EUR-Lex Access to European Union law
This document is an excerpt from the EUR-Lex website
Document 31998F0429
98/429/JHA: Joint Action of 29 June 1998 adopted by the Council on the basis of Article K.3 of the Treaty on European Union, establishing a mechanism for collective evaluation of the enactment, application and effective implementation by the applicant countries of the acquis of the European Union in the field of Justice and Home Affairs
Azzjoni konġunta tad-29 ta' Ġunju 1998 adottata mill-Kunsill fuq il-bażi ta' l-Artikolu K.3 tat-Trattat dwar l-Unjoni Ewropea, li tistabbilixxi sistema ta' evalwazzjoni kollettiva ta' l-approvazzjoni, l-applikazzjoni u l-implimentazzjoni effettiva mill-pajjiżi applikanti ta' l-acquis ta' l-Unjoni Ewropea fil-qasam tal-Ġustizzja u Intern
Azzjoni konġunta tad-29 ta' Ġunju 1998 adottata mill-Kunsill fuq il-bażi ta' l-Artikolu K.3 tat-Trattat dwar l-Unjoni Ewropea, li tistabbilixxi sistema ta' evalwazzjoni kollettiva ta' l-approvazzjoni, l-applikazzjoni u l-implimentazzjoni effettiva mill-pajjiżi applikanti ta' l-acquis ta' l-Unjoni Ewropea fil-qasam tal-Ġustizzja u Intern
ĠU L 191, 7.7.1998, p. 8–9
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 191 , 07/07/1998 P. 0008 - 0009
Azzjoni konġunta tad-29 ta' Ġunju 1998 adottata mill-Kunsill fuq il-bażi ta' l-Artikolu K.3 tat-Trattat dwar l-Unjoni Ewropea, li tistabbilixxi sistema ta' evalwazzjoni kollettiva ta' l-approvazzjoni, l-applikazzjoni u l-implimentazzjoni effettiva mill-pajjiżi applikanti ta' l-acquis ta' l-Unjoni Ewropea fil-qasam tal-Ġustizzja u Intern (98/429/JHA) IL-KUNSILL TA' L-UNJONI EWROPEA, Wara li kkunsidra t-Trattat dwar l-Unjoni Ewropea, u b'mod partikolari l-Artikolu K.3(2)(b) tiegħu, Wara li kkunsidra l-konklużjonijiet tal-Kunsill Ewropew f'Copenhagen fl-1993 u fil-Lussemburgu fl-1997, Wara li kkunsidra l-konklużjonijiet tal-laqgħa tal-Kunsill fi Brussel fid-19 ta' Marzu 1998, Billi hu mixtieq li tiġi stabbilita sistema li tħalli l-esperti mill-Istati Membri u mill-Kummissjoni biex jevalwaw kollettivament fil-qafas tal-Kunsill l-approvazzjoni, l-applikazzjoni u l-implimentazzjoni effettiva mill-pajjiżi applikanti ta' l-acquis ta' l-Unjoni Ewropea fil-qasam tal-Ġustizzja u Intern; Billi dawn l-evalwazzjonijiet għandhom jiġu kkunsidrati mill-Kummissjoni fl-aġġustament ta' prijoritajiet u l-għanijiet fil-Partnerships ta' l-Adezjoni u fl-istrutturi stabbiliti ta' l-Unjoni Ewropea fil-kuntest ta' diskussjonijiet futuri dwar it-tkabbir, ADOTTA DIN L-AZZJONI KONĠUNTA: Artikolu 1 Għan 1. Mingħajr preġudizzju għall-kompetenzi tal-Komunità jew għall-istrutturi stabbiliti għad-determinazzjoni tal-pożizzjoni ta' l-Istati Membri fin-negozjati dwar l-adeżjoni, għandha tiġi stabbilita sistema skond id-dispożizzjonijiet imniżżla hawn taħt għal evalwazzjoni kollettiva ta' l-approvazzjoni, l-applikazzjoni u l-implementazzjoni effettiva mill-Istati li huma kandidati għall-adeżjoni fl-Unjoni Ewropea (il-pajjiżi kandidati) ta' l-acquis ta' l-Unjoni fil-qasam tal-Ġustizzja u Intern. 2. Kull Stati Membru għandu jiżgura li l-awtoritajiet nazzjonali tiegħu jikkoperaw kompletament fl-implimentazzjoni tas-sistema għal evalwazzjoni kollettiva stabbilita skond din l-Azzjoni Konġunta (is-sistema ta' evalwazzjoni). Artikolu 2 Grupp ta' esperti 1. Grupp ta' esperti, li se jiġi stabbilit skond ir-regoli ta' proċedura tal-Kunsill taħt is-sorveljanza tal-Kumitat ta' Rappreżentanti Permanenti ta' l-Istati Membri (Coreper), għandu jkollu l-funzjoni li jipprepara u jżomm aġġornati evalwazzjonijiet kollettivi tas-sitwazzjoni fil-pajjiżi kandidati fuq l-approvazzjoni, l-applikazzjoni u l-implimentazzjoni effettiva ta' l-acquis ta' l-Unjoni fil-qasam tal-Ġustizzja u Intern. 2. Stat Membru wieħed jew aktar, b'assoċjazzjoni mill-qrib mal-Kummissjoni, jista' jagħti għajnuna partikolari fil-preparazzjoni u l-manteniment, għal pajjiż partikolari, ta' rapporti komprensivi li jifformaw il-bażi ta' l-evalwazzjonijiet imsemmija fil-paragrafu 1, waqt li tiġi kkunsidrata l-informazzjoni disponibbli skond l-Artikolu 3. 3. Il-grupp ta' esperti għandhom jevitaw xogħol doppju diġà magħmul u xogħol li jikkoinċidi ma' attivitajiet oħra li qed isiru mill-Unjoni f'dan il-qasam. Artikolu 3 Kompilazzjoni ta' informazzjoni 1. Il-materjal kollu relevanti għall-approvazzjoni, l-applikazzjoni u l-implimentazzjoni effettiva mill-pajjiżi kandidati ta' l-acquis ta' l-Unjoni fil-qasam tal-Ġustizzja u Intern għandu jkun disponibbli għall-grupp ta' esperti mill-Istati Membri u mill-Kummissjoni biex iħallu lill-grupp jipprepara u jmanti evalwazzjonijiet kollettivi tas-sitwazzjoni f'kull pajjiż kandidat u analiżi ta' setturi li jistgħu ikollhom xi problemi. 2. L-evalwazzjonijiet imsemmija fil-paragrafu 1 għandhom bħala l-ewwel pass jibbażaw b'mod partikolari fuq: - informazzjoni mogħtija individwalment jew kollettivament minn Stati Membri ibbażata fuq l-esperjenza diretta tagħhom ta' xogħol mal-pajjiżi kandidati, li tinkludi informazzjoni disponibbli f'Schengen, - rapporti, kif xieraq, mill-Ambaxxati u d-delegazzjonijiet tal-Kummissjoni ta' l-Istati Membri' fil-pajjiżi kandidati, fuq il-bażi, fejn hu neċessarju, ta' kwistjonarju li jiġi ppreparat mill-grupp ta' esperti, - informazzjoni disponibbli għall-Kummissjoni permezz ta' rwol tagħha fil-proċess totali ta' adeżjoni, li tinkludi rapporti mill-missjonijiet magħmula fil-qafas tal-programme Phare, - rapporti tal-Kunsill ta' l-Ewropa dwar l-implimentazzjoni tal-Konvenzjonijiet u rakkomandazzjonijiet tal-Kunsill ta' l-Ewropa, jew b'kull sors ieħor li huma meqjusa bħala relevanti rigward il-kontenut ta' l-acquis. 3. Jekk hi neċessarja informazzjoni addizzjonali, jiġu fformati gruppi ad hoc ta' rappreżentanti u esperti minn Stati Membri u mill-Kummissjoni biex iwettqu aktar missjonijiet fuq aspetti speċifiċi mingħajr ma jitfgħu piż żejjed fuq il-pajjiżi kandidati. Id-deċiżjoni dwar l-organizzazzjoni u l-komposizzjoni, iż-żmien u t-termini ta' referenza ta' dawn il-missjonijiet għandha tiġi deċiża mill-Kunsill, b'maġġoranza kwalifikata, wara parir mill-grupp ta' esperti, b'koperazzjoni mill-qrib mal-Kummissjoni. Artikolu 4 Progress u riżultati tal-mekkaniżmu ta' evalwazzjoni 1. Il-grupp ta' esperti għandu, permezz ta' Coreper u b'koperazzjoni mill-qrib mal-Kumitati stabbilit skond l-Artikolu K.4 tat-Trattat u ma' organizzazzjonijiet oħra tal-Kunsill involuti mal-proċess tat-tkabbir, jirrapporta lill-Kunsill fuq il-progress u r-riżultati ta' l-evalwazzjonijiet. Il-grupp għandu jżomm informat lill-organizzazzjonijiet tal-Kunsill relevanti oħra bix-xogħol tiegħu. 2. Il-Kummissjoni hi mistiedna tikkunsidra l-evalwazzjonijiet kollettivi fil-proposti tagħha għal aġġustament sinifikanti ta' prijoritajiet u ta' l-għanijiet tas-sħubija ta' adeżjoni, li għandhom jiġu mogħtija lill-Kunsill għad-deċiżjoni skond l-Artikolu 2 tar-Regolament tal-Kunsill (KE) Nru 622/98 tas-16 ta' Marzu 1998 dwar l-għajnuna lill-Istati applikanti fil-qafas ta' l-istrateġija pre-adeżjoni, u b'mod partikolari dwar l-istabbiliment ta' Partnerships ta' l-Adeżjoni [1]. Dawn l-evalwazzjonijiet għandhom jittieħdu in konsiderazzjoni fi ħdan l-istrutturi stabbiliti ta' l-Unjoni Ewropea fil-kuntest ta' diskussjonijiet futuri dwar it-tkabbir. Artikolu 5 Reviżjoni tas-sistema ta' l-evalwazzjoni Mhux aktar tard minn sena wara d-dħul fis-seħħ ta' din l-Azzjoni Konġunta, il-Kunsill għandu jeżamina l-ħidma u l-iskop tas-sistema ta' l-evalwazzjoni u għandu, jekk hu xieraq, jagħmel aġġustamenti fih. Artikolu 6 Dħul fis-seħħ Din l-Azzjoni Konġunta għandha tidħol fis-seħħ fil-ġurnata tal-pubblikazzjoni tagħha fil-Ġurnal Uffiċjali. Artikolu 7 Il-Pubblikazzjoni Din l-Azzjoni Konġunta għandha tiġi ppubblikata fil-Ġurnal Uffiċjali. Magħmula fil-Lussemburgu, fid-29 ta' Ġunju 1998. Għall-Kunsill Il-President R. Cook [1] ĠU L 85, 20. 3. 1998, p. 1. --------------------------------------------------