31996D0354

Id-Deċiżjoni tal-Kunsill

ta' l-20 ta' Mejju 1996

dwar il-konklużjoni ta' Ftehim ta' Koperazzjoni bejn il-Komunità Ewropea u r-Renju tan-Nepal

(96/354/KE)

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi il-Komunità Ewropea, b'mod partikolari, l-Artikoli 113 u 130y, flimkien ma' l-ewwel sentenza ta' l-Artikolu 228(2) u l-ewwel subparagrafu ta' l-Artikolu 228(3) tiegħu,

Wara li kkunsidra l-proposta tal-Kummissjoni,

Wara li kkunsidra l-opinjoni tal-Parlament Ewropew [1],

Billi, skond l-Artikolu 130u tat-Trattat, il-politika tal-Komunità fl-isfera tal-koperazzjoni għall-Iżvilupp għandha tistimula żvilupp ekonomiku u soċjali sostenibbli tal-pajjiżi li qed jiżviluppaw, l-integrazzjoni gradwali u bla xkiel ta' dawn il-pajjiżi fl-ekonomija dinjija u l-kampanja kontra l-faqar f'dawn il-pajjiżi;

Billi l-Komunità għandha tapprova, għall-kisba ta' l-għanijiet tagħha fl-isfera tar-relazzjonijiet esterni, il-Ftehim ta' Koperazzjoni bejn il-Komunità Ewropea u r-Renju tan-Nepal,

IDDEĊIEDA DAN LI ĠEJ:

Artikolu 1

Il-Ftehim ta' Koperazzjoni bejn il-Komunità Ewropea u r-Renju tan-Nepal qiegħed hawnhekk jiġi approvat f'isem il-Komunità.

It-test ta' dan il-Ftehim huwa anness ma' din id-Deċiżjoni.

Artikolu 2

Il-President tal-Kunsill, f'isem il-Komunità, ser jagħti n-notifika provduta fl-Artikolu 22 tal-Ftehim.

Artikolu 3

Il-Kummissjoni, assistita mir-rappreżentanti ta' l-Istati Membri, ser tirrapreżenta l-Komunità fil-Kummissjoni Konġunta provduta fl-Artikolu 15 tal-Ftehim.

Artikolu 4

Din id-Deċizjoni għandha tiġi pubblikata fil-Ġurnal Uffiċjali tal-Komunitajiet Ewropej.

Magħmula fi Brussel, fl-20 ta' Mejju 1996.

Għall-Kunsill

Il-President

P. Bersani

[1] ĠU C 141, tat-13.5.1996.

--------------------------------------------------