31996R1505

Ir-Regolament tal-Kummissijoni (KE) Nru 1505/96

tad-29 ta’ Lulju 1996

li jemenda r-Regolament (KE) Nru 1484/95 li jistabilixxi regoli ddettaljati għall-implimentazzjoni tas-sistema ta’ dazji addizzjonali ta’ l-importazzjoni u l-iffissar ta’ dazji addizzjonali ta’ l-importazzjoni fis-setturi tal-laħam tat-tjur u tal-bajd u għall-albumina tal-bajd

Il-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2771/75 tad-29 ta’ Ottubru 1975 dwar l-organizzazzjoni komuni tas-suq tal-bajd [1], kif l-aħħar emendat bir-Regolament (KE) Nru 2916/95 [2], u b’mod partikolari l-Artikolu 5(4) tiegħu,

Wara li kkunsidrat ir-Regolament tal-Kunsill (KEE) Nru 2777/75 tad-29 ta’ Ottubru 1975 dwar l-organizzazzjoni komuni tas-suq tal-laħam tat-tjur [3], kif l-aħħar emendat bir-Regolament (KE) Nru 2916/95, u b’mod partikulari l-Artikolu 5(4) tiegħu,

Wara li kkunsidrat ir-Regolament tal-Kunsill (KEE) Nru 2783/75 tad-29 ta’ Ottubru 1975 dwar is-sistema komuni tal-kummerċ għall-ovalbumina u l-laktalbumina [4], kif l-aħħar emendat bir-Regolament (KE) Nru 2916/95, u b’mod partikulari l-Artikolu 3(4) tiegħu,

Billi r-Regolament tal-Kummissjoni (KE) Nru 1484/96 [5], kif l-aħħar emendat bir-Regolament (KE) Nru 1385/96 [6], jistabilixxi regoli ddettaljati sabiex tkun implimentata s-sistema ta’ dazji addizzjonali ta’ l-importazzjoni fis-setturi tal-laħam tat-tjur u tal-bajd u għall-albumina tal-bajd;

Billi r-Regolament tal-Kummissjoni (KE) Nru 1251/96 [7], fetaħ kwoti ta’ tariffi ġodda għal ċerti prodotti fis-settur tal-laħam tat-tjur fil-kuntest tal-Organizzazzjoni Dinjija tal-Kummerċ; Billi dazji addizzjonali m’għandhomx ikunu mposti fuq prodotti fi ħdan dawn il-kwoti ta’ tariffi;

Billi l-miżuri li hemm provvediment dwarhom f’dan ir-Regolament huma bi qbil mal-opinjoni tal-Kumitat ta’ Ġestjoni għal-Laħam tat-Tjur u l-Bajd,

ADOTTAT DAN IR-REGOLAMENT:

L- Artikolu 1

L-Artikolu 6 tar-Regolament (KE) Nru 1484/95 hu mibdul bit-test li ġej:

"L- Artikolu 6

Id-dazji addizzjonali stabbiliti fl-Anness I m’għandhomx japplikaw għall-importazzjoni fil-qafas tar-Regolament tal-Kummissjoni (KE) Nru 1431/94 [8], (KE) Nru 1474/95 [9] u (KE) Nru 1251/96 [10]."

L- Artikolu 2

Dan ir-Regolament għandu jidħol fis-seħħ fil-jum tal-publikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika mill-1 ta’ Lulju 1996.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fid-29 ta’ Lulju 1996.

Għall-Kummissjoni

Franz Fischler

Membru tal-Kummissjoni

[1] ĠU L 282, ta’ l-1.11.1975, p. 49.

[2] ĠU L 305, tad-19.12.1995, p. 49.

[3] ĠU L 282, ta’ l-1.11.1975, p. 77.

[4] ĠU L 282, ta’ l-1.11.1975, p. 104.

[5] ĠU L 145, tad-29.6.1995, p. 47.

[6] ĠU L 179, tat-18.7.1996, p. 29.

[7] ĠU L 161, tad-29.6.1996, p. 136.

[8] ĠU L 156, tat-23.6.1994, p. 9.

[9] ĠU L 145, tad-29.6.1995, p. 19.

[10] ĠU L 161, tad-29.6.1996, p. 136.

--------------------------------------------------