzjoni ekwivalenti għal dik deskritta fil-paragrafi 1 u 2 għal ajruplani fuq ir-reġistru ta' pajjiż terz u li jkun jopera ġo dak l-Istat Membru qabel ma din id-Direttiva tidħol fis-seħħ, l-eżenzjoni tista' tkompli tiġi rrikonoxxuta bil-kondizzjoni tal-konformità mal-kondizzjonijiet daparti tat-trasportatur ta' l-ajru.";

7. L-Artikoli li ġejjin għandhom jiddaħħlu:

"L-Artikolu 9a

L-emendi għall-Anness li jistgħu jkunu neċessarji biex tiġi assigurata l-konformità sħiħa mal-kriterji stabbiliti fl-Artikolu 3 għandhom isiru skond il-proċedura mfissra fl-Arikolu 9b(2).

L-Artikolu 9b

1. Il-Kummissjoni għandha tiġi assistita mill-kumitat kif previst fir-Regolament tal-Kunsill (KEE) Nru 3922/91 tas-16 ta' Diċembru 1991 fuq l-armonizzazzjoni tal-ħtiġiet tekniċi u l-proċeduri amministrativi fil-qasam ta' l-avjazzjoni ċivili [7], li għandha taġixxi skond il-proċedura mniżżla fil-paragrafu 2.

2. Ir-rappreżentant tal-Kummissjoni għandu jressaq quddiem il-kumitat abbozz tal-miżuri li għandhom jittieħdu. Il-Kumitat għandu jagħti l-opinjoni tiegħu fuq l-abbozz fiż-żmien stipulat li l-president jista' jistabilixxi skond l-urġenza tal-kwistjoni. L-opinjoni għandha tingħata minn maġġoranza kif stabbilit fl-Artikolu 148(2) tat-Trattat fil-każ ta' deċiżjonijiet li l-Kunsill ikun meħtieġ li jadotta fuq proposta mill-Kummissjoni. Il-voti tar-rappreżentanti ta' Stati Membri fil-kumitat għandhom ikunu peżati skond il-mod stabbilit f'dak l-Artikolu. Il-president ma jistax jivvota.

3. (a) Il-Kummissjoni għandha tadotta l-miżuri maħsuba jekk dawn ikunu skond l-opinjoni tal-kumitat.

(b) Jekk il-miżuri maħsuba ma jkunux skond l-opinjoni tal-kumitat, jew jekk ebda opinjoni ma tingħata, il-Kummissjoni għandha, mingħajr dewmien, tressaq quddiem il-Kunsill proposta relatata mal-miżuri li għandhom jittieħdu. Il-Kunsill għandu jaġixxi b'maġġoranza kkwalifikata.

Jekk il-Kunsill ma jkunx aġixxa fi żmien tliet xhur mid-data ta' referiment lilu, il-Kummissjoni għandha tadotta l-miżuri proposti."

8. l-Anness għandu jinbidel bl-Anness li hawn ma' dan.

L-Artikolu 2

Is-sistema tal-pieni

L-Istati Membri għandhom jistabbilixxu s-sistema tal-pieni għall-ksur tad-dispożizzjonijiet nazzjonali adottati skond din id-Direttiva u għandhom jieħdu l-miżuri kollha neċessarji biex jassiguraw li dawk il-pieni jiġu applikati. Il-pieni kif previsti għandhom ikunu effettivi, proporzjonati u dissważivi. L-Istati Membri għandhom jinnotifikaw id-dispożizzjonijiet relevanti lill-Kummissjoni mhux aktar tard mill-1 ta' Marzu 1999 u għandhom jinnotifikaw xi tibdiliet sussegwenti mill-aktar fis possibbli.

L-Artikolu 3

L-implimentazzjoni

1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrativi neċessarji biex jikkonformaw ma' din id-Direttiva sa l-1 ta' Marzu 1999. Dawn għandhom jinformaw immedjatament lill-Kummissjoni dwar dan.

Meta Stati Membri jadottaw dawn il-miżuri, dawn għandu jkun fihom referenza għal din id-Direttiva jew għandhom ikunu akkumpanjati minn referenza bħal din fiż-żmien tal-pubblikazzjoni uffiċjali tagħhom. Il-proċedura għal referenza bħal din għandha tiġi adottata mill-Istati Membri.

2. B'konformità ma' l-Artikolu 168 ta' l-Att ta' l-1994 dwar l-Adeżjoni u l-Anness XIX(III) tiegħu, l-Awstrija għandha ddaħħal fis-seħħ il-miżuri neċessarji biex tikkonforma ma' din id-Direttiva sa l-1 ta' April 2002.

L-Artikolu 4

Id-dħul fis-seħħ

Din id-Direttiva għandha tidħol fis-seħħ fl-20 jum wara l-pubblikazzjoni tagħha fil-Ġurnal Uffiċjali tal-Komunitajiet Ewropej.

L-Artikolu 5

Id-destinatarji

Din id-Direttiva hija indirizzata lill-Istati Membri.

Magħmula fi Brussel, fit-30 ta' Marzu 1998.

Għall-Kunsill

Il-President

Lord Simon of Highbury

[1] ĠU C 309, tat-18.10.1996, p. 9.

[2] ĠU C 66, tat-3.3.1997, p. 4.

[3] L-opinjoni tal-Parlament Ewropew tat-13 ta' Marzu 1997 (ĠU C 115, ta' l-14.4.1997, p. 24), Il-Pożizzjoni Komuni tal-Kunsill Nru 42/97 tad-9 ta' Ottubru 1997 (ĠU C 375, ta' l-10.12.1997, p. 25) u d-Deċiżjoni tal-Parlament Ewropew tat-13 ta' Jannar 1998 (ĠU C 34, tat-2.2.1998).

[4] ĠU L 76, tat-23.3.1992, p. 21.

[5] ĠU L 240, ta' l-24.8.1992, p. 8. Ir-Regolament kif emendat bl-Att ta' l-Adeżjoni ta' l-1994.

[6] ĠU L 240, ta' l-24.8.1992, p. 1.

[7] ĠU L 373, tal-31.12.1991, p. 4. Ir-Regolament kif emendat mir-Regolament (KE) Nru 2176/96 (ĠU L 291, ta' l-14.11.1996, p. 15).

--------------------------------------------------

L-ANNESS

L-ANNESS

LISTA TA' L- AJRUPLANI EŻENTATI B'KONFORMITÀ MA' L-ARTIKOLU 3

Nota:

L-eżenzjonijiet għall-ajruplani f'dan l-Anness jingħataw fil-qafas ġenerali tal-politka u d-deċizjonijiet tan-Nazzjonijiet Uniti (eż. is-sanzjonijiet, l-embargo, eċċ.).

L-ALĠERIJA

In-numru tas-Serje | It-Tip | Ir-Reġistrazzjoni | L-Operatur |

20955 | B727-2D6 | 7T-VEH | Air Algérie |

21053 | B727-2D6 | 7T-VEI | Air Algérie |

21210 | B727-2D6 | 7T-VEM | Air Algérie |

21284 | B727-2D6 | 7T-VEP | Air Algérie |

20884 | B737-2D6 | 7T-VEG | Air Algérie |

21063 | B737-2D6 | 7T-VEJ | Air Algérie |

21064 | B737-2D6 | 7T-VEK | Air Algérie |

21065 | B737-2D6 | 7T-VEL | Air Algérie |

21211 | B737-2D6 | 7T-VEN | Air Algérie |

20650 | B737-2D6 | 7T-VED | Air Algérie |

21285 | B737-2D6 | 7T-VEQ | Air Algérie |

IR-REPUBBLIKA DEMOKTATIKA TAL-KONGO

In-Numru tas-Serje | It-Tip | Ir-Reġistrazzjoni | L-Operatur |

20200 | B707-329C | 9Q-CBW | Scibe Airlift |

IR-REPUBLIKA DOMINIKANA

In-Numru tas-Serje | It-Tip | Ir-Reġistrazzjoni | L-Operatur |

19767 | B707-399C | HI-442CT | Dominicana de Aviación |

L-EĠITTU

In-Numru tas-Serje | It-Tip | Ir-Reġistrazzjoni | L-Operatur |

19843 | B707-336C | SU-PBA | Air Memphis |

19916 | B707-328C | SU-PBB | Air Memphis |

21194 | B737-266 | SU-AYK | Egypt Air |

21195 | B737-266 | SU-AYL | Egypt Air |

21227 | B737-266 | SU-AYO | Egypt Air |

L-IRAQ

In-Numru tas-Serje | It-Tip | Ir-Reġistrazzjoni | L-Operatur |

20889 | B707-370C | YI-AGE | Iraqi Airways |

20892 | B737-270C | YI-AGH | Iraqi Airways |

20893 | B737-270C | YI-AGI | Iraqi Airways |

IL-LEBANON

In-Numru tas-Serje | It-Tip | Ir-Reġistrazzjoni | L-Operatur |

20259 | B707-3B4C | OD-AFD | MEA |

20260 | B707-3B4C | OD-AFE | MEA |

19967 | B707-347C | OD-AGV | MEA |

19589 | B707-323C | OD-AHC | MEA |

19515 | B707-323C | OD-AHD | MEA |

20170 | B707-323B | OD-AHF | MEA |

19516 | B707-323C | OD-AHE | MEA |

19104 | B707-327C | OD-AGX | TMA |

19105 | B707-327C | OD-AGY | TMA |

18939 | B707-323C | OD-AGD | TMA |

19214 | B707-331C | OD-AGS | TMA |

19269 | B707-321C | OD-AGO | TMA |

19274 | B707-321C | OD-AGP | TMA |

IL-LIBERJA

In-Numru tas-serje | It-Tip | Ir-Reġistrazzjoni | L-Operatur |

45683 | DC8F-55 | EL-AJO | Liberia World Airlines |

45686 | DC8F-55 | EL-AJQ | Liberia World Airlines |

IL-LIBJA

In-Numru tas-serje | It-Tip | Ir-Reġistrazzjoni | L-Operatur |

20245 | B727-224 | 5A-DAI | Libyan Arab Airlines |

21051 | B727-2L5 | 5A-DIB | Libyan Arab Airlines |

21052 | B727-2L5 | 5A-DIC | Libyan Arab Airlines |

21229 | B727-2L5 | 5A-DID | Libyan Arab Airlines |

21230 | B727-2L5 | 5A-DIE | Libyan Arab Airlines |

Il-MAWRITANJA

In-Numru tas-Serje | It-Tip | Ir-Reġistrazzjoni | L-Operatur |

11093 | F28-4000 | 5T-CLG | Air Mauritanie |

IL-MAROKK

In-Numru tas-serje | It-Tip | Ir-Reġistrazzjoni | L-Operatur |

20471 | B727-2B6 | CN-CCG | Royal Air Maroc |

21214 | B737-2B6 | CN-RMI | Royal Air Maroc |

21215 | B737-2B6 | CN-RMJ | Royal Air Maroc |

21216 | B737-2B6 | CN-RMK | Royal Air Maroc |

IN-NIĠERJA

In-Numru tas-Serje | It-Tip | Ir-Reġistrazzjoni | L-Operatur |

18809 | B707-338C | 5N-ARQ | DAS Air Cargo |

19664 | B707-355C | 5N-VRG | Air Tours |

IL-PAKISTAN

In-Numru tas-Serje | It-Tip | Ir-Reġistrazzjoni | L-Operatur |

20488 | B707-340C | AP-AXG | PIA |

IS-SAWDI ARABJA

In-Numru tas-serje | It-Tip | Ir-Reġistrazzjoni | L-Operatur |

20574 | B737-268C | HZ-AGA | Saudia |

20575 | B737-268C | HZ-AGB | Saudia |

20576 | B737-268 | HZ-AGC | Saudia |

20577 | B737-268 | HZ-AGD | Saudia |

20578 | B737-268 | HZ-AGE | Saudia |

20882 | B737-268 | HZ-AGF | Saudia |

20883 | B737-268 | HZ-AGG | Saudia |

IS-SWAZILAND

In-Numru tas-Serje | It-Tip | Ir-Reġistrazzjoni | L-Operatur |

45802 | DC8F-54 | 3D-AFR | African International Airways |

46012 | DC8F-54 | 3D-ADV | African International Airways |

IT-TUNEŻIJA

In-Numru tas-Serje | It-Tip | Ir-Reġistrazzjoni | L-Operatur |

20545 | B727-2H3 | TS-JHN | Tunis Air |

20948 | B727-2H3 | TS-JHQ | Tunis Air |

21179 | B727-2H3 | TS-JHR | Tunis Air |

21235 | B727-2H3 | TS-JHT | Tunis Air |

L-UGANDA

In-Numru tas-Serje | It-Tip | Ir-Reġistrazzjoni | L-Operatur |

19821 | B707-379C | 5X-JEF | Dairo Air Services |

IŻ-ŻIMBABWE

In-Numru tas-Serje | It-Tip | Ir-Reġistrazzjoni | L-Operatur |

18930 | B707-330B | Z-WKU | Air Zimbabwe |

45821 | DC8F-55 | Z-WMJ | Affretair |

--------------------------------------------------