This document is an excerpt from the EUR-Lex website
Document 31998D0610
98/610/EC, Euratom: Commission Decision of 22 October 1998 setting up expert groups to assist the Commission on the content and orientation of the key actions in the field of research and technological development (notified under document number C(1998) 3120) (Text with EEA relevance)
Id-Deċiżjoni tal-Kummissjoni tat-22 ta' Ottubru 1998 li tistabbilixxi gruppi ta' esperti biex jgħinu lill-Kummissjoni bil-kontenut u l-orjentazzjoni ta' l-azzjonijiet ewlenin fil-qasam ta' riċerka u żvilupp teknoloġiku (notifikata bid-dokument numru C(1998) 3120)Test b'relevanza għaż-ŻEE.
Id-Deċiżjoni tal-Kummissjoni tat-22 ta' Ottubru 1998 li tistabbilixxi gruppi ta' esperti biex jgħinu lill-Kummissjoni bil-kontenut u l-orjentazzjoni ta' l-azzjonijiet ewlenin fil-qasam ta' riċerka u żvilupp teknoloġiku (notifikata bid-dokument numru C(1998) 3120)Test b'relevanza għaż-ŻEE.
ĠU L 290, 29.10.1998, p. 57–60
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force: This act has been changed. Current consolidated version: 26/07/1999
Official Journal L 290 , 29/10/1998 P. 0057 - 0060
Id-Deċiżjoni tal-Kummissjoni tat-22 ta' Ottubru 1998 li tistabbilixxi gruppi ta' esperti biex jgħinu lill-Kummissjoni bil-kontenut u l-orjentazzjoni ta' l-azzjonijiet ewlenin fil-qasam ta' riċerka u żvilupp teknoloġiku (notifikata bid-dokument numru C(1998) 3120) (Test b'relevanza għaż-ŻEE) (98/610/KE, Euratom) IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunità Ewropea, Wara li kkunsidrat t-Trattat li jistabbilixxi l-Komunità Ewropea dwar l-Enerġija Atomika, Billi, sabiex tinkiseb aktar trasparenza fil-politika Komunitarja dwar riċerka u żvilupp teknoloġiku u sabiex tkun tista' tieħu rwol iktar strateġiku, l-Kummissjoni tixtieq tinvolvi iktar mill-viċin lill-ħaddiema kollha involuti fir-riċerka (inklużi l-utenti) fit-tnissil tal-politika; Billi għandhom għalhekk jiġu stabbiliti gruppi ta' esperti sabiex jagħtu pariri lill-Kummissjoni dwar il-kontenut u l-orjentazzjoni ta' l-azzjonijiet ewlenin li huma skond id-deċiżjonijiet tal-Kunsill dwar il-programmi speċifiċi li jimplimentaw il-ħames programm kwadru tal-Komunità Ewropea dwar riċerka, żvilupp teknoloġiku u attivitajiet ta' demostrazzjoni [1] u l-ħames programm kwadru tal-Komunità Ewropea dwar l-Enerġija Atomika dwar attivitajiet ta' riċerka u taħriġ [2] (minn hawn 'l quddiem "il-programmi speċifiċi"); billi, skond id-Deċiżjoni, dawn l-azzjonijiet ewlenin għandhom, fejn xieraq, jiġu magħquda flimkien għal raġunijiet li għandhom x'jaqsmu man-natura tas-suġġetti koperti; Billi, f'din il-konnessjoni, ir-rwol tal-gruppi esperti huwa li jgħinu sabiex tiġi definita l-istrateġija ġenerali li trid tiġi segwita waqt li jkunu qegħdin jiġu mwettqa l-azzjonijiet ewlenin jew il-gruppi ta' azzjonijiet ewlenin, u sabiex joħorġu b'konklużjonijiet rilevanti b'mod kompletament trasparenti; Billi, minħabba x-xorta tax-xogħol, il-membri ta' dawn il-gruppi għandhom ikunu persuni eminenti, magħżula minn varjetà wiesgħa ta' applikanti u kwalifikati b'mod xieraq għax-xogħol inkwestjoni; Billi, apparti dan, il-kompożizzjoni ta' dawn il-gruppi esperti għandha tkun rappreżentattiva ta' dawk kollha involuti fir-riċerka; billi għaldaqstant għandhom isiru sforzi sabiex tiġi żgurata parteċipazzjoni bilanċjata ta' nisa u rġiel; Billi dawn il-gruppi ta' esperti għandhom jiġu stabbiliti u t-termini ta' riferenza tagħhom għandhom jiġu definiti, IDDEĊIDIET KIF ĠEJ: Artikolu 1 Il-gruppi ta' esperti li ġejjin qegħdin jiġu stabbiliti: - il-grupp dwar "Is-saħħa, l-ikel u l-fatturi ambjentali", - il-grupp dwar "Il-kontroll ta' mard infettiv", - il-grupp dwar "Il-fabbrika taċ-ċelloli", - il-grupp dwar "Il-popolazzjoni anzjana", - il-grupp dwar "L-agrikoltura, is-sajd u l-forestrija sostenibbli, inkluż l-iżvilupp integrat ta' żoni rurali", - il-grupp dwar "Is-soċjetà ta' l-Informatika", - il-grupp dwar "Il-prodotti, proċessi u organizzazzjoni innovattivi", - il-grupp dwar "Il-mobilità sostenibbli u l-intermodalità", - il-grupp dwar "Perspettivi ġodda għall-aeronawtika", - il-grupp ta' pariri dwar "It-tekonoloġiji ta' trasport fuq l-art u marittimi", - il-grupp dwar "L-amministrazzjoni sostenibbli u kwalità ta' l-ilma" u "L-amministrazzjoni sostenibbli ta' ekosistemi marittimi", - il-grupp dwar "Il-bidla globali, klima u biodiversità", - il-grupp dwar "Il-belt ta' għada u wirt kulturali", - il-grupp dwar "Is-sistemi ta' enerġija iktar nodfa" u "Enerġija ekonomika u effiċjenti", - il-grupp dwar "It-titjib tal-bażi ta' għerf soċjo-ekonomika", - il-grupp fwar "Il-funżjoni termonukleari kontrollata", - il-grupp dwar "Il-fissjoni nukleari", sabiex jagħtu pariri lill-Kummissjoni dwar il-kontenut u l-orjentazzjoni ta' l-azzjonijiet ewlenin jew għaqdiet ta' azzjonijiet ewlenin li huma skond il-programmi speċifiċi. Artikolu 2 Kull wieħed mill-gruppi ta' esperti għandu: - jipproponi linji gwida għad-definizzjoni tal-programmi ta' xogħol (inklużi l-programmazzjoni ta' sejħiet għal proposti, il-kriterji għall-evalwazzjoni ta' azzjonijiet indiretti ta' RTD u, fejn possibbli, l-iffissar ta' għanijiet kwantifikati jew verifikabbli xjentifiċi u tekniċi-ekonomiċi għall-kisba ta' l-għanijiet ta' l-azzjonijiet ewlenin jew gruppi ta' azzjonijiet ewlenin), - jikkummenta dwar in-natura strateġika tax-xogħol li għandu jiġi mwettaq u dwar l-analiżi tar-riżultati, bil-għan li possibilment isir ri-arranġament tal-programmi ta' xogħol. Artikolu 3 1. Kull grupp ta' esperti għandu jiġi stabbilit mill-Kummissjoni b'mod li jiżgura li l-gruppi jkollhom kompożizzjoni bilanċata, wara li jiġu kunsidrati l-oriġini ġeografiċi u s-settur ta' oriġini (l-industrija, s-servizzi, riċerka u innovazzjoni, utenti, awtoritajiet regolatorji pubbliċi u ċrieki soċjo-ekonomiċi) tal-membri tagħhom. Il-Kummissjoni għandha tagħmel mezz biex taċċerta, kemm jista' jkun, li jkun hemm parteċipazzjoni bilanċjata ta' rġiel u nisa. 2. Il-proċedura għall-għażla ta' membri tal-gruppi ta' esperti hija stipulata fl-Anness, flimkien mall-programmi speċifiċi, azzjonijiet ewlenin u gruppi ta' azzjonijiet ewlenin li għandhom x'jaqsmu ma'dawn il-gruppi. Artikolu 4 1. Il-membri taż-żewġ gruppi ta' esperti għandhom jinħatru mill-Kummissjoni f'kapaċità personali għal perijodu ta' sentejn. Din il-ħatra tista' tiġi mġedda darba biss, għal massimu ta' sentejn. Membri tal-gruppi għandhom jibqgħu fil-kariga tagħhom sakemm jiġu mibdula jew sakemm jiġi mġedded il-mandat tagħhom. Jekk membru ta' grupp ma jkunx jista' iktar jagħti kontribuzzjoni effettiva lejn ix-xogħol ta' dak il-grupp, isir membru ta' kumitat ta' programm jew jirreżenja, il-Kummissjoni għandha tappunta sostitut għall-perijodu li jkun fadal tal-mandat, b'mod konformi mal-proċedura stipulata fl-Anness. 2. L-ismijiet tal-membri tal-gruppi ta' esperti għandhom jiġu ppubblikati fil-Ġurnal Uffiċjali tal-Komunitajiet Ewropej. 3. Il-membri tal-gruppi ta' esperti għandhom jingħataw lura l-ispejjeż ta' vjaġġar u ta' għixien li jkunu għamlu b'mod konformi mad-dispożizzjonijiet fi ħdan il-Kummissjoni. 4. Il-Kummissjoni għandha taħtar il-President u l-Viċi-President ta' kull wieħed mill-gruppi esperti minn fost il-membri ta' dak il-grupp. Il-Viċi-President ma jistax ikun ta' l-istess oriġini ġeografika jew settur ta' oriġini bħall-President. Magħmula fi Brussel, fit-22 ta' Ottubru 1998. Għall-Kummissjoni Édith Cresson Membru tal-Kummissjoni [1] COM(1998) 305 finali. [2] COM(1998) 306 finali. -------------------------------------------------- ANNESS A. Proċedura għall-għażla tal-membri tal-gruppi ta' esperti 1. Bil-għan li jiġu stabbiliti l-gruppi ta' esperti għall azzjonijiet ewlenin jew gruppi ta' azzjonijiet ewlenin elenkati fit-taqsima B, il-Kummissjoni għandha tikkunsidra l-applikazzjonijiet: - li l-Kummissjoni tkun diġà rċiviet fi proċeduri oħrajn, - ippreżentati mill-Istati Membri u Stati assoċjati, - li tkun irċeviet wara sejħa għall-applikazzjonijiet pubblikata fil-Ġurnal Uffiċjali tal-Komunitajiet Ewropej. L-applikazzjonijiet jisgħu jiġu ppreżentati mill-applikanti infushom jew mill-organi li jimpjegawhom. Applikazzjonijiet minn organizzazzjonijiet xjentifiċi, kummerċjali/professjonali jew industrijali jew dawk li jaħdmu fl-interess pubbliku jistgħu jiġu preżentati wkoll sakemm il-persuna proposta tkun taqbel. L-applikazzjonijiet għandhom jiġu sottomessi f'waħda mill-lingwi uffiċjali tal-Komunitajet Ewropej. L-applikazzjonijiet għandhom jinkludu evidenza ta' l-esperjenza professjonali ta' l-applikant u livell għoli ta' abiltà (eżempju - curriculum vitae dettaljat). 2. Għall-iskopijiet ta' ħatra ta' membri fil-gruppi ta' esperti, i l-Kummissjoni għandha tevalwa l-applikazzjonijiet kollha b'mod konformi mall-kriterji ta' għażla li ġejjin: - il-kompetenza ta' l-applikant f'waħda jew iżjed mill-oqsma konċernati, - l-abilità ta' l-applikant li jikkunsidra prospetti xjentifiċi u teknoloġiċi fid-dawl tal-politika Komunitarja, - il-ħerqa ta' l-applikant lejn id-doveri tiegħu. Fuq il-bażi ta' din l-evalwazzjoni, l-Kummissjoni għandha tappunta l-membri tal-gruppi b'mod konformi mad-dispożizzjonijiet ta' l-Artikolu 3(1) tad-Deċiżjoni u mat-taqsima B ta' l-Anness. Il-membri maħtura b'dan il-mod mill-Kummissjoni ma jistgħux ikunu membri ta' iktar minn grupp wieħed. B. Programmi speċifiċi, azzjonijiet ewlenin jew għaqdiet ta' azzjonijiet ewlenin li għandhom x'jaqsmu mal-gruppi konsultattivi Programm | Azzjoni ewlenija jew grupp ta' azzjonijiet li għandhom jiġu koperti minn grupp ta' esperti | Grupp ta' esperti | "Kwalità ta' ħajja u amministrazzjoni ta' risorsi ħajjin" | "Ikel, saħħa u fatturi ambjentali" | "Ikel, saħħa u fatturi ambjentali" | "Kontroll ta' mard infettiv" | "Il-kontroll ta' mard infettiv" | "Il-fabbrika taċ-ċelloli" | "Il-fabbrika taċ-ċelloli" | "Il-popolazzjoni anzjana" | "Il-popolazzjoni anzjana" | "L-agrikoltura, is-sajd u l-forestrija sostenibbli, inkluż l-iżvilupp integrat ta' żoni rurali" | "L-agrikoltura, is-sajd u l-forestrija sostenibbli, inkluż l-iżvilupp integrat ta' żoni rurali" | "Soċjetà ta' informatika faċilment aċċessibbli għall-utent" | "Is-Sistemi u servizzi għaċ-ċittadin""Metodi ġodda ta' xogħol u kummerċ elettroniku""Il-Kontenut u l-għodda tal-multimedja""It-teknoloġiji u l-infrastrutturi essenzjali" | "Is-soċjetà ta' l-Informatika" | "Kompetizzjoni u tkabbir sostenibbli" | "Il-prodotti, proċessi u organizzazzjonijiet innovattivi" | "Il-prodotti, proċessi u organizzazzjonijiet innovattivi" | "Il-mobilità u inter-modalità sostenibbli" | "Il-mobilità u l-inter-modalità sostenibbli" | "Il-perspettivi ġodda dwar aeronawtika" | "Il-perspettivi ġodda dwar aeronawtika" | "It-trasport fuq l-art u t-teknoloġiji marittimi" | "It-trasport fuq l-art u t-teknoloġiji marittimi" | "Preservazzjoni ta' l-ekosistema" | "L-amministrazzjoni u l-kwalità sostenibbli ta' l-ilma" u "L-amministrazzjoni sostenibbli ta' ekosistemi marittimi" | "L-amministrazzjoni u kwalità sostenibbli ta' l-ilma" u "l-amministrazzjoni sostenibbli ta' ekosistemi marittimi" | "Il-bidla globali, klima u biodiversità" | "Il-bidla globali, klima u biodiversità" | "Il-belt ta' għada u wirt kulturali" | "Il-belt ta' għada u wirt kulturali" | "Is-sistemi ta' enerġijaiktar nodfa inklużi enerġiji rinovabbli" u "L-enerġija ekonomika u effiċjenti għal Ewropa kompetittiva" | "Is-sistemi ta' enerġija iktar nodfa" u "L-enerġija ekonomika u effiċjenti" | "Titjib tal-potenzjal ta' riċerka umana" | "It-titjib tal-bażi ta' għerf soċjo-ekonomika" | "It-titjib tal-bażi ta' għerf soċjo-ekonomika" | "Preservazzjoni ta' l-ekosistema" (Euratom) | "Il-fużjoni termonukleari kontrollata" | "Il-fużjoni termonukleari kontrollata" | "Il-fissjoni nukleari" | "Il-fissjoni nukleari" | --------------------------------------------------