This document is an excerpt from the EUR-Lex website
Document 31989L0459
Council Directive 89/459/EEC of 18 July 1989 on the approximation of the laws of the Member States relating to the tread depth of tyres of certain categories of motor vehicles and their trailers
Id-Direttiva tal-Kunsill tat-18 ta’ Lulju 1989 dwar l-approssimazzzjoni tal-liġijiet ta’ l-Istati Membri li għandhom x’jaqsmu mal-fond tad-disinji tat-tyres ta’ ċerti kategoriji ta’ vetturi tal-mutur u tal-karrijiet tagħhom
Id-Direttiva tal-Kunsill tat-18 ta’ Lulju 1989 dwar l-approssimazzzjoni tal-liġijiet ta’ l-Istati Membri li għandhom x’jaqsmu mal-fond tad-disinji tat-tyres ta’ ċerti kategoriji ta’ vetturi tal-mutur u tal-karrijiet tagħhom
ĠU L 226, 3.8.1989, p. 4–4
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO, HR)
In force
Official Journal L 226 , 03/08/1989 P. 0004 - 0004
Finnish special edition: Chapter 7 Volume 3 P. 0181
Swedish special edition: Chapter 7 Volume 3 P. 0181
Id-Direttiva tal-Kunsill tat-18 ta’ Lulju 1989 dwar l-approssimazzzjoni tal-liġijiet ta’ l-Istati Membri li għandhom x’jaqsmu mal-fond tad-disinji tat-tyres ta’ ċerti kategoriji ta’ vetturi tal-mutur u tal-karrijiet tagħhom (89/459/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u partikolarment l-Artikolu 75 tiegħu, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Wara li kkunsidra l-opinjoni tal-Kumitat Ekonomiku u Soċjali [3], Billi l-Kunsill u r-Rappreżentanti tal-Gvernijiet ta’ l-Istati Membri, imlaqqgħin ġewwa l-Kunsill fid-19 ta’ Diċembru 1984, adottaw riżoluzzjoni dwar is-sigurtà fit-toroq [4] fejn stiednu lill-Kummissjoni biex tissottometti proposti dwar dan lill-Kunsill f’dan il-kuntest; Billi r-regoli dwar il-fond minimu tal-fond tad-disinji tat-tyres, minkejja li huma problema individwali u speċifika, huma fost l-objettivi u x-xogħol skedat għall-1986, li kienet is-Sena tas-Sigurtà fit-triq fil-Komunità; Billi l-Parlament Ewropew għadda riżoluzzjoni fit-18 ta’ Frar 1986 dwar il-programm tal-Komunità għas-Sena tas-Sigurtà fit-triq 1986 [5] li kienet tinkludi l-fond tad-disinji tat-tyres bħala waħda mid-dispożizzjonijiet tal-Kummissjoni li għandhom jiġu adottati malajr kemm jista’ jkun; Billi dispożizzjonijiet ta’ dan it-tip iridu jiżguraw livell ogħla ta’ sigurtà; Billi l-ħtiġiet nazzjonali li jirregolaw il-fond minimu tad-disinji ivarjaw minn Stat Membru għall-ieħor u billi dawn id-differenzi joħolqu problemi rigward il-konformità mal-liġijiet tat-triq mis-sewwieqa tal-vetturi bil-mutur li jużaw il-karozzi tagħhom fit-territorji ta’ l-Istati Membri differenti; Billi l-armonizzazzjoni ta’ dawn il-ħtiġiet tiffaċilita l-moviment liberu tal-vetturi u tal-vjaġġi individwali bejn l-Istati Membri u tgħin biex jitneħħew l-ostakoli għall-kummerċ u d-distorsjonijiet tal-kompetizzjoni, ADOTTA DIN ID-DIRETTIVA: Artikolu 1 L-Istati Membri għandhom jieħdu l-passi meħtieġa kollha sabiex jiżguraw illi, matul il-ħajja kollha tax-xogħol tagħhom fuq it-triq, it-tyres għall-vetturi tal-kategoriji M1, N1, 01 u 02 kif iddefiniti fl-Anness I mad-Direttiva tal-Kunsill 70/156/KEE tas-6 ta’ Frar 1970 dwar l-approssimazzjoni tal-liġijiet ta’ l-Istati Membri dwar l-approvazzjoni tat-tip ta’ vetturi tal-mutur u l-karrijiet tagħhom [6], kif l-aħħar emendata bid-Direttiva 87/403/KEE [7], ikollhom fond tad-disinji fl-iskanalaturi ewliena tal-wiċċ tad-disinji ta’ mill-inqas 1,6 mm. "Skanalturi ewliena" jfissru l-iskanalaturi wiesgħa fil-parti ċentrali tal-wiċċ tad-disinji, li tkopri madwar tliet kwarti tal-wisa’ tal-wiċċ tad-disinji. Artikolu 2 Wara li jikkonsultaw lill-Kummissjoni, l-Istati Membri jistgħu jħallu barra mill-kamp ta’ applikazzjoni ta’ din id-Direttiva, jew jagħmlu dispożizzjonijiet speċjali għalihom, il-vetturi li jiġu ddikjarati ta’ interess storiku u, oriġinarjament imgħammra b’tyres, sewwa jekk pnewmatiċi u sewwa jekk xorta oħra, li, meta kienu ġodda, kellhom fond tad-disinji ta’ inqas minn 1,6 mm, basta iżda li jkunu mgħammra b’dawn it-tyres, jiġu użati f’kondizzjonijiet speċjali u qatt jew rari ħafna jintużaw fuq it-toroq pubbliċi. Artikolu 3 Wara li jikkonsultaw lill-Kummissjoni, l-Istati Membri għandhom qabel l-1 ta’ Ġunju 1991 jadottaw u jippubblikaw il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva qabel l-1 ta’ Jannar 1992. L-Istati Membri għandhom jinfurmaw lill-Kummissjoni bit-testi tad-dispożizzjonijiet li jadottaw sabiex jimplimentaw din id-Direttiva. Artikolu 4 Din id-Direttiva hija indirizzata lill-Istati Membri. Magħmula fi Brussel, fit-18 ta’ Lulju 1989. Għall-Kunsill Il-President R. Dumas [1] ĠU C 279, tas-17.10.1987, p. 5. [2] ĠU C 47, tas-27.2.1989, p. 185. [3] ĠU C 80, tat-28.3.1988, p. 22. [4] ĠU C 341, tal-21.12.1984, p. 1. [5] ĠU C 68, ta’ l-24.3.1986, p. 35. [6] ĠU L 42, tat-23.2.1970, p. 1. [7] ĠU L 220, tat-8.8.1987, p. 44. --------------------------------------------------