31982R2304

Ir-Regolament tal-Kummissjoni (KEE) Nru 2304/82

ta' l-20 ta' Awissu 1982

li jemenda għat-tieni darba r-Regolament (KEE) Nru 32/82 li jistabbilixxi l-kondizzjonijiet għall-għoti tar-rifużjonijiet speċjali ta' l-esportazzjoni taċ-ċanga u l-vitella

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jwaqqaf Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 805/68 tas-27 ta' Ġunju 1968 dwar l-organizzazzjoni komuni fis-suq taċ-ċanga u l-vitella [1], kif l-aħħar emendat bl-Att ta' l-Adeżjoni tal-Greċja, u b'mod partikolari Artikolu 18(6) tiegħu,

Billi r-Regolament tal-Kummissjoni (KEE) Nru 32/82 [2], kif emendat bir-Regolament (KEE) Nru 752/82 [3], iddefinixxa l-kondizzjonijiet għall-għoti tar-rifużjonijiet speċjali ta' l-esportazzjoni taċ-ċanga u l-vitella;

Billi r-Regolament (KEE) Nru 32/82 qatt ma eskluda l-applikazzjoni tad-dispożizzjonijiet ta' Artikolu 5 tar-Regolament tal-Kunsill (KEE) Nru 565/80 ta' l-4 ta' Marzu 1980 dwar il-ħlas bil-quddiem tar-rifużjonjiet ta' l-esportazzjoni rigward il-prodotti agrikoli [4]; billi fejn isir użu mid-dispożizzjonijiet ta' Artikolu 5 tar-Regolament (KEE) Nru 565/80 għandu jiġi ċċarat li ċ-ċertifikat imsemmi f'Artikolu 2(2) tar-Regolament (KEE) Nru 32/82 għandu jiġi ppreżentat lill-awtoritajiet tad-dwana fil-waqt tat-tlestija tal-formalitajiet tad-dwana għat-tqegħid tal-prodott taħt il-proċedura tal-magazzinaġġ doganali jew f'zona ħielsa; billi dan ukoll iġib il-ħtieġa li ċ-ċertifikat jiġi emendat; billi bħala għajnuna biex jiġi żgurat li ma ssir ebda sostituzzjoni għandu jkun previst li dawk il-prodotti m'għandhomx ikunu soġġetti għall-operazzjonijiet speċifikati taħt 2, 3 and 4 ta' Artikolu 4(5) tar-Regolament tal-Kummissjoni (KEE) Nru 798/80 tal-31 ta' Marzu 1980 li jipprovdi regoli ġenerali għall-ħlas bil-quddiem tar-rifużjonijiet ta' l-esportazzjoni u ta' l-ammonti pożittivi kompensatorji fir-rigward tal-prodotti agrikoli [5], kif l-aħħar emendat bir-Regolament (KEE) Nru 1663/81 [6];

Billi Artikolu 4a tar-Regolament (KEE) Nru 32/82 jistabbilixxi r-regoli dettaljati għall-komunikazzjoni mill-Istati Membri lill-Kummissjoni tal-kwantitajiet tal-prodotti li dwarhom ikunu ħallsu rifużjonijiet speċjali ta' l-esportazzjoni; billi dan għandu jkun supplimentat billi jiġi provdut li tingħata prijorità lill-komunikazzjoni tal-kwantitajiet imqiegħda taħt proċedura ta' magazzinaġġ doganali jew ta' zona ħielsa kif imsemmi f'Artikolu 5 tar-Regolament (KEE) Nru 565/80;

Billi l-miżuri previsti f'dan ir-Regolament huma konformi ma' l-opinjoni tal-Kumitat ta' Ġestjoni taċ-Ċanga u l-Vitella,

ADOTTAT DAN IR-REGOLAMENT

Artikolu 1

Ir-Regolament (KEE) Nru 32/82 qiegħed b'dan jiġi emendat kif ġej:

1. Dan is-subparagrafu li ġej għandu jiżdied ma' Artikolu 2(2):

"Madankollu, meta prodotti jitqiegħdu taħt l-arranġamenti previsti fl-Artikolu 5 tar-Regolament (KEE) Nru 565/80, iċ-ċertifikat imsemmi fis-subparagrafu ta' qabel għandu jiġi ppreżentat lill-awtoritajiet tad-dwana meta l-formalitajiet tad-dwana msemmija f'Artikolu 2(1) tar-Regolament (KEE) Nru 798/80 jiġu mitmuma. Meta dan is-subparagrafu jgħodd l-operazzjonjiet imsemmija taħt 2, 3 u 4 ta' Artikolu 4(5) tar-Regolament (KEE) Nru 798/80 għandhom, b'deroga minn dak ir-Regolament, ma jiġux permessi."

2. Artikolu 4a qiegħed jinbidel b'dan li ġej:

"Artikolu 4a

L-Istati Membri għandhom jikkomunikaw lill-Kummissjoni permezz tat-telex qabel il-25 jum ta' kull xahar il-kwantitajiet u, safejn ikun possibbli, id-deskrizzjoni tal-prodotti li dwarhom jew tkun tħallset rifużjoni speċjali jew ħlas bil-quddiem ikun sar għalihom taħt Artikolu 25 tar-Regolament (KEE) Nru 2730/79 jew taħt Artikolu 5 tar-Regolament (KEE) Nru 565/80 matul ix-xahar ta' qabel fuq il-bażi taċ-ċertifikati."

3. L-Anness qiegħed jinbidel bl-Anness li jinsab ma' dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum li jiġi wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fl-20 ta' Awissu 1982.

Għall-Kummissjoni

Poul Dalsager

Membru tal-Kummissjoni

[1] ĠU L 148, tat-28.6.1968, p. 24.

[2] ĠU L 4, tat-8.1.1982, p. 11.

[3] ĠU L 86, ta' l-1.4.1982, p. 50.

[4] ĠU L 62, tas-7.3.1980, p. 5.

[5] ĠU L 87, ta' l-1.4.1980, p. 42.

[6] ĠU L 166, ta' l-24.6.1981, p. 9.

--------------------------------------------------

L-ANNESS

+++++ TIFF +++++

--------------------------------------------------