31983L0264

Id-Direttiva tal-Kunsill

tas-16 ta’ Mejju 1983

li temenda għar-raba’ darba d-Direttiva 76/769/KEE dwar l-approssimazzjoni tal-liġijiet, ir-regolamenti u d-dispożizzjonijiet amministrattivi ta’ l-Istati Membri li għandhom x’jaqsmu mar-restrizzjonijiet dwar il-marketing u l-użu ta’ ċerti sustanzi u preparazzjonijiet perikolużi

(83/264/KEE)

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi il-Komunità Ekonomika Ewropea, u b’mod partikolari l-Artikolu 100 tiegħu,

Wara li kkunsidra l-proposta mill-Kummissjoni [1],

Wara li kkunsidra l-opinjoni tal-Parlament Ewropew [2],

Wara li kkunsidra l-opinjoni tal-Kumitat Ekonomiku u Soċjali [3],

Billi l-użu ta’ tris (2,3 dibromopropyl)-phosphate għall-oġġetti tat-tessuti li jirreżistu n-nar kien ipprojbit bid-Direttiva 79/663/KEE [4] minħabba l-perikoli għas-saħħa li jippreżenta; billi eżamijiet sussegwenti wrew li żewġ prodotti oħra li jirreżistu n-nirien, tris-(aziridinyl)-phosphinoxide u polybrominatedbiphenyls (PBB) huma ta’ ħsara għas-saħħa u, għalhekk, m’għandhomx jiġu użati għal tessuti li jiġu f’kuntatt mal-ġilda;

Billi 3,3 dimethoxybenzidine huwa użat fil-manifattura tat-trab ta’ l-għatis; billi, għalkemm l-informazzjoni li tikkonċerna l-propjetajiet mutaġeniċi u karċjoġeniċi ta’ din is-sustanza mhix konklussiva, ix-xebh ta’ l-istruttura ta’ din is-sustanza mal-benżidin, li għandu effett karċinoġeniku fuq il-bniedem stabbilit b’mod definit, iwasslu għal li għandu ttittieħed prekawzjoni kbira fir-rigward tar-risjki għas-saħħa potenzjali tagħha; billi huwa ċar li t-trab ta’ l-għatis huwa l-iżjed użat mit-tfal, li fil-prinċipju huma grupp sensittiv għal kimiċi tossiċi u, li għandhom, għalhekk, ikollhom protezzjoni speċjali kontra l-perikoli għas-saħħa; billi, għalhekk l-użu ta’ din is-sustanza għandu jkun ipprojbit li jintuża f’ċajt bħal trab ta’ l-għatis;

Billi xi trab ta’ l-għatis magħmul mill-pjanti huwa ta’ perikolu għal dawk li jużawh, speċjalment it-tfal, u diġà huwa pprojbit minn xi Stati Membri minħabba din ir-raġuni;

Billi l-polisulfidi ta’ l-ammonium għandhom effett korrużiv u jistgħu jagħmlu ħsara serja u dejjiema, partikolarment lill-għajnejn; billi dawn il-komposti, li huma mibjugħa partikolarment lit-tfal bħala ċajt huma perikolużi b’mod speċjali; billi l-użu tagħhom għandu, għalhekk, jiġi pprojbit;

Billi l-esteri volatili ta’ l-aċidu bromo-aċetiku huwa użat bħala gass tad-dmugħ; billi għandhom effett irritanti fuq is-sistema respiratorja u l-għajnejn u jista’ jkun ukoll ta’ ħsara għalihom; billi, f’konċentrazzjonijiet qawwija jistgħu jipproduċu effett korrużiv u jistgħu jikkaġunaw ħsara irriversibbli lill-għajnejn; billi m’għandhomx jiġu użati mit-tfal u l-użu tagħhom bħala ċajt għandu, għalhekk, jiġi pprojbit;

Billi r-restrizzjonijiet li diġà kienu introdotti minn xi Stati Membri f’dak li għandu x’jaqsam mas-sustanzi msemmija hawn fuq jaffettwaw direttament l-istabbiliment jew il-funzjonament tas-suq komuni; billi huwa għalhekk neċessarju li jkunu armonizzati l-liġijiet li jeżistu f’dan il-qasam fl-Istati Membri u li jkunu emendati skond l-Anness tad-Direttiva 76/769/KEE [5],

ADOTTA DIN ID-DIRETTIVA

L-Artikolu 1

L-oġġetti li ġejjiin għandhom jiġu miżjuda fl-Anness tad-Direttiva 76/769/KEE:

"8.Tris-aziridinyl)-phosphinoxideSAK Nru 5455-55-1 | Ma jistgħux jiġu użati f’oġġetti tat-tessuti, bħal ma huma ħwejjeġ, ħwejjeġ ta’ taħt u lożor tas-sodda, intiżi biex jiġu f’kuntatt mal-ġilda |

9Polybrominatedbiphenyls (PBB)SAK Nru 59536-65-1 |

10.Trab tas-sapun mill-qoxra tas-siġar (Quillaja saponaria) u d-derivattivi tagħhom li jkun fihom is-saponiniTrab ta’ l-għeruq ta’ Helleborus virdis u Helleborus nigerTrab ta’ l-għeruq ta’ veratrum album u veratrum nigrumBenżidin u/jew id-derivattivi tiegħuo-nitrobenzaldehydeSAK Nru 552-89-6Trab ta’ l-injam | Ma jistgħux jiġu użati f’ċajt jew f’oġġetti intiżi għal tali użu, bħalma huma trab ta’ l-għatis jew bombi li jagħmlu riħa tinten B’dana kollu, l-Istati Membri jistgħu jittolleraw fit-territorji tagħhom bombi li jagħmlu riħa tinten li ma jkunx fihom aktar minn 1,5 ml |

11.Sulfidu ta’ l-ammonium u sulfidu ta’ l-idroġenu ta’l-ammoniumSAK Nru 12135-76-1SAK Nru 12124-99-1Polisulfid ta’ l-ammoniumSAKNru 12259-92-6 |

12.Esteri volatili ta’ l-acidi bromo-aċetiċi:MethylbromoacetateSAK Nru 96-32-2Etil bromo-aċetikuSAK Nru 105-36-2Propil bromo-aċetikuButil bromo-aċetiku" |

L-Artikolu 2

L-Istati Membri għandhom idaħħlu fis-seħħ id-dispożizzjonijiet meħtieġa biex ikunu konformi ma’ din Direttiva fi żmien 18-il xahar min-notifika [6]. Għandhom jinfurmaw lill-Kummissjoni minnufih b’dan.

L-Artikolu 3

Din id-Direttiva hija indirizzata lill-Istati Membri.

Magħmula fi Brussel, fis-16 ta’ Mejju 1983.

Għall-Kunsill

Il-President

I. Kiechle

[1] ĠU C 288, ta’ l-10.11.1981, p.7.

[2] ĠU C 125, tas-17.5.1982, p.148.

[3] ĠU C 112, tat-3.5.1982, p.42.

[4] ĠU L 197, tat-3.8.1979, p.37.

[5] ĠU L 262, tas-27.9.1976, p.201.

[6] Din id-Direttiva kienet innotifikata lill-Istati Membri fid-19 ta’ Mejju 1983.

--------------------------------------------------