31991R3682

Ir-Regolament Tal-Kummissjoni (KEE) Nru 3682/91

tas-17 ta’ Diċembru 1991

li jemenda r-Regolament (KEE) Nru 2568/91 dwar il-karatteristiċi ta’ żejt taż-żebbuġa u ż-żejt tar-residwu taż-żebbuġ dwar il-metodi rilevanti ta’ analiżi

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament tal-Kunsill Nru 136/66/KEE tat-22 ta’ Settembru 1966 dwar it-twaqqif ta’ l-organizzazzjonijiet komuni tas-suq taż-żjut u x-xaħmijiet [1], kif emendat bir-Regolament (KEE) Nru 1720/91 [2], u b’mod partikolari Artikolu 35a tiegħu,

Billi r-Regolament tal-Kummissjoni (KEE) Nru 2568/91 [3] iddefinixxa l-karatteritiċi taż-żejt taż-żebbuġa u ż-żejt tar-residwu taż-żebbug u l-metodi rilevanti ta’ l-analiżi;

Billi perjodu ta’ żmien speċifiku kien meħtieg biex jigi implimentat il-metodu għall-valutar tal-karatteristiċi organolettiċi taż-żejt verġni, u b’mod partikolari biex jitwaqqfu panels ta’ nies li jduqu; billi dan il-perjodu irriżulta fil-prattika li mhux biżżejjed biex jassigura l-applikazzjoni uniformi ta’ dak il-metodu fl-Istati Membri kollha; billi għaldaqstant il-perjodu għandu jkun estiż sabiex jagħmel possibbli verifika finali tal-metodi li jivvalutaw id-diversi panels ta’ nies li jduqu;

Billi l-miżuri mogħtija f’dan ir-Regolament huma b’mod konformi ma’ l-opinjoni tal-Kumitat ta’ Ġestjoni taż-Żjut u x-Xaħmijiet,

ADOTTAT DAN IR-REGOLAMENT:

Artikolu 1

Fl-Artikolu 10(1) tar-Regolament (KEE) Nru 2568/91, "1-1 ta’ Jannar 1992" jigi mibdul bl-"1 ta’ Novembru 1992".

Artikolu 2

Dan ir-Regolament għandu jidħol fis-seħħ fit-tielet jum wara l-publikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u jkun applikabbli direttament fl-Istati Membri kollha.

Magħmul fi Brussel, fis-17 ta’ Diċembru 1991.

Għall-Kummissjoni

Ray Mac Sharry

Membru tal-Kummissjoni

[1] ĠU C 172, tat-30.9.1966, p. 3025/66.

[2] ĠU L 162, tas-26.6.1991, p. 27.

[3] ĠU L 248, tal-5.9.1991, p. 1.

--------------------------------------------------