31991R1605

Ir-regolament tal-kunsill (KEE) Nru 1605/91

ta’ l-10 ta’ Ġunju 1991

li jemenda r-Regolament (KEE) Nru 1784/77 li jikkonċerna ċertifikazzjoni tal-hops

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea,

Wara li kkunsidra r-Regolament tal-Kunsill (EEC) Nru 1696/71 tas-26 ta’ Lulju 1971 dwar l-organizazzjoni komuni tas-suq fil-hops [1], kif emendat l-aħħar mir-Regolament (KEE) Nru 3577/90 [2], u b’mod partikolari Artikolu 2(4) tiegħu,

Wara li kkunsidra l-proposta mill-Kummissjoni,

Billi r-Regolament (KEE) Nru 1784/77 [3] kif l-aħħar emendat bir-Regolament (KEE) Nru 2039/85 [4], jipprovdi għall-ċirkustanzi li taħthom hops jistgħu jkunu proċessati fi prodotti ta’ hops;

Billi fil-prattika, minħabba żviluppi tekniċi, mhux konijiet ta’ hops biss huma wżati għall-immanifatturar ta’ prodotti preparati minn hops, iżda wkoll prodotti minn hops; sabiex jittieħed kont tal-iżvilupp tekniku u prattiku ta’ immaniġjar, ir-riferenzi magħmula għall-ipproċessar ta’ hops fir-Regolament (KEE) Nru 1784/77 għandhom ikunu emendati sabiex prodotti mill-hops jkunu jistgħu jintużaw għal proċessar ulterjuri,

ADOTTA DAN IR-REGOLAMENT:

Artikolu 1

Ir-Regolament (KEE) Nru. 1784/77 qed jiġi emendat kif ġej:

1. F’Artikolu 7, l-espressjoni "hops ċertifikati fil-Komunità" ser tiġi mibdula bit-terminu "hops ċertifikati fil-Komunità, prodotti tal-hops ċertifikati li huma preparati minnhom".

2. Artikolu 8(3) ser jiġi mibdul b’dan li ġej:

"3. Madankollu, hops ċertifikati ta’ oriġini Komunitarja u prodotti minn hops ċertifikati li huma preparati minnhom li huma mill-istess ħsad iżda ta’ varjetajiet differenti u minn żoni ta’ produzzjoni differenti jistgħu jitħalltu fil-manifattura ta’ trab u estratti sakemm iċ-ċertifikat li jkun magħhom jiddikjara:

(a) il-varjetajiet użati, iż-żona ta’ produzzjoni u s-sena ta’ ħsad;

(b) il-perċentwal ta’ piż ta’ kull varjetà użata fit-taħlita; jekk prodotti minn hops intużaw fit-taħlita b’konnijiet ta’ hops għal manifaturar ta’ prodotti minn hops, jew jekk prodotti minn hops differenti ġew użati, il-piż ta’ perċentwali ta’ kull varjetà ibbażat fuq il-kwantità ta’ konijiet ta’ hops kien użat għall-preparazzjoni tal-prodotti;

(ċ) in-numri ta’ riferenza taċ-ċertifikati li nħarġu għal hops u l-prodotti minn hops użati."

Artikolu 2

Dan ir-Regolament jidħol fis-seħħ fis-seba’ jum wara l-pubblikazzjoni tiegħu fil-Ġurnal Uffiċjali tal- Komunitajiet Ewropej.

Dan ir-Regolament ser ikun jorbot fl-intier tiegħu u jkun direttament applikabbli fl-Istati Membri kollha.

Magħmul fi Brussel, fl-10 ta’ Ġunju 1991.

Għall-Kunsill

Il-President

J.-C. Juncker

[1] ĠU L 175, ta’ l-4.8.1971, p. 1.

[2] ĠU L 353, tas-17.12.1990, p. 23.

[3] ĠU L 200, tat-8.8.1977, p. 1.

[4] ĠU L 193, tal-25.7.1985, p. 1.

--------------------------------------------------