31992R1535

Ir-Regolament tal-Kummissjoni (KEE) Nru 1535/92

tal-15 ta’ Ġunju 1992

li jemenda l-Annessi I u III tar-Regolament tal-Kunsill (KEE) Nru 2092/91 fuq il-produzzjoni organika ta’ prodotti agrikoli u indikazzjonijiet li jirreferu għalihom fuq prodotti agrikoli u oġġetti ta’ l-ikel

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 2092/91 ta’ l-24 ta’ Ġunju 1991 fuq il-produzzjoni organika ta’ prodotti agrikoli u indikazzjonijiet li jirreferu għalihom fuq prodotti agrikoli u oġġetti ta’ l-ikel [1] u b’ mod partikolari l-Artikoli 5(7) u 13 tiegħa,

Billi prodotti intiżi għall-konsum uman, komposti essenzjalment minn wieħed jew aktar ingredjenti li joriġinaw mill-pjanti, jistgħu jikkontjenu, bħala komponenti minuri ingredjenti li joriġinaw mill-annimali għal liema hu neċessarju li jiġu definiti r-regoli tal-produzzjoni li għandhom jiġu segwiti;

Billi s-sistema ta’ spezzjonar provduta f’L-Anness III trid tiġi definita fejn għandhom x’jaqsmu l-kontrolli li jridu jsiru meta prodott jiġi rċevut minn unità ta’ l-ipproċessar jew l-imballaġġ biex jassiguraw ruħhom li l-prodott oriġina minn operatur ieħor suġġett għas-sistema ta’ spezzjonar;

Billi l-miżuri li għalihom hemm dispożizzjoni f’dan ir-Regolament huma skond l-opinjoni tal-Kumitati referut fl-Artikolu 14 tar-Regolament (KEE) Nru. 2092/91,

ADOTTAT DAN IR-REGOLAMENT:

L-Artikolu 1

It-test ta’ l-Anness I tar-Regolament (KEE) Nru. 2092/91 hu kompletat kif ġej:

"Annimali u prodotti ta’ l-annimali

Sakemm tiġi adottata l-proposta rreferuta fl-Artikolu 1(2), u għall-iskop ta’ preparazzjoni ta’ ingredjenti referuti fl-Artikolu 5(3)(a), l-annimali għandhom jitkabbru skond ir-regoli nazzjonali eżistenti, jew fin-nuqqas ta’ dan, skond prattiki magħrufin internazzjonalment li jikkonċernaw it-tkabbir ta’ bhejjem b’mod organiku."

L-Artikolu 2

It-test ta’ l-Anness III tar-Regolament (KEE) Nru. 2092/91 hu emendat kif ġej:

1. it-test ta’ punt A, 4 hu kompletat bl-inċiż segwenti:"Fejn l-unità nnifisha tipproċessa l-prodott agrikolu tagħha, il-kontijiet iridu jikkontjenu l-informazzjoni kif referuta f’ punt B, 2, tielet sing ta’ dan l-Anness,";

2. it-test ta’ punt B, 6 hu kompletat bis-segwenti:"Meta jirċevi prodott kif referut fl-Artikolu 1, l-operatur għandu jiċċekkja l-għeluq ta’ l-imballaġġjar jew il-kontenitur u l-preżenza ta’ indikazzjonijiet referuti f punt A, 8 ta’ dan l-Anness. Ir-riżultat ta’ din il-verifika għandu jkun espliċitament imniżżel fil-kontijiet referuti f punt B, 2. Fejn il-kontroll iħalli kwalunkwe dubju li l-prodott konċernat ġie minn operatur suġġett għas-sistema ta’ spezzjonar provdut fl-Artikolu 9, jista biss jitpoġġa fl-ipproċessar jew l-imballeġġjar wara l-eliminazzjoni ta’ dak id-dubju."

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, fil-15 ta’ Ġunju 1992,

Għall-Kummissjoni

Ray Mac Sharry

Membru tal-Kummissjoni

[1] ĠU L 198, tat-22.7.1991, p. 1.

--------------------------------------------------