31980L1119

Id-Direttiva tal-Kunsill

tas-17 ta' Novembru 1980

dwar il-prospetti ta' statistika li għandhom x'jaqsmu mat-trasport ta' merkanzija permezz ta' passaġġi ta' l-ilma interni

(80/1119/KEE)

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabilixxi l-Komunità Ekonomika Ewropea, u b'mod partikolari l-Artikolu 213 tiegħu,

Wara li kkunsidra l-abbozz tad-Direttiva sottomess mill-Kummissjoni,

Wara li kkunsidra l-opinjoni tal-Parlament Ewropew [1],

Wara li kkunsidra l-opinjoni tal-Kumitat Ekonomiku u Soċjali [2],

Billi sabiex jitwettqu x-xogħlijiet fdati lilha skond it-Trattat, il-Kummissjoni għandu jkollha għad-dispożizzjoni tagħha informazzjoni statistika konsistenti, sinkronizzata u regolari dwar l-iskala u l-iżvilupp tat-trasport tal-merkanzija permezz ta' passaġġi ta' l-ilma interni fl-Istati membri; billi din l-informazzjoni għandha tkun kumparabbli kemm bejn l-Istati kif ukoll ma' l-informazzjoni għal modi oħra ta' trasport u għandha tirreferi għal traffiku nazzjonali, internazzjonali u ta' tranżitu;

Billi, minħabba li l-varjazzjonijiet matul is-sena fid-domanda għat-trasport u fil-kondizzjonijiet tan-navigabilità għandhom influwenza fuq it-traffiku tal-merkanzija, ċerti statistiki għandhom jiġu sottomessi f'intervalli ta' inqas minn sena;

Billi sabiex tiġi żgurata informazzjoni adegwata fis-suq għat-trasport ta' merkanzija permezz tal-passaġġi ta' l-ilma interni, din id-informazzjoni statistika għandha tiddistingwi bejn il-konnessjonijiet ewlenin tat-trasport;

Billi l-istatistiki diġà disponibbli fl-Istati Membri differenti dwar it-trasport tal-merkanzija għandhom ikunu iktar armonizzati fuq livell Komunitarju;

Billi sabiex tiġi faċilitata l-implimentazzjoni tad-dispożizzjonijiet proposti, għandhom jiġu stabbiliti ċerti limiti ta' żmien għall-forniment ta' l-informazzjoni statistika meħtieġa;

Billi l-Kummissjoni għandha tissottometti rapport sabiex ikun possibbli għall-Kunsill li jeżamina sa fejn l-għanijiet ta' din id-Direttiva jistgħu jintlaħqu bl-użu ta' l-informazzjoni statistika sottomessa; Billi għandha għalhekk taħseb fil-possibiltà li tipproponi titjib għall-metodi użati fil-kompilazzjoni ta' dawn l-istatistiki; billi l-Kunsill, fuq proposta mill-Kummissjoni, għandu jiddeċiedi dwar l-introduzzjoni ta' statistiki tat-trasport tal-merkanzija b'bastimenti tal-baħar fuq passaġġi ta' l-ilma interni, u stastistiċi dwar it-traffiku internazzjonali bejn ir-reġjuni fuq dawn il-passaġġi ta' l-ilma interni;

Billi l-informazzjoni statistika hija meħtieġa sabiex jiġu aċċertati l-iskala u l-iżvilupp tat-trasport tal-merkanzija; billi l-Komunità għandha għalhekk, għal perjodu inizjali, tagħmel kontribuzzjoni finanzjarja lill-Istati Membri fir-rigward tax-xogħol involut,

ADOTTA DIN ID-DIRETTIVA:

L-Artikolu 1

1. L-Istati Membri b'passaġġ ta' l-ilma intern wieħed jew iktar għandhom jagħmlu stħarriġ statistiku tat-trasport permezz ta' bastimenti fuq il-passaġġi ta' l-ilma interni, irrispettivament mill-pajjiż li fih huma reġistrati jew liċenzjati:

- ta' merkanzija trasportati b'kiri jew bi ħlas u merkanzija trasportata għall-kont proprju,

- ta' merkanzija mgħobbija jew maħtuta fil-pajjiż, jew li tgħaddi in tranżitu permezz tal-passaġġi ta' l-ilma interni tagħha.

2. Għall-iskopijiet ta' din id-Direttiva, it-termini li ġejjin għandu jkollhom it-tifsira mogħtija lilhom hawn iżjed 'il quddiem:

(a) passaġġi ta' l-ilma interni: mogħdija ta' l-ilma, kanal, jew lag li l-karatteristiċi naturali jew artifiċjali tagħhom jagħmluhom tajba għan-navigazzjoni, primarjament permezz ta' bastimenti tal-passaġġi ta' l-ilma interni;

(b) bastiment tal-passaġġi ta' l-ilma interni: bastiment, kemm jekk immexxi minnu stess jew le, li hu rreġistrat jew liċenzjat bħala bastiment tal-passaġġi ta' l-ilma interni, li jista' jew ma jistax ikun barkun merfugħ minn vapur, u li permezz tad-disinn jew il-kostruzzjoni tiegħu hu xieraq għan-navigazzjoni f'ilmijiet kennin biss.

3. Din id-Direttiva m'għandhiex tapplika għal:

- trasport ta' merkanzija permezz ta' bastimenti ta' inqas minn 50 tunnellata metrika piż mejjet,

- bastimenti użati prinċipalment għat-trasport tal-passiġġieri,

- bastimenti użati bħala lanċa,

- bastimenti użati biss għal skopijiet li m'humiex kummerċjali permezz ta' amministrazzjonijiet tal-port u awtoritajiet pubbliċi,

- bastimenti użati biss għall-bunkering jew għall-ħżin,

- bastimenti li m'humiex użati għat-trasport ta' merkanzija bħal bastimenti tas-sajd, karrakki tal-ħama, workshops li jibqgħu f'wiċċ l-ilma, djar dgħajjes u bċejjeċ tal-baħar tad-divertiment.

4. L-ewwel stħarriġ statitsiku għandu jsir mill-1 ta' Jannar 1981

L-Artikolu 2

1. Id-dettalji li ġejjin għandhom jiġu rreġistrati:

(a) il-piż tal-merkanzija f'tunnellati metriċi;

(b) il-konnessjonijiet ewlenin tat-trasport:

- it-traffiku nazzjonali, meta l-merkanzija tiġi kemm mgħobbija kif ukoll maħtuta fl-istess Stat Membru li jirrapporta, irrispettivament mir-rotta segwita mill-bastiment,

- it-traffiku internazzjonali, meta l-merkanzija tiġi mgħobbija jew maħtuta, imma mhux it-tnejn, fl-Istat Membru li jirrapporta, li jiddistingwi bejn il-merkanzija mgħobbija u dik maħtuta,

- it-traffiku fi tranżitu, meta l-merkanzija tgħaddi mill-Istat Membru li jirrapporta mingħajr ma tiġi mgħobbija, maħtuta jew trasbordata.

Fil-każ ta' barkuni merfugħa minn vapuri, il-merkanzija għandha titqies li ġiet mgħobbija fil-post fejn il-barkun jintefa' fuq wiċċ l-ilma jew jintrefa' mill-vapur li jġorr, u maħtuta meta l-barkun jinġibed jew jintrefa' abbord mill-vapur li jġorr;

(ċ) in-natura tal-merkanzija, skond il-gruppi ta' merkanzija murija fil-kolonna tan-naħa tax-xellug ta' l-Anness I

(d) in-nazzjonalità, jiġifieri il-pajjiż fejn il-bastiment li jġorr il-merkanzija hu reġistrat jew liċenzjat, jew fin-nuqqas, il-pajjiż fejn is-sid tal-bastiment hu domiċiljat.

(e) it-tip ta' bastiment skond in-nomenklatura li ġejja:

- barkun immexxi minnu stess:

- tanker immexxi minnu stess,

- barkuni oħrajn immexxija minnhom infushom,

- barkun irmunkat:

- tanker irmunkat:

- barkun irmunkat ta' xort' oħra,

- barkun imbuttat (inkluż il-barkuni imbuttati-irmunkati):

- tanker imbuttat,

- barkuni mbuttati oħrajn (inklużi barkuni mgħobbija fuq vapuri),

- bastimenti oħrajn li jġorru l-merkanzija,

Il-kelma "tanker" tirreferi għall-bastimenti kollha intenzjonati għat-trasport bil-massa ta' likwidu jew tagħbija likwida, imma mhux ta' trabijiet;

(f) għal traffiku nazzjonali, ir-reġjuni nazzjonali ta' tagħbija u ta' ħatt skond il-klassifika ġeografika mogħtija fl-Anness II;

(g) għal traffiku internazzjonali u ta' tranżitu, il-pajjiżi ta' tagħbija u tal-ħatt kif elenkati fl-Anness III;

(h) id-distanza f'kilometri koperta fuq il-passaġġi ta' l-ilma interni nazzjonali.

2. L-Istati Membri fejn il-volum totali tal-merkanzija trasportata fis-sena permezz ta' passaġġi ta' l-ilma interni bħala traffiku internazzjonali u ta' tranżitu ma jeċċedix il-miljun tunnellata m'għandhomx ikunu obbligati li jfornu l-istatistiki meħtieġa skond it-termini ta' din id-Direttiva.

L-Artikolu 3

1. Ħlief għall-informazzjoni soġġetta għas-segretezza statistika skond il-liġijiet nazzjonali, l-Istati Membri għandhom jikkomunikaw ir-riżultati statitsiċi lill-Kumissjoni kemm jista' jkun malajr, u mhux iktar tard minn ħames xhur wara t-tmiem tal-perjodi ta' referenza involuti.

2. Ir-riżultati għandhom jiġu preżentati bl-użu tat-tabelli imfassla fil-kampjuni fl-Anness IV.

3. Ir-riżultati li huma pproċessati bil-kompjuter jistgħu jiġu preżentati f'forma li tinqara mill-magni tat-tip u tal-format li għandhom jiġu deċiżi mill-Kummissjoni f'konsultazzjoni ma' l-Istati Membri konċernati.

L-Artikolu 4

1. L-Istati Membri għandhom jissottomettu lill-Kummissjoni sa mhux iktar tard mill-31 ta' Diċembru 1980 deskrizzjoni dettaljata tal-metodi li għandhom jintużaw għall-istħarriġ statistiku fir-rigward ta' l-ipproċessar ta' l-informazzjoni u l-kalkolazzjoni tal-kilometri tunnellati metriċi.

2. Il-Kummissjoni, f'kollaborazzjoni ma' l-Istati Membri, għandha teżamina l-problemi metodoloġiċi u tekniċi mqajma mill-istħarriġ sabiex issib soluzzjonijiet li jagħmlu l-istatistiki konsistenti u kumparabbli kemm jista' jkun.

L-Artikolu 5

1. Il-Kummissjoni għandha tippubblika r-riżultati approprjati ta' l-stħarriġ statistiku.

2. Qabel l-ta' Jannar 1983 il-Kummissjoni għandha tissottometti lill-Kunsill rapport dwar l-esperjenza akkwistata fix-xogħol skond din id-Direttiva, u għandha tipproponi kwalunkwe titjieb meħtieġ.

3. Fi żmien sentejn wara d-dħul fis-seħħ ta' din id-Direttiva, il-Kunsill, fuq proposta mill-Kummissjoni, għandu jiddeċiedi dwar l-introduzzjoni ta' statistiki dwar it-trasport ta' merkanzija b'bastimenti ta' fuq il-baħar f'passaġġi ta' l-ilma interni, u statistiki dwar it-traffiku internazzjonali bejn reġjuni fuq dawn il-passaġġi ta' l-ilma interni.

L-Artikolu 6

Għall-ewwel tliet snin li fihom isir l-istħarriġ statistiku provdut minn din id-Direttiva, għandha tingħata kontribuzzjoni finanzjarja għall-infiq li jsir mill-Istati Membri fil-limitu ta' l-approprjazzjonijiet imwarrba għal dan l-iskop fil-budget tal-Komunitajiet Ewropej.

L-Artikolu 7

L-Istati Membri għandhom jieħdu l-miżuri meħtieġa sabiex jikkonformaw ma' din id-Direttiva sa mhux aktar tard mill-1 ta' Jannar 1981

L-Artikolu 8

Din id-Direttiva hi indirizzata lill-Istati Membri.

Magħmula fi Brussel, fis-17 ta' Novembru 1980.

Għall-Kunsill

Il-President

J. Santer

[1] ĠU C 85, tat-8.4.1980, p. 75.

[2] L-Opinjoni mogħtija fit-30 ta' Settembru 1980 (għadha ma ġietx ippubblikata fil-Ġurnal Uffiċjali).

--------------------------------------------------

L-ANNESS I

LISTA TA' GRUPPI TA' MERKANZIJA

Il-Grupp tal-merkanzija | NST/R [1] Il-Kapitolu | NST/R [1] gruppi | Deskrizzjoni |

1 | 0 | 01 | Ċereali |

2 | 02, 03 | Patata, frott frisk jew iffriżat u ħxejjex oħrajn |

3 | 00, 06 | Annimali ħajjin, pitrava zokkrija |

4 | 05 | Injam u sufra |

5 | 04, 09 | Tessuti, L-artikoli tat-tessut u fibri artifiċjali, materjali ta' l-annimali u tal-ħxejjex oħrajn |

6 | 1 | 11, 12, 13, 14, 16, 17 | Affarijiet ta' l-ikel u għalf ta' l-annimali |

7 | 18 | Żerriegħa taż-żejt u frott u xaħmijiet li jipproduċu ż-żejt |

8 | 2 | 21, 22, 23 | Karburanti minerali solidi |

9 | 3 | 31 | Petroljum mhux ipproċessat |

10 | 32, 33, 34 | Prodotti tal-petroljum |

11 | 4 | 41, 46 | Mineral tal-ħadid, skart tal-ħadid u ta' l-azzar u trab tal-kalkara tal-funderija |

12 | 45 | Minerali u skart li m'humiex tal-ħadid |

13 | 5 | 51, 52, 53, 54, 55, 56 | Prodotti tal-metall |

14 | 6 | 64, 69 | Siment, materjali tal-bini fabbrikati mill-ġir |

15 | 61, 62, 63, 65 | Minerali fabbrikati u mhux ipproċessati |

16 | 7 | 71, 72 | Fertilizzanti kimiċi u u naturali |

17 | 8 | 83 | Kimiċi tal-faħam, qatran |

18 | 81, 82, 89 | Kimiċi ta' xort' oħra minn kimiċi tal-faħam u tal-qatran |

19 | 84 | Polpa tal-karta u l-iskart tal-karta |

20 | 9 | 91, 92, 93 | Tagħmir tat-trasport, makkinarju, apparat, inġenji kemm jekk mibnija jew le, u l-partijiet tagħhom |

21 | 94 | Fabbrikati tal-metall |

22 | 95 | Ħġieġ, affarijiet tal-ħġieġ, prodotti taċ-ċeramika |

23 | 96, 97 | Ġilda, tessuti, ilbies, L-artikoli oħrajn iffabbrikati |

24 | 99 | L-Artikoli mixxellanji |

[1] Ippubblikat mill-Uffiċċju Statistiku tal-Komunitajiet Ewropej (Il-verżjoni Franċiża 1968).

--------------------------------------------------

L-ANNESS II

IL-KLASSIFIKA ĠEOGRAFIKA TAR-REĠJUNI

Il-Belġju

Vlaams gewest, bl-esklużjoni ta' Antwerpen

Antwerpen

Région wallonne

Région bruxelloise/Brussels gewest

Ir-Reġjun Federali tal-Ġermanja

Schleswig-Holstein

Hamburg

Nordostteil von Niedersachsen

Westteil von Niedersachsen

Südostteil von Niedersachsen

Bremen (L-Art)

Nordteil von Nordrhein-Westfalen

Ruhrgebiet

Südwestteil von Nordrhein-Westfalen

Ostteil von Nordrhein-Westfalen (Sieger-

Sauerland und Ostteil von Westfalen)

Nordteil von Hessen

Südteil von Hessen

Nordteil von Rheinland-Pfalz

Südteil von Rheinland-Pfalz

Nordbaden

Südbaden

Württemberg

Nordbayern (Franken)

Ostbayern (Oberpfalz und Niederbayern)

Südbayern (Schwaben und Oberbayern)

Saarland

Berlin (il-Punent)

Franza

Île-de-France

Champagne-Ardennes

Picardie

Haute-Normandie

Centre

Basse-Normandie

Bourgogne

Nord-Pas-de-Calais

Lorraine

Alsace

Franche-Comté

Pays de la Loire

Bretagne

Poitou-Charentes

Aquitaine

Midi-Pyrénées

Limousin

Rhône-Alpes

Auvergne

Languedoc-Roussillon

Provence-Alpes-Côte d'Azur

L-Italja

Piemonte

Valle d'Aosta

Liguria

Lombardia

Trentino-Alto Adige

Veneto

Friuli-Venezia Giulia

Emilia-Romagna

Toscana

Umbria

Marche

Lazio

Campania

Abruzzo

Molise

Puglia

Basilicata

Calabria

Sicilia

Sardegna

Il-Lussemburgu

Il-Lussemburgu

L-Olanda

Noord

West, ħlief għal Rijnmond u IJmond

Rijnmond

IJmond

Zuidwest

Zuid

Oost

Ir-Renju Unit

It-Tramuntana

Yorkshire u Humberside

Il-Midlands tal-Lvant

L-Anglia tal-Lvant

Ix-Xlokk

Il-Lbiċ

Il-Midlands tal-Punent

Il-Majjistral

Wales

L-Iskozja

L-Irlanda ta' Fuq

--------------------------------------------------

L-ANNESS III

LISTA TAL-PAJJIŻI U GRUPPI TAL-PAJJIŻI

I. Il-Komunitajiet Ewropej

01. Il-Belġju

02. Id-Danimarka

03. Ir-Repubblika Federali tal-Ġermanja

04. Il-Greċja

05. Franza

06. L-Irlanda

07. L-Italja

08. Il-Lussemburgu

09. L-Olanda

10. Ir-Renju Unit

II. 11. L-Isvizzera

III. 12. L-Awstrija

IV. Il-Pajjiżi li jinnegozjaw ma' l-Istati

13. URSS

14. Il-Polonja

15. Ir-Repubblika Demokratika Ġermaniża

16. Iċ-Ċekożlovakkja

17. L-Ungerija

18. Ir-Rumanija

19. Il-Bulgarija

20. Il-Jugożlavja

V. 21. Pajjiżi Ewropej oħrajn

VI. 22. L-Istati Uniti ta' l-Amerka

VII. 23. Pajjiżi oħrajn

--------------------------------------------------

L-ANNESS IV

TABELLI KAMPJUNI

TABELLA 1 (A)

+++++ TIFF +++++

TABELLA 1 (B)

+++++ TIFF +++++

TABELLA 2

+++++ TIFF +++++

TABELLA 3

+++++ TIFF +++++

TABELLA 4 (A)

+++++ TIFF +++++

TABELLA 4 (B)

+++++ TIFF +++++

TABELLA 5 (A)

+++++ TIFF +++++

TABELLA 5 (B)

+++++ TIFF +++++

TABELLA 6 (A)

+++++ TIFF +++++

TABELLA 6 (B)

+++++ TIFF +++++

TABELLA 7 (A)

+++++ TIFF +++++

TABELLA 7 (B)

+++++ TIFF +++++

TABELLA 8 (A)

+++++ TIFF +++++

TABELLA 8 (B)

+++++ TIFF +++++

TABELLA 9

+++++ TIFF +++++

TABELLA 10 (A)

+++++ TIFF +++++

TABELLA 10 (B)

+++++ TIFF +++++

TABELLA 11

+++++ TIFF +++++

--------------------------------------------------