31991R3254

Ir-Regolament tal-Kunsill (KEE) Nru 3254/91

tau l-4 ta’ Novembru 1991

li jipprojbixxi l-użu fil-Komunità ta’ nasses li jaqbdu s-saqajn u l-introduzzjoni fil-Komunità ta’ ġlud u merkanzija maħduma ta’ ċerti speċi ta’ annimali slavaġ li joriġinaw minn pajjiżi fejn dawn jinqabdu permezz ta’ nasses li jaqbdu s-saqajn jew metodi ta’ nsib li ma jkunux konformi man-normi internazzjonali ta’ nsib b’mod uman

IL-KUNSILL TAL-KOMUNITAJIET EWROPEJ,

Wara li kunsidra it-Trattat li jistabbilixxi l-Komunità Ekonomika Ewropea, u partikolarment l-Artikolu 113 u l-Artikolu 130s tiegħu,

Wara li kunsidra il-proposta mill-Kummissjoni [1],

Wara li kunsidra l-opinjoni tal-Parlament Ewropew [2],

Wara li kunsidra l-opinjoni tal-Kumitat Ekonomiku u Soċjali [3],

Billi l-Konvenzjoni ta’ Berna tad-19 ta’ Settembru 1979 dwar il-Konservazzjoni tal-Ħajja Ferali u l-Habitats Naturali fl-Ewropa, konklużi mill-Komunità Ekonomika Ewropea bid-Deċiżjoni 82/72/KEE [4], tipprojbixxi għal ċerti speċi, l-użu kollu ta’ meżżi mingħajr diskriminazjoni tal-qbid u qtil inklużi nasses, jekk ta’ l-aħħar ikunu applikati għal qbid u qtil fuq skala kbira jew m`hix selettiva,

Billi l-abolizzjoni ta’ nasses li jaqbdu s-saqajn ikollu effett pożittiv fuq l-istatus ta’ konservazzjoni ta’ speċi ta’ annimali slavaġ mhedda jew fil-periklu kemm fi ħdan u anki barra mill-Komunità, inklużi speċje protetti bir-Regolament (KEE) Nru 3626/82 [5]; billi riċerka fl-iżvilupp ta’ metodi ta’ nsib b’mod uman diġa teżisti u billi l-Komunità għandha wkoll tieħu akkont tax-xogħol li qiegħed jiġi mwettaq mill-Organiżazzjoni Internazzjonali tan-Normi (ISO);

Billi, sabiex l-ispeċje ta’ annimali slavaġ jkunu protetti kif xieraq u biex ikun evitat it-tgħawwiġ tal-kompetizzjoni, huwa meħtieġ li jkun assigurat li miżuri ta’ kummerċ estern li għandhom x’jaqsmu magħhom ikunu applikati b’mod uiniformi fil-Komunità;

Billi, għalhekk, l-użu fil-Komunità ta’ nasses li jaqbdu s-saqajn għandu jkun projbit u miżuri għandhom jittieħdu ħalli tiffaċilita li l-importazzjoni ta’ ġlud ta’ ċerti speċji jkun ipprojbit meta dawn joriġinaw minn pajjiż fejn in-nassa tas-saqajn tkun għadha tintuża jew fejn il-metodi ta’ l-insib ma jilħqux in-normi ta’ nsib b’mod uman bażat fuq ftehim internazzjonali,

ADOTTA DAN IR-REGOLAMENT:

Artikolu 1

Għall-iskopijiet ta’ dan ir-Regolament: "nassa li taqbad is-saqajn": tfisser meżż iddisinjat li jżomm jew jaqbad lill-annimali permezz ta’ xedaq li jagħlaq b’qawwa fuq waħda jew aktar mis-saqajn tal-annimal, b’hekk ma jħallix li s-sieq jew is-saqajn jinħarġu min-nassa.

Artikolu 2

L-użu ta’ nasses tas-saqajn fil-Komunità għandhom ikunu projbiti l-aktar tard sal-1 ta’ Jannar 1995.

Artikolu 3

1. L-introduzzjoni fil-Komunità ta’ ġlud ta’ l-ispeċji tal-annimali elenkati fl-Anness I u l-oġġetti elenkati fl-Anness II, sakemm dawn jinkorporaw ġlud ta’ l-ispeċji elenkati fl-Anness I, għandhom ikunu projbiti mill-1 ta’ Jannar 1995, sakemm il-Kummissjoni, bi qbil mall-proċedura rikjesta fl-Artikolu 5, tkun iddeterminat li, fil-pajjiż minfejn il-ġlud joriġinaw:

- ikun hemm dispożizzjonijiet amministrattivi jew leġislattivi adekwati eżistenti biex jipprojbixxu l-użu ta’ nasses tas-saqajn;

jew

- il-metodi ta’ nsib użati għall-ispeċi elenkati fl-Anness I jilħqu in-normi tal-insib b’mod uman bażati fuq ftehim internazzjonali

Il-Kummissjoni għandha tippublika fil-Ġurnal Uffiċjali tal-Komunitajiet Ewropej lista tal-pajjiżi li jkunu konformi mill-anqas ma’ waħda mill-kundizzjonijiet esiġiti fl-ewwel paragrafu.

2. Il-projbizzjoni li hemm riferenza dwarha fil-paragrafu 1 għandha tkun sospiża għal sena, li tiskadi fil-31 ta’ Diċembru 1995, jekk il-Kummissjoni, bi qbil mall-proċedura esiġita fl-Artikolu 5, tkun ġiet esiġita qabel l-1 ta’ Lulju 1994, bħala riżultat tar-reviżjoni meħudha b’kooperazjoni ma’ l-awtoritajiet kompetenti tal-pajjiżi konċernati, li progress suffiċjenti jkun qiegħed iseħħ fl-iżvilupp tal-metodi ta’ nsib b’mod uman fit-territorju tagħhom.

Artikolu 4

Pajjiżi li jesportaw jew jesportaw mill-ġdid lejn il-Komunità wara l-1 ta’ Jannar 1995 l-oġġetti elenkati fl-Anness II, sakemm dawn jinkorporaw ġlud tal-ispeċji elenkati fl-Anness I, għandhom jiċċertifikaw li dawk il-ġlud joriġinaw f’pajjiż li jidher fil-lista li hemm ieferenza dwarha fit-tieni paragrafu ta’ l-Artikolu 3(1) jew li jibbenefikaw mis-sospenzjoni bi qbil ma’ l-Artikolu 3(2).

Il-Kummissjoni, bi qbil mal-proċedura esiġita fl-Artikolu 5, għandha tiddetermina l-formoli xierqa għal din iċ-ċertifikazzjoni.

Artikolu 5

Għall-iskopijiet ta’ l-Artikolu 3, il-Kummissjoni għandha tkun megħjuna mill-kumitat stabbilit bl-Artikolu 19 tar-Regolament (KEE) Nru 3626/82.

Ir-rapprezentant tal-Kummissjoni għandu jissottometti lill-Kumitat abbozz tal-miżuri li għandhom jittiehdu. Il-kumitat għandu jagħti l-opinjoni tiegħu dwar l-abbozz fiż-żmien limitat li l-President jista jimponi skond l-urġenza tal-każ. L-opinjoni għandha tkun mogħtija mill-maġġoranza kif stipulata fl-Artikolu 148(2) tat-Trattat fil-każ ta’ deċiżjonijiet li l-Kunsill ikun meħtieġ li jaddotta dwar il-proposta mill-Kummissjoni. Il-voti tar-rappreżentanti ta’ l-Istati Membri fi ħdan il-Kumitat għandhom ikunu mwieżna skond kif stipulat f’dak l-Artikolu. Il-President m’għandux jivvota.

Il-Kummissjoni għandha taddotta l-miżuri maħsuba jekk dawn ikunu skond l-opinjoni tal-kumitat.

Jekk il-miżuri maħsuba ma jkunux skond l-opinjoni tal-kumitat, jew jekk l-ebda opinjoni ma tingħata, l-Kummissjoni għandha, bla ebda dewmien, tissottometti lill-Kunsill proposta marbuta mal-miżuri li għandhom jittieħdu. Il-Kunsill għandu jaġixxi b’maġġoranza kwalifikata.

Jekk, meta jiskadi l-perjodu ta’ tlett xhur mid-data li fiha s-suġġett ikun ġie riferut lejn il-Kunsill, il-Kumitat ikun għandu ma aġġixxix, il-miżuri proposti għandhom ikunu adottati mill-Kummissjoni.

Artikolu 6

Dan ir-Regolament għandu jidħol fis-seħħ fil-jum tal-pubblikazjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, fl-4 ta’ Novembru 1991.

Għall-Kunsill

Il-President

H. Van Den Broek

[1] ĠU C 134, tal-31.5.1989, p. 5 uĠU C 97, tat-13.4.1991, p. 10.

[2] ĠU C 260, tal-15.10.1990, p. 24.

[3] ĠU C 168, ta’ l-10.7.1990, p. 32.

[4] ĠU L 38, ta’ l-10.2.1982, p. 1.

[5] ĠU L 384, tal-31.12.1982, p. 1.

--------------------------------------------------

L-ANNESS I

Lista ta' speċji li hemm referenza għalihom fl-Artikolu 3(1)

Beaver (kastur): | Castor canadensis |

Otter: | Lutra canadensis |

Coyote: | Canis latrans |

Wolf: | Canis lupus |

Lynx: | Lynx canadensis |

Bobcat: | Felis rufus |

Sable: | Martes zibellina |

Raccoon: | Procyon lotor |

Musk rat: | Ondatra zibethicus |

Fisher: | Martes pennanti |

Badger: | Taxidea taxus |

Marten: | Martes americana |

Ermine: | Mustela erminea |

--------------------------------------------------

L-ANNESS II

Oġġetti oħra li hemm riferenza dwarhom fl-Artikolu 3(1)

Kodiċi CN | Deskrizzjoni |

ex4103 | Apparti minn ġlud mhux ikkunzati (friski, jew immelħa, bil-ġir, bil-ħall jew b'mod ieħor ippriservati, imma mhux ikkunzati, miksija bil-parċmina jew ippreparati aktar), sew jekk imqaxxra jew le, jew maqsuma, apparti minn dawk esklużi b'nota 1 (b) jew 1 (c) għal kapitolu 41 |

ex41039000 | Oħrajn |

ex4301 | Ġlud tas-suf mhux ikkunzati (inklużi rjus, dnieb, riġlejn u bċejjeċ oħra jew qtugħ, tajbin għall-użu tal-ħaddiem tal-ġlid), apparti minn ġlud mhux ikkunzati ta' Kodiċi 4101, 4102, jew 4103 |

ex43014000 | tal-beaver, sħaħ, bill- jew mingħajr ir-ras, id-denb jew riġlejn |

ex430180 | Ġlud bis-suf oħrajn, sħaħ, bill- jew mingħajr ras, denb jew riġlejn |

ex43018050 | Ta' Fellini Ferjali |

ex43018090 | Oħrajn |

ex43019000 | Irjus, dnieb, riġlejn u bċejjeċ oħra jew qtugħ, tajbin għall-użu tal-ħaddiema tal-ġlud |

ex4302 | Ġlud bis-suf ikkunzati jew miksija (inklużi rjus, dnieb, riġlejn u bċejjeċ oħra jew qtugh), mhux meħjuta jew meħjuta (mingħajr iż-żieda ta' materjali oħra), apparti minn dawk ta' kodiċi 4303: ġlus sħaħ, bir-ras jew mingħajra, bid-dnieb jew saqajn jew mingħajrhom, mhux meħjuta |

ex430219 | Oħrajn |

ex43021910 | Tal-beaver |

ex43021970 | Ta' felines ferjali |

ex43021990 | Oħrajn |

ex43022000 | Irjus, dnieb, riġlejn u bċejjeċ oħra jew qtugħ, mhux meħjuta |

ex430230 | Ġlud sħaħ jew bċejjeċ jew qtugħ minnhom, meħjuta |

ex43023010 | Ġild bis-suf imwaqqa Oħrajn |

ex43023035 | Tal-beaver |

ex43023071 | Ta’ felini slavaġ |

ex43023075 | Oħrajn |

ex4303 | Oġġetti ta’ l-ilbies, aċċessorji tal-ħwejjeġ u oġġetti oħra, ta' ġlud bis-suf |

ex430310 | Oġġetti ta’ l-ilbies u aċċessorji tal-ħwejjeġ |

ex43031090 | Oħrajn |

ex43039000 | Oħrajn |

--------------------------------------------------