31991D0261

DEĊIŻJONI TAL-KUMMISSJONI

tat-2 ta' Mejju 1991

li tirrikonoxxi l-Awstralja bħala ħielsa mill-Erwinia amylovora (Burr.) Winsl. Et al (91/261/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jwaqqaf il-Komunità Ekonomika Ewropea,

Wara li kkunsidrat id-Direttiva tal-Kunsill 77/93/KEE tal-21 ta'Diċembru 1976 dwar il-miżuri protettivi kontra l-introduzzjoni fl-Istati Membri ta' organiżmi perikolużi għall-pjanti u l-prodotti tal-pjanti (1), kif l-aħħar emendata mid-Direttiva tal-Kummissjoni 91/27/KEE (2), u b'mod partikolari l-Anness III, parti B (10) tagħha,

Peress illi taħt id- dispożizzjonijiet tad-Direttiva 77/93/KEE mis-16 ta'April sal-31 ta'Ottubru, fil-każ ta' oriġini mill-emisferu tat-Tramuntana, u mill-1 ta'Novembru sal-15 ta' April, fil-każ ta' oriġini mill-emisferu tan-Nofsinhar, il-pjanti ta' ċerti ġeneri, minbarra l-frott u ż-żrieragħ, li joriġinaw minn pajjiżi jew reġjuni li ma jkunux dawk rikonoxxuti bħala li huma ħielsa mill-Erwinia amylovora (Burr.) Winsl. et al, ma jistgħux jiġu introdotti f'ċerti Stati Membri;

Peress illi deher minn informazzjoni uffiċjali pprovduta mill-Awstralja li l-organiżmu perikoluż fuq imsemmi ma jeżistix f'dak il-pajjiż, u li għal żmien twil din żammet projbizzjoni stretta fuq l-importazzjoni ta' pjanti u prodotti tal-pjanti li jistgħu jdaħħlu dan l-organiżmu perikoluż;

Peress illi jistà għalhekk jiġi stabbilit li mhemmx riskju li l-imsemmi organiżmu perikoluż in kwistjoni jista' jinfirex;

Peress illi din id-Deċiżjoni hija mingħajr preġudizzju għal xi skoperti sussegwenti li jistgħu jindikaw li l-imsemmi organiżmu perikoluż jinsab f'dak il-pajjiż;

Peress illi l-Kummissjoni ser tassigura li fuq bażi annwali l-Awstralja toffri l-informazzjoni kollha teknika li hija meħtieġa biex wieħed iqis is-sitwazzjoni hawn fuq imsemmija;

Peress illi l-miżuri pprovduti f'din id-Deċiżjoni huma skond l-opinjoni tal-Kumitat Permanenti dwar is-Saħħa tal-Pjanti,

ADOTTAT DIN ID-DEĊIŻJONI:

Artikolu 1

Qiegħed jiġi hawnhekk dikjarat li l-Awstralja hija meqjusa bħala ħielsa mill-Erwinia amylovora (Burr.) Winsl. et al

Artikolu 2

Din id-Deċiżjoni hija indirizzata lill-Istati Membri.

Magħmula fi Brussel, fit-2 ta' Mejju 1991.

Għall-Kummissjoni

Ray MAC SHARRY

Membru tal-Kummissjoni

(1) ĠU L 26, tal-31.1.1977, p. 20.

(2) ĠU L 16, tat-22.1.1991, p. 29.