31993D0052

Id-Deċiżjoni tal-Kummissjoni

tal-21 Diċembru 1992,

li tieħu nota tal-konformità ta’ ċerti Stati Membri jew reġjuni mal-kundizzjonijiet li jirrigwardaw il-bruċellosi (B.melitensis) u li tagħtihom l-istatus ta’ Stat Membru jew reġjun uffiċjalment ħieles mill-marda

(93/52/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill 91/68/KEE tat-28 ta’ Jannar 1991 dwar kundizzjonijiet tas-saħħa ta’ l-annimali li jirregolaw in-negozju ġewwa l-Komunità ta’ nagħaġ u mogħoż [1], u b’mod partikulari l-Anness A, il-Kapitlu 1.II tiegħu,

Billi, fl-Ingilterra, l-Irlanda, l-Olanda, il-Belġju, l-Lussemburgu, il-Ġermanja u ċerti reġjuni fi Franza, il-bruċellosi (B.melitensis) kienet marda li għandha tiġi notifikata lill-awtoritajiet għal mill-anqas ħames snin; billi l-ebda każ ma ġie konfermat uffiċjalment hemmhekk għal mill-anqas ħames snin u t-tilqim kien projbit hemmhekk għal mill-anqas tliet snin; billi għalhekk irid jiġi notat uffiċjalment illi jikkonformaw mal-kundizzjonijiet imniżżla fl-Anness A, il-Kapitlu 1.11(1)(b);

Billi, barra minn hekk, l-Istati Membri jew reġjuni msemmija hawn fuq jimpenjaw ruħhom li jissodisfaw il-kundizzjonijiet stipulati fl-Anness A, il-Kapitlu 1.II(2); billi, konsegwentement, l-Istati Membri u reġjuni msemmija għandhom jiġu mogħtija uffiċjalment l-istatus ta’ ħielsa mill-marda tal-bruċellosi (B. melitensis);

Billi l-miżuri stipulati f’din id-Deċiżjoni huma skond l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI

L- Artikolu 1

L-Istati Membri u reġjuni msemmija rispettivament fl-Annessi I u II jissodisfaw il-kundizzjonijiet stipulati fid-Direttiva 91/68/KEE, l-Anness A, il-Kapitlu 1.II(1)(b).

L- Artikolu 2

L-Istati Membri u reġjuni msemmija rispettivament fl-Annessi I u II huma rikonoxxuti bħala li huma uffiċjalment ħielsa mill-marda tal-bruċellosi (B. melitensis).

L- Artikolu 3

Din id-Deċiżjoni hija indirizzata lill-Istati Membri.

Magħmul fi Brussel, fil-21 ta’ Diċembru 1992.

Għall-Kummissjoni

Ray Mac Sharry

Membru tal-Kummissjoni

[1] ĠU L 46, tad-19.2.1991, p. 19.

--------------------------------------------------

L-ANNESS I

STAT MEMBRU

- Ir-Renju Unit,

- Il-Ġermanja,

- L-Irlanda,

- Il-Lussemburgu,

- Il-Belġju,

- L-Olanda

--------------------------------------------------

L-ANNESS II

REĠJUNI

Fi Franza: Ain, Aisne, Allier, Ardennes, Aube, Charente, Charente-Maritime, Cher, Cote-d’Or, Cotes d’Amor, Creuse, Dordogne, Doubs, Eure, Eure-et-Loire, Finistere, Ille-et-Vilaine, Indre, Indre-et-Loire, Jura, Loir-et-Cher, Loire, Loire-Atlantique, Loiret, Lot et Garonne, Maine-et-Loire, Manche, Marne, Mayenne, Nievre, Nord, Oise, Orne, Pas-de-Calais, Rhone, Haute-Saone, Saone-et-Loire, Sarthe, Ville de Paris, Seine Maritime, Seine-et-Marne, Yvelines, Deux-Sevres, Vendee, Vienne, Haute-Vienne, Yonne, Territoire de Belfort, Essonne, Hauts-de-Seine, Seine-Saint- Denis, Val-de-Marne, Val-d’Oise.

--------------------------------------------------