31996L0038

Id-Direttiva tal-Kummissjoni 96/38/KE

tas-17 ta’ Ġunju 1996

li tadatta għall-progress tekniku d-Direttiva tal-Kunsill 76/115/KEE li għandha xtaqsam ma’ l-ankoraġġi għaċ-ċinturini tas-sigurtà ta’ vetturi bil-mutur

(Test b’rilevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabilixxi l-Komunità Ewropea,

Wara li kkunsidrat id-Direttiva tal-Kunsill 70/156/KEE tas-6 ta’ Frar 1970 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-approvazzjoni tat-tip ta’ vetturi bil-mutur u l-karrijiet tagħhom [1], kif l-aħħar emendata bid-Direttiva tal-Kummissjoni 95/54/EC 2, u b’mod partikolari l-Artikolu 13 [2] tagħha,

Wara li kkunsidrat id-Direttiva tal-Kunsill 76/115/KEE tat-18 ta’ Diċembru 1975 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-ankoraġġi għaċ-ċinturini tas-sigurtà ta’ veturi bil-mutur [3], kif l-aħħar emendata bid-Direttiva tal-Kummissjoni 90/629/KEE [4], u b’mod partikolari l-Artikolu 3 tagħha,

Billi d-Direttiva 76/115/KEE hija waħda mid-direttivi separati tal-proċedura ta’ l-approvazzjoni tat-tip tal-KEE li ġiet stabbilita bid-Direttiva 70/156/KEE; billi, konsegwentement, id-dispożizzjonijiet stipulati fid-Direttiva 70/156/KEE li għandhom xjaqsmu mas-sistemi, komponenti u unitajiet tekniċi separati ta’ vetturi japplikaw għal din id-Direttiva;

Billi, b’mod partikolari, l-Artikoli 3(4) u 4 (3) tad-Direttiva 70/156/KEE jinneċessitaw li kull direttiva separata jkollha anness magħħa document ta’ informazzjoni li jinkorpora l-punti rilevanti ta’ l-Anness ma’ dik id-Direttiva u wkoll ċertifikat ta’ l-approvazzjoni tat-tip ibbażat fuq l-Anness VI magħha sabiex l-approvazzjoni tat-tip tista’ tiġi kompjuterizzata;

Billi huwa possibbli li titjieb il-protezzjoni pprovduta għal passiġġieri kontra li jinxteħtu ‘l barra fil-każ ta’ aċċident permezz tal-ħtieġa ta’ minimu ta’ ċinturini addominali tat-tip 1 b’retratturi għall-pożizzjonijiet kollha ta’ bil-qiegħda li jħarsu ‘l quddiem u lura f’vetturi bil-mutur tal-kategoriji M2 u M3 (ħlief dawk il-vetturi li huma maħsuba kemm għal użu urban u kemm għal passiġgieri bil-wieqfa), kif previst fid-Direttiva tal-Kummissjoni 90/628/KEE [5];

Billi d-dħul fis-seħħ ta’ emenda għad-Direttiva tal-Kunsill 77/541/KEE [6], kif l-aħħar emendata bid-Direttiva 90/628/KEE biex teħtieġ dawn iċ-ċinturini tas-sedili f’vetturi M2 u M3 jiddependi fuq l-adattament għall-progress tekniku tad-Direttiva tal-Kunsill 74/408/KEE [7],kif l-aħħar emendata bid-Direttiva 81/577/KEE [8], dwar is-saħħa tas-sedili u din id-Direttiva dwar ankoraġġi taċ-ċinturini tas-sedili;

Billi hija magħmula referenza għad-Direttiva tal-Kunsill 74/60/KEE [9], kif l-aħħar emendata bid-Direttiva tal-Kummissjoni 78/632/KEE [10], li tirrelata għall-muntaġġi nterni ta’ vetturi bil-mutur;

Billi d-dispożizzjonijiet ta’ din id-Direttiva huma skond l-opinjoni tal-Kumitat għal Adattament għall-progress Tekniku stabbilit bid-Direttiva 70/156/KEE,

ADOTTAT DIN ID-DIRETTIVA:

L-Artikolu 1

Id-Direttiva 76/115/KEE hija emendata kif ġej.

1. L-Artikolu 1 għandu jaqra kif ġej:

"‘Din id-Direttiva tapplika għal ankoraġġi ta’ ċinturini tas-sigurtà ta’ vetturi bil-mutur maħsuba għal okkupanti adulti ta’ sedili li jħarsu ‘l quddiem jew lura.’;"

2. Fl-Artikolu 2 ‘l-Anness I’ huwa sostitwit bl-‘L-Anness II A’;

3. Fl-Artikoli 3 u 4 tad-Direttiva 76/115/KEE ‘l-Annessi I, III u IV’ huma sostitwiti b’ ‘l-Annessi’;

4. L-Annessi huma emendati skond l-Anness ma’ din id-Direttiva.

L-Artikolu 2

1. B’effett mill-1 ta’ Jannar 1997 ebda Stat Membru ma jista’, għal raġunijiet li għandhom xjaqsmu ma ’ l- ankoraġġi għal ċinturini tas-sigurtà:

- jirrifjuta, fir-rigward ta’ tip ta’ vettura bil-mutur, li jagħti approvazzjoni tat-tip tal-KEE, jew approvazzjoni tat-tip nazzjonali, jew

- jipprojbixxi r-reġistrazzjoni, il-bejgħ jew id-dħul fis-servizz ta’ vetturi,

jekk l-ankoraġġi f’ dan it-tip ta’ vettura jew f’ dawn il-vetturi jikkonformaw mal-ħtiġiet tad-Direttiva 76/115/KEE kif emendata b’din id-Direttiva.

2. B’effett mill-1 ta’ Ottubru 1999 għal vetturi tal-kategorija M2 b’ massa massima li ma teċċedix 3500 kg u l-vetturi l-oħra kollha mill-1 ta’ Ottubru 1997, Stati Membri:

- m’għandhomx iktar jagħtu approvazzjoni tat-tip tal-KE, u

- jistgħu jirrifjutaw li jagħtu approvazzjoni tat-tip nazzjonali,

għal tip ta’ vettura għal raġunijiet li għandhom x’jaqsmu ma’ l-ankoraġġi ta’ ċinturini tas-sigurtà jekk il-ħtiġiet tad-Direttiva 76/115/KEE, kif emendati b’din id-Direttiva, mhumiex sodisfatti.

3. B’effett mill-1 ta’ Ottubru 2001 għal vetturi tal-kategorija M2 b’massa massima li ma teċċedix 3500 kg u l-vetturi l-oħra kollha fil-kategorija M mill-1 ta’ Ottubru 1999, Stati Membri:

- għandhom jikkunsidraw ċertifikati ta’ konformità li jakkumpanjaw vetturi ġodda skond id-dispożizzjonijiet tad-Direttiva 70/156/KEE mhux iktar validi għall-iskopijiet ta’ l-Artikolu 7(1) ta’ dik id-Direttiva, u

- jistgħu jirrifjutaw ir-reġistrazzjoni, il-bejgħ jew id-dħul fis-servizz ta’ vetturi ġodda li mhumiex akkumpanjati b’ċertifikat ta’ konformità skond id-Direttiva 70/156/KEE,

għal raġunijiet li għandhom x’jaqsmu ma’ l-ankoraġġi ta’ ċinturini tas-sigurtà jekk il-ħtiġiet tad-Direttiva 76/115/KEE, kif emendati b’din id-Direttiva, mhumiex sodisfatti.

L-Artikolu 3

1. Stati Membri għandhom idaħħlu fis-seħħ il-liġijiet, ir-regolamenti u d-disposizzjonijeit amministrattivi neċessarji sabiex jikkonformaw ma’ din id-Direttiva sal-31 ta’ Diċembru 1996 u għandhom minnufih jinfurmaw lill-Kummissjoni b’dan.

Meta l-Istati Membri jadottaw dawn id-dispożizzjonijiet, għandu jkollhom referenza għal din id-Direttiva jew ikollhom magħhom din ir-referenza fl-okkażjoni tal-pubblikazzjoni uffiċjali tagħhom. Il-metodi li bihom issir din ir-referenza għandhom jiġu stabbiliti mill-Istati Membri.

2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenija tal-liġi nazzjonali li huma jadottaw fil-qasam irregolat b’din id-Direttiva.

L-Artikolu 4

Id-Direttiva għandha tidħol fis-seħħ fl-għoxrin jum wara l-pubblikazzjoni tagħha fil-Ġurnal Uffiċjali tal-Komunitajiet Ewropej.

L-Artikolu 5

Din id-Direttiva hija ndirizzata lill-Istati Membri.

Magħmula fi Brussel, fis-17 ta’ Ġunju 1996.

Għall-Kummissjoni

Martin Bangemann

Membru tal-Kummissjoni

[1] ĠU L 42, tat-23.2.1970, p. 1.

[2] ĠU L 266, tat-8.11.1995, p. 1.

[3] ĠU L 24, tat-30.1.1976, p. 6.

[4] ĠU L 341, tas-6.12.1990, p. 14.

[5] ĠU L 341, tas-6.12.1990, p. 1.

[6] ĠU L 220, tad-29.8.1977, p. 95.

[7] ĠU L 221, tat-12.8.1974, p. 1.

[8] ĠU L 209, tad-29.7.1981, p. 34.

[9] ĠU L 38, tal-11.2.1974, p. 2.

[10] ĠU L 206, tad-29.7.1978, p. 26.

--------------------------------------------------

L-ANNESS

Lista ta’ l-annessi hija miżjuda kif ġej:

LISTA TA’ L-ANNESSI

L-ANNESS I: | Definizzjonijiet, applikazzjoni għal approvazzjoni tat-tip tal-KEE, l-għoti ta’ approvazzjoni tat-tip tal-KEE, speċifikazzjonijiet, testijiet, konformità tal- produzzjoni, istruzzjonijiet: |

| Appendiċi 1: | Numru minimu ta’ punti ta’ ankoraġġ, |

| Appendiċi 2: | Il-lok ta’ l-ankoraġġi l-iktar baxxi, ħtiġiet ta’ l-angolu, |

| Appendiċi 3: | Dokument ta’ informazzjoni, |

| Appendiċi 4: | Ċertifikat ta’ l-approvazzjoni tat-tip. |

L-ANNESS II: | Il-lok ta’ ankoraġġi effettivi taċ-ċinturini. |

L-ANNESS III: | Mezz ta’ trazzjoni. |

L-Anness I huwa emendat kif ġej

———————————————————————— — Punt ġdid jiżdied wara l-Punt 1.14 sabiex jaqra:

"1.15. "Żona ta’ referenza" tfisser l-ispazju bejn żewġ pjanijiet vertikali lonġitudinali, ‘l bogħod minn xulxin 400 mm u simmetriċi fir-rigward tal-punt-H, u definiti b’ rotazzjoni tal-apparat ta’ simulazzjoni tar-ras, deskritt fl-Anness II mad-Direttiva 74/60/KEE, minn vertikali għal orizzontali. L-Apparat għandu jiġi pożizzjonat kif deskritt f’dak l-anness u jiġi stabbilit għal tul massimu ta’ 840mm."

Il-Punt 2.1 huwa emendat sabiex jaqra:

"2.1. L-applikazzjoni għall-approvazzjoni tat-tip skond l-Artikolu 3(4) tad-Direttiva 70/156/KEE ta’ tip ta’ vettura fir-rigward ta’ ankoraġġi ta’ ċinturini tas-sigurtà għandha tiġi sottomessa mill-manifattur tal-vettura."

Il-Punt 2.2 huwa emendat sabiex jaqra:

"2.2. Mudell għad-Dokument ta’ Informazzjoni jingħata fl-Appendiċi 3."

Il-Punti 2.2.1 sa 2.2.5 inklużivi huma mħassra.

Il-Punt 3 huwa emendat sabiex jaqra:

"3. L-għoti ta’ approvazzjoni tat-tip tal-KE

3.1. Jekk il-ħtiġiet rilevanti huma sodisfatti, l-approvazzjoni tat-tip tal-KE skond l-Artikolu 4(3) u, jekk applikabbli, 4 (4) tad-Direttiva 70/156/KEE għandha tingħata.

3.2. Mudell għaċ-ċertifikat ta’ l-approvazzjoni tat-tip tal-KEE jingħata fl-Appendiċi 4.

3.3. Numru ta’ approvazzjoni skond l-Anness VII tad-Direttiva 70/156/LEE għandu jiġi assenjat lil kull tip ta’ vettura approvata. L-istess Stat Membru m’għandux jassenja l-istess numru lil tip ieħor ta’ vettura."

Fil-Punt 4.1,

"L-Anness I"

huwa sostitwit b’

"l-Anness II"

.

Il-Punt 4.3.1 huwa emendat sabiex jaqra:

"4.3.1. Kwalunkwe vettura fil-kategoriji M u N (ħlief dawk il-vetturi fil-kategoriji M2 u M3 li huma ddisinjati kemm għal użu urban kif ukoll għal passiġġieri bil-wieqfa) għandha tkun mgħammra b’ ankoraġġi ta’ ċinturini tas-sigurtà li jissodisfaw il-ħtiġiet ta’ din id-Direttiva."

Il-Punt 4.3.2 huwa emendat sabiex jaqra:

"4.3.2. In-numru minimu ta’ ankoraġġi ta’ ċinturini tas-sigurtà għal kull pożizzjoni ta’ bil-qiegħda diretta ‘l quddiem u lura għandu jkun kif speċifikat fl-Appendiċi."

Fil-Punt 4.3.5. is-simbolu

"*"

huwa sostitwit bis-simbolu

""

(verżjoni Ġermaniża biss)

Punt ġdida 4.3.7 jiżdied sabiex jaqra:

"4.3.7. Kwalunkwe pożizzjoni ta’ bil-qiegħda fl-Appendiċi I mmarkata bis-simbolu

+++++ TIFF +++++

, tliet ankoraġġi jiġu pprovduti sakemm waħda mill-kondizzjonijiet li ġejjin ma tiġix sodisfatta:

- hemm sedil jew partijiet oħra tal-vettura li jikkonformaw mal-Paragrafu 3.5 ta’ l-Appendiċi 1 ta’ l-Anness III tad-Direttiva 74/408/KEE direttament quddiem; jew

- ebda parti tal vettura ma hi ġewwa jew, meta l-vettura tkun miexja, kapaċi tkun fiż-żona ta’ referenza; jew

- partijiet tal-vettura fiż-żona ta’ referenza msemmija jikkonformaw mal-ħtiġiet ta’ assorbiment ta’ enerġija stabbiliti fl-Appendiċi 6 ta’ l-Anness III tad-Direttiva 74/408/KEE

f’liema każ żewġ ankoraġġi jistgħu jiġu pprovduti."

Il-Punt il-qadim

4.3.7

huwa rienumerata

4.3.8

.

L-ewwel sentenza tal-Punt 4.3.8 hija emendata sabiex taqra:

"Għas-sedili li jinagħlqu jew sedili maħsuba biss għal użu meta l-vettura hija wieqfa, kif ukoll is-sedili kollha… ebda ankoraġġi taċ-ċinturini ma huma meħtieġa."

Żewġ punti ġodda huma miżjuda wara l-Punt 4.3.8

"4.3.9. Fil-każ tas-sular ta’ fuq ta’ vettura b’żewġ sulari il-ħtiġiet għall-pożizzjoni ta’ bil-qiegħda quddiem fiċ-ċentru għandhom japplikaw ukoll fil-pożizzjonijiet esterjuri ta’ bil-qiegħda quddiem.

4.3.10. Fil-każ ta’ sedili li kapaċi jiddawru jew jitqiegħdu f’ orjentazzjonijiet oħra, għal użu meta l-vettura hija wieqfa, il-ħtiġiet tal-Punt 4.3.1 għandhom japplikaw biss għal dawk l-orjentazzjonijiet maħsuba għal użu normali meta l-vettura tkun qiegħda tivvjaġġa fit-triq, skond din id-Direttiva. Nota għal dan l-iskop għandha tiġi inkluża fid-dokument ta’ informazzjoni."

Dan li ġej jiżdied fl-aħħar tal-Punt 4.4.3.4:

"Fil-każ ta’ sedili, li mhumiex sedili ta’ quddiem, ta’ vetturi fil-kategoriji M2 u M3, l-angoli α1 u α2 għandhom ikunu bejn 45 u 90 grad għall-pożizzjonijiet kollha normali ta’ użu."

Punt ġdida 5.1.1.2 jiżdied kif ġej:

"5.1.1.2. It-testijiet jistgħu jiġu ristretti għall-ankoraġġi li jirrelataw biss għal sedil wieħed jew grupp wieħed ta’sedili taħt il-kondizzjonijiet li:

- l-ankoraġġi kkonċernati għandhom l-istess karatteristiċi strutturali bħall-ankoraġġi li jirrelataw għas-sedili l-oħra jew għall-gruppi l-oħra ta’ sedili; u

- meta dawn l-ankoraġġi huma mgħammra totalment jew parzjalment fuq is-sedil jew fuq il-grupp ta’ sedili, il-karatteristiċi strutturali tas-sedil jew tal-grupp ta’ sedili huma l-istess bħal dawk għas-sedili l-oħra jew għall-gruppi l-oħra ta’ sedili."

Il-Punti l-qodma

5.1.1.2

u

5.1.1.3

huma rienumerati

5.1.1.3

u

5.1.1.4

rispettivament.

Il-Punt 5.3.1 huwa emendat sabiex jaqra kif ġej:

"5.3.1. L-ankoraġġi kollha taċ-ċinturini ta’ l-istess grupp ta’ sedili għandhom jiġu kkontrollati simultanjament. Madankollu, jekk hemm riskju li tagħbija mhux simmetrika tas-sedili u/jew ta’ l-ankoraġġi tista’ twassal għal nuqqasijiet, test addizjonali jista’ jitwettaq b’ tagħbija mhux simmetrika."

Il-Punt 5.3.2 huwa emendat sabiex jaqra kif ġej:

"5.3.2. Il-forza trattiva għandha tiġi applikata f’ direzzjoni li tikkorrispondi għall-pożizzjoni ta’ bil-qiegħda f’ angolu ta’ 10°±5° fuq l-orizzonatli fi pjan parallel għall-pjan medjan lonġitudinali tal-vettura."

Fil-Punti 5.3.4, 5.4.1.2, 5.4.1.3, 5.4.2.1, 5.4.2.2, 5.4.3 u 5.4.5.2 issostitwixxi

"l-Anness IV"

b’

"l-Anness III"

.

Il-Punt 5.4.4.2 huwa emendat sabiex jaqra:

"5.4.4.2. It-tagħbijiet indikati fil-Punti 5.4.1, 5.4.2 u 5.4.3 għandhom jiġu ssupplimentati b’ forza ugwali għal 20 darba l-piż tas-sedil komplet.

Fil-każ ta’ vetturi fil-kategoriji M2 u N2 din il-forza għandha tkun ugwali għal 10 darbiet il-piż tas-sedil komplet; għal vetturi fil-kategoriji M3 u N3 għandha tkun ugwali għal 6,6 darbiet il-piż tas-sedil komplet."

Punt ġdida jiżdied wara l-Punt 5.4.5.2 sabiex jaqra:

"5.4.6. Test fil-każ ta’ sedili li jħarsu lura:

5.4.6.1. Il-punti ta’ ankoraġġ għandhom jiġu kkontrollati skond il-forzi preskritti fil-Paragrafi 5.4.1, 5.4.2 jew 5.4.3 kif approprjat. F’kull każ it-tagħbija tat-test għandha tikkorrispondi għat-tagħbija preskritta għal vetturi M3 jew N3.

5.4.6.2. It-tagħbija tat-test għandha tiġi diretta ‘l quddiem fir-rigward tal-pożizzjoni ta’ bil-qiegħda inkwistjoni, li tikkorrispondi għall-proċedura preskritta fil-paragrafu 5.3."

Punt ġdid jiżdied wara l-Punt 5.5.3 sabiex jaqra:

"5.5.4. B’deroga, l-ankoraġġi ta’ fuq armati ma’ sedil wieħed jew iktar ta’ vetturi tal-kategorija M2 ta’ iktar minn 3,5 tunnellati metriċi u M3, li jissodisfaw il-ħtiġiet ta’ l-Anness III tad-Direttiva 74/408/KEE, m’hemmx għalfejn jikkonformaw mal-ħtiġiet fil-paragrafu 5.5.1 li jikkonċerna konformità mal-Paragrafu 4.4.4.6. Dettallji tas-sedil(i) kkonċernat(i) għandhomm jissemmew fl-addendum maċ-ċertifikat ta’ l-Approvazzjoni tat-Tip imsemmi fl-Appendiċi 4."

Il-punt 6.1 huwa emendat sabiex jaqra:

"6.1. Bħala regola ġenerali, għandhom itieħdu miżuri għall-assigurazzjoni ta’ konformità mad-dispożizzjonijiet stabbiliti fl-Artikolu 10 tad-Direttiva 70/156/KEE."

Il-Punt 7 huwa rienumerat 8 u Punt ġdid 7 huwa inserit sabiex jaqra:

"7. Modifiki tat-tip u emendi għall-approvazzjonijiet

7.1. Fil-każ ta’ modifiki tat-tip skond din id-Direttiva, id-dispożizzjonijiet ta’ l-Artikolu 5 tad-Direttiva 70/156/KEE għandhom japplikaw."

L-Appendiċi ġodda 1 u 2 ma’ l-Anness I huma miżjuda kif ġej:

"

Appendiċi 1

Numru minimu ta’ punti ta’ ankoraġġ

Kategorija tal-Vettura | Pożizzjonijiet ta’ bil-qiegħda li jħarsu ‘l quddiem | Iħarsu lura |

Esterjuri | Ċentru |

Quddiem | Ieħor | Quddiem | Ieħor |

M1 | 3 | 3 jew 2 Ø | 3 jew 2 * | 2 | 2 |

M2< 3,5 T | 3 | 3 | 3 | 3 | 2 |

+++++ TIFF +++++

+++++ TIFF +++++

+++++ TIFF +++++

+++++ TIFF +++++

M3 & M2 > 3,5 T | 3 | 3 jew 2 | 3 jew 2 | 3 jew 2 | 2 |

N1, N2 & N3 | 3 | 2 jew 0 | 3 jew 2 * | 2 jew 0 | — |

Kjavi għas-simboli:

2: żewġ ankoraġġi baxxi li jippermettu l-installazzjoni ta’ ċinturin tas-sigurtà tat-tip B jew, meta meħtieġ bl-Anness XV tad-Direttiva 77/541/KEE, it-tip Br, Br3, Br4m jew Br4Nm.

3: żewġ ankoraġġi baxxi u ankoraġġ wieħed ta’ fuq li jippermettu l-installazzjoni ta’ tip A ta’ ċinturin tas-sigurtà bi tliet punti jew, meta meħtieġ bl-Anness XV tad-Direttiva 77/541/KEE, it-tip Ar, Ar4m jew Ar4Nm.

Ø: jirreferi għall-Punt 4.3.3 (żewġ ankoraġġi permessi jekk sedil huwa ‘l ġewwa minn passaġġ).

*: jirreferi għall-Punt 4.3.4 (żewġ ankoraġġi permessi jekk il-windscreen huwa barra ż-żona ta’ referenza).

: jirreferi għall-Punti 4.3.5 u 4.3.6 (żewġ ankoraġġi meħtieġa f’ pożizzjonijiet esposti ta’ bil-qiegħda).

: jirreferi għall-Punt 4.3.7 (żewġ ankoraġġi permessi jekk ma hemm xejn fiż-żona ta’ referenza).

: jirreferi għall-Punt 4.3.10 (dispożizzjoni speċjali għas-sular ta’ fuq ta’ vettura).

Appendiċi 2

Il-Lok ta’ l-ankoraġġi l-iktar baxxi – Ħtiġiet ta’ l-angolu biss

Sedil | M1 | Ta’ xort’ oħra minn M1 |

| |

Quddiem | In-naħa tal-bokkla (α2) | 45°- 80° | 30°-80° |

Ta’ xort’ oħra minn naħa tal-bokkla (α1) | 30°-80° | 30°-80° |

Il-kostanti ta’ l-angolu | 50°-70° | 50°-70° |

Il-bank- in-naħa tal-bokkla (α2) | 45°-80° | 20°-80° |

Il-bank- ta’ xort’ oħra minn naħa tal-bokkla (α1) | 30°-80° | 20°-80° |

Sedil aġġustabbli b’ angolu tad-dahar tas-sedil < 20° | 45°-80° (α2)* 20°-80° (α1)* | 20°-80° |

Wara | | 30°-80° | 20°-80°Ψ |

Egħluq | Ebda ankoraġġ taċ-ċinturini meħtieġ. Jekk l-ankoraġġ huwa armat: ara l-ħtiġiet ta’ l-angolu Quddiem u Wara. |

Noti:

: l-estern u ċ-ċentru.

*: jekk l-angolu huwa kostanti ara l-Punt 4.4.3.1.

Ψ: 45° - 90° fil-każ ta’ sedili f’ vetturi M2 u M3.

"

Żewġ appendiċi ġodda huma miżjuda kif ġej:

"

Appendiċi 3

+++++ TIFF +++++

+++++ TIFF +++++

PuntiAppendiċi 4

+++++ TIFF +++++

+++++ TIFF +++++

"

3. L-ANNESS II huwa mħassar

4. L-ANNESS III huwa rienumerat "L-ANNESS II" u bl-intestatura: "Lok ta’ ankoraġġi effettivi taċ-ċinturini".

5. L-ANNESS IV huwa rienumerat L-ANNESS III.

--------------------------------------------------