31984L0415

Il-ħames Direttiva tal-Kummissjoni

tat-18 ta’ Lulju 1984

li tadatta għal progress tekniku l-Annessi II, III, IV, V u VI tad-Direttiva tal-Kunsill 76/768/KEE dwar l-approssimazzjoni tal-liġijiet tal-Istati Membri li għandhom x’jaqsmu mal-prodotti kosmetiċi

(84/415/KEE)

Il-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill 76/768/KEE tas-27 ta’ Lulju 1976 dwar l-approssimazzjoni tal-liġijiet tal-Istati Membri li għandhom x’jaqsmu mal-prodotti kosmetiċi [1], kif l-aħħar emendata bid-Direttiva 83/574/KEE [2], u b’mod partikulari l-Artikolu 8(2) tagħha,

Billi sabiex tkun protetta s-saħħa pubblika, l-użu ta’ l-aċidu aristoloċiku (8-methoxy-3,4-methylenedioxy-10-nitrophenanthrene-1-carboxylic acid) u l-imluħa tiegħu kif ukoll l-ispeċi kollha tal-Veratrum għandhom ikunu pprojbiti fil-prodotti kosmetiċi,

Billi, fuq il-bażi tar-riċerka xjentifika u teknika l-aktar riċenti u soġġett għal ċerti restrizzjonijiet u kondizzjonijiet, l-użu tas-sustanzi li ġejjin jista’ jkun permissibli fi prodotti kosmetiċi: perossidu ta’ l-idroġenu fi preparazzjonijiet għal kura tal-ġilda u fi preparazzjonijiet ta’ tisħiħ tad-dwiefer, hydroquinone bħala aġent li jbajjad il-ġilda f’inħawi lokalizzati u nicomethanol hydrofluoride (3-hydroxymethylpyridinium fluoride) fi preparazzjonijiet ta’ l-iġjene orali; billi n-nitrat tal-fidda jista’ jkun definittivament permissibbli sabiex jagħti kulur lix-xagħar tal-għajnejn u tal-ħuġġbejn;

Billi l-glycerol-1(4-amino-benzoate) hu filtru tal-UV elenkat Nru 4 fil-parti 2 ta’ l-Anness VII, u għalhekk jista’ jkun imħassar minn Nru 2 fl-parti 1 ta’ l-Anness IV tad-Direttiva 76/768/KEE;

Billi l-preservattivi 56 u 57, elenkati fil-parti 2 ta’ l-Anness VI tad-Direttiva 76/768/KEE, huma wkoll miżjuda mal-kosmetiċi għal skopijiet speċifiċi oħra;

Billi l-miżuri li hemm provvediment dwarhom f’din id-Direttiva huma bi qbil mal-opinjoni tal-Kumitat dwar l-Adattazzjoni għall-Progress Tekniku tad-Direttivi għat-Tneħħija ta’ l-Ostakoli Tekniċi għall-Kummerċ fis-Settur tal-Kosmetiċi,

ADOTTAT DIN ID-DIRETTIVA:

L-Artikolu 1

Id-Direttiva 76/768/KEE hija b’dan emendata kif ġej:

1. Fl-Anness II:

- in-numru 333 jinbidel bi:

"333. Veratrum Spp. u l-preparazzjonijiet tiegħu",

- l-oġġett li ġej huwa miżjud:

"365. Aċidu aristoloċiku u l-imluħa tiegħu".

2. Fl-Anness III, fil-parti 1:

- in-numri ta’ referenza 12 u 14 huma emendati kif ġej:

a | b | c | d | e | f |

12 | Perossidu ta’ l-idroġenu | (a)Preparazzjonijiet għall-kura tax-xagħar | 12 % ta’ H2O2 (40 volum) | | (a) (b) (ċ) Fih il-perossidu ta’ l-idroġenu Evita l-kuntatt ma’ l-għajnejn Laħlaħ l-għajnejn immedjatament jekk il-prodott jiġi f’kuntatt magħhom |

| | (b)Preparazzjonijiet għall-kura tal-ġilda | 4 % ta’ H2O2 | |

| | (c)Preparazzjonijiet għat-tisħiħ tad-dwiefer | 2 % ta’ H2O2 | |

14 | Hydroquinone (1) | (a)Aġent ossidizzanti taż-żebgħa tax-xagħar: | 2 % | | a) |

| | 1.Użu ġenerali | | | 1.Tużax sabiex tagħti kulur lix-xagħar tal-għajnejn u lill-ħuġġbejn.Laħlaħ l-għajnejn immedjatament jekk il-prodott jiġi f’kuntatt magħhomFih il-hydroquinone |

| | 2.Użu professjonali | | | 2.Għal użu professjonali biss.Fih il-hydroquinoneLaħlaħ l-għajnejn immedjatament jekk il-prodott jiġi f’kuntatt magħhom |

| Hydroquinone | (b)Aġenti biex ibajdu l-ġilda f’inħawi lokalizzati | 2 % | | b) Fih il-hydroquinoneEvita l-kuntatt ma’ l-għajniejnApplika fuq żoni żgħarJekk tiżviluppa irritazzjoni waqqaf l-użufuq tfal ta’ taħt l-età ta’ 12-il sena |

- in-numri ta’ referenza li ġejjin huma miżjuda:

a | b | ċ | d | e | f |

47 | Nicomethanol hydrofluoride | Prodotti ta’ l-iġjene orali | 0,15 % ikkalkolat bħala F Meta mħallat ma’ taħlitiet oħrajn ta’ flworin permissibbli permezz ta’ dan l-Anness, il-konċentrazzjoni totali ta’ F ma għandhiex teċċedi il- 0,15 % | | Fih il-nicomethanol hydrofluoride |

48 | Nitrat tal-fidda | Biss għall-prodotti intiżi sabiex jagħtu kulur lix-xagħar ta’ l-għajnejn u lill-ħuġġbejn | 4 % | | Fih in-nitrat tal-fiddaLaħlaħ l-għajnejn immedjatament jekk il-prodott jiġi f’kuntatt magħhom |

3. In-numri ta’ referenza 2 u 6 jitħassru mill-parti 1 ta’ l-Anness IV.

4. In-numru ta’ referenza 11 jitħassar mill-Anness V.

5. Is-simbolu (+) jiżdied mal-kolonna (b) tal-parti 2 fl-Anness VI immedjatament wara l-ismijiet tas-sustanzi nnominati bin-Nri ta’ referenza 56 u 57.

L-Artikolu 2

L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex ikunu konformi ma’ din id-Direttiva mhux aktar tard mill-31 ta’ Diċembru 1985. Għandhom jinfurmaw minnufih lill-Kummissjoni bihom.

L-Artikolu 3

Din id-Direttiva hija ndirizzata lill-Istati Membri.

Magħmula fi Brussel, fit-18 ta’ Lulju 1984.

Għall-Kummissjoni

Karl-Heinz Narjes

Membru tal-Kummissjoni

[1] ĠU L 262, tas-27.9.1976, p. 169.

[2] ĠU L 332, tat-28.11.1983, p. 38.

--------------------------------------------------