31983L0572

Id-Direttiva tal-Kunsill

tas-26 ta' Ottubru 1983

li temenda d-Direttiva 65/269/KEE li tikkonċerna l-istandardizzazzjoni ta' ċerti regoli relatati ma' l-awtorizzazzjonijiet għat-trasport ta' merkanzija bit-triq bejn l-Istati Membri u l-Ewwel Direttiva tal-Kunsill tat-23 ta' Lulju 1962 dwar l-istabbiliment ta' regoli komuni għal ċerti tipi ta' trasport ta' merkanzija bit-triq bejn l-Istati Membri

(83/572/KEE)

IL-KUNSILL TAL-KOMUNITAJIET EWROPEJ

Wara li kkunsidra t-Trattat li jistabbilixxi l-Komunità Ekonomika Ewropea u b'mod partikolari l-Artikolu 75 tiegħu,

Wara li kkunsidra l-proposta mill-Kummissjoni [1],

Wara li kkunsidra l-opinjoni tal-Parlament Ewropew [2],

Wara li kkunsidra l-opinjoni tal-Kumitat Ekonomiku u Soċjali [3],

Billi l-introduzzjoni ta' awtorizzazzjoni multilaterali għat-trasport ta' skariġġ intra-Komunitarju bit-triq għandha tassigura organizzazzjoni iktar effiċjenti ta' dan l-iskariġġ u għalhekk żieda fil-produttività ta' l-intrapriżi speċjalizzati fl-iskariġġ;

Billi d-Direttiva 65/269/KEE [4], kif l-aħħar emendata bid-Direttiva 73/169/KEE [5], għandha għalhekk tiġi emendata biex tinkludi din l-awtorizzazzjoni;

Billi r-regoli dwar l-iskariġġ intra-Komunitarju għandhom jiġu kkumbinati f'Direttiva waħda; billi l-Ewwel Direttiva tal-Kunsill tat-23 ta' Lulju 1962 [6], kif l-aħħar emendata bid-Direttiva 82/50/KEE [7], għandhom għalhekk jiġu emendati,

ADOTTA DIN ID-DIRETTIVA:

L-Artikolu 1

Id-Direttiva 65/269/KEE hija hawnhekk emendata kif ġej:

1. Fl-ewwel paragrafu ta' l-Artikolu 2 "jew xort'oħra" huwa mħassar.

2. Il-paragrafi li ġejjin huma miżjuda ma' l-Artikolu 2:

"L-awtorizzazzjoni mogħtija għat-trasport ta' skariġġ minn intrapriżi li jkollhom persunal u tagħmir speċjalizzat għall-iskop għandha tkun valida għat-trasport bejn l-Istati Membri u in tranżitu tul it-territorju ta' l-Istati Membri.

Dan it-trasport m'għandux ikun soġġett għal sistema ta' kwota.

Din id-dispożizzjoni ma talterax il-kondizzjonijiet li għalihom kull Stat Membru jissuġġetta l-ammissjoni taċ-ċittadini proprji tiegħu."

3. Il-mudell ta' awtorizzazzjoni anness ma' din id-Direttiva huwa miżjud ma' l-Anness.

L-Artikolu 2

Il-Punt 4 ta' l-Anness II ta' l-Ewwel Direttiva tal-Kunsill tat-23 ta' Lulju 1962 huwa hawnhekk imħassar.

L-Artikolu 3

L-Istati Membri għandhom jieħdu l-miżuri neċessarji biex jikkonformaw ma' din id-Direttiva sa mhux iktar tard mill-1 ta' Jannar 1984. Għandhom jinfurmaw bihom lill-Kummissjoni minnufih.

L-Artikolu 4

Din id-Direttiva hija indirizzata lill-Istati Membri.

Magħmula fil-Lussemburgu, fis-26 ta' Ottubru 1983.

Għall-Kunsill

Il-President

G. Moraitis

[1] ĠU C 307, ta' l-24.11.1982, p. 4.

[2] ĠU C 277, tas-17.10.1983, p. 161.

[3] ĠU C 90, tal-5.4.1983, p. 1.

[4] ĠU 88, ta' l-24.5.1965, p. 1469/65.

[5] ĠU L 181, ta' l-4.7.1973, p. 20.

[6] ĠU 70, tas-6.8.1962, p. 2005/62.

[7] ĠU L 27, ta' l-4.2.1982, p. 22.

--------------------------------------------------

L-ANNESS

+++++ TIFF +++++

+++++ TIFF +++++

--------------------------------------------------