31995D0145

Id-Deċiżjoni tal-Kunsill u tal-kummissjoni

ta' l-10 ta' April 1995

li tikkoncerna l-konklużjoni tal-Ftehim bejn il-Komunitajiet Ewropej u l-Gvern ta' l-Istati Uniti tal-Amerika dwar l-applikazzjoni tal-liġijiet tagħhom dwar il-kompetizzjoni

(95/145/KE, KEFA)

IL-KUNSILL TA' L-UNJONI EWROPEA,

IL-KUMMISSJONI TAL-KOMUNITAJIET EWROPEJ

Wara li kkunsidraw it-Trattat li jistabbilixxi l-Komunità Ewropea, u partikolarment l-Artikoli 87 u 235, flimkien ma' l-ewwel subparagrafu ta' l-Artikolu 228(3) ta' dan,

Wara li kkunsidraw it-Trattat li jistabbilixxi l-Komunità Ewropea tal-Faħam u l-Azzar, partikolarment l-Artikoli 65 u 66 ta' dan,

Wara li kkunsidraw il-proposta mill-Kummissjoni,

Wara li kkunsidraw l-opinjoni tal-Parlament Ewropew [1],

Billi l-Artikolu 235 tat-Trattat li jistabbilixxi il-Komunità Ewropea għandu jiġi nvokat mħabba li l-inklużjoni fit-test tal-Ftehim ta' għaqdiet u akkwisti li huma koperti mir-Regolament tal-Kunsill (KEE) Nru 4064/89 tal-21 ta' Diċembru 1989 dwar il-kontroll tal-konċentrazzjonijiet bejn l-impriżi [2], li huwa essenzalment ibbażat fuq l-Artikolu 235;

Billi, ikkunsidrata ż-żieda li tidher ħafna fid-dimensjoni internazzjonali għall-problemi ta' kompetizzjoni, il-kooperazzjoni internazzjonali f'dan il-qasam għandha tiġi msaħħa;

Billi, għal dan il-għan, il-Kummissjoni nnegozjat Ftehim mal-Gvern ta' l-Istati Uniti tal-Amerika fuq l-applikazzjoni tar-regoli dwar il-kompetizzjoni tal-Komunitajiet Ewropej u ta' l-Istati Uniti tal-Amerika;

Billi l-Ftehim, inkluż l-iskambju ta' ittri li jinterpretaw, għandhom jiġu approvati,

IDDEĊIDEW KIF ĠEJ:

Artikolu 1

Il-Ftehim bejn il-Komunitajiet Ewropej u l-Gvern ta' l-Istati Uniti ta' l-Amerika dwar l-applikazzjoni tal-liġijiet tagħhom dwar il-kompetizzjoni, inkluż l-iskambju ta' ittri li jinterpretaw, huma b'dan approvat f'isem il-Komunità Ewropea u l-Komunità Ewropea tal-Faħam u l-Azzar.

It-testi tal-Ftehim u l-iskambju ta' ittri li jinterpetaw, mfassla fil-lingwa Ngliża huma mehmuża ma' din id-Deċiżjoni.

Artikolu 2

Il-Ftehim għandu japplika mit-23 ta' Settembru 1991.

Artikolu 3

Il-President tal-Kunsill huwa b'dan awtorizzat biex jaħtar il-persuna(persuni) mogħtija is-setgħa biex jinnotifikaw il-Gvern ta' l-Istati Uniti tal-Amerika bl-approvazzjoni tal-Ftehim, f'isem il-Komunità Ewropea, u biex jiffirma l-iskambju ta' l-ittri li jinterpretaw.

Il-Kummissjoni għandha tinnomina l-persuna(persuni) mogħtija s-setgħa li jinnotifikaw il-Gvern ta' l-Istati Uniti tal-Amerika bl-approvazzjoni tal-Ftehim, f'isem il-Komunità Ewropea tal-Faħam u l-Azzar, u biex jiffirma l-iskambju ta' ittri li jinterpretaw.

Magħmul fil-Lussemburgu, fl-10 ta' April 1995.

F'isem il-Kunsill

Il-President

J. Puech

Għall-Kummissjoni

J. Santer

Il-President

[1] L-Opinjoni mogħtija fl-20 ta' Jannar 1995 (ĠU C 43, ta' l-20.2.1995) u s-17 ta' Marzu 1995 (ĠU C 89, ta' l-10.4.1995).

[2] ĠU L 395, tat-30.12.1989, p. 1 (verżjoni kkoreġuta:ĠU L 257, tal-21.9.1990, p. 13).

--------------------------------------------------