31994R2926

Ir-Regolament tal-Kummissjoni (KEE) Nru 2926/94

tat-30 ta’ Novembru 1994

li jemenda r-Regolament (KEE) Nru 2177/92 li jistabbilixxi r-regoli dettaljati sabiex jiġu applikati l-arranġementi speċifiċi tal-provvista għall-Ażores, il-Madeira u l-Gżejjer Kanarji rigward iz-zokkor u r-Regolament (KEE) Nru 1713/93 rigward ir-rati tal-kambju agrikolu fis-settur taz-zokkor

IL-KUMMISSJONI TAL-KOMUNITAJIET EWROPEJ,

Wara li kunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 1601/92 tal-15 ta’Ġunju 1992 li jikkonċerna miżuri speċifiċi għall-Gżejjer Kanarji rigward ċerti prodotti agrikoli [1], kif l-aħħar emendat bir-Regolament (KEE) Nru 1974/93 [2], u partikolarment l-Artikoli 3(4) u 7 (2) tiegħu,

Billi r-regoli dettaljati sabiex jiġu applikati l-arranġamenti speċjali ta’provvista għall-Ażores, il-Madeira u l-Gżejjer Kanarji rigward iz-zokkor huma stabbiliti bir-Regolament tal-Kummissjoni (KEE) Nru 2177/92 [3], kif l-aħħar emendat bir-Regolament (KE) Nru 1443/94 [4];

Billi r-regoli komuni dettaljati l-ġodda sabiex jiġu implimentati l-arranġamenti speċifiċi għall-provvista ta’ċerti prodotti agrikoli lill-Gżejjer Kanarji stabbiliti bir-Regolament tal-Kummissjoni (KEE) Nru 2790/94 [5], kif emendat bir-Regolament (KE) Nru 2883/94 [6], li jidħlu fis-seħħ fl-1 ta’Diċembru 1994, ma jistabbilix iktar li għandha tkun iddepożitata garanzija qabel ma jinħareġ iċ-ċertifikat ta’l-għajnuna u jiddefinixxu okkażjoni oħra ta’operat għar-rata li trid tiġi użata sabiex il-għajnuna għall-provvista tiġi konvertita f’peseta Spanjoli; billi, għalhekk, għandhom isiru l-emendi korrispondenti rigward il-Gżejjer Kanarji lir-Regolament (KEE) Nru 2177/92 u lir-Regolament (KEE) Nru 1713/93 tat-30 ta’Ġunju 1993 li jistabbilixxi regoli dettaljati speċjali sabiex jiġu applikati r-rati agrikoli tal-kambju fis-settur taz-zokkor [7], kif emendat bir-Regolament (KEE) Nru 2627/93 [8], sabiex jibdew iseħħu mill-1 ta’Diċembru 1994;

Billi l-miżuri li hemm provvediment dwarhom f’dan ir-Regolament huma konformi ma’l-opinjoni tal-Kumitat ta’Ġestjoni għaz-Zokkor,

ADOTTAT DAN IR-REGOLAMENT:

Artikolu 1

Il-paragrafu 5 li ġej huwa miżjud ma’l-Artikolu 5 tar-Regolament (KEE) Nru 2177/92:

"5. Il-paragrafi ta’hawn fuq m’għandhomx japplikaw rigward tal-Gżejjer Kanarji."

Artikolu 2

Fil-punt XVI (c) ta’l-Anness tar-Regolament (KEE) Nru 1713/93, il-kelmiet "u l-Gżejjer Kanarji" huma mħassra.

Artikolu 3

Dan ir-Regolament għandu jidħol fis-seħħ fl-1 ta’Diċembru 1994.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, it-30 ta’Novembru 1994.

Għall-Kummissjoni

René Steichen

Membru tal-Kummissjoni

[1] ĠU L 173, tas-27.6.1992, pġ. 13.

[2] ĠU L 180, tat-23.7.1993, pġ. 26.

[3] ĠU L 217, tal-31.7.1992, pġ. 71.

[4] ĠU L 157, ta’l-24.6.1994, pġ. 4.

[5] ĠU L 296, tas-17.11.1994, pġ. 23.

[6] ĠU L 304, tad-29.11.1994, pġ. 18.

[7] ĠU L 159, ta’l-1.7.1993, pġ. 94.

[8] ĠU L 240, tal-25.9.1993 pġ. 19,.

--------------------------------------------------