This document is an excerpt from the EUR-Lex website
Document 31986L0320
Commission Directive 86/320/EEC of 20 June 1986 amending Council Directive 66/402/EEC on the marketing of cereal seed
Id-Direttiva tal-Kummissjoni ta’ l-20 ta' Ġunju 1986 li temenda d-Direttiva tal-Kunsill 66/402/KEE dwar it-tqegħid fis-suq taż-żerriegħa taċ-ċereali
Id-Direttiva tal-Kummissjoni ta’ l-20 ta' Ġunju 1986 li temenda d-Direttiva tal-Kunsill 66/402/KEE dwar it-tqegħid fis-suq taż-żerriegħa taċ-ċereali
ĠU L 200, 23.7.1986, p. 38–38
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO, HR)
In force: This act has been changed. Current consolidated version: 24/06/1988
Official Journal L 200 , 23/07/1986 P. 0038 - 0038
Finnish special edition: Chapter 3 Volume 21 P. 0158
Swedish special edition: Chapter 3 Volume 21 P. 0158
ID-DIRETTIVA TAL-KUMMISSJONI ta' l-20 ta' Ġunju 1986 li temenda d-Direttiva tal-Kunsill 66/402/KEE dwar it-tqegħid fis-suq taż-żerriegħa taċ-ċereali (86/320/KEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ekonomika Ewropea, Wara li kkunsidrat id-Direttiva tal-Kunsill 66/402/KEE ta' l-14 ta' Ġunju 1966 dwar it-tqegħid fis-suq taż-żerriegħa taċ-ċereali [1], kif emendata l-aħħar bid-Direttiva 86/155/KEE [2], u b'mod partikolari l-Artikoli 2 (1a) u 21a tagħha, Billi, fid-dawl ta' l-iżvilupp tat-tagħrif xjentifiku u tekniku li jirrigwarda l-ibridi li jirriżultaw mit-tagħmir minn naħa għall-oħra ta' l-ispeċi koperti bid-Direttiva 66/402/KEE, l-ibridi li jirriżultaw mit-tagħmir minn naħa għall-oħra tas-Sorghumbicolor u s-Sorghumsudanense għandhom, minħabba iktar importanza fil-Komunità, jiġu inklużi fl-iskop ta' din id-Direttiva; Billi, fid-dawl ta' l-iżvilupp fit-tagħrif xjentifiku u tekniku, l-Anness I mad-Direttiva msemmija għandu jiġi emendat sabiex jaddatta l-kondizzjonijiet li jridu jiġu sodisfatti mill-uċuh tar-raba' ta' l-ispeċi tas-Sorghum; Billi l-miżuri pprovduti f'din id-Direttiva huma konformi ma' l-opinjoni tal-Kumitat Permanenti taż-Żrieragħ u l-Materjal tal-Propagazzjoni għall-Agrikoltura, l-Ortikultura u l-Forestrija, ADOTTAT DIN ID-DIRETTIVA: Artikolu 1 Id-Direttiva 66/402/KEE hija hawnhekk emendata kif ġej: 1. Fl-Artikolu 2 (1) (A) jiġi miżjud dan li ġej: 'Din id-definizzjoni għandha tkopri wkoll lill-ibridi li ġejjin li jirriżultaw mit-tagħmir minn naħa għall-oħra ta' l-ispeċi msemmija hawn fuq. L-ibridi tas-Sorghumbicolor (L.) MoenchX li jirriżultaw mit-tagħmir minn naħa għall-oħra tas- Sorghumsudanense (Piper) Stapf. . is-Sorghum u l-ħaxix tas-Sudan Għajr jekk ikun speċifikat xorta oħra, iż-żerriegħa ta' l-ibridi msemmija hawn fuq għandha tkun bla ħsara għall-istandards jew il-kondizzjonijiet l-oħra li japplikaw għaż-żerriegħa ta' kull speċi li minnhom ikunu dderivati.' 2. Fl-Anness I (3) (C) (b) il-kliem 'tal-varjetajiet ibridi ' irid jiddaħħal wara l-kliem 'iż-żerriegħa ċċertifikata'. 3. Fl-Anness I (3) (C) jiġi miżjud dan li ġej: '(ċ) l-uċuh tar-raba' tal-varjetajiet imdakkra bil-pollen jew ta' varjetajiet sintetiċi tas-Sorghumspp. għandhom jikkonformaw ma' l-istandards li ġejjin: in-numru tal-pjanti ta' l-uċuh tar-raba' li jingħarfu bħala li ovvjament mhumiex veri għall-varjetà ma għandhomx jaqbżu: - il-waħda għal kull 30 m2 tal-produzzjoni taż-żerriegħa bażika, - il-waħda għal kull 10 m2 tal-produzzjoni taż-żerriegħa ċċertifikata'. Artikolu 2 L-Istati Membri għandhom jieħdu l-miżuri meħtieġa sabiex jikkonformaw ma' din id-Direttiva mhux iktar tard mill-1 ta' Lulju 1987. Għandhom jgħarrfu lill-Kummissjoni b'dan minnufih. Artikolu 3 Din id-Direttiva hija indirizzata lill-Istati Membri. Magħmula fi Brussel, fil-20 ta' Ġunju 1986. Għall-Kummissjoni Frans ANDRIESSEN Viċi-President [1] ĠU Nru 125, 11.7.1966, p. 2308/66 [2] ĠU Nru L 118, 7.5.1986, p. 23