31988L0321

Id-Direttiva Tal-Kummissjoni

tas-16 ta’ Mejju 1988

li tadatta għall-progress tekniku tad-Direttiva tal-Kunsill 71/127/KEE dwar l-approssimazzjoni tal-liġijiet ta’ l-Istati Membri li għandhom x’jaqsmu mal-mirja li minnhom tista’ tara fuq wara ta’ vetturi bil-mutur

(88/321/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunita Ekonomika Ewropea,

Wara li kkunsidrat id-Direttiva tal-Kunsill 71/127/KEE ta’ l-1 ta’ Marzu 1971 dwar l-approssimazzjoni tal-liġijiet ta’ l-Istati Membri li għandhom x’jaqsmu mal-mirja li minnhom tista’ tara fuq wara ta’ vetturi bil-mutur [1], kif l-aħħar emendata bid-Direttiva tal-Kummissjoni 86/562/KEE [2], u partikolarment Artikolu 9 tagħha,

Billi, minħabba l-esperjenza miksuba, u li qed jittieħed kont ta’ l-aqwa stat kurrenti, huwa issa possibbli li ċerti ħtiġiet tad-Direttiva 71/127/KEE jiġu magħmula aktar stretti sabiex is-sigurtà tat-toroq titjieb;

Billi l-ħtiġiet kurrenti fir-rigward ta’ vetturi tal-kategorija N2 li għandhom massa ta’ iżjed minn 7,5 tunnellata metrika u vetturi tal-kategorija N3 minbarra t-tractive units għal semi-karrijiet wrew li mhumiex adegwati fir-rigward tal-kamp viżiv ta’ barra għall-ġenb u għall-parti ta’ wara tal-vettura; Billi, sabiex dan in-nuqqas jiġi ttrattat, huwa neċessarju li jkun hemm provdut għat-twaħħil ta’ mirja li minnhom tista’ tara fuq wara addizjonali tat-tip hekk imsejħa ‘anglu wiesa’;

Billi l-ħtiġiet kurrenti fir-rigward ta’ vetturi tal-kategorija N2 li għandhom massa ta’ iżjed minn 7,5 tunnellata metrika wrew li wkoll ma kienux adegwati fir-rigward tal-kamp viżiv fiż-żona tal-ġenb tan-naħa ta’ l-istruttura tal-kabina opposta għas-sewwieq; billi, sabiex dan in-nuqqas jiġi ttrattat, huwa neċessarju li jkun hemm provdut għat-twaħħil ta’ mirja li minnhom tista’ tara fuq wara tat-tip ‘prossimità viċina’;

Billi l-miżuri previsti f’din id-Direttiva huma skond l-opinjoni tal-Kumitat għall-Adattament għall-Progress Tekniku tad-Direttivi immirati lejn it-tneħħija ta’ ostakli tekniċi għall-kummerċ fis-settur ta’ vetturi bil-mutur,

ADDOTTAT DIN ID-DIRETTIVA:

Artikolu 1

Annessi II u III għad-Direttiva 71/127/KEE huma b’dan emendati skond l-Anness ta’ din id-Direttiva.

Artikolu 2

1. Mill-1 ta’ Jannar 1989 l-Istati Membri ma jistgħux, għar-raġunijiet li jikkonċernaw mirja li minnhom tista’ tara fuq wara:

- jew jirrifjutaw l-approvazzjoni tat-tip tal-KEE jew il-ħruġ tad-dokument previst fit-tielet inċiż ta’ Artikolu 10 (1) tad-Direttiva tal-Kunsill 70/156/KEE [3], jew approvazzjoni tat-tip nazzjonali, għal tip ta’ vettura,

- jipprojbixxu d-dħul fis-servizz ta’ vetturi,

jekk il-mirja li minnhom tista’ tara fuq wara ta’ dak it-tip ta’ vettura jew vetturi jissodisfaw id-dispożizzjonijiet ta’ din id-Direttiva.

2. Mill-1 ta’ Ottubru 1990, l-Istati Membri:

- ma jistgħux aktar joħorġu d-dokument previst fit-tielet inċiż ta’ Artikolu 10 (1) tad-Direttiva 70/156/KEE għal tip ta’ vettura, li l-mirja li minnhom tista’ tara fuq wara tagħha ma jikkonformawx mad-dispożizzjonijiet ta’ din id-Direttiva,

- jistgħu jirrifjutaw approvazzjoni tat-tip nazzjonali fir-rigward ta’ tip ta’ vettura, li l-mirja li minnhom tista’ tara fuq wara tagħha ma jikkonformawx mad-dispożizzjonijiet ta’ din id-Direttiva,

- jistgħu jipprojbixxu d-dħul fis-servizz ta’ vetturi, li l-mirja li minnhom tista’ tara fuq wara tagħhom ma jikkonformawx mad-dispożizzjonijiet ta’ din id-Direttiva.

Artikolu 3

L-Istati Membri għandhom idaħħlu fis-seħħ id-dispożizzjonijiet neċessarji biex jikkonformaw ma’ din id-Direttiva sa’ mhux aktar tard mill-1 ta’ Jannar 1989. Huma għandhom minnufih jinformaw lill-Kummissjoni b’dan.

Artikolu 4

Din id-Direttiva hija indirizzata lill-Istati Membri.

Magħmula fi Brussel, fis-16 ta’ Mejju 1988.

Għall-Kummissjoni

Cockfield

Viċi-President

[1] ĠU L 68, tat-22.3.1971, p. 1.

[2] ĠU L 327, tat-22.11.1986, p. 49.

[3] ĠU L 42, tat-23.2.1970, p. 1.

--------------------------------------------------

ANNESS

Anness II għad-Direttiva 71/127/KEE huwa emendat kif ġej:

Il-punt 2.2.2 fit-tieni kolonna tat-tabella, it-tieni linja issa taqra: "M1, N1 u N2" minflok "M1 u N1".

Anness III għad-Direttiva 71/127/KEE huwa emendat kif ġej:

1.2.3.4.5.6.7. Il-punt 2.1.1. issa jaqra:

"2.1.1. Il-kampi viżivi stipulati f’punt 5 għandhom ikunu miksuba min-numru minimu ta’ mirja li minnhom tista’ tara fuq wara obbligatorji mniżżla fit-tabella li ġejja:

Kategorija | Mirja ta’ ġewwa li minnhom tista’ tara fuq wara Klassi 1 | Mirja esterni li minnhom tista’ tara fuq wara |

Mirja li minnhom tista’ tara fuq wara prinċipali | Klassi II Klassi III | Mirja li minnhom tista’ tara fuq wara b’angolu wiesa Klassi IV |

Mirja li minnhom tista’ tara fuq wara prossimità viċin | Klassi V |

M1 | 1 (madankollu, ara l-punt 2.1.2) | — (madankollu, ara l-punt 2.1.2.3) | 1 fuq in-naħa opposta tad-direzzjoni segwita mit-traffiku (madankollu, ara l-punt2.2.1) | — | — |

M2 | — | 2 (1 fuq ix-xelluġ u 1 fuq il-lemin) | — | — (madankollu, ara l-punt 2.2.4) | — (ara, madankollu l-punti 2.2.2 u 3.7) |

M3 | — | 2 (1 fuq ix-xellug u 1 fuq il-lemin) | — | — (madankollu, ara l-punt 2.2.4) | — (madankollu, ara l-punti 2.2.2 u 3.7) |

N1 | 1 (madankollu, ara l-punt 2.1.2) | — (madankollu, ara punt 2.1.2.3) | 1 fuq in-naħa opposta tad-direzzjoni segwita mit-traffiku (madankollu, ara l-punt 2.2.1) | — (madankollu, ara l-punt 2.2.4) | — |

N2≤7,5 tunnellata metrika | — (madankollu, ara l-punt 2.2.3) | 2 (1 fuq ix-xellug u 1 fuq il-lemin) | — (madankollu, ara l-punt 2.1.3) | — (madankollu, ara l-punt 2.1.4) | — (madankollu, ara l-punti 2.2.2 u 3.7) |

N2 > 7,5 tunnellata | — madankollu, ara l-punt 2.2.3) | 2 (1 fuq ix-xellug u 1 fuq il-lemin) | — (madankollu, ara l-punt 2.1.3) | 1 | — (madankollu, ara l-punt 3.7) |

N3 | — (madankollu, ara l-punt 2.2.3) | 2 (1 fuq ix-xellug u 1 fuq il-lemin) | — (madankollu, ara l-punt 2.1.3) | 1 | 1 (madankollu, ara l-punt 3.7)" |

L-ewwel linja tal-punt 2.1.3 issa taqra:

"Madankollu,…, għall-vetturi tal-kategorija N2 u N3)"

minflok

"Madankollu, għall-vetturi tal-kategorija N3"

.

Il-punt ġdid li ġej 2.1.4. jiġi miżjud wara l-punt 2.1.3:

"2.1.4. Mera li minnha tista’ tara fuq wara tal-Klassi IV hija obbligatorja fil-vetturi kollha tal-kategorija N2 li għandhom massa massima ta’ mhux aktar minn 7,5 tunnellata metrika jekk il-mera li minnha tista’ tara fuq wara obbligatorja tal-Klassi II, imwaħħla fuq l-istess naħa, m’hiex konvessa".

Il-Punt 2.2.2. issa jaqra:

"2.2.2. Il-mera ta’ barra li minnha tista’ tara fuq wara tal-Klassi V hija aċċettabli għall-vetturi tal-kategorija N2 li għandhom massa massima ta’ mhux aktar minn 7,5 tunnellata metrika, u għall-vetturi tal-kategorija M2 u M3".

Il-Punt 2.2.4. issa jaqra:

"2.2.4. Mera ta’ barra li minnha tista’ tara fuq wara tal-Klassi IV hija aċċettabbli għall-vetturi N2 li għandha massa massima ta’ mhux aktar aktar minn 7,5 tunnellata metrika, u għall-vetturi tal-kategorija M2 u M3".

It-tieni linja tal-punt 5.5.1, issa taqra:

"(għall-vetturi li jinsaqu min-naħa tax-xellug)"

minflok

"(għall-vetturi li jinsaqu min-naħa tal-lemin)"

.

It-tielet linja tal-punt 5.5.1, issa taqra:

"(għall-vetturi li jinsaqu min-naħa tal-lemin)"

minflok

"(għall-vetturi li jinsaqu min-naħa tax-xellug)"

.

--------------------------------------------------