EUR-Lex Access to European Union law
This document is an excerpt from the EUR-Lex website
Document 31992L0115
Council Directive 92/115/EEC of 17 December 1992 amending for the first time Directive 88/344/EEC on the approximation of the laws of the Member States on extraction solvents used in the production of foodstuffs and food ingredients
Id-Direttiva tal-Kunsill 92/115/KEE tas-17 ta’ Diċembru 1992 li temenda għall-ewwel darba d-Direttiva 88/344/KEE dwar l-approssimazzjoni tal-liġijiet ta’ l-Istati Membri rigward is-solventi ta’ l-estrazzjoni użati fil-produzzjoni ta’ l-oġġetti ta’ l-ikel u ta’ l-ingredjenti ta’ l-ikel
Id-Direttiva tal-Kunsill 92/115/KEE tas-17 ta’ Diċembru 1992 li temenda għall-ewwel darba d-Direttiva 88/344/KEE dwar l-approssimazzjoni tal-liġijiet ta’ l-Istati Membri rigward is-solventi ta’ l-estrazzjoni użati fil-produzzjoni ta’ l-oġġetti ta’ l-ikel u ta’ l-ingredjenti ta’ l-ikel
ĠU L 409, 31.12.1992, p. 31–32
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 25/06/2006
Official Journal L 409 , 31/12/1992 P. 0031 - 0032
ID-DIRETTIVA TAL-KUNSILL 92/115/KEE tas-17 ta' Diċembru 1992 li temenda għall-ewwel darba d-Direttiva 88/344/KEE dwar l-approssimazzjoni tal-liġijiet ta' l-Istati Membri rigward is-solventi ta' l-estrazzjoni użati fil-produzzjoni ta' l-oġġetti ta' l-ikel u ta' l-ingredjenti tal-ikel IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari l-Artikolu 100a tiegħu, Wara li kkunsidra l-proposta mill-Kummissjoni (1), F'kooperazzjoni mal-Parlament Ewropew (2), Wara li kkunsidra l-opinjoni tal-Kumitat Ekonomiku u Soċjali (3), Billi l-Artikolu 2(5) tad-Direttiva 88/344/KEE (4) jipprovdi illi fi żmien sentejn mill-adozzjoni ta' dik id-Direttiva l-Kummissjoni għandha, wara li tikkonsulta lill-Kumitat Xjentifiku ta' l-Ikel, teżamina mill-ġdid id-dispożizzjonijiet li għandhom x'jaqsmu mas-solventi fl-Anness u mal-Methyl-propan-2-ol u tipproponi l-emendi meħtieġa; Billi bħala parti minn din l-emenda l-Kunsill għandu jiddeċiedi jekk ir-residwi tas-solventi ta' l-estrazzjoni fil-Parti III ta' l-Anness għandhomx jirreferu għat-taħwir milli għall-oġġetti ta' l-ikel; Billi, tliet snin wara l-adozzjoni tad-Direttiva 88/344/KEE, il-Kummissjoni għandha tissottometti kull proposta addatta lill-Kunsill għal uħud mis-solventi fl-Artikolu 2(6), s'issa rregolati biss bil-leġiżlazzjonijiet nazzjonali; Billi l-Kumitat Xjentifiku ta' l-Ikel ikkunsidra mill-ġdid is-solventi kollha ta' l-estrazzjoni msemmija f'dik id-Direttiva fl-1990 u fl-1991 bil-għan li jibdel id-doża temporanja aċċettabbli ta' kuljum (ADIs) stabbilita fl-1981 bi stimi permanenti; billi dan mhux dejjem kien possibbli, għaliex it-tagħrif addatt, għalkemm mitlub, ma ġiex ipprovvdut; billi fuq il-bażi tat-tagħrif irċevut, il-Kumitat Xjentifiku ta' l-Ikel iddeċieda li jikkonferma l-aċċettazzjoni tiegħu jew li jżomm l-istatus temporanju tiegħu jew li jirtira l-approvazzjoni temporanja ta' qabel tiegħu, skond is-sustanza ikkonċernata, ADOTTA DIN ID-DIRETTIVA: L-Artikolu 1 Id-Direttiva 88/344/KEE hija hawnhekk emendata kif ġej: 1. fl-Artikolu 1: (a) is-subparagrafu li ġej għandu jiġi miżjud mal-paragrafu 1: "Din id-Direttiva għandha tapplika mingħajr preġudizzju għad-dispożizzjonijiet adottati skond regoli aktar speċifiċi Komunitarji."; (b) Il-paragrafu 2 għandu jiġi mħassar; 2. fl-Artikolu 2, il-paragrafi 5 u 6 għandhom jiġu mħassra; 3. l-Anness għandu jiġi emendat kif ġej: (a) FIL-PARTI I: - in-nota 2 li ġejja li tinsab fil-qiegħ tal-paġna għandha tiġi miżjuda ma' l-Aċetone: "(2) L-użu ta' l-Aċetone fir-raffinament taż-żejt taż-żebbuġa-pomaċja huwa pprojbit."; (b) FIL-PARTI II: - is-solventi methanol u l-Propan-2-ol għandhom jiġi miżjuda għall-użi kollha ma' kontenut massimu tar-residwi ta' 10mg/kg, - in-nota 1 li tinsab fil-qiegħ tal-paġna għandha tiġi kkompletata bis-sentenza li ġejja: "L-użu kkombinat ta' l-Ekżane u ta' l-Etilmetilketone huwa pprojbit.", - in-nota 2 fil-qiegħ tal-paġna għandha tiġi mħassra. Fit-tielet kolonna, il-presenza ta' 10mg/kg rigward id-Diklorometan fil-kafè inkaljat, għandha tiġi mibdula bil-presenza ta' "2 mg/kg", - in- nota 2 li ġejja li tinsab fil-qiegħ tal-paġna għandha tiġi miżjuda ma' l-Etilmetilketon: "(2) Il-preżenza ta' l-n-Ekżane f'dan is-solvent m'għandhiex taqbeż il-50 mg/kg. Dan is-solvent m'għandux jintuża f'kombinazzjoni ma' l-Ekżane."; (ċ) FIL-PARTI III: - Iċ-Ċikloekżane, l-Isobutan, u n-nota fil-qiegħ tal-paġna għandhom jiġu mħassra, - il-presenza ta' 0.1mg/kg rigward id-Diklorometan għandha tiġi mibdula bil-preżenza ta' 0,02 mg/kg, - il-Propan-1-ol għandu jiġi miżjud, b'limitu massimu ta' residwi ta' 1 mg/kg, - għandha tiġi miżjuda nota fil-qiegħ tal-paġna ma' l-Ekżane u l-Etilmetilketon fil-paġna li tiġi wara: "(1) L-użu kkombinat ta' dawn iż-żewġ solventi huwa pprojbit." L-Artikolu 2 1. L-Istati Membri għandhom jemendaw il-liġijiet, ir-regolamenti u d-dispożizzjonijiet amministrattivi tagħhom hekk illi: - jippermettu l-kummerċ fil-prodotti li jikkonformaw ma' din id-Direttiva sa mhux aktar tard mill-1 ta' Lulju 1993, - jipprojbixxu l-kummerċ fil-prodotti li ma jikkonformawx ma' din id-Direttiva b'effett mill-1 ta' Jannar 1994 Għandhom jgħarrfu minnufih lill-Kummissjoni b'dan. 2. Meta l-Istati Membri jadottaw il-miżuri riferiti fil-paragrafu 1, għandu jkun fihom referenza għal din id-Direttiva jew għandhom ikunu akkumpanjati b'din ir-referenza fl-okkażjoni tal-pubblikazzjoni uffiċjali tagħhom. Il-metodi dwar kif issir din ir-referenza għandhom jiġu stabbiliti mill-Istati Membri. L-Artikolu 3 Din id-Direttiva hija indirizzata lill-Istati Membri. Magħmula fi Brussel, fis-17 ta' Diċembru 1992. Għall-Kunsill Il-President R. NEEDHAM 1 ĠU C 11, tas-17.1.1992, p. 5. 2 ĠU C 94, tat-13.4.1992, p. 158 u ĠU C 337, tal-21.12.1992. 3 ĠU C 223, tal-31.8.1992, p. 23. 4 ĠU L 157, ta' l-24.6.1988, p. 28.