This document is an excerpt from the EUR-Lex website
Document 31990L0658
Council Directive 90/658/EEC of 4 December 1990 amending certain Directives on the recognition of professional qualifications consequent upon the unification of Germany
Id-Direttiva Tal-Kunsill ta' l-4 ta' Diċembru 1990 li temenda ċerti Direttivi dwar ir-rikonoxximent ta' kwalifiki professjonali konsegwenti għall-unifikazzjoni tal-Ġermanja
Id-Direttiva Tal-Kunsill ta' l-4 ta' Diċembru 1990 li temenda ċerti Direttivi dwar ir-rikonoxximent ta' kwalifiki professjonali konsegwenti għall-unifikazzjoni tal-Ġermanja
ĠU L 353, 17.12.1990, p. 73–76
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO)
No longer in force, Date of end of validity: 19/10/2007: This act has been changed. Current consolidated version: 20/10/2007
Official Journal L 353 , 17/12/1990 P. 0073 - 0076
Finnish special edition: Chapter 6 Volume 3 P. 0079
Swedish special edition: Chapter 6 Volume 3 P. 0079
Id-Direttiva Tal-Kunsill ta’ l-4 ta’ Diċembru 1990 li temenda ċerti Direttivi dwar ir-rikonoxximent ta’ kwalifiki professjonali konsegwenti għall-unifikazzjoni tal-Ġermanja (90/658/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u b’mod partikolari l-Artikolu 49, l-Artikolu 57(1) u (2), l-ewwel u t-tielet sentenzi, u l-Artikolu 66 tiegħu, Wara li kkunsidra l-proposta mill-Kummissjoni [1]; B’kooperazzjoni mal-Parlament Ewropew [2], Wara li kkunsidra l-opinjoni tal-Kumitat Ekonomiku u Soċjali [3], Billi, għar-raġuni ta’ l-unifikazzjoni tal-Ġermanja, ċerti emendi għandhom isiru lid-Direttivi 75/362/KEE [4], 77/452/KEE [5], 78/686/KEE [6], 78/1026/KEE [7] u 80/154/KEE [8], kif l-aħħar emendati bid-Direttiva 89/594/KEE [9] u d-Direttiva 89/595/KEE [10] dwar ir-rikonoxximent reċiproku ta’ diplomi, ċertifikati u provi oħrajn ta’ kwalifiki formali bħala tobba, infermiera responsabbli għall-kura ġenerali, dentisti prattikanti, kirurgi veterinarji u qwiebel rispettivament, u lid-Direttiva 85/433/KEE [11], kif emendata bid-Direttiva 85/584/KEE [12], u d-Direttiva 85/384/KEE [13], kif emendata l-aħħar bid-Direttiva 86/17/KEE [14], dwar ir-rikonoxximent reċiproku ta’ diplomi, ċertifikati u provi oħrajn ta’ kwalifiki formali fil-qasam tal-farmaċija u l-arkitettura rispettivament u lid-Direttiva 75/363/KEE [15], kif emendata l-aħħar mid-Direttiva 89/594/KEE, dwar il-koordinazzjoni tad-dispożizzjonijiet stabbiliti bil-liġi, b’ regolament jew b’azzjoni amministrattiva fir-rigward ta’ l-attivitajiet tat-tobba; Billi mid-data ta’ l-unifikazzjoni tal-Ġermanja il-liġi Komunitarja tkun kompletament applikabbli għat-territorju ta’ dik li qabel kienet ir-Repubblika Federali tal-Ġermanja; Billi huwa neċessarju li jsiru bidliet lid-Direttivi msemmija sabiex jittieħed kont tas-sitwazzjoni speċifika fit-territorju msemmi; Billi, skond il-prinċipju tad-drittijiet akkwistati, id-diplomi, iċ-ċertifikati u provi oħrajn ta’ kwalifiki formali fil-pussess ta’ ċittadini Ġermaniżi f’ dak it-territorju li qegħdin iwettqu l-attivitajiet professjonali tagħhom abbażi ta’ taħriġ li beda qabel l-unifikazzjoni u li ma jikkonformax mar-regoli Komunitarji dwar it-taħriġ għandhom jingħataw rikonoxximent taħt kondizzjonijiet simili għal dawk applikati lil ċittadini oħrajn ta’ l-Istati Membri fil-ħin ta’ l-adozzjoni tad-Direttivi jew l-adeżjonijiet imsemmija għall-Komunità; Billi huwa neċessarju li jiġu protetti fil-livell Komunitarju d-drittijiet akkwistati mit-titolari ta’ kwalifiki preċedenti li m’għadhomx jingħataw bħala riżultat ta’ bidliet li seħħew fir-regoli ta’ l-Istati Membri li tawhom il-kwalifika; billi din id-dispożizzjoni ġiet introdotta mid-Direttiva 89/594/KEE f’ ħafna mid-Direttivi dwar ir-rikonoxximent reċiproku tad-diplomi, iċ-ċertifikati u provi oħrajn ta’ kwalifiki formali; billi tista’ wkoll tiġi applikata, mingħajr emendi, għal ċittadini Ġermaniżi mit-territorju ta’ dik li qabel kienet ir-Repubblika Federali tal-Ġermanja; billi dispożizzjoni simili għandha wkoll tiġi inkorporata fid-Direttiva 85/433/KEE dwar ir-rikonxximent reċiproku ta’ diplomi, ċertifikati u provi oħrajn ta’ kwalifiki formali fil-farmaċija; Billi ħafna mid-dispożizzjonijiet speċifiċi fir-rigward tar-rikonoxximent tad-diplomi, ċertifikati u provi oħrajn ta’ kwalifiki formali mogħtija minn dik li qabel kienet ir-Repubblika Federali tal-Ġermanja ma jibqgħux relevanti bħala riżultat ta’ l-unifikazzjoni tal-Ġermanja; billi dawn għandhom jitħassru, ADOTTA DIN ID-DIRETTIVA: L-Artikolu 1 Id-Direttiva 75/362/KEE hija hawnhekk emendata kif ġej: 1. Fl-Artikolu 3(a), il-punt 3, "fil-Ġermanja" għandu jitħassar. 2. L-Artikolu li ġej għandu jiġi inserit: "L-Artikolu 9a 1. Fil-każ ta’ ċittadini ta’ Stati Membri li d-diplomi, iċ-ċertifikati u provi oħrajn ta’ kwalifiki formali tagħhom fil-mediċina jiċċertifikaw taħriġ mogħti fit-territorju ta’ dik li qabel kienet ir-Repubblika Demokratika tal-Ġermanja li ma jissodisfawx il-ħtiġiet minimi kollha ta’ taħriġ stabbiliti fl-Artikolu 1 tad-Direttiva 75/363/KEE, l-Istati Membri ta’ xort’oħra mill-Ġermanja għandhom jirrikonoxxu dawk id-diplomi, iċ-ċertifikati u provi oħrajn ta’ kwalifiki formali bħala prova suffiċjenti jekk: - dawn jiċċertifikaw taħriġ li jkun beda qabel l-unifikazzjoni tal-Ġermanja, - dawn jintitolaw lit-titolari biex isegwi l-attivitajiet ta’ tabib fit-territorju kollu tal-Ġermanja taħt l-istess kondizzjonijiet bħall-kwalifiki mogħtija mill-awtoritajiet Ġermaniżi kompetenti u msemmija fil-punti 1 u 2 ta’ l-Artikolu 3(a), u - dawn ikunu akkumpanjati minn ċertifikat maħruġ mill-awtoritajiet kompetenti Ġermaniżi li jgħid li dawk iċ-ċittadini jkunu effettivament u legalment involuti fl-attivitjaiet inkwistjoni fil-Ġermanja għal mill-inqas tliet snin konsekuttivi matul il-ħames snin qabel id-data tal-ħruġ taċ-ċertifikat. 2. Fil-każ ta’ ċittadini ta’ Stati Membri li d-diplomi, iċ-ċertifikati u provi oħrajn ta’ kwalifiki formali tagħhom fil-mediċina speċjalizzata jiċċertifikaw taħriġ riċevut fit-territorju ta’ dik li qabel kienet ir-Repubblika Demokratika tal-Ġermanja li ma jissodisfax il-ħtiġiet minimi ta’ taħriġ stabbiliti fl-Artikoli 2 sa 5 tad-Direttiva 75/363/KEE, l-Istati Membri ta’ xort’oħra mill-Ġermanja għandhom jirrikonoxxu dawk id-diplomi, iċ-ċertifikati u provi oħrajn ta’ kwalifiki formali bħala prova biżżejjed jekk: - dawn jiċċertifikaw taħriġ li beda qabel l-iskadenza tal-limitu taż-żmien stabbilit fl-Artikolu 9(1), it-tieni subparagrafu, tad-Direttiva 75/363/KEE, u - dawn jippermettu t-twettiq, bħala speċjalista, ta’ l-attività inkwistjoni fit-territorju kollu tal-Ġermanja taħt l-istess kondizzjonijiet bħall-kwalifiki mogħtija mill-awtoritajiet kompetenti Ġermaniżi u msemmija fl-Artikoli 5 u 7. Jistgħu, madanakollu, jitolbu li dawn id-diplomi, iċ-ċertifikati u provi oħrajn ta’ kwalifiki formali jkunu akkumpanjati minn ċertifikat maħruġ mill-awtoritajiet jew il-korpi kompetenti Ġermaniżi li jgħid li t-titolari kienu, bħala speċjalisti, involuti fl-attività inkwistjoni għal perjodu ekwivalenti għal darbtejn id-differenza bejn il-perjodu ta’ taħriġ speċjalizzat mogħti fit-territorji Ġermaniż u t-tul minimu ta’ taħriġ stabbilit fid-Direttiva 75/363/KEE, meta dawn ma jissodisfawx il-ħtiġiet minimi fir-rigward tat-tul ta’ taħriġ stabbilit fl-Artikoli 4 u 5 tad-Direttiva 75/363/KEE." L-Artikolu 2 "Għat-territorju ta’ dik li qabel kienet ir-Repubblika Demokratika tal-Ġermanja, madanakollu, il-Ġermanja għandha tieħu l-miżuri neċessarji sabiex tikkonforma ma’ l-Artikoli 2 sa 5 fi żmien 18-il xahar mill-unifikazzjoni." L-Artikolu 3 Id-Direttiva 77/452/KEE qiegħda hawnhekk tiġi emendata kif ġej: 1. Fl-Artikolu 3(a), it-tieni inċiż, "fil-Ġermanja" għandu jitħassar; 2. Għandu jiddaħħal l-Artikolu li ġej: "Artikolu 4a Fil-każ ta’ ċittadini ta’ Stati Membri li d-diplomi, iċ-ċertifikati u provi oħrajn ta’ kwalifiki formali tagħhom bħala infermiera responsabbli għall-kura ġenerali jiċċertifikaw taħriġ mogħti fit-territorju ta’ dik li qabel kienet ir-Repubblika Demokratika tal-Ġermanja li ma jissodisfax il-ħtiġiet minimi kollha ta’ taħriġ stabbiliti fl-Artikolu 1 tad-Direttiva 77/453/KEE, l-Istati Membri ta’ xort’oħra mill-Ġermanja għandhom jirrikonoxxu dawk id-diplomi, iċ-ċertifikati u provi oħrajn ta’ kwalifiki formali preċedenti bħala prova suffiċjenti jekk: - dawn jiċċertifikaw taħriġ li jkun beda qabel l-unifikazzjoni tal-Ġermanja, - dawn jintitolaw lit-titolari biex isegwi l-attivitajiet ta’ infermiera responsabbli għall-kura ġenerali fit-territorju kollu tal-Ġermanja taħt l-istess kondizzjonijiet bħall-kwalifiki mogħtija mill-awtoritajiet kompetenti Ġermaniżi u msemmija fl-Artikolu 3(a), u - dawn ikunu akkumpanjati minn ċertifikat maħruġ mill-awtoritajiet kompetenti Ġermaniżi li jgħid li dawk iċ-ċittadini kienu effettivament u legalment involuti fl-attivitajiet ta’ infermiera responsabbli għall-kura ġenerali fil-Ġermanja għal mill-inqas tliet snin konsekuttivi matul il-ħames snin qabel id-data tal-ħruġ taċ-ċertifikat. Dawn l-attivitajiet għandhom ikunu nkludew ir-responsabbiltà kompleta għall-ippjanar, l-organizzazzjoni u t-twettiq tal-kura mill-infermiera, tal-pazjent." L-Artikolu 4 Id-Direttiva 78/686/KEE qiegħda hawn tiġi emendata kif ġej: 1. Fl-Artikolu 3(a), "fil-Ġermanja", dan li ġej għandu jitħassar: - preżentazzjoni fil-forma ta’ żewġ punti enumerati, - it-test tal-punt 2; 2. L-Artikolu li ġej għandu jiġi inserit: "L-Artikolu 7a 1. Fil-każ ta’ ċittadini ta’ Stati Membri li d-diplomi, iċ-ċertifikati u provi oħrajn ta’ kwalifiki formali tagħhom bħala prattikant dentist jiċċertifikaw taħriġ riċevut fit-territorju ta’ dik li qabel kienet ir-Repubblika Demokratika tal-Ġermanja li ma jissodisfax il-ħtiġiet minimi kollha ta’ taħriġ stabbiliti fl-Artikolu 1 tad-Direttiva 78/687/KEE, l-Istati Membri ta’ xort’oħra mill-Ġermanja għandhom jirrikonoxxu dawk id-diplomi, ċ-ċertifikati u provi oħrajn ta’ kwalifiki formali bħala prova suffiċjenti jekk: - dawn jiċċertifikaw taħriġ li jkun beda qabel l-unifikazzjoni tal-Ġermanja, - dawn jintitolaw lit-titolari biex isegwi l-attivitajiet ta’ dentist prattikant fit-territorju kollu tal-Ġermanja taħt l-istess kondizzjonijiet bħall-kwalifiki mogħtija mill-awtoritajiet kompetenti Ġermaniżi u msemmija fl-Artikolu 3(a), u - dawn ikunu akkumpanjati minn ċertifikat maħruġ mill-awtoritajiet kompeteni Ġermaniżi li dawk iċ-ċittadini kienu effettivament u legalment involuti fl-attivitajiet inkwistjoni fil-Ġermanja għal mill-inqas tliet snin konsekuttivi matul il-ħames snin ta’ qabel id-data tal-ħruġ taċ-ċertifikat. 2. Fil-każ ta’ ċittadini ta’ Stati Membri li d-diplomi, iċ-ċertifikati u provi oħrajn ta’ kwalifiki formali tagħhom bħala dentisti prattikanti speċjalizzati jiċċertifikaw taħriġ riċevut fit-territorju ta’ dik li qabel kienet ir-Repubblika Demokratika tal-Ġermanja li ma jissodisfax il-ħtiġiet minimi ta’ taħriġ stabbilit fl-Artikoli 2 u 3 tad-Direttiva 78/687/KEE, l-Istati Membri ta’ xort’oħra mill-Ġermanja għandhom jirrikonoxxu dawk id-diplomi, iċ-ċertifikati u provi oħrajn ta’ kwalifiki formali bħala prova suffiċjenti jekk: - dawn jiċċertifikaw taħriġ li jkun beda qabel l-unifikazzjoni tal-Ġermanja, u - dawn jintitolaw lit-titolari biex iwettaq, bħala dentist prattikant speċjalista, l-attività inkwistjoni fit-territorju kollu tal-Ġermanja taħt l-istess kondizzjonijiet tal-kwalifiki mogħtija mill-awtoritajiet kompetenti Ġermaniżi u msemmija fl-Artikolu 5(1) u (2). Jistgħu, madanakollu, jeħtieġu li dawn id-diplomi, iċ-ċertifikati u provi oħrajn ta’ kwalifiki formali jkunu akkumpanjati minn ċertifikat maħruġ mill-awtoritajiet jew mill-korpi kompetenti Ġermaniżi li jgħid li t-titolari kien, bħala dentist prattikant speċjalista, involut fl-attività inkwistjoni għall-perjodu ekwivalenti għal darbtejn id-differenza bejn il-perjodu ta’ taħriġ speċjalizzat riċevut fit-territorju Ġermaniż u t-tul minimu ta’ taħriġ stabbilit fid-Direttiva 78/687/KEE, meta dawn ma jissodisfawx il-ħtiġiet minimi fir-rigward tat-tul ta’ taħriġ stabbilit fl-Artikolu 2 tad-Direttiva 78/687/KEE." L-Artikolu 5 Id-Direttiva 78/1026/KEE hija hawnhekk emendata kif ġej: 1. Fl-Artikolu 3(a), "fil-Ġermanja", dan li ġej għandu jitħassar: - il-preżentazzjoni fil-forma ta’ żewġ punti enumerati, - it-test tal-punt 2. 2. L-Artikolu li ġej għandu jiġi inserit: "L-Artikolu 4a Fil-każ ta’ ċittadini ta’ Stati Membri li d-diplomi, ċ-ċertifikati u provi oħrajn ta’ kwalifiki formali tagħhom bħala kirurġi veterinarji jiċċertifikaw taħriġ riċevut fit-territorju ta’ dik li qabel kienet ir-Repubblika Demokratika tal-Ġermanja li ma jissodisfax il-ħtiġiet minimi kollha ta’ taħriġ stabbiliti fl-Artikolu 1 tad-Direttiva 78/1027/KEE, l-Istati Membri ta’ xort’oħra mill-Ġermanja għandhom jirrikonoxxu dawk id-diplomi, iċ-ċertifikati u provi oħrajn ta’ kwalifiki formali, bħala prova suffiċjenti jekk: - dawn jiċċertifikaw taħriġ li jkun beda qabel l-unifikazzjoni tal-Ġermanja; - dawn jintitolaw lit-titolari biex isegwi l-attivitajiet ta’ kirurgu veterinarju fit-territorju kollu tal-Ġermanja taħt l-istess kondizzjonijiet bħall-kwalifiki mogħtija mill-awtoritajiet kompetenti Ġermaniżi u msemmija fl-Artikolu 3(a), u - dawn ikunu akkumpanjati minn ċertifikat maħruġ mill-awtoritajiet kompetenti Ġermaniżi li jgħid li dawk iċ-ċittadini kienu effettivament u legalment involuti fl-attivitjaiet inkwistjoni fil-Ġermanja għal mill-inqas tliet snin konsekuttivi matul il-ħames snin qabel id-data tal-ħruġ taċ-ċertifikat." L-Artikolu 6 Id-Direttiva 80/154/KEE hija hawnhekk emendata kif ġej: 1. Fl-Artikolu 3(a) "fil-Ġermanja" dan li ġej għandu jitħassar: - il-preżentazzjoni fil-forma ta’ żewġ inċiżi, - it-test tat-tieni inċiż. 2. Għandu jiżdied l-Artikolu li ġej: "L-Artikolu 5a 1. Fil-każ ta’ Stati Membri li d-diplomi, iċ-ċertifikati u provi oħrajn ta’ kwalifiki formali tagħhom bħala qwiebel jiċċertifikaw taħriġ riċevut fit-territorju ta’ dik li qabel kienet ir-Repubblika Demokratika tal-Ġermanja li ma jissodisfax il-ħtiġiet minimi kollha ta’ taħriġ stabbiliti fl-Artikolu 1 tad-Direttiva 80/155/KEE, l-Istati Membri ta’ xort’oħra mill-Ġermanja għandhom jirrikonoxxu dawk id-diplomi, iċ-ċertifikati u provi oħrajn ta’ kwalifiki formali bħala prova suffiċjenti jekk: - dawn jiċċertifikaw taħriġ li jkun beda qabel l-unifikazzjoni tal-Ġermanja; - dawn jintitolaw lit-titolari biex isegwi l-attivitajiet ta’ qabla fit-territorju kollu tal-Ġermanja taħt l-istess kondizzjonijiet bħall-kwalifiki mogħtija mill-awtoritajiet kompetenti Ġermaniżi u msemmija fl-Artikolu 3(a), u - dawn ikunu akkumpanjati minn ċertifikat maħruġ mill-awtoritajiet kompetenti Ġermaniżi li jgħid li dawk iċ-ċittadini kienu effettivament u legalment involuti fl-attivitjajiet inkwistjoni fil-Ġermanja għal mill-inqas tliet snin matul il-ħames snin qabel id-data tal-ħruġ taċ-ċertifikat. 2. Fil-każ ta’ ċittadini ta’ Stati Membri li d-diplomi, iċ-ċertifikati u provi oħrajn ta’ kwalifiki formali tagħhom bħala qwiebel jiċċertifikaw taħriġ riċevut fit-territorju ta’ dik li qabel kienet ir-Repubblika Demokratika tal-Ġermanja li jissodisfa il-ħtiġiet minimi kollha ta’ taħriġ stabbiliti fl-Artikolu 1 tad-Direttiva 80/155/KEE, iżda li, skond l-Artikolu 2, għandu jkun rikonoxxut biss jekk dan ikun ikkumplimentat mill-prattika professjonali msemmija fl-Artikolu 4, l-Istati Membri ta’ xort’oħra mill-Ġermanja għandhom jirrikonoxxu dawk id-diplomi, iċ-ċertifikati u provi oħrajn ta’ kwalifiki formali bħala prova suffiċjenti jekk: - dawn jiċċertifikaw taħriġ li jkun beda qabel l-unifikazzjoni tal-Ġermanja, u - dawn ikunu akkumpanjati minn ċertifikat li jiddikjara li dawk iċ-ċittadini kienu effettivament u legalment involuti fl-attivitajiet inkwistjoni fil-Ġermanja għal mill-inqas sentejn matul il-ħames snin ta’ qabel id-data tal-ħruġ taċ-ċertifikat." L-Artikolu 7 Id-Direttiva 85/433/KEE huwa hawnhekk emendat kif ġej: 1. Fl-Artikolu 4(a), "fil-Ġermanja", dan li ġej għandu jitħassar: - il-preżentazzjoni fil-forma ta’ żewġ punti enumerati, - it-test tal-punt 2. 2. Fl-Artikolu 6: - it-test preżenti jsir il-paragrafu 1, - il-paragrafu 2 li ġej għandu jiżdied: "2. Id-diplomi, iċ-ċertifikati u kwalifiki universitarji jew ekwivalenti oħrajn fil-farmaċija li ingħataw lil ċittadini ta’ Stati Membri minn Stati Membri u li jissodisfaw il-ħtiġiet minimi kollha ta’ taħriġ stabbiliti fl-Artikolu 2 tad-Direttiva 85/432/KEE iżda li ma jikkonformawx mad-deskrizzjonijiet stabbiliti fl-Artikolu 4 għandhom jiġu ttrattati, għall-iskopijiet tad-Direttiva, bħad-diplomi elenkati f’dak l-Artikolu jekk dawn ikunu akkumpanjati minn ċertifikat li jiddikjara li dawn jiċċertifikaw taħriġ li jikkonforma mad-dispożizzjonijiet tad-Direttiva 85/432/KEE msemmija fl-Artikolu 2 ta’ din id-Direttiva u għandhom jiġu ttrattati mill-Istati Membri li tawhom bħala dawk id-deskrizzjonijiet stabbiliti fl-Artikolu 4 ta’ din id-Direttiva." 3. Għandu jiddaħħal l-Artikolu li ġej: "L-Artikolu 6a Id-diplomi, iċ-ċertifikati u l-kwalifiki oħrajn universitarji jew ekwivalenti fil-farmaċija li jiċċertifikaw taħriġ riċevut minn ċittadini ta’ Stati Membri fit-territorju ta’ dik li qabel kienet ir-Repubblika Demokratika tal-Ġermanja u li ma jissodosfawx il-ħtiġijiet minimi kollha ta’ taħriġ stabbiliti fl-Artikolu 2 tad-Direttiva 85/432/KEE għandhom jiġu ttrattati bħala diplomi li jissodisfaw dawn il-ħtiġiet jekk: - dawn jiċċertifikaw taħriġ li jkun beda qabel l-unifikazzjoni tal-Ġermanja, - dawn jintitolaw lit-titolari biex isegwi l-attivitajiet ta’ farmaċista fit-territorju kollu tal-Ġermanja taħt l-istess kondizzjonijiet tal-kwalifiki mogħtija mill-awtoritajiet kompetenti Ġermaniżi u msemmija fl-Artikolu 4(ċ), u - dawn ikunu akkumpanjati minn ċertifikat li jiddikjara li t-titolari tagħhom kienu effetivament u legalment involuti fil-Ġermanja f’waħda mill-attivitajiet imsemmija fl-Artikolu 1(2) tad-Direttiva 85/432/KEE għal mill-inqas tliet snin konsekuttivi matul il-ħames snin ta’ qabel id-data tal-ħruġ taċ-ċertifikat, sakemm din l-attività tkun irregolata fl-Istat Membru inkwistjoni." L-Artikolu 8 L-Artikolu 6 tad-Direttiva 85/384/KEE huwa hawnhekk imħassar. L-Artikolu 9 L-Istati Membri għandhom jieħdu l-miżuri neċessarji sabiex jikkonformaw ma’ din id-Direttiva sa l-1 ta’ Lulju 1991. Huma għandhom minnufih jinfurmaw lill-Kummissjoni bihom. Meta l-Istati Membri jadottaw dawn il-miżuri, dawn għandu jkun fihom referenza għal din id-Direttiva jew ikunu akkumpanjati b’din ir-referenza fl-okkażjoni tal-pubblikazzjoni uffiċjali tagħhom. Il-metodi li bihom issir din ir-referenza għandhom jiġu stabbiliti mill-Istati Membri. L-Artikolu 10 Din id-Direttiva hija indirizzata lill-Istati Membri. Magħmula fi Brussel, fl-4 ta’ Diċembru 1990. Għall-Kunsill Il-President G. De Michelis [1] ĠU L 266, tat-28.9.1990, p. 12, kif emendat fit-28 ta’ Novembru 1990. [2] Opinjoni mogħtija fl-24 ta’ Ottubru 1990 (għadha mhix ippubblikata fil-Ġurnal Uffiċjali) u d-Deċiżjoni tal-21 ta’ Novembru 1990 (għadha mhix ippubblikata fil-Ġurnal Uffiċjali). [3] Opinjoni mogħtija fl-20 ta’ Novembru 1990 (għadha mhix ippubblikata fil-Ġurnal Uffiċjali). [4] ĠU L 167, tat-30.6.1975, p. 1. [5] ĠU L 176, tal-15.7.1977, p. 1. [6] ĠU L 233, ta’ l-24.8.1978, p. 1. [7] ĠU L 362, tat-23.12.1978, p. 1. [8] ĠU L 33, tal-11.2.1980, p. 1. [9] ĠU L 341, tat-23.11.1989, p. 19. [10] ĠU L 341, tat-23.11.1989, p. 30. [11] ĠU L 253, ta’ l-24.9.1985, p. 37. [12] ĠU L 372, tal-31.12.1985, p. 42. [13] ĠU L 223, tal-21.8.1985, p. 15. [14] ĠU L 27, ta’ l-1.2.1986, p. 71. [15] ĠU L 167, tat-30.6.1975, p. 14. --------------------------------------------------