31982R3019

Ir-Regolament tal-Kummissjoni (KEE) Nru 3019/82

tal-11 ta' Novembru 1982

li jemenda għad-disa’ darba r-regolament (KEE) Nru 2730/81 li jwaqqaf lista ta' aġenziji f pajjiżi importaturi li m'humiex membri li għandhom id-dritt li joħorġu sejħa għal offerti fis-settur tal-ħalib u tal-prodotti tal-ħalib

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 804/68 tas-27 ta' Ġunju 1968 dwar l-organizzazzjoni komuni tas-suq fil-ħalib u prodotti tal-ħalib [1], kif l-aħħar emendat bir-Regolament (KEE) Nru 1183/82 [2], u b'mod partikolari Artikoli 13(3) u 17 (4) tiegħu,

Billi r-Regolament tal-Kummissjoni (KEE) Nru 2730/81 [3], kif l-aħħar emendat bir-Regolament (KEE) Nru 2556/82 [4], waqqaf lista ta' aġenziji f'pajjiżi importaturi li m'humiex membri li għandhom id-dritt li joħorġu inviti għall-offerti fis-settur tal-ħalib u tal-prodotti tal-ħalib;

Billi fid-dawl tat-tagħrif l-aktar riċenti disponibbli għall-Kummissjoni dwar il-prattiċi tal-kummerċ segwiti mill-pajjiżi importaturi kkonċernati u n-natura uffiċjali ta' l-aġenziji in kwistjoni dan ir-Regolament għandu jiġi emendat;

Billi l-miżuri li għalihom jipprovdi dan ir-Regolament huma skond l-opinjoni tal-Kumitat li Jiġġestixxi l-Ħalib u l-Prodotti tal-Ħalib,

ADOTTAT DAN IR-REGOLAMENT

Artikolu 1

L-Anness li jinsab mar-Regolament (KEE) Nru) 2730/81 qiegħed jiġi emendat kif ġej:

Il-lista ta' organizzazzjonijiet li joħorġu għandha tkun mitmuma biż-żieda ta' l-organizzazzjonijiet li ġejjin, bid-dħul isir skond l-ordni alfabetiku tal-pajjiż importatur:

1.2 Pajjiż importatur | Organizzazzjoni li toħroġ |

St Kitts-Nevis | Government Supply Office Basseterre |

West Indies | St Kitts-Nevis West Indies |

Artikolu 2

Dan ir-Regolament għandu jidħol fis-seħħ fit-tielet jum li jiġi wara dak li fih jiġi ppublikat fil-Ġurnal Uffiċċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fil-11 ta' Novembru 1989.

Għall-Kummissjoni

Poul Dalsager

Membru tal-Kummissjoni

[1] ĠU L 148, tat-28.6.1968, p. 13.

[2] ĠU L 140, ta' l-20.5.1982, p. 1.

[3] ĠU L 272, tas-26.9.1981, p. 25.

[4] ĠU L 273, tat-23.9.1982, p. 33.

--------------------------------------------------