31994R2019

Ir-Regolament tal-Kummissjoni (KE) Nru 2019/94

tat-2 ta' Awissu 1994

dwar l-importazzjonijiet tar-residwi mill-manifattura tal-lamtu mill-qamħ-ir-rum mill-Istati Uniti ta' l-Amerika

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 1766/92 tat-30 ta' Ġunju 1992 dwar l-organizzazzjoni komuni tas-suq fiċ-ċereali [1], kif l-aħħar emendat bir-Regolament (KE) Nru 1866/94 [2], u partikolarment l-Artikolu 9 (2) tiegħu,

Billi, fil-qafas tal-GATT, il-Komunità Ewropea u l-USA ftiehmu li jiċċaraw id-definizzjoni tat-tariffa dwar ir-residwi mill-manifattura tal-lamtu mill-qamħ-ir-rum; billi l-importazzjonijiet ta' dawn il-prodotti fil-Komunita huma suġġetti għall-analiżi tal-laboratorju sabiex tkun ivverifikata l-konformità tagħhom mad-definizzjoni tat-tariffa; billi is-Servizz Federali ta' l-Ispezzjon tal-Qamħ (FGIS / SFSQ) tad-Dipartiment tal-Agrikoltura ta' l-Istati Uniti ta' l-Amerika u l-industrija tat-tħin bit-tixrib ta' l-USA, taħt reviżjoni regolari mill-awtoritajiet ta' l-USA, għandhom jiċċertifikaw li l-importazzjoni ta' dawn il-prodotti mill-USA lejn il-à huma konformi mad-definizzjoni miftiehma;

Billi fuq il-bażi tal-istabbeliment ta' sistema li takkumpanja ċ-ċertfikati għall-verifikar mal-konformità tal-importazzjoni mill-USA huwa xieraq li l-miżuri tas-soltu tal-verifika għandhom jissoktaw li jkunu applikati għall-importazzjoni mill-USA akkumpanjati b'dawn iċ-ċertifikati u għall-importazzjoni l-oħra kollha ta' residwi mill-manifattura tal-lamtu mill-qamħ-ir-rum;

Billi komunikazzjoni regolari mill-Istati Membri lejn il-Kummissjoni dwar il-kwantitajiet u l-valur tal-prodotti permezz tal-kopertura ta' dawn iċ-ċertifikati hija waħda mil-elementi miftiehma mal-USA sabiex tgħin il-monitoraġġ aktar effettiv tal-implimentazzjoni tal-ftehim ta' hawn fuq;

Billi l-Kumitat ta' Ġestjoni għaċ-Ċereali ma tax l-opinjoni tiegħu fil-limitu taż-żmien stabbilit mill-President tiegħu,

ADOTTAT DAN IR-REGOLAMENT:

Artikolu 1

1. Ir-residwi mill-manifattura tal-lamtu mill-qamħ-ir-rum importat fil-Komunità mill-USA permezz tal-kodiċi tan-NM 23031019 għandhom ikunu soġġett għal verifika tal-konformità tagħhom ma' din il-kodiċi permezz ta' analiżi tal-laboratorju tat-tagħbijiet kollha bil-baħar mhux akkumpanjati minn ċertifikat maħruġ mis-SFSQ u ċertifikat maħruġ mill-industrija tat-tħin bit-tixrib kif iddikjarat fl-Anness ta' hawn.

2. It-tagħbijiet bil-baħar mill-USA li jkunu akkumpanjati b'dawn iż-żewġ ċertifikati u t-tagħbijiet bil-baħar mill-pajjizi terzi l-oħra kollha huma soġġetti għall-miżuri doganali tas-soltu dwar il-verifika ta' l-importazzjoni.

Artikolu 2

L-Istati Membri għandhom jikkomunikaw lejn il-Kummissjoni qabel l-aħħar ta' kull xahar il-kwantitajiet u l-valur tal-prodotti importati permezz tal-kodiċi tan-N 23031019 matul ix-xahar ta' qabel u akkumpanjati biċ-ċertifikat ta' konformità speċifikat fl-Artikolu 1 (1).

Artikolu 3

Dan ir-Regolament għandu jidħol fis-seħħ fit-8 ta' Settembru 1994.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, fi-2 ta' Awissu 1994.

Għall-Kummissjoni

Hans Van Den Broek

Membru tal-Kummissjoni

[1] ĠU L 181, ta'l-1.7.1992, p. 21.

[2] ĠU L 197, tat-30.7.1994, p. 1.

--------------------------------------------------

ANEXOBILAGANHANGΠΑΡΑΡΤΗΜΑANNEXANNEXEALLEGATOBIJLAGEANEXO

+++++ TIFF +++++

+++++ TIFF +++++

+++++ TIFF +++++

+++++ TIFF +++++

--------------------------------------------------