This document is an excerpt from the EUR-Lex website
Document 31996D0580
96/580/EC: Commission Decision of 24 June 1996 on the procedure for attesting the conformity of construction products pursuant to Article 20 (2) of Council Directive 89/106/EEC as regards curtain walling (Text with EEA relevance)
Id-Deċiżjoni tal-Kummissjoni ta’ l-24 ta’ Ġunju 1996, dwar il-proċedura għal attestazzjoni ta’ konformità tal-prodotti għall-bini skond l-Artikolu 20(2) tad-Direttiva tal-Kunsill 89/106/KEE rigward il-purtieri ħitan (test b’rilevanza għaż-ŻEE)
Id-Deċiżjoni tal-Kummissjoni ta’ l-24 ta’ Ġunju 1996, dwar il-proċedura għal attestazzjoni ta’ konformità tal-prodotti għall-bini skond l-Artikolu 20(2) tad-Direttiva tal-Kunsill 89/106/KEE rigward il-purtieri ħitan (test b’rilevanza għaż-ŻEE)
ĠU L 254, 8.10.1996, p. 56–58
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force: This act has been changed. Current consolidated version: 02/08/2001
Official Journal L 254 , 08/10/1996 P. 0056 - 0058
Id-Deċiżjoni tal-Kummissjoni ta’ l-24 ta’ Ġunju 1996, dwar il-proċedura għal attestazzjoni ta’ konformità tal-prodotti għall-bini skond l-Artikolu 20(2) tad-Direttiva tal-Kunsill 89/106/KEE rigward il-purtieri ħitan (test b’rilevanza għaż-ŻEE) (96/580/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 89/106/KEE tal-21 ta’ Diċembru 1988 dwar l-approssimazzjoni tal-liġijiet, ir-regolamenti u d-dispożizzjonijiet amministrattivi ta’ l-Istati Membri dwar prodotti għall-bini [1], kif emendata bid-Direttiva 93/68/KEE [2], u partikolarment l-Artikolu 13(4) tagħha, Billi l-Kummissjoni jeħtieġilha, skond iż-żewġ proċeduri msemmija l-Artikolu 13(3) tad-Direttiva 89/106/KEE dwar attestazzjoni ta’ konformità ta’ prodott, illi tagħżel "il-proċedura l-inqas oneruża possibbli konsistenti mas-sigurtà"; billi dan ifisser li jeħtieġ li jkun deċiż jekk, għal ċertu prodott jew klassi ta’ prodotti, tkunx meħtieġa sistema ta’ kontroll tal-produzzjoni fil-fabbrika u kondizzjoni ta’ attestazzjoni ta’ konformità tajba biżżejjed, jew, biex jitħarsu l-kriterji msemmija fl-Artikolu 13(4), hemmx ħtieġa li jkun hemm korp approvat ta’ ċertifikazzjoni; Billi l-Artikolu 13(4) jitlob li l-proċedura adottata għandha tintwera fil-mandati u fl-ispeċifikazzjonijiet tekniċi; billi, għalhekk, ikun aħjar li jkun hemm definizzjoni tal-kunċett ta’ prodotti jew klassi ta’ prodotti kif użati fl-ordnijiet u fl-ispeċifikazzjonijiet tekniċi; Billi ż-żewġ proċeduri msemmija fl-Artikolu 13(3) huma murija fid-dettal fl-Anness III tad-Direttiva 89/106/KEE; billi għalhekk jeħtieġ li jintwerew b’mod ċar il-metodi li bihom iż-żewġ proċeduri għandhom ikunu implimentati, b’riferenza għall-Anness III, għal kull prodott jew klassi ta’ prodotti, peress li l-Anness III jagħti preferenza lil ċerti sistemi; Billi l-proċedura li għaliha saret riferenza f’punt (a) ta’ l-Artikolu 13(3) taqbel mas-sistemi msemmija fl-ewwel possibbiltà, mingħajr sorveljanza kontinwa, u t-tieni u t-tielet possibbiltà ta’ punt (ii) tat-Taqsima 2 ta’ l-Anness III, u l-proċedura msemmija f’punt (b) ta’ l-Artikolu 13(3) taqbel mas-sistemi msemmija f’punt (i) tat-Taqsima 2 ta’ l-Anness III, u fl-ewwel possibbiltà b’sorveljanza kontinwa, ta’ punt (ii) tat-Taqsima 2 ta’ l-Anness III; Billi l-miżuri stabbiliti f’din id-Deċizjoni huma skond l-opinjoni tal-Kumitat Permanenti dwar il-Bini, ADOTTAT DIN ID-DEĊIŻJONI: L-Artikolu 1 L-attestazzjoni ta’ konformità tal-prodotti u tal-klassijiet ta’ prodotti msemmija fl-Anness I għandha tkun skond proċedura li biha l-manifattur ikollu taħt ir-responsabbiltà tiegħu biss sistema ta’ kontroll tal-produzzjoni fil-fabbrika li tassigura li l-prodott ikun konformi ma’ l-ispeċifikazzjonijiet tekniċi rilevanti. L-Artikolu 2 Il-prodotti msemmija fl-Anness II għandu jkollhom il-attestazzjoni tagħhom ta’ konformità skond proċedura li biha, flimkien mas-sistema ta’ kontroll tal-produzzjoni fil-fabbrika mħaddma mill-manifattur, korp approvat ta’ ċertifikazzjoni jieħu sehem fil-verifika u s-sorveljanza ta’ kontroll tal-produzzjoni jew tal-prodott innifsu. L-Artikolu 3 Il-proċedura għall-attestazzjoni ta’ konformità, kif mogħtija fl-Anness III, għandha tintwera fl-ordnijiet għal standards armonizzati. L-Artikolu 4 Din id-Deċiżjoni hija indirizzata lill-Istati Membri. Magħmula fi Brussel, fl-24 ta’ Ġunju 1996. Għall-Kummissjoni Martin bangemann Membru tal-Kummissjoni [1] ĠU L 40, tal-11.2.1989, p. 12. [2] ĠU L 220, tat-30.8.1993, p. 1. -------------------------------------------------- L-ANNESS I PURTIERI ĦITAN Settijiet ta’ purtieri ħitan biex jintużaw jew bħala ħitan esterni li mhumiex soġġetti għall-ħtiġijiet ta’ reazzjoni għan-nar, jew bħala ħitan esterni soġġetti għall-ħtiġijiet ta’ reazzjoni għan-nar iżda li ma jinstabux f’xi waħda miċ-ċirkostanzi msemmija għal dawn il-prodotti fl-Anness II. -------------------------------------------------- L-ANNESS II SISTEMI TA’ GĦELUQ MINN NAR Settijiet ta’ purtieri ħitan biex jintużaw bħala ħitan soġġetti għall-ħtiġijiet ta’ reazzjoni għan-nar, ikklassifikati taħt waħda mill-Ewroklassijiet A, B u C, fejn ir-reazzjoni għan-nar hija jew suxxettibbli għall-bidla waqt il-proċess tal-produzzjoni (ġeneralment dawk li jkunu magħmula minn materja prima kombustibbli), jew li nbidlet minħabba li ddaħħlu ċerti aġenti, bħal fire retardants, iżda biss meta dawn il-komponenti aktarx li jkunu esposti għan-nar fis-sitwazzjoni ta’ l-użu aħħari tagħhom. -------------------------------------------------- L-ANNESS III KLASSI TA’ PRODOTTI: SETTIJIET TA’ PURTIERI ĦITAN (1/1) Sistemi ta’ attestazzjoni ta’ konformità Għall-prodott jew prodotti u l-użu maħsub għalihom imsemmija hawn taħt, il-Kumitat Ewropew ta’ Standardizzazzjoni/Kumitat Ewropew ta’ Standardizzazzjoni Elettroteknika (CEN/Cenelec) huwa mitlub li jispeċifika s-sistema jew sistemi li ġejjin ta’ attestazzjoni ta’ konformità skond standards armonizzati rilevanti: Prodott/i | Użu/i maħsub/a għal għeluq minn nar | Livell/i u klassi/jiet (rejazzjoni għan-nar) | Sistema/i ta’ attestazzjoni ta’ konformità | Settijiet ta’ purtieri ħitan | Bħala ħitan esterni soġġetti għall-ħtiġijiet ta’ reazzjoni għan-nar | A, B, C | 1 | A, B jew C D, E jew F | 3 | Bħala ħitan esterni li mhumiex soġġetti għall-ħtiġijiet ta’ reazzjoni għan-nar | — | 3 | --------------------------------------------------