This document is an excerpt from the EUR-Lex website
Document 31990R3314
Commission Regulation (EEC) No 3314/90 of 16 November 1990 adapting to technical progress Council Regulation (EEC) No 3821/85 on recording equipment in road transport
Ir-Regolament tal-Kummissjoni (KEE) Nru 3314/90 tas-16 ta' Novembru 1990 li jadatta għall-progress tekniku r-Regolament tal-Kunsill (KEE) Nru 3821/85 dwar apparat ta' reġistrazzjoni għat-trasport bit-triq
Ir-Regolament tal-Kummissjoni (KEE) Nru 3314/90 tas-16 ta' Novembru 1990 li jadatta għall-progress tekniku r-Regolament tal-Kunsill (KEE) Nru 3821/85 dwar apparat ta' reġistrazzjoni għat-trasport bit-triq
ĠU L 318, 17.11.1990, p. 20–21
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 28/02/2014; Imħassar b' 32014R0165
Official Journal L 318 , 17/11/1990 P. 0020 - 0021
Finnish special edition: Chapter 7 Volume 3 P. 0221
Swedish special edition: Chapter 7 Volume 3 P. 0221
Ir-Regolament tal-Kummissjoni (KEE) Nru 3314/90 tas-16 ta' Novembru 1990 li jadatta għall-progress tekniku r-Regolament tal-Kunsill (KEE) Nru 3821/85 dwar apparat ta' reġistrazzjoni għat-trasport bit-triq IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ekonomika Ewropea, Wara li kkunsidrat ir-Regolament tal-Kunsill (KEE) Nru 3821/85 ta' l-20 ta' Diċembru 1985 dwar apparat ta' reġistrazzjoni għat-trasport bit-triq [1], u b'mod partikolari l-Artikoli 17 u 18 tiegħu Billi huwa neċessarju li jiġi eliminati l-possibiltajiet ta' frodi fl-użu ta' apparat elettroniku ta' reġistrazzjoni fit-trasport fuq it-triq b'mod partikolari dawk kawżati bl-interruzzjoni tal-provvista tad-dawl jew tas-sensor tad-distanza u tal-veloċità; Billi fid-dawl ta' esperjenza u in vista ta' l-istat attwali ta' l-arti huwa possibbli li tindika dawn l-interruzzjonijiet b'mod ċar fuq il-folji ta' reġistrazzjoni sabiex tiġi faċilitata l-applikazzjoni tar-Regolament u sabiex jiġi skuraġġit dan it-tip ta' użu qarrieqi; Billi huwa possibbli li din it-teknoloġija ġdida tiġi implimentata fl-istandards tal-Komunità fil-kostruzzjoni u installazjoni għal apparat ta' reġistrazzjoni elettroniku; Billi sabiex jiġi żgurat kontroll effettiv u reġistrazzjoni korretta tal-ħin ta' sewqan b'mod partikolari, il-ħin ta' sewqan għandu jiġi reġistrat awtomatikament u l-perjodi l-oħra, meta s-sewwieq ma jkunx qiegħed isuq il-vettura, għandu jiġi reġistrat skond is-sinjali indikati fuq il-mekkaniżmu ta' l-iswiċċ; Billi l-apparat ta' reġistrazzjoni presenti diġa jippermetti li ssir reġistrazzjoni awtomatika ta' ħin ta' sewqan u għalhekk fid-dawl ta' l-esperjenza u ta' l-istat attwali ta' l-arti l-istandards ta' kostruzzjoni għall-apparat ta' reġistrazzjoni għandhom jiġu hekk adattati; Billi l-miżuri mniżżla f'dan ir-Regolament huma konformi mal-opinjoni tal-Kumitat dwar l-adattamenti tar-Regolament (KEE) Nru 3821/85 għall-progress tekniku, ADOTTA DAN IR-REGOLAMENT: L-Artikolu 1 L-Anness I tar-Regolament (KEE) Nru 3821/85 huwa emendat kif ġej: 1. Fil-Kapitolu II, il-punt li ġej huwa mdaħħal: "7. Fir-rigward ta' tagħmir elettroniku ta' reġistrazzjoni li huwa tagħmir li jaħdem b'sinjali trasmessi elettrikament mis-sensor tad-distanza u l-veloċità, kull interruzzjoni li taqbeż il-100 millisekonda fil-provvista tad-dawl ta' l-apparat ta' reġistrazzjoni (ħlief għat-tidwil), fil-power supply tas-sensor tad-distanza u l-veloċità u kull interruzzjoni fis-sinjal iwasslu għat-tagħmir sensorjali tad-distanza u veloċità." 2. Fil-Kapitolu III taħt (a) "Punti ġenerali" , il-punt 1.3 huwa mibdul b'dan li ġej: "1.3 Kull mezz ta' mmarkar li turi fuq il-folja ta' reġistrazzjoni individwalment: - kull ftuħ tal-kaxxa li jkun fiha dik il-folja ta' reġistrazzjoni, - fir-rigward ta' tagħmir ta' reġistrazzjoni elettroniku, kif definit fil-punt 7 tal-Kapitolu II, kull interruzzjoni li taqbeż il-100 millisekonda fil-provvista ta' dawl ta' l-apparat ta' reġistrazzjoni (ħlief għat-tidwil), mhux iktar tard minn meta il-provvista tad-dawl terġa' tixgħel, - fir-rigward ta' tagħmir ta' reġistrazzjoni elettroniku, kif definit fil-punt 7 tal-Kapitolu II, kull interruzzjoni li taqbeż il-100 millisekonda fil-power supply tas-sensor tad-distanza u l-veloċità u kull interruzzjoni fis-sinjal iwasslu għas-sensor tad-distanza u l-veloċità." 3. Fil-Kapitolu III taħt (ċ) "Strumenti ta' Reġistrazzjoni" , il-punt 4.1 huwa mibdul b'dan li ġej: "4.1 It-tagħmir ta' reġistrazzjoni jrid jinbena b'mod li l-perjodu ta' ħin ta' sewqan huwa dejjem reġistrat awtomatikament u li huwa possibbli, permezz ta' l-użu fejn dan ikun meħtieġ ta' kull swiċċ li jirreġistra separatament il-perjodi ta' ħin oħrajn kif indikat fl-Artikolu 15(3), tieni inċiż (b), (ċ), u (d) tar-Regolament." L-Artikolu 2 Sa mill-1 ta' Lulju 1991 l-Istati Membri ma jistgħux jagħtu approvazzjoni tal-KEE fir-rigward ta' tagħmir ta' reġistrazzjoni li ma jaqbilx mad-dispożizzjonijiet tar-Regolament (KEE) Nru 3821/85, kif emendat minn dan ir-Regolament. L-Artikolu 3 Sa mill-1 ta' Jannar 1996 l-apparat ta' reġistrazzjoni ta' kull vettura ġdida li tibda tagħti servizz għall-ewwel darba trid tikkonforma mar-Regolament (KEE) Nru 3821/85, kif emendat minn dan ir-Regolament. L-Artikolu 4 Dan ir-Regolament għandu jidħol fis-seħħ fit-tielet jum wara li jiġi ppubblikat fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament applikabbli fl-Istati Membri kollha. Magħmul fi Brussel, fis-16 ta' Novembru 1990. Għall-Kummissjoni Karel VAN MIERT Membru tal-Kummissjoni [1] ĠU L 370, tal-31.12.1985, p. 8. --------------------------------------------------